悅見

营业中

休息中

位於東涌東薈城既【悅見】，主打新派粵菜，環境寬敞舒適，一入座已感受到一份港式情懷既氛圍。餐廳以「港飲港食」為理念，選用本地食材，並由資深主廚劉永元師傅主理，每道菜都見心思。四大天王燒賣臘味糯米 ：煙韌糯米混合臘味香氣，有啲似迷你版荷葉飯，口感層次豐富。松露蝦豚 ：松露香氣撲鼻，與蝦豚肉完美融合，提升整體鮮味。帶子絲瓜 ：清甜爽口，清新不膩。鮮蝦豬肉 ：蝦肉彈牙，豬肉鮮嫩，比例恰到好處。芝士鮮蝦炸春卷外皮酥脆，咬開即爆漿，芝士香濃惹味，蝦肉爽彈。避風塘艇家鮮魷香氣十足，蒜酥鋪滿魷魚表面，外脆內嫩，鹹香中帶微辣，絕對是下酒良伴。招牌風沙脆皮燒雞（半隻）雞皮炸得酥脆，雞肉鮮嫩多汁，風沙料既炸蒜粒、麵包糠、辣椒，香氣四溢，食到停唔到口。北海道雙獅奶凍造型超可愛好適合打卡，芝麻味濃郁，奶香滑順，入口即化，視覺與味覺雙重享受。椰香龍眼冰蜜清甜解膩，龍眼果肉飽滿，椰香自然，炎夏一杯，透心涼。雜果花紅茶果香與茶香交織，酸甜平衡，作為餐後飲品非常合適。

裝修雅致，可能新開業，坐得幾舒服！叫左呢度招牌燒味明爐燒味三拼（叉燒、燒鴨、三黃雞）一次過食晒三款燒味，大滿足👍🏻 招牌叉燒好出色，豬肉部位爽脆有咬口，蜜味香濃 。芥末脆米沙律大蝦球色香味俱全，蝦球外衣用米子包裹，沾上芥末沙律醬，香口爽彈蝦肉，精緻米通墊底擺盤，層次及口感豐富👍🏻大排檔普寧豆醬蒸馬友難得遇上馬友，當然不能錯過 。以普寧豆漿蒸出鹹鮮香味，魚肉幼滑鮮嫩 ，值得一試 。雙色一口蘋果鹹水角造型可愛有創意，精緻手工點心，尤其以胡椒臘肉餡非常出色 。甜蜜蜜（龍眼椰奶）龍眼肉配上椰奶，清新香甜，有粒粒果肉，口感絲滑中有咬口 。雙獅芝麻奶凍皇牌甜品，造型精緻可愛，香濃黑芝麻非常足料，入口好幸福感覺🥹

琴晚帶屋企人黎試下呢間新店，主打新派粵菜，環境都幾好幾闊落，坐得舒服嗌左個金菇肥牛沙嗲煲，一上枱就香到暈！沙嗲汁濃得嚟又唔會鹹，肥牛份量足又唔韌，金菇索晒汁，撈飯食真係無得頂。跟住個酥脆炸珍寶蠔真心有驚喜，脆漿薄薄一層，入面隻蠔脹卜卜，咬落去爆鮮甜黃金鹹蛋黃魷魚炸得乾身唔油膩，鹹蛋黃啲金沙黐滿晒每件魷魚，鹹香惹味到停唔到口，送酒一流！飲品叫咗百香多多同龍眼冰，百香果酸甜清新，龍眼冰清甜，解晒啲膩服務幾貼心，添茶都好快手，我同阿媽食到捧住個肚走，下次會再嚟試個招牌叉燒

看見這間新開張，同家人入去試試，由入門口到坐底，服務員都充滿笑容，熱情招待，服務很貼心。食物方面有水準，特別係避風塘炒蟹有鑊氣，味道很好,甜品方面，北海道雙獅奶凍，賣相靚，芝麻味濃下次一定會再黎幫襯

今日放假，諗住出銅鑼灣睇吓有冇咩美味好食......搭車期間網上睇到呢間"悅見" 仲睇到餐牌有我最喜歡吃椒鹽九肚魚...😍 最後我就決定了過去試試啦🤤 為食的我 未去到已經好期待🤤🤤🤤🤤🤤👇🏻我今日試咗三樣美食👇🏻💁‍♀️ 椒鹽九肚魚，出邊香脆入邊香滑，好味道😋👍🏻💁‍♀️北海道雙獅奶凍 ，黑芝麻味陪着香滑的奶凍 超正😋 仲有雙獅好可愛啊..打卡一流📸👍🏻💁‍♀️維港果韻 ，酸酸甜甜芒果味😋😋今次一個人嚟 試不到太多種類的美食我仲有好多好多 美食都想試ar…….所以我決定了約一班同事再嚟"悅見" 吃美味的嘢食😋😋🥳🥳

一家四口打算到樓下新開的餐廳是食午餐，我們大約等了10分鐘才有位，我們一心想試試這間新開的餐廳。打開餐牌發現點心種類不多，便試試他們那些小菜和大部份的點心。味道感覺一般，鹹水角值得推介外表美觀味道甚佳，叉燒就一般，他還加淋上了很多糖蜜糖。芝士春卷就極為麻麻。食乾炒牛河炒得唔夠鑊氣味道還可以。再說服務就有待改善，有位女士應不停問我們你們的菜上齊了嗎？只是短短70分鐘的午餐他就到來問了兩三次，十分滋擾。還有當我們還在吃甜品時，他們不斷收我的碟同埋碗來驅趕我們離開。他們的服務真的有很大改善空間。總括而言，在東涌人均要大約$270吃的午餐有很多選擇，這裏性價比不高，味道亦很普通，重要是服務很差。如果未試過的朋友可以一試，但我就應該短時間內唔會再來。

星期六晚6:15pm入座,叫左煎釀豆腐煲，45 分鐘都未上到菜。 其他枱遲入座叫菜都上曬枱。叫比錢又話唔知部 card 機去左邊，等左15分鐘都比唔到錢！ 以後唔會再去！😡

由於唔想等另一餐廳，所以無意中行咗入嚟呢間。知道是新進駐東薈城，但原來今日是第一天營業。因為只有我同阿囡兩人，沒空間叫太多，ORDER了餐廳主推的叉燒，確是好味。另外也ORDER 了啫啫生菜，用了明火上枱，本人就覺得可以不需要，反而會令生菜加快熟透。建議可以加多幾條菜，份量的確很少。整體性屬高平價，在香港已很遇到的服務的確好好，食物質素很高。希望能繼續保持，可以令多點香港人留港消費。