恒樂海鮮菜館

营业中

休息中

今日去長洲慶祝周年。因為打風，好多店都關左門，見呢間都多人食，就入去坐。叫左4個餸薑蔥炒蟹（蟹有d唔夠乾淨，個汁個粉落太多，有pat漿咁）豉椒炒蟶子（大件既唔夠入味，但都ok)椒鹽魷魚（好好食）椒鹽瀨尿蝦（幾好，但有點黏殼，可能唔夠新鮮？）送蒜蓉炒生菜（好好食）粟米湯（咸左d)加左兩罐可樂 一個飯 都係368，算好抵啦服務員態度友善

來到長洲，唔游水的話，除咗食之外，應該都淨係得返食食食。🤣🤣🤣🤣下午4點幾先悠悠閑來到，一落船又魚蛋又炸雪糕又紅豆餅，轉過頭隔離個位又話去食蒸魚。。。大佬呀，橡皮肚都爆啦！😅😅最後佢無理我，照是旦坐低一間食飯，嗰陣時係6:30😂😂😂😂 我地無做功課，感覺食飯套餐間間都差唔多，行過呢度基本上係俾啲員工半拖拉坐低食飯嘅，咁我地其實都無乜要求，只要有蒸魚就得，因為隔離嗰位要食。。😅😅😅睇餐牌，魚類其實都唔少，倉魚因為食得太多，今次我地揀左條盲曹，不過其實我地都唔係好知係乜😅😅😅 我再揀左個蝦仁炒蛋，一碗白飯，同一罐汽水。。。姐姐枱枱都會送碟菜，仲有得揀Tim …..我地揀西蘭花🥦。。啲嘢未來時，我上OpenRice 望下啲comment , 我見到啲comment 唔多好，都好怕中伏。好在來到到食完都感覺唔錯。。👍🏻👍🏻😂😂條盲曹蒸得好好，好有魚味，鼓油又唔會太鹹，而且好大條，真心唔錯👍🏻👍🏻👍🏻 而蝦仁炒蛋份量都唔細，啲蛋炒得好滑，啲蝦無梅味，真心唔差，至於送嗰份西蘭花，都唔細碟，而且用蒜蓉炒，真係幾好食！🤣🤣🤣食左個幾鐘，最後2個人完全食唔晒啲嘢，感覺淨返都有1/3 ，可能真係之前食得太

.📍恒樂海鮮菜館📍香港長洲北社海傍路13B號地舖這邊是按菜式數量算價格的(hkd168@2/248@3/328@4...如此類推)，點了個椒鹽鮮魷跟蒜蓉蒸扇貝，魷魚爽脆，加上炸蒜跟辣粉絕對不可能踩雷，扇貝不算很大顆，但以這個價格來就算是不錯了，個人稍嫌醬油淋的不夠多，粉絲會有點偏乾，畢竟粉絲算是蒸海鮮的重點😂對吧❣#foodiblum中式

入得黎長沙洲一定會經過條街有好多餐廳既姐姐係到問你食左飯未，$1xx有2個海鮮。我通常夜晚都會係到食既，其實百幾蚊2款海鮮又真係唔貴既。但今日自己一條友hea遊，2個海鮮就食唔落啦，姐姐話1個海鮮1個菜就$100, 仲送個粟米羹，其實都係一個人食唔曬，不過是但啦照嗌。例牌椒鹽九肚魚(睇我食評應該知我成日都嗌呢個餸，好無新意😂) 加個腐乳炒通菜。個九肚魚唔錯，個菜就食落一般。如果日落時間食飯對住個海其實都唔錯架，幾好view!

去長洲行五點多，本來冇諗過咁早食晚飯嘅，經過露天餐廳啲阿姐係咁喺度拉客，$168兩個餸，送湯有餸菜，仲話送扇貝添。其實唔係好肚餓，不過咁抵又可坐露天睇日落咁就坐下啦粟米湯 - 罐頭粟米湯咁味，不過送嘅，算啦椒鹽蝦 - 蝦就唔係好新鮮，不過椒鹽嘅味道冚到，香口囉花雕蛋白蒸蟹- 食得避風塘炒蟹多轉轉口味，花雕味食唔出，蟹雖然細，不過有三隻算多囉 蒜蒸扇貝 - 送的，沒要求椒絲腐乳炒通菜 - 腐乳味淡咗少少，ok喇絕對唔係好食嘅一餐，但配合環境、價錢就唔好計夠咁多，最多下次試過另一間😉

提早晚餐4點45分食因為限聚令，6點無堂食＄248三餸再送菜和粟米湯兩人食，好飽海鮮唔係超新鮮，豉油咸粟米湯好味精不過，以這價錢，兩人食到好飽好耐無食過椒鹽魷魚!

嚟到 #長洲，好似點都要食個 #海鮮餐 先叫做完美🤪 不過因為限聚令嘅關係，我哋只好將 #晚餐 提前到16:30。出發前我哋冇諗過會留抵食晚餐，所以都無做定功課，只係見 #恒樂海鮮菜館 門口個 #阿姐 叫得咁落力，一於幫襯佢啦。黃實 #長洲 究竟有冇新鮮嘅 #海鮮 嘅呢？點解間間餐廳都只係做套餐，$248包三款海鮮或 #小菜，阿姐仲話要送個 #例湯、#炒菜 比我哋... 聽起嚟真係抵到爛（中伏就真啦）😉 我哋pat pat都未坐低，#粟米湯 已經放喺面前，或者只係可以稱呼佢做「生粉水滾粟米粒」😅 我哋叫咗碟 #炒賴尿蝦、#蒜蓉蒸扇貝、#豉汁蒸鱔。#賴尿蝦 唔太新鮮，口感淋啤啤😏 #扇貝 都ok嘅，係瘦咗啲囉👀 反而碟 #蒸鱔 都呃得吓人，師傅用 #豉汁 配埋啲 #蒜蓉 嚟蒸，食落都幾惹味㗎。計埋支 #啤酒、同 #汽水，$300都仲有$7找🤪 臨走我哋仲可以睇埋個 #日落🌄 呢餐 #平民海鮮宴，勉勉強強都可以送貨嘅😏

今晚同屋企人八個人去咗長洲遊覽下夜晚去咗呢度食我哋喺佢介紹睇吓去咗一間海鮮檔買海鮮海鮮價錢超值買咗大隻賴尿蝦，超新鮮大墨魚，同埋扇貝大慨$410然後再去呢度加工（$50/碟）再加蠔餅、炒通菜同叫左啤酒味道幾好不單止 而且的確好有火喉老闆娘態度好好 好helpful！仲要送呢樣戈樣 埋單都只係$480Before that 附近隔幾間鋪叫做蘇xx 既川粵菜點知嗰間野...煮唔熟...海鮮極度唔新鮮 硯有沙，聖子梅既🤨叫咗八樣套餐$888頭三樣都做得好差即刻嗱嗱臨俾錢走無謂浪費我胃口

三個餸$248...叫左椒鹽賴尿蝦...花雕蛋白蒸蟹...蒸扇貝...賴尿蝦啲肉霉霉爛爛🤢...炸又炸吾透...想像下要點豉油嘅賴尿蝦會有幾好食...蟹係水蟹...扇貝就細細隻...不過味道還可以...見系$248...算啦冇投訴...送咗個粟米羹同炒通菜...整體來講...煮功非常一般...冇鑊氣...味道有點差😟當你去食海鮮...但系發覺成餐飯最好食嘅係蒸蟹用嘅蛋...或者係蒸扇貝用嘅粉絲...你覺得會有幾好食...

次次同女友黎長洲都會食埋海解先走🤣 因為$248/3個餸真係好抵不過係唔包10蚊個既飯 仲有菜同粟米‘斤’送 好誇張椒鹽鮮魷唔會太油膩 可以試！炒蟶子，好味 蟶子都唔算少蒸扇貝味道普通 加上比較細粒 下次都未必食佢

無意間發掘到一間幾好味既小菜餐廳中式牛肉片炒到好好味 肉片好剛剛好 豉椒炒聖子都好有鑊味 最後配埋個腐乳炒通菜 大滿足而且價錢都好抵食 亦多選擇 可以再來試其他先♥️👍🏻

11Sep2020(Fri)晚餐6-7pm 長州碼頭附近有好幾檔海鮮酒家！如果你無食開都唔知邊間先好！想在門口想吓睇吓都好難！因門口出面好多阿姐不斷拉客！又話送尼樣送果樣！所以最好上網做定工課！事先想定食邊間！否則就會好似我咁「中伏」！好彩數價錢都合理服務環境食物

你問我去長洲食海鮮，我會覺得但係啲嘢食未必好食。依間野係再平啲但係啲嘢食都叫做正正常常。見到OpenRice咁多唔好食嘅我都有啲R頭，可能係我好彩掛。全部都有套餐，會送免費一個菜同瑤柱粟米羹。海鮮就唔係特別新鮮，煮法亦都好基本，不過如果想有街坊味道同埋長洲風味嘅話，呢度都可以俾到你。 特別要講嘅就係阿姐嘅服務態度真係好好，有傾有講，上菜速度亦都好快。有一樣野唔係咁好就係因為坐喺室外，終於都會有啲烏蠅飛過。

長洲食海鮮小炒嗰啲舖頭出咗名唔係幾掂😹上OpenRice睇，10間有8間都係差評多個好評，所以我地都係抱住一個求求其其嘅心態去食，吊下個口癮😜.🍲自選兩餸餐一去到大排檔個邊，即刻成對人擁埋你個度叫你食佢嗰間😆呢個場面大家應該都唔陌生，見恒樂呢間最有誠意，又話送呢樣又話送果樣，亦都係最多人食，所以就揀咗呢間🤤一開始送咗一大碗粟米羹俾我地，唔會好稀，算係咁啦😛有個意外驚喜就係本身話送兩個白飯俾我地，點知最後直頭送咗個菜俾我地，慳返80幾蚊🥳我地總共叫咗三道菜，腐乳炒通菜、椒鹽鮮魷同埋豉椒炒蟶子😋全部都幾夠鑊氣、份量都幾多🤩不過椒鹽鮮魷真係麻麻地，唔入味之餘食炸粉多個食魷魚，食炸粉食到飽🔪但整體黎講又覺得冇人講到咁差！.🍽味道: 3/5🏙環境: 3/5‍👨🏼‍🍳服務: 3.5/5💧衛生: 3/5💰價錢: 4/5

悠閑星期二同老公入長洲嘆下海鮮餐 一粟米湯+尖椒腐乳通菜+2款自選海鮮小菜都只係$168！先黎個豉椒炒蟶子哇 大碟架！蟶子大大隻，雖然食得出唔係勁新鮮，但味道補救，又啖啖肉！好抵食！跟住炒通菜（無影相）又好大碟！味道一流！最後上既係薑蔥炒蟹係花蟹黎，殼硬鑊氣夠，太好味個汁，配埋個鮮蟹肉味，我同老公都食到手指都想啜埋！實在係鮮到爆😋😋😋好少人講飯，但呢度既飯不愧叫靚仔！白又香！我食左一碗下次可以試埋其他海鮮🦞開心又抵食午餐！