怡園粥麵小廚 (已結業)

早兩個禮拜左右黎左呢度食晚飯，真係麻麻。我要左個炸醬撈麵，炸醬就ok，但D麵就勁乾，全部都"癡"埋一舊舊，就算加左佢附o個碗湯都仲係好乾。另外朋友話佢個喳咋差不多成廿蚊碗都唔落椰汁，好cheap喎。咁既質數仲要加一，真係幾搵笨。

見到牆上貼住推介爽口彈牙墨魚丸粥...好似幾特別咁...就叫左一客....點知...墨魚丸者...同墨丸河果D墨丸係一樣架...我只係覺得好好笑....食左咁多年粥...從來都唔會諗肉丸粥果D肉丸會=豬肉丸河果D肉丸囉....仲以為佢係手打果D墨魚滑+粥一齊煲架添....仲要$28一碗...仲要加一....雖則佢D墨魚丸同粥都幾OKAY....但係實在太唔抵啦...

主要做遊客生意, 要加一, 叫個腸粉要等20分鐘要求走油冇走到!!

首先，我講明並不是針對內地旅客，只是將我所見到的講比大家聽下。尋晚，去到這裡叫外賣，站在Cashier附近等，當然會四圍睇下其他人食緊乜。見到三個內地同胞在其中一食麵，本來冇乜特別，但當見到佢點辣醬時，竟然成隻筷子"隊"落去個辣醬壺到，再了下了下!嘩! 冇呀！我即時同個waitress講，好在佢都有制止，但就為時已晚。至於個辣醬壺有冇換就唔知了，因為我趕時間走了。食店除了生意之外，真係要留意自己同客人衛生。

今晚同老婆係呢度食晚飯，叫左個二人餐，兩" 送" 一菜兩湯兩飯。我地叫左個咕嚕肉同滑蛋蝦仁。要讚佢個滑蛋蝦仁，D蝦好大隻，雖然一食就知雪房蝦，但沒有太大雪房味，算唔錯啦！埋單$120，ok啦！

有好多個餐揀，任選二，有菜、飯、飲品，六十蚊一位，百一蚊就兩位，絕對ok，係尖沙咀又可以坐得舒服，價錢又相宜，就算拍拖去都吾失禮，同朋友去坐耐d 都得，吾覺有味精，屋企食飯feel，雖然講不上頂呱呱，但已經係物有所值。

我前個陣同屋企人，三個人去食，食左個二人dinner套餐，d食物好食不突止，個咕嚕肉不能不食，重好平，最後$120左右找數!!好抵呀!

前陣我同家人去食，三個人食個晚飯二人套餐，d小菜好好食，三個女人食，份量就o岩o岩好，重又抵最尾$120找數!!!