悅滿軒

番茄蟹肉紅蝦汁煮意大利粉配薄切西班牙紅蝦之番茄蟹肉紅蝦汁味道有番茄酸酸嘅味道、番茄蓉稠稠嘅口感，又有蟹肉同紅蝦鮮甜嘅海鮮味道🦐 三樣食材味道非常平均，又鮮又甜！意大利粉質地爽身唔會梅梅爛爛仲有啲咬口最特別係個薄切西班牙紅蝦，西班牙紅蝦蝦膏香濃甘甜之餘 蝦肉爽甜又好鮮美 味道比我最愛嘅龍蝦肉更鮮甜同埋濃厚 好似已經勝過龍蝦穩坐我心目中第一位🏆意大利粉捲成一捲嘅形狀 表面重加上啲開心果粒粒 硬脆硬脆非常有咬口 而且開心果又自帶啲鹹鹹地嘅味道 令菜式層次更豐富

蠔呢間餐廳嘅生蠔可以逐隻逐隻點，嗌一隻得混唔同款嗌又得 自由度十分高！今次嗌咗佢哋有個四款每樣一隻：法國皇家蠔愛爾蘭路易費莎美國黃寶石法國吉拉多蠔當中對比最大係法國皇家蠔同法國吉拉多蠔：我就比較鍾意法國皇家蠔，因為海水味同埋金屬味比較淡，更加容易入口👌法國家鄉焗煲配黃油雞顏色橙紅色原煲上黃油雞雞油雞汁豐盛肉質都幾嫩滑，調味唔單單係番茄嘅酸甜 ，而係食到好似有好多種香料一齊熬製咁👍🏼味道濃郁芳香，感覺新穎，都好似無點食到過呢種味道嘅配搭🍅🐔

平時豬肉乾牛肉乾都食得多 鴨胸乾真係第一次聽第一次見第一次食到佢重要配左個法式烤鴨清湯 風乾鴨胸片比普通烹調嘅鴨胸更重鹹香味 而且鴨油脂好似更集中但無咁油膩🦆🦆乳豬都幾特別架 選用西班牙乳豬再經過蘋果木煙燻方法 同平日炸豬手一樣乳豬皮好香脆 相比較皮就會更薄脆 乳豬豬肉鮮嫩油滋滋又有光澤🐽🐽一大打卡位係店員會係你面前再次燒烤乳豬 令乳豬皮更香脆而且確保上枱嘅時候可以熱辣辣用嘅係蘋果木煙燻 食到多啲果香味參雜乳豬豬肉香味🍎

叫咗個我上網睇到認為係呢間餐廳必點嘅法式海龍王🥣嚟到果然都無令我失望架！你可以見到有超級滿滿嘅海鮮：藍青口、托托蜆、皇帝蝦、帶子、龍蝦肉 都會有 絕對唔會有擔心存在嘅唔新鮮嘅海鮮所帶嘅腥臭味 反而仲食到海鮮嘅鮮味同甜味 非常真材實料又鮮甜👍美國牛腹肉他他配蒜蓉包呢款係前菜 牛腹肉他他無筋位非常容易咀嚼 而且加入咗好多唔同嘅配料拌勻而成 質地鮮嫩有富嚼勁 咬咬下會食到洋蔥嘅辛辣感 番茄酸甜多汁 加上香草獨特香味 多重口感非常之特別又清爽🍃

寶雲酥焗西班牙伊比利亞 羊扒配自家製羊肉腸。 🍷砵酒汁：西班牙伊比利亞 羊扒有軟綿綿嘅質感，經過焗質外皮微微脆羊肉內層又保持到好綿好密嘅肉質👍🏻砵酒汁經過烹調酒味基本上都揮發咗唔少，唔會有令你渾醉嘅感覺 反而係紅酒甜甜帶甘香嘅味道！美國頂級🐮牛腹肉：牛腹肉切成一片片，擺盤好有牛扒嘅感覺 但相比牛扒肉質地會更加軟綿，雖然未至於入口即溶但呢個程度保留少少咬口其實仲好味！最基本點木盤上附上嘅粗鹽已經非常美味🧂生蠔肉非常飽滿絲滑，配送咗番茄醬同酸辣汁，但個人認為擠檸檬汁最好味，最食到蠔鮮味！

牛腹肉他他前菜屬於牛前腹近橫隔膜嘅部位，因為每隻牛只有1塊所以都相當矜貴🤩牛腹肉味道濃郁而且柔軟，因為係生食他他所以感覺咁突出，油分都會比煮熟嘅牛腹肉輕少少 加入好多洋蔥香料感覺就會比較清爽 而且唔會切得太碎保留口感美國頂級牛腹肉^_^叫咗生嘅牛腹肉當然要叫埋煎熟嘅試試對比一下🤪頂級牛腹肉叫5成熟，顏色紅紅 牛肉味比他他會淡翻少少但牛油香就更濃郁更突出 視乎你本身鐘意邊種口感啦，如果鐘意輕盈清爽啲就推薦牛腹肉他他；相反鐘意油脂感覺重就推薦呢款頂級牛腹肉

法式海龍王🦐🦞🐚基本上可以用四個字完美概括佢“濃稠滋味”海龍皇湯質地非常濃杰 飲到好似加入左非常非常多海鮮 然後熬製左一段長時間先可以達到嘅濃稠程度～裡面有多達五款海鮮 分別係去殼龍蝦肉、皇帝蝦、藍青口、托托蜆、帶子龍蝦肉肥嘟嘟非常鮮美🦞皇帝蝦就連殼嘅 估計係唔想佢浸到蝦肉變淋 因為有咁重量嘅海鮮所以湯底非常鮮法式海膽焗蛋🐔🥚💛一上到黎已經聞到海膽嘅氣息 平時都好鍾意滑捋捋燉蛋 呢款重要加埋我愛嘅海膽 焗蛋滑溜配上鮮甜甘香海膽同埋海膽醬非常濃郁 簡單兩款材料已經好好味！

烤釀智利🇨🇱海鱸魚配地中海汁選用來自智利嘅海鱸魚，呢款魚有非常豐富嘅油脂，食上嚟口感比較平淡所以特別適合用嚟做釀嘅菜式，魚肉雪白色，油份適中，聽講仲含有豐富嘅Omega 3脂肪酸所以蘊含豐富營養🐟生蠔叫咗六隻，肉質肥美飽滿非常新鮮，好濃郁嘅海水味，食落去好滋味幸福☺️美國🇺🇸頂級牛腹肉 12安士 主打供應天然無激素同埋無抗生素嘅美國產牛肉！嚟到真係啱啱好完美嘅5成熟 牛肉顏色粉粉嫩嫩 肉質細嫩又有啲油脂都幾飽滿👍🏻最欣賞佢肉味濃郁肉質軟腍但唔會有多餘嘅肥膏，口感感覺好舒服唔會話肥肥膩膩或者過分多油👍

泥蟹湯味道超級濃郁有層次 似係先烤過泥蟹然後再將佢磨碎煮成湯🦀除左有蟹本身嘅味道重好有佢嘅鮮甜味 加上啲碎碎嘅蟹肉碎味道更濃，表面都會再加左啲雪白色嘅忌廉 令泥蟹湯更厚實滑順。黃油雞雞皮烘焗到金黃色，食落非常香脆黃油雞雞肉亦都非常嫩滑，做到經典個個都講嘅皮脆肉嫩、外脆內軟🐔家鄉煲蕃茄洋蔥有酸甜味得嚟唔會蓋過黃油雞本身嘅雞油香味 平衡得非常之好，重點係黃油雞表面仲灑左大量芝士粉末，非常幼細所以唔會有一粒一粒嘅口感，只係增加左芝士鹹香味🧀

烤釀智利海鱸魚配地中海汁海鱸魚肉質鮮美而且魚刺好少，所以食用嘅時候可以好放心唔需要細細啖細細啖🥢烤魚色澤金黃色，皮脆魚肉嫩滑，非常出色🐟 魚肚位置釀咗滿滿嘅材料，可以見到佢有個大肚腩🤣 食到爽彈滑身嘅墨魚膠同埋多種香料配料 食完烤魚肉再食魚肚又係另一種感覺🧅黑啤無講唔知原來台灣人好鐘意食海鮮時候配搭黑啤酒飲 黑啤酒係將麥芽重火烘培釀製而成，有一般啤酒麥芽香氣之外帶有明顯嘅甜甜朱古力味🍫 味道上都會帶有更加明顯嘅甜味同苦味，口感味道豐富配上我哋叫嘅烤智利海鱸魚食到更濃郁鮮味！

✔️法式烤鴨清湯配風乾鴨胸片上桌時會見到點解所有嘢都分開分體嘅？會見到個白色碗盤盛著鵪鶉腿同紅葱酒啫喱。另外銀色壺就裝著烤鴨清湯，做法係將鴨清湯倒入碗盤 用熱力將紅葱酒啫喱溶解，味道係有好重嘅鴨香 但無咗佢嘅油膩感，清得黎又好味道濃郁✔️意大利粉配薄切西班牙紅蝦意大利粉用番茄蟹肉紅蝦汁調味，唔單單係平時番茄醬或者白汁忌廉汁。味道更有層次更有海鮮鮮味🦐 西班牙紅蝦亦唔似平時原隻上 而係切成薄片鋪係底，原隻上係口感飽滿多汁 依家薄片就更食到爽脆口感而且鮮味更可以依附喺意粉上

💟美國牛腹肉他他配蒜蓉包💟牛肉他他放成一個矮矮的圓柱體，夾雜左不同的食材 口感不會單調。配有四塊非常香脆的蒜蓉多士。蒜蓉醬帶香香的蒜蓉味道 不會有令你口臭太濃郁的感覺再加上有香草和牛油的加持，可以配搭牛腹肉他他一同食用💟法國家鄉焗煲配黃油雞💟黃油雞整隻上桌非常有霸氣有氣勢，浸係酸酸甜甜充滿鮮味的番茄汁裏面非常惹味而且可以有助去掉黃油雞的油感🍅 表面更撒滿碎碎的芝士粉末，幼細又帶濃濃芝士鹹香味🧀 味道十分豐富💟生蠔💟洗得乾淨還保留到微微海水鹹味🌊

⭕法式海膽焗蛋呢位菜上到黎我以為係個甜品～～結構好似個焦糖燉蛋咁 純粹係啲焦糖變左做海膽醬 表面再加海膽，燉蛋🥚同海膽都屬於creamy類 味道鮮甜可口，頂部都放咗朵紫色嘅食用花同埋一株小葉 顏色繽紛 為菜色再加分！⭕美國頂級牛腹肉 十二安士牛腹肉牛肉味香濃突出 經過烤焗所以外層帶有燒烤嘅香氣 非常之吸引，點左六成熟廚師都把握得非常好 見到牛腹肉保留粉嫩顏色同埋應有嘅口感，隔離有個阿根廷青醬同黑椒忌廉汁 仲有少少粗鹽，我就比較鍾意點粗鹽🧂 食到原汁原味嘅效果！

法國泥蟹🦀湯泥蟹湯都真係比較少見。首先撲鼻而來嘅係濃郁嘅蟹香味 質地好杰唔會水了了。原來係加入左白蘭地忌廉 但唔會飲到白蘭地嘅酒味 反而呷到忌廉香滑嘅口感，另外都會有陣陣洋蔥嘅甜味🧅美國牛腹肉🐮他他配蒜蓉包 他他唔似韓式嘅單單生牛肉條，而係上等生牛腹肉混合新鮮葱、乾蔥、水瓜柳同埋經過調味嘅辣番茄，頂頂再加隻鵪鶉蛋。好欣賞佢鵪鶉蛋連殼就唔怕上菜時穿左，攪勻後食到生牛腹肉軟稔彈彈嘅口感加上生蛋變得更滑溜🥚意大利粉配薄切西班牙紅蝦🦐 番茄蟹肉紅蝦汁。意粉彈牙經過番茄醬調味配上開心果碎更有咬口

法式烤鴨清湯配風乾鴨胸片 $98上檯時係分開上嘅 店員會慢慢將一壼鵪鶉清湯倒入個裝有鵪鶉腿同紅葱酒啫喱嘅碗盤裡面鵪鶉清湯嘅熱力會將紅葱酒啫喱慢慢融化變成液體，輕輕攪拌就可以飲用，都幾有gimmick湯底味道清甜食到淡淡鵪鶉腿嘅甘香味🍗烤釀海鱸魚配地中海汁 $288智利海鱸魚魚肉呈雪白色 肉質嫩滑細膩 魚油比例適中🐟 魚肚裡面釀咗墨魚滑蝦膠同埋啲蔬菜 口感豐富 啖啖肉。調味係曬乾紅番茄 薄切嘅炸蒜片 曬乾火腿 同埋黑橄欖，配搭地中海汁酸酸甜甜帶點辣味令整體更鮮味道更突出🌶️