影片
话说呢轮要嚟深水埗番工，又上嚟揾嘢食。劣食天堂仲有咩可以试？今次拣左呢间（其实行左三转）恩典小厨。我钟意饮豆浆，见到食评赞过呢间豆浆。老老豆豆，呢个food court又真系得佢有豆浆！所以就试呢度嘞。我拣左米线、咖哩鱿鱼；好抵食！讲真$30有找，又唔可以要求咁多。唔通你俾$30以为可以食九大簋？？👊🏿唔好玩啦。俾左你你都唔敢食啦！吓话？！🙈上得嚟，当然系要食平嘢。但平得嚟，我觉得食店最重要嘅系尊重食物制作，有诚意！而恩典小厨做到嘞！开放式厨房制作食物，见住店员制作过程！好过呢度其他大部分店主，特登遮住厨房！唔见得光！唔光猛！俾紧咩你食又唔知、干唔干净又唔知、佢地有无将食物放喺地下又唔知！你！仲！放心食！？
继续阅读
昨晚老公公司食饭,所以冇煮饭,今日无得带饭就同同事上左去food court食,同事极力推介呢间新店,话杯豆浆好好味,啲饭菜好有家的感觉,心谂有冇甘夸???病左2日口淡淡,所以就叫左个咖喱鸡饭试下,仲有送大大杯热豆浆~都系28大元~抵!咖哩鸡饭我叫左佢少饭,因为我见到其他食客碟碟都大大碟,免得浪费~老板话送2 条芥末肠比我试试首先,个咖哩汁少少辣(本人超级唔食得辣),可以接受~唔食辣既都可以试试咖哩好滑好香~而个鸡好滑,好嫩,仲有我最中意食的薯仔,薯仔好林好甜(早知就叫佢多薯仔少鸡肉啦,哈哈)~唯一就是个饭不够热,有点失色芥茉肠唔觉有芥茉味,不过肉质唔错,几有咬口豆浆坚掂好浓豆味,又唔会好甜,宜家愈难愈饮到好味既豆浆喇星期六老公接收工要带佢地黎试试豆腐花题外话,老板好好人,好有礼貌,而且好健谈~
继续阅读