恆河咖喱屋 (已結業)

14/Mar 走入去食,好彩唔係太肚餓,否則一定唔夠食.叫了一個set係咖哩蠔及咖哩羊,兩款都好細碟,d蠔仲好細隻呢,得o個7隻仔,唔抵.不過味道OK的,都可一試.

今次一行四人又來呢度開餐, 星期日中午, 8成滿座, 好彩唔使等.四人叫左以下食物1)咖哩羊肉午餐, 跟薄餅, 連湯及飲品$33, 唔知係咪多人叫, 感覺好似煮定一大盆咁, 上枱時唔夠熱(2)白咖哩什菜午餐, 跟薄餅, 連湯及飲品$33, 無咩咖哩味, 反而似白汁, 好香, 有奶油味(3)鐵板羊仔扒餐, 跟飯, 連湯及飲品, 特價$80, 有四塊羊扒, 用鐵板上, 好香口又保持熱度, 墊底的蔬菜都好味. 但覺得$80偏貴(4)腰果雞$50, 散叫. 汁既顏色橙橙地, 好香牛油味, 腰果香口, 伴飯食一流, 不過只有兩件雞, 偏貴.另加$10 叫了四件烤雞, 唔夠熱, 可能如上述羊肉般, 預先煮定晒.其中一餐飲叫"熱馬沙拉茶"(另加$5), 唔夠香料味, 西灣河分店做得好飲d.食完成身衣物及雙手都有咖哩味, 成日都好回味......

久聞此店的食物很好吃，於是與家人來一試。我和家人分別要了一個茄汁海鮮咖喱和咖喱雞，前者有少許酸酸甜甜，很開胃；後者是傳統咖喱，咖喱味香濃，不錯。烤餅鬆軟，好味。不過，服務的女侍應態度一般，反而男的（可能是店主）則比較好。

昨日星期日中午來這裡食咖喱. 叫了一個午餐咖哩羊肉($33), 跟薄餅, 另加$5多兩件烤雞. 再散叫一個烤八爪魚($48), 用鐵板上. 食物味道十分好, 濃濃香料味道, 惹味. 咖哩配剛出爐薄餅, 天衣無縫. 不過服務就要改善下, 其中一位女侍應無咩記性, 要多次提醒d食物先全上晒, 最後杯可樂仲等左好耐, 再問佢先好似如夢初醒咁, 我索性話唔等, 外賣帶走.可能佢因為太忙碌, 現場坐滿客, 一接一, 仲有如果地方寬敞d, 座位唔好咁密就更好喇.

上完堂傻鬼來接我食晚飯, 佢check左openrice就來恆河試下咖哩. 2個人叫左2人套餐($138)2個粟米湯- 都幾香濃炸什菜- 我地2個人都認為唔炸會比較好d, 不過我都覺得幾香口啦...烤鱸魚- 鐵板上, 條魚都好鮮甜, 唔似係d唔新鮮既貨咖哩什肉煲(羊, 雞+牛腩) - d咖哩都好正, 配佢地d烤餅真係一流. 真係不可不提係佢地d烤餅好似係其他地方食唔到咁既...真係正正.最後送上飲品同甜品.勆個套餐都好正, 甜品亦有落足心機去做.當晚我地係食類似芒果做既dessert啦, 有d椰果咁.ps...服務人員好鬼好, 連老闆都好好人.地方細細, 食物同服務都100分

自從學校搬到筲箕灣, 偶然便會到東大街午膳. 這裏的午餐有八款可選, 有各色咖喱和肉類、海鮮或齋菜的配搭, 可選跟飯或烤餅. 今天選了白咖喱牛仔肉配烤餅. 熱騰騰、香噴噴、微焦的烤餅先上, 凈吃已經可以大快朵頤一番. 咖喱汁味道很好, 烤餅點吃或送飯都是一流. 牛肉則太韌太乾了, 但既是平價午餐, 就不好有太多要求, 反正咖喱汁加烤餅或飯都已值會票價了.奶茶較一般茶餐廳或快餐店的濃, 濃烈的咖喱後來一盃濃烈的奶茶, 算是可接受的選擇.因為穿校服的學生優惠價只$25, 平日午市會很躋踴, 服務很難有甚麼要求了.

食過幾次lunch, 唔算多人,但叫樣o野都等左好耐~~例如我個fd等我地食完都未有餐飯--->只係一杯普通凍檸茶,水又要我地自己拎....由於d0野都幾hot,冇水飲,餐飲又送得遲真係幾大獲~~另外....食過重慶大廈的真正咖喱後,我就唔覺呢間好好食同好正宗了~反而最鐘佢地d 餅~好飽好脆~

The service is like an old friend style. Food is great, but shop is too small, so better come early. If big group, better make reservation.

睇《千杯不醉》前，諗住專登去安利食野，點知新舊舖都要等，排新舖啦，點知要等成十一張檯，所以無等。行過呢度，雖然唔食得辣,但諗住唔會好辣,加上人地鐘意食，就陪人食下啦。叫左兩個餐：一個咖喱牛，一個咖喱羊，一個千層酥餅，一個飯。野飲係一杯凍奶茶，一杯芒果特飲。我自己就鐘意牛多d，因為不嬲都對羊麻麻地。其實我想叫魷魚架。自己覺得最好食0既當然係千層酥餅啦，至於d咖喱，我覺得都係辣左d，但我已經叫左小辣，攪到我成日飲水同野飲。坐就麻麻地啦，因為坐近路口。

去東大街，好處真係車停邊度人去邊度。成條街都有野好食的。今次停響恆河，食的當然係咖哩。呢個濕身咖哩腩，簡直係寸緊自已。唔知點解唔係好辣，可能都係同呢期太濕有關。食辣驅風好啊。另外，薄餅有好幾種，揀之前最好睇清楚相或問下伙計。

兩個字來形容- 抵食. HK$50.00一個set dinner. 至於味道就普普通通啦!

星期日家庭聚會，下午同太座去筲箕灣買點菜。行過幾間安利及王林記，都好多人，真不明白何時港人的周日活動變成了排隊食魚蛋粉。行過這裡，太座突然幾有興趣食咖哩，就入來幫襯。呢度係間老牌餐廳，有點印式裝飾，廚房是印巴籍人士，應該幾對辦。午市套餐都有幾多選擇，連牛肉也有得供應，估主理人應是本地人。叫了咖哩羊及巴基斯坦牛腩，想試試不同辣度的味道如何，所以要了一個大辣，一個中辣。先來的餐湯是南瓜湯，都有點點的南瓜味，算不太差；咖哩羊要了中辣，看那個汁是材料十足，幾香，同羊肉味道非常之配合。羊肉有幾舊是有筋位的部份，炆得亦夠腍又有咬口，最正的是有肥肉的部份，更是甘香可口。中辣不很辣，但相信不吃辣的朋友已會吃不消；相比之下，牛腩絕對的給比了下去，但都夠腍亦入味，始終咖哩同羊是最隹拍檔；Naan大大塊熱辣辣，一分為二，幾大塊。烤餅乾身又夠香夠口感，加上咖哩汁多，用來點烤餅，很正。來地年青侍應服務好麻麻，態度冷淡。但印巴籍女侍應服務態度就非常好，同那個男的比較有好大分別。連凍飲一杯，埋單66蚊，不收加一。以食物水準計，甚抵食，加上呢頭如果要食咖哩真係無咩選擇，都食得過。

晚餐好搵笨, 叫了咖喱角, 咖喱羊, 駱名白咖喱雜菜, 無樣好食, 細碟又唔低, 就連印度奶茶都唔好飲, 極失敗! 比起太古坊的印度媽媽, 呢間要行開幾條街!

午餐三十元多，可配飯或薄餅。薄餅即叫即整夠香夠軟，咖哩味道好香，汁料料夠多，整體好正，價錢又合理，推介！

之前到另一間恒河吃過白咖喱，今次就到這間，雖然環境比較另一間好，但食物方面，我覺得比另外一間差。之前我吃的白咖喱是好香口的，但這次就~~ 酸~~可能個人口味比較喜歡另一間啦。