余妈妈等级4 2016-04-13

182 浏览

早前到了悦来酒店咖啡室(Panda Cafe)大叹buffet, 尽情relax吓! Panda Cafe位于荃湾悦来酒店, 于港铁荃湾站步行十分钟左右即达~入到酒店范围, 余小b已经俾佢地嘅得意熊猫布置吸引住喇!到达餐厅坐底后, 胃食的余小b自动自觉准备开餐~餐厅备有安全带嘅High chair及儿童餐具, 安排妥善~呢度由而家至6月底做梗『星马美食荟萃』, 所以不乏一系列的星马招牌菜~仲有无限量星马饮品和茶咖供应添~「冬瓜露」系余妈妈的至爱, 味道清怡, 既健康又消暑~沙律都有六、七种俾大家选择, 仲加入左星马口味, 真系花多眼乱呀！其实余妈妈不嗜辣, 幸好, 呢度部分嘅星马的地道菜式加入了一些港式口味, 让平时唔太食得辣嘅余妈妈, 当时天都可以开怀大吃~热荤包萝万有, 余妈妈挺喜欢呢度嘅「新加坡辣子蟹」,香辣扑鼻, 肉质结实鲜甜~仲有「星洲牛油虾」, 虾炸得很香脆, 跟牛油、咖啡叶、花奶和蛋丝所制成的酱汁一齐食用, 味道超夹~ ~「巴东牛肉」、「黑椒炒贵刁」、「椰浆饭」等, 味道也不俗~食星洲菜怎能不试肉骨茶呢？呢度嘅「肉骨茶」虽然同样是混合了中药和香料, 但味道较易入口, 相信是厨师特意加入港式口味!其实太浓烈的药材味个人反而不太接受, 所以余妈妈觉得呢度嘅肉骨茶几啱我~拌油条吃又是另一番滋味!另外, 「烤羊架」和「烧鸡翅」都很惹味! 可以一试!还有有常见的buffet必食之物 --- 寿司、刺生、生蚝、冻虾、长脚蟹、青口等~当天的生蚝非常新鲜, 很清甜爽口, refill又快, 我地都食左几轮, 很推介啊!刺生虽然未至于鲜味无比, 但都无咩雪味, 可以食多转!呢款「印度薄饼」, 余小b食到停唔到口!甜品时间到了, 可惜余妈妈实在太饱, 所以主力试佢地嘅星马甜品~「马来树饼」「马来椰糖糯米糕」呢款「香兰叶糯米糍」, 几香软, 味道挺特别~余妈妈非常喜欢呢款「斑斓pancake」, 佢里面系啖啖椰丝, 香喷喷的, 而且整体不会太甜, 如果个肚仲有位, 食多两件都不厌!余爸爸则爱上这个「马来刨冰」, 配合各款配料, 如: 红豆、凉粉、亚答子、大菜糕等, 实在美味可口兼且透心凉! 一向爱吃刨冰的余爸爸又怎会错过呢？雪糕有Dreyer's的多款口味提供~ 开心果味、抹茶味和芒果味系我地必食的!不过余小b最喜欢叠高高~仲有小朋友大爱的朱古力喷泉~生果都几新鲜, 而且卫生程度不错~除了食物外, 余妈妈也很注重餐厅的服务质素, 因为佢会直接影响客人的心情吧！今次真系要赞吓呢度嘅职员好有礼貌, 而且人手亦充足, 收碟和加水都很频密, refill食物速度也很快, 客人自然能够食得更畅快啦～贪玩嘅余小b更同呢度嘅职员打成一片, 职员哥哥仲即场扭左个波波俾佢添!虽然门口位置附近因工程而封左, 但冷气仍然好足够~到悦来酒店食buffet, 相信小朋友就最开心喇~因为呢度有个大大的playroom, 啱晒小朋友嚟大玩特玩!滑梯系好多小朋友嘅至爱, 呢度就设3条唔同长度嘅滑梯, 大小bb都可以玩, 而且仲大家唔洗争添～全房铺晒地垫, 十分安全~其实我地都系第一次去有playroom嘅酒店食buffet! 食饱有得玩, 就唔洗怕余小b会坐唔定扭计啦! 呢个设计真合余妈妈心意! 继续阅读