恆香冰室 (德佑大廈)

营业中

休息中

呢間恆香冰室長期排長龍佢嘅恆香老婆餅係好好味嘅😋唔知其他嘢好唔好食呢？今日下午茶時段經過無乜人排隊有幸可以試下喇‼️叫左2個下午茶餐同1個常餐常餐B $53鮮甜嘅蕃茄味😋多士烘得脆，一咬就聽到颯颯聲❤️茶餐F同M $42/$48見到隻脾有啲SAD😮‍💨我覺得燶左啲烤焗應該係好入味嘅但唔夠蜜味🙈西多士正常星洲炒米味道尚可咖哩粉唔係咁夠米粉唔夠散，有1/3係一舊舊呢3款餐整體味道一般我唔會排隊食，偶然經過可一試但門口老婆餅會常幫襯☺️

恆香老婆餅你就一定聽過啦,最近發現佢進軍埋飲食界,係上環開左間冰室,所以我就即刻同男朋友去試下啦👫🏻坐低見到餐牌都好多選擇,睇左一陣,男朋友揀左個避風塘椒鹽豬扒爆蛋撈飯,我就揀左個美國西冷拼牛仔腸配黑椒汁配薯菜.🙌🏻-避風塘椒鹽豬扒爆蛋撈飯 豬扒半肥瘦,肉質鬆軟,肉汁豐富,甘口焦香嘅蒜蓉味加埋椒鹽香味,非常開胃,令人胃口大開.太陽蛋煎得剛剛好,撈飯一流👍🏻-美國西冷拼牛仔腸配黑椒汁配薯菜個SET包左吐司同埋羅宋湯,個吐司🍞真係令我驚嘆❗️入口鬆軟,仲會回彈,配埋牛油微香,令人回味. 羅宋湯味道一般,蕃茄味可以再濃D. 西冷超級大塊,肉味同肉質就對得住茶記嘅價錢😛黑椒惹味,薯條🍟都好好味😋餐飲我哋叫左雪山阿華田同埋蜂蜜檸檬茶💗-雪山阿華田其實上面係胚芽黎，令到成杯飲品口感豐富左-蜂蜜檸檬茶，蜂蜜味十足，好潤喉最後仲叫左三款中式小食，有老婆餅，流心奶皇酥同埋叉燒酥😂必食流心奶皇酥，好似食緊奶黃月餅咁❤️係中上環區黎講，恆香冰室真係做到抵食又大件❤️ 下次一定再幫襯❤️

遠近馳名嘅恆香老餅家🥨🥧繼50年前開過冰室結業後，50年後捲土重來喺上環再開冰室 !冰室除咗馳名嘅中式糕餅外，仲有多款冰室美食大飽朵頤🤤·🥩美式什扒配洋蔥汁 HKD$108係冰室嘅懷舊鐵板套餐😻 乜都有嘅什扒啱哂貪心嘅我😂 配埋飯 / 意粉 / 薯菜 勁大份 ! 淋上洋蔥汁唧唧聲響😚有齊🥩牛扒、🐖豬扒、腸仔、🥓煙肉、🍖火腿，扒餐仲包埋🥣餐湯、🥪奶油吐司及餐飲，勁豐富😋·🍳3.6牛乳滑蛋三寶飯 HKD$72半熟滑蛋勁吸引🤩 蛋汁撈埋白飯食勁滋味😋 喺滑蛋中加入3.6牛乳一齊炒，更加滑溜creamy😚配料加入叉燒、蝦仁🦐，好快，成碟飯食哂😋·🍔芝士滑蛋吉列魚柳包 HKD$32已經切開一半方便食用👍 芝士🧀、滑蛋🥚、炸魚柳🐟三重口感☺ 魚柳炸得香脆，外脆內軟😋·🥞恆香出爐招牌老婆餅 HKD$10外酥內軟，冬瓜蓉內餡香甜軟糯😋 果然名不虛傳👍·🥧出爐蛋撻 HKD$7酥皮外層鬆化，鮮黃色嘅蛋層軟綿幼滑🤩·🥚皮蛋酥 HKD$11內餡嘅皮蛋焗成半溶狀態，微微流心好正👍·🥐流心奶黃酥 HKD$15一咬開流心奶黃湧出😻 第一次食便愛上😋·🍹雪山阿華田 HKD$26 (跟餐+$9)香濃嘅阿

我嘅題目很矛盾，「懷舊新一代」冰室。「懷舊」指恆香餅家已經是百年老字號的一家餅家，而「新一代」指的是隨著時代趨勢，老字號百年餅店都加入冰室熱潮，開拓這門生意。恆香冰室的裝修設計，已經脫離了一般傳統老字號的感覺，但在年輕清新的設計當中，卻暗藏咗百年老字號的傳承。其實這個設計不容易拿捏。如果走得太前衛，就令人感覺到不再是恒香，如果依照傳統，只會令人覺得冇新意，吸引不了一班年輕客群。已經是第二次來光顧，第一次感覺良好，幫襯下午茶餐， 星洲炒米。味道不錯，少微辣，米粉炒得乾身，蝦是雪藏蝦，但總算大隻，並賣相加分。之後買咗一打老婆餅，分開兩盒，帶返公司請同事食。可能有餅房在店，即場製作，這個暖暖的老婆餅，唔知點解，比以往的好吃！是清、香、甜的輕型感，沒有厚及肥膩的感覺。連老婆餅都變得是「新一代」的老婆餅。今次食佢嘅午餐，避風塘豬扒爆蛋飯， 3.6 P北海道牛奶滑蛋三寶飯。聽個名都好邪惡。今日豁出去，食頹飯！避風塘豬扒非常好味，豬扒軟身不乾，口感OK。兩隻沾上少量豉油的太陽蛋蓋在飯上，拮穿撈飯，加上避風塘蒜茸脆脆，唔使食豬扒，都可以食晒啲飯。正。雖然明知碟飯是邪惡，但可算是邪惡中的極品，因為豬扒沒

公司附近開左間恆香冰室，原來係我最鍾意食嗰間老婆餅開嘅，即刻落去試試。呢度仲有即焗老婆餅，出爐熱辣辣，真係好好味有時食lunch好飽都要加多隻。其他嘢食都唔錯，最鍾意食避風塘椒鹽豬扒爆蛋撈飯同埋蔥油蒜香雞扒爆蛋撈飯，份量足又好惹味，加上我摯愛嘅蛋，落親去食lunch必叫。再加杯日式炭燒即磨咖啡，杯咖啡好得，無諗過冰室都有呢D咖啡飲，每次都會加錢轉！我個fd就鍾意食3.6 牛乳滑蛋三寶飯，行過見到佢哋真係有一箱箱日本個隻北海道3.6牛乳，所以個飯好香，最緊要份量好足！一定食得飽

係上環返工，無一間茶餐廳可以食到比較有水準既沙嗲牛肉麵。 今日黎恆香冰室，叫左 沙嗲牛肉麵常餐，一望食水準就知沙嗲湯底夠濃，水準基本上達到我既要求，呢D 真係老字號，比到一定既食物質素比客人。另外一讚，店內員工態度不錯，唔會好似其他茶餐廳員工對客人粗聲粗氣。唯一缺點，餐桌比較窄。

最近見到恆香喺上環新開張，滿心歡喜打算去試吓。行到去舖頭門口見到有麵包櫃，啲麵包同老婆餅好香。叫咗個下午茶餐，星洲炒米配凍奶茶。個星洲炒米完全係大失望，好似七仔嗰啲叮叮即食炒麵，完全冇鑊氣，乾爭爭，啲料又少，好失望。不過環境尚算乾淨，涷奶茶不過不失啦，炒嘢可以唔使食了。

冰室這名字包含了很多回億，不知你是否同意呢？特飲紅豆冰，干抄牛河，咖啡......知道恆香開了冰室，特意到來回味一下元朗老婆餅！真係點至老婆餅。現代版的菠蘿老婆餅及花生老婆餅也可能滿足我的菠蘿fans.今晚入來時已幾乎滿座。一位叔叔待應熱情款待。又有禮貌好有人情味。難得一見！！今晚大排宴席。叫了好多嘢。相機食先先望下個menu好似唔係多張紙，但已夠哂叫！先嚟過食常餐。唔該~~d相係咪好吸引？這個必食:牛味及粉好滑。最少夠熱辣辣！這個就比下去了。如果飯熱些就更好。最後一定要食下全統的小食。飲品可以調教一下甜度:

今天在上環工作完畢，天色已黑，跟同事打算乘車離開。突然見到一處燈火通明的地方－ 「恆香冰室」。店舖正門旁正售賣麵包和老婆餅、皮蛋酥等傳統餅食，方發現這是恆香老餅家開設的冰室。同事建議不如一同試試，於是我倆走進去。看看餐牌，有很多懷舊冰室食品。懷舊鐵板套餐可選配跟飯/意粉/薯菜，另配蘑菇忌廉湯或羅宋湯及奶油多士。我們選了配薯菜及羅宋湯。 羅宋湯濃厚一點更好，帶微酸的味道可引起食慾。 嚴選美國西冷拼牛仔腸配黑椒汁配薯菜西冷牛扒面積很大 。牛扒肉味濃，肉質嫩度適中，添加黑椒汁很惹味。選用牛仔腸較特別，因聽說牛仔腸用的肉源自以奶飼養的牛仔，故此肉色偏向淡白，味道也較淡。我反而更喜歡。 避風塘椒鹽豬扒爆蛋撈飯避風塘椒鹽豬扒肉質鬆軟，入口微辣，又嚐到椒鹽的陣陣鹹香，非常惹味。蛋汁拌飯啖啖蛋香，不錯！ 鐵板蕃茄蛋牛肉炒脆脆麵非常脆口的脆麵，就算把蕃茄蛋牛肉倒在麵上，麵仍保持香脆口感。大大片的香滑牛肉，配上濃郁的蕃茄蛋，又是一道美味的開胃餸。 奶茶紅豆冰奶茶滑，加添了紅豆的點點甜味更滋味 雪山阿華田冰凍阿華田加上五穀麥芽，口感豐富。 皮蛋酥飯後甜品 既然來到這裏，一定要嚐嚐它的傳統餅食。帶微溫的皮蛋酥

焗豬扒飯，茄膏調汁，味好假，沒蕃茄，菠蘿，只得一粒西蘭花，豬扒肉質太林不似内。牛魔王焗飯，牛仔骨又係好林，完全中式味道，羅x記，翠x, 大x樂比它好，價錢不平，不再去..............................?..............................

說到恆香一定是想起老婆餅，有幸地港島區剛開了一間恆香冰室仲好近屋企，以後想食老婆餅便十分就腳了。今日約了家人去食晚餐，餐廳的地方闊落、整潔。首先，當然是叫一客老婆餅及 叉燒酥回味一下。餅類的酥皮很鬆化， 餡料足甜度適中。早上上班時間經過也可以買一個做早餐呢！鐵板雜扒餐套餐：套餐包忌廉湯及脆脆多士，鐵板熱辣辣雜扒的份量也不少，有西冷牛、豬扒、 煙肉、香腸和薯菜配洋蔥汁。牛扒豬扒肉質淋嫩，外表還煎得很香口呢！咖啡牛腩飯：牛腩炆得很淋，薯仔及咖喱汁甘香送飯一流。

恆香老婆餅絕對係元朗，甚至係代表香港嘅伴手禮。雖然恆香老餅家喺港九新界有唔少分店，但想坐喺度慢慢嘆番件新鮮熱辣嘅老婆餅，再加杯茶香奶滑嘅奶茶慢活人生，依家喺上環就開咗全港第一間恆香冰室喇！恆香冰室除咗恆香最出名嘅老婆餅之外，仲有唔少唐餅、麵包、蛋撻同冰室茶檔美食，加上店內播放懷舊廣東音樂，充滿港式情懷。老婆餅、叉燒酥店內有駐場整餅師傅，不定時新鮮出爐！我哋呢個老婆餅就夠晒熱辣辣，外層脆皮好鬆化，入面嘅冬瓜蓉非常軟腍，口感形成強烈對比！至於同樣鬆化嘅叉燒酥，叉燒份量十足，蜜味香濃。招牌濃湯沙嗲牛肉公仔麵配火腿炒滑蛋及奶油多士講到冰室必備嘅又點少得沙嗲牛肉麵呢？沙嗲醬非常濃郁，麵底軟硬度適中，都幾掛汁架！牛肉就正正常常，份量都幾多，完全無筋。跟餐除咗飲品，當然仲有呢份超滑而且蛋香十足嘅火腿炒滑蛋，真心唔錯。恆香招牌炒飯炒飯即叫即炒，夠晒鑊氣！配料除咗有蝦，仲有恆香招牌嘅臘腸，粒粒飯粒都充滿臘腸油香，好好味呀。嚴選美國西冷拼牛仔腸除咗常餐同中式炒飯之外，恆香冰室仲有鐵板餐添！呢個鐵板餐跟餐仲有意粉、奶油吐司同餐湯，真係好豐富呀！西冷好大塊，加上厚切，真係好有口感，加上生熟度適中，所以肉質軟腍

公司附近開咗間新嘅冰室，叫做恆香，睇到佢招牌同埋賣嘅老婆餅，先知原來係元朗名店恆香餅家新開嘅茶餐廳，決定試吓晚餐今日係同附近返工嘅舊同學約埋食飯，所以就食下啲懷舊鐵板餐。我就叫雜扒，佢就叫西冷。成個餐仲可以跟意粉薯菜，有湯有多士仲有杯飲品，百零蚊上環區算好抵啦多士新鮮炕出嚟，仲熱焫焫，餐湯就正常雜扒上枱個鐵板係圓形嘅，可以放多啲料，我叫嘅雜扒有腸仔，煙肉，火腿，豬扒同牛扒，好豐富。最好食嘅係牛扒，雖然較腍身，但牛肉味都算濃，我選擇咗配意粉，大大碟超飽肚😋朋友叫嘅西冷揀咗七成熟，切開入面都做到粉紅色，保持到有肉汁，淋上惹味嘅黑椒汁，成個鐵板即刻芝芝聲，香味半間餐廳都聞到。仲搭配兩條雞肉腸，算係好超值。今日食得太飽，冇機會試佢新鮮出爐嘅老婆餅添，下次下午茶再試🥰

返工返到身心俱疲，難得有日早少少放工，就約埋喺附近做嘢嘅舊同事食嘢吹水一路行一路行都冇乜心水，突然見到有間恆香冰室，香港同元朗恆香有關，都算有啲名氣就入去試試啦大門口有包點可以買，原本諗住食完飯之後叫但係唔記得…反而食完飯諗住叫蛋撻但係已經賣曬大胃王嘅我叫咗個海陸空鐵板餐餐湯係忌廉湯，稀咗少少，好在奶油多仲好香脆，又唔會脆到卡卡聲，點湯都ok。鐵板份量唔細，鰻魚算厚，牛仔骨有幾件，雞扒都大塊，配埋碗飯其實唔係好食得曬。朋友就叫咗個招牌炒飯，依佢講法話啲飯粒粒分明，香口唔油膩，而且份量都好大。最重要係配料多， 蝦、叉燒、臘腸、鹹蛋黃、蔥花，唔會覺得好寡。紅豆冰嘅紅豆煮得透，都幾香而且非常甜，辛苦完成日就係要食甜嘢！雪山阿華田嘅雪山係灑啲糖粉喺上面，其餘同普通囉華田差唔多，想試特別嘢可以叫下。呢間餐廳未必係以食物質素取勝，但係咁既價錢有咁大份量真係非常超值！

去上環永安百貨行街街，順便去附近醫肚。冰室係新開張嘅，內裏裝修光猛，店員態度殷勤，好熱情過黎介紹食物😄✨日式照燒海陸空～海陸空即係鰻魚、牛仔骨、雞扒，鰻魚雖然唔算好大件，勝在都幾肉厚，入口juicy，牛仔骨有三大件，整得嫩滑，無咩筋，小朋友都食到，雞扒用上去骨雞上脾肉，食落啖啖肉而且冇雪味。有三款汁類可以揀，我揀咗照燒汁，甜甜地，配埋炸薯條一流😄個set配上牛油多士、羅宋湯仲有一份凍飲添！CP值高。見到門口好多人買緊老婆餅同埋麵包，餐廳裏有個大焗爐每日新鮮出爐，我都忍唔到買咗個返屋企，老婆餅表面好香脆，內裏蓮蓉唔算太甜而且有拉絲，好高質。