影片
«625»做埋呢个星期就结业嘅黄店路过／住附近就去支持下饮返杯凉茶啦💪🏻﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷肠粉豆浆套餐 $17▶素香菇烧卖 $9业主加租顶唔住做到27号😟本身我想试下个素叉烧饭，但咁啱饭未煲好，就督串素烧卖试试，又几得意唔讲都唔知系食紧素，几好食，仲要平～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣惠丰凉茶素食火炭乐景街2-18号银禧开心市集14号舖
继续阅读
之前成日见到呢间素食店，一直都好想试但一直都系无缘，今次终于可以一尝口福🥳店面系街市里面细细间，然后有好多唔同既素食拣！见其他熟客成日嗌咖哩饭食，应该无得输🧚🏻♀️不过今次超级为食想要试啲香口野，所以拣左吉列素猪扒配薯条吉列素猪扒配薯条好味道😋😋😋.5薯条食落似大型连锁快餐店，幼身个种，不过呢度炸得唔系超脆，淋淋地有啲薯仔香，份量就一般下午茶量咁☺️另外素扒有几件，炸到非常香口，食落唔似肉既质感，个人几钟意个口感同味道💕 今次呢餐系罪恶感高既健康素食😆总括黎讲多个选择比街坊几开心，价格唔是好平，但质素都有保证，可以一试🌟
继续阅读
喺沙炭返工，周围都冇咩好食，冇咩好拣有时冇带饭又唔想周围去，就会落楼下街市买嘢，拎上Office食 最钟意落呢间斋铺度买饭食，佢个三送饭，连埋个汤，都系$38仲可以拣饭、米粉或者系炒面今日有菜谱煎蛋，西兰花，同埋西芹但由于本人唔识西芹，可以拣做其他斋，我就拣咗个酸斋一般来讲，味道唔错，最紧要系健康我自己就最钟意佢个汤，今日有椰子汤，好足料好甜好好饮对于成日出街食饭来讲，就系钟意呢到的家常便饭，健康又好味！
继续阅读
之前search过沙田有咩斋食, 但其实系冇乜选择, 难得今日路经附近, 于是过嚟试试呢间小舖, 可惜今日系假日, 冇套饭食, 咁唯有散叫, 不过散叫都好多选择~ 春卷+萝卜糕 春卷个皮够脆, 但入面d馅就un咗, 好似系芋头丝干咗咁, 但好难咬 萝卜糕个样好粉, 但食落又唔差, 唔会好浆口(以为粉多), 而且都有萝卜味, 可惜料唔够多 斋卤味只选了蚝油同酸斋, 唔知系咪放埋一齐, d蚝油汁味道盖过酸汁, 所以酸斋唔够酸味, 不过蚝油斋又唔会好浓味, 啱我 炒饭什豆斋鸡粒炒饭, 开头以为普通平凡, 但食落原来有d姜粒, 唔会太dry, 有d味, 都唔错 炒面唔油, 够干身 腐皮卷+紫菜卷其实两个卷都系差不多馅, 都系沙葛丝、红萝卜丝、木耳丝等等, 好爽口 鸡骨草好够味, 应该真材实料, 一d都唔甜, 所以苦苦地可能冇乜人一次叫咁多款式, 搞到阿姐都计唔掂数, 要用计数机计, 哈~
继续阅读
如过晏奏要出街食，我都会尽量帮衬传统斋舖仔，一来较健康、便宜同饱肚；二来想多支持佢哋，吾想助长D大财团。惠丰凉茶素食系香港少用嘅连锁式素食小店。之前我去开九龙湾（可惜Open Rice 暂味有有关资料，未能在此同大家分享），今日于沙田有近3小时空闲，就去左火炭试试。出左火车台行约５分钟，已见到银禧商场，隔离就系银禧街巿。惠丰就系街巿嘅入口位置，与旁边一间茶餐廰并列，非常显眼。店面贴满好多吾同嘅食物选择，同九龙湾一样，除左有斋舖必有斋卤味，更有传统早餐店嘅炒粉面，亦有凉茶铺嘅传统凉茶。款式极多，都系想个market 大D，吸引更多非素食人士帮衬。有别于九龙湾，火炭没有当日餐牌，但比足三𩠌，无需‘三拣二’。询问过店员，大约了解过有咩食，就要了套餐，乖乖地坐底。姨姨亦于中途问我食吾食凉瓜，怕我吾食，好细心～只需五分钟，店员就先捧上𩠌菜和汤水，后送来白饭。第一眼看到，已感到非常震憾。𩠌菜分量好多，满满一大碟，令人联想起荃湾嘅素食新一代。虽然分不清到底系边‘三𩠌’，但见到底有好多凉瓜，中层有大量豆角，最上层有西芹、红萝卜、菜丝。味道愈底愈浓，最底层有一张吸油衣承托住‘小山丘’。‘小山丘’中亦有少许素肉（如下图），但吾太清楚系咩名堂，咸咸地。今日嘅老火汤系木瓜雪耳汤，仲有D花生同豆。只系用匙轻轻一捞，已见到丰富嘅汤料。清甜好饭，非常足料，绝对可媲美煮家汤，比鸿ｘ堂卖$3x一小包嘅 "健康汤水＂更好。姨姨担心浪费食物，先比左半碗白饭，吾够可再比佢添。但饭𩠌真系好丰富，真真正正嘅"食𩠌饱"；自问又吾系一个饭桶，就冇咁嘅必要啦。不过姨姨非常细心，好惊我吾够食，问左我三次使吾使添，哈哈！虽然比九龙湾贵$2蚊 ($34), 但感觉𩠌菜更为大份，汤都更为足料；调味方面较为清淡，亦冇咁多加工过嘅素肉。即使系街市，但街市本身新颖干净，呢间小店又远离湿货区，环境光亮寛敞，空调足够，座位充足，系间值得再去支持嘅小店～
继续阅读