您煮我食

每次经过呢度都有店员招徕表示楼上有座位坐，今日终于试吓….点知就中大伏😑好难食好难食好难食！我叫咗麻辣蕃茄肥牛饭，啲饭系冷饭，相信仲要系隔夜𠮶啲。 夹起都系一嚿嚿（3cmx3cm)半冻且硬嘅状态连微波炉叮热透都冇做。 食咗两啖我真系无办法再摆落口🤢🤮跟住净系食咗少少肉就算，肉都系好湿又过老，个汁好稀唔系一个识煮嘢嘅人做到出嚟，根本冇可能卖俾客人。我离开就即刻去揾第二间食，我谂呢间系我近10年食过最差嘅食肆，仲要价钱都唔算平。唯一可取，点餐和送餐嘅店员好有礼貌。但都挽救唔到佢嘅劣食。或者佢专心做三文治会好啲虽然我未食过，亦都冇勇气再试。…Read More

住附近，但从来未帮衬过。今晚路过，望两眼，哥仔有介绍，尽管试试。点了 1️⃣ 蛋皮鸡丝青瓜生菜卷 2️⃣ 小食（豚肉）3️⃣ 柠檬益力多。真系喜出望外，估唔到舖仔细细，出品有质素，仲要服务一流，加上冷气开放，真心赞！👍🏻👍🏻👍🏻…Read More

在葵芳附近，我最近探访了「您煮我食」，发现他们推出的下午茶套餐相当划算。这里的选择包括三文治和饭类，还可以加配薯条或炸豆腐粒，搭配的饮品更是送上一杯冻饮，这次我选择了无糖焙茶，清新健康。我点了照烧肥牛滑蛋三文治，餐点的价钱是$58，包含小食和饮品，真的是非常划算。这个三文治的份量超大，里面包裹著嫩滑的肥牛和滑蛋，口感丰富，让我忍不住一口接一口，实在好吃！吃完后我感到非常饱满，完全满足了我的胃。虽然楼上有用餐的空间，但楼梯有点斜，可能对某些人来说有点不便。不过，店内还有其他自家制的餐点以及生酮健康餐，选择相当多样，让人十分吸引。总的来说，「您煮我食」的下午茶不仅价格实惠，而且味道出色，是个适合朋友聚会或独自享受的好地方。我一定会再来品尝其他美食！…Read More

经常经过铺头都想试 大热天时想坐低慢慢食 一直冇留意到原来楼上有座位 今日发现后即刻试下香葱餐肉蛋治 三文治够足料 味道啱好唔太咸 附近做完尖过嚟补充返蛋白质同碳水 几好 又多个饭堂…Read More

自己住葵芳区，因为送阿仔返学，所以日日都经过『你煮我食』，次次经过店门口，阿仔都问我几时试食呢间小店呀？望落佢哋嘅蛋糕好似好好食㖞⋯⋯拖下拖下，今晚终于趁阿仔补习嘅时候，过去买定做晚餐。今次买咗店内热卖嘅卤肉饭，仲有麻辣蕃茄鸡扒意粉。买嘅时候大约7:00，拎走返补习社等个仔放学其间，有几个细路仔走埋嚟话「好香！」我心谂你哋班𡃁屲就做功课做到咁夜肯定劲肚饿啦，拎咩嘢过嚟都实话好香㗎～之后隔多10几分钟，阿仔终于放学，返到屋企冲埋凉，正式试食嘅时候已经差不多接近8:00，但系两盒饭同意粉仍然热腾腾，相隔30分钟以上仍然keep到食物嘅热度！阿仔系卤肉饭狂迷，食过好多间嘅卤肉饭，曾经佢话过灯笼卤味嘅卤肉饭好食，点知今次试『你煮我食』嘅卤肉饭，直情系俾佢惊艳嘅感觉！五花腩嘅肥肉碎甘香，伴菜嘅卤水蛋极之入味，仲有一丝丝嘅青瓜碎中和返卤肉嘅肥腻，阿仔夸张地话『呢个系我食过最顶级嘅卤肉饭！』而我自己食嘅麻辣蕃茄鸡扒意粉，虽然隔咗30分钟以上，但系意粉无发胀无过淋，鸡扒出奇地仍然有少少皮脆肉嫩嘅质素，麻辣对好食得辣嘅人嚟讲只属bb级嘅辣，但亦因为少少地嘅辣吊住鲜蕃茄酱嘅味，唔会因为麻辣嘅霸道而抢过哂其他食材嘅味道。今晚呢餐，我同阿仔食完无劲口渴，贯彻咗佢哋唔落味精嘅宣传，而且睇到佢哋舖头有生酮嘅食物，睇得出店主好注重饮食健康。『你煮我食』店舖小小，喺葵芳区嚟讲仲未算系街知巷闻，经过嘅街坊或者区外人未必知道其实楼上有个阁仔系做堂食，但系喺附近返工或者读书嘅，应该都唔少人有上过嚟食嘢。希望小店可以继续生存，继续卖好味又健康嘅食物俾葵芳区嘅街坊啦～…Read More