快樂．順景

营业中

休息中

快樂．順景 地址: 銅鑼灣蘭芳道3號地舖電話: =====================傳統茶餐廳有再重新興起, 二現在玩復古, 而香港人就是食茶餐廳長大,由學生哥時代, 中午可以出外食LUNCH, 一個碟頭飯+飲品, 填飽發肓時間的大胃口, 也符合學生哥快靚平的原則。叉燒烏冬，一般常餐組合，只是通心粉轉了烏冬。瑞士汁雞髀撈丁，跟火腰炒蛋菠蘿包mini ,雞髀多肉，公仔麵索曬汁有港式麵包, 有最愛的雞尾包菠蘿包等，重溫了egg tart 及忌廉筒 egg tart 蛋漿太甜，忌廉筒很脆有空台都要搭台，比較迫。麵包是好食，充滿兒時味道#香港旅行 #香港探店 #香港美食 #hkfood #hkfoodie #hktravel #yummy #foodporn #delicious #cuisine # #restaurant #dining #打卡 #網紅餐廳 #dinner #central #supper #香港必食 #高CP

作為一個香港人，真係抵受唔住有新鮮蛋撻嘅冰室嘅誘惑😌😌見網上介紹依間餐廳係餅店Crossover茶餐廳，幾有趣！可以食到茶餐廳美食，想叫一個蛋撻又得　☺️☺️午餐非常多人！根據我嘅觀察， 1:30之後會容易少少搵🤔🤔 叫午餐嘅話，加$12就可以升級做特飲雪糕紅豆冰、奶茶紅豆冰，超多紅豆！而且唔會剩係得冰/太稀，飲得到濃濃嘅奶茶味道，又食到起沙嘅紅豆👍🏼👍🏼瑞士汁雞髀撈公仔麵呢一款超受歡迎，好多人都努力切切切🔥🔥隻雞脾非常巨大，瑞士汁味道調配得幾好，甜甜地，又唔會太鹹👍🏼S1餐，有菠蘿油、豬扒公仔麵、炒蛋、火腿！超豐富！菠蘿油非常推薦，個牛油鹹香恰到好處👍🏼👍🏼豬扒公仔麵，塊豬扒非常巨型！好厚肉！好香🤤🤤下次再嚟食過🔥🔥😎😎

星期六做完facial和老公一起吃午餐，去由快樂餅店與順景茶餐廳聯合經營的快樂・順景冰室。我們叫了兩個常餐和一些包點。秘製沙嗲牛肉公仔麵加了$5要出前一丁，牛肉不會咬不動，是一個正宗的港式沙嗲牛麵。瑞士汁雞髀公仔麵雞髀很大隻，啖啖肉，撈公仔麵也不錯。兩個常餐都配有火腿、炒蛋、特色餐包，特色餐包是迷你菠蘿包，沒想到菠蘿包挺好吃的，菠蘿包皮很酥脆，包很軟，又暖暖的。我們都加了$12要特飲，一杯黑牛，一杯阿華田雪山。包點叫了紅豆沙翁、忌廉筒、蛋撻、QQ波。前兩者果然是名物，沙翁沾滿砂糖，包著紅豆，忌廉筒很鬆脆，忌廉是傳統鹹鹹的忌廉。

今日個女考試，同朋友去左食早餐等放學離遠見到呢個餐廳門口排晒隊，都知呢間一定好好食！幸好好快都有位一入到餐廳感覺裝修好和諧，顏色配搭舒服，不像傳統港式茶餐廳薄燒西冷牛扒餐+草莓梳打一上碟都好有驚喜，半圓形可愛炒蛋，餐包是香脆迷你菠蘿包牛扒份量亦很大，可以和朋友分著吃，配上香濃的燒烤汁，不分惹味，而且伴有一些新鮮沙律菜，減低油膩感，十分清新新鮮熱辣的菠蘿包，一口咬下去非常香脆，想多吃一個香煎蜜糖脆皮雞扒+咖啡紅豆冰很大塊雞扒，煎得雞皮脆卜卜，令人垂延三尺，雞肉肉汁豐富 牛油粟米十分香甜，每粒粟米都很有咬口咖啡紅豆冰亦十分出色，原來紅豆冰配咖啡是如此搭配！必試

蘭芳道新開間麵包🥯餐室，全日大排長龍 同老公來一探究竟🤣地方唔算大＇傳統嘅餐室格局 有即焗麵包🥖新鮮出爐都係一大賣點，而且款式仲好多添👍👍豬柳麻辣撈面 ～面底乾身 ，麻香並重 簡單一撈就ok 豬柳非常厚身 肉質鬆軟外面有少少焦香 十分吾錯🤤跟餐火腿退炒蛋 ~正常發揮餐包竟然係熱辣辣嘅菠蘿包🤩🤩真係好有驚喜 豬扒面 ～一上枱忍唔住”嘩”一聲20吋碟都擺唔晒,超級厚身，手掌般厚度，size目測有24吋 最緊要質素非常好👍有豬肉香😆而且非常鬆軟，有少少肥位真係好正 茶餐廳有如此質素果真出色😋😋新鮮出爐麵包非常多 仲有好特色嘅包類 最尾揀咗蛋撻 ～酥脆蛋香而且價錢仲好實惠🥰🥰好耐未試過咁高質嘅歺室 ，早餐🍳下午茶☕️非常之好嘅選擇🤭

朋友近來感到工作不順，我就帶他去吃快樂.順景茶餐廳，一定會事事順利💪🏻-這類的茶餐廳帶給人不是太客氣印象，竟然這𥚃絕對沒有這感覺。雖然店員說話比較急促，但畢竟這𥚃是快樂的地方，所以店員是禮貌及友善的。-HK$62快樂特餐：菠蘿油、豬扒公仔麵、配火腿、嫰滑炒蛋～外皮鬆脆、內心鬆軟的菠蘿包夾了厚厚的牛油，甜中帶鹹，是一種經典的組合。極大塊的豬扒（真心大過我塊面）～肉質鬆軟，不過朋友就不太喜歡五香味，但對於我來說很好味🤣。-快樂常餐～HK$58瑞士汁雞脾撈公仔麵配火腿、嫰滑炒蛋、配特色餐包～雞脾長度比我的手還要長，肉質扎實又入味。每條公仔麵沾滿了瑞士汁及雞汁的精華，但吃起來未至於乾噎。如果上菜時加一小碗湯汁比客人自行決定是否要加會更加好。特色餐包竟然小號菠蘿包，夾上外型小山丘的嫩滑炒蛋，我肚太滿足了😚-以上兩個套餐份量非常大，小鳥胃的朋友是吃不光這個份量😂。-HK$15快樂忌廉筒～微金黃色又膨脹的酥皮，好像響螺一樣，填滿了幼滑的牛油忌廉，吃後胖2磅也不介意。HK$13紅荳沙翁～最初也不知道內藏有紅豆，咬起來超鬆軟配上帶有咬口的紅荳，令人難以抗拒。-+HK$3凍奶茶走甜~朋友喜歡濃郁茶味，所以

如果你係灣仔嘅街坊，應該記得昔日嘅快樂餅店同順景茶餐廳就係隔籬鄰舍，一間主打招牌奶油筒等港式麵包，另一間則主打奶茶咖啡等茶餐廳美食。經過時代巨輪嘅流轉，快樂餅店同順景茶餐廳終於強勢回歸喇！嚟到銅鑼灣嘅快樂．順景，無論港式麵包定茶餐廳美食都有得食，今日嘅早餐就由快樂順景開始啦。全日早餐All Day Breakfast同Fish and Chips都係英國代表嘅美食，至於快樂．順景嘅全日早餐就將佢哋合二為一！大大塊嘅炸魚柳，即叫即炸，非常香脆，配埋秘製他他醬，就更加惹味。至於其他配料仲有黑松露蘑菇嫩滑炒蛋、法蘭克福腸、火腿同牛油粟米。而快樂．順景作為港式茶餐廳，當然要喺全日早餐加入港式元素啦，所以餐包就係非常酥軟嘅自家製菠蘿包，非常豐富。港式早餐A10間冰室茶餐廳，10間嘅早餐A都係火腿（仿鮑魚絲）通粉。當然快樂．順景都唔例外，早餐A係火腿仿鮑魚絲通粉配嫩滑炒蛋，味道係熟悉嘅味道，但平時早餐嘅牛油多士或餐包，嚟到快樂．順景同樣變成酥軟嘅自家製菠蘿包。蛋撻蛋撻分為兩大幫派，唔知有無人同我一樣都係鍾意牛油曲奇皮呢！牛油曲奇皮嘅牛油味香濃，撻皮鬆化，充滿蛋香，值得推介。油占多最後再加埋油占多，

經過黎食過常餐， 以前間中都會幫襯灣仔間《快樂餅店》，但我覺得而家呢個菠蘿包好食好多，個皮唔硬， 麵包又鬆軟，以後上完堂經過可過嚟買個包宵夜😋😋常餐 雞髀撈出前一丁、沙嗲牛肉出前一丁都係普通嘅，正常，冇乜特別😉但地方有限， 好多時要係門口排隊， 入面位置坐得又近， 坐低食唔係好舒服 。因門口有人排隊，所以入邊啲職員都好緊張，係咁會同出邊門口排隊嘅人講好快好快，搞到喺入邊食得好緊張，快快脆食完飲完杯嘢走😓

啲嘢食已經貴，常餐、下午茶要成五六十蚊，蛋撻$9蚊個，完全冇特別兼唔好食。啲員工態度仲要好差，個經理落錯單唔認，啲嘢食送到亂晒，碟野行咗幾個圈，個侍應女人冇戴口罩，又放過落幾張枱，先俾我食，我要求換過，佢唔肯，仲話我攪亂佢，個廚房佬用不友善既眼神望實我，好似得罪佢咁，成餐飯食得唔自在。強烈建議大家唔好去。

無論是順境或逆境、富裕或貧窮、健康或疾病、快樂或憂愁，我將永遠在你身旁。簡單一句誓約，背後既意義重大，對我黎講，開心幾時先係最緊要。👇🏻📌快 樂 特 餐 - $62▪️ 菠 蘿 油 -▪️ 豬扒出前一丁 - (+$5)▪️ 嫩滑炒蛋．火腿 - ▫️ 特餐先黎個「菠蘿油」外層相當鬆脆，夾住一大舊牛油，一啖過油香十足，「豬扒公仔麵」塊炸豬扒仲大塊過我塊面，夠哂誠意，炸得外脆內軟，裡面非常juicy完全唔乾，公仔麵加5蚊轉出前一丁，基本啦；「嫩滑炒蛋·火腿」炒蛋夠滑溜，配搭火腿，成個特餐都好抵食。▪️ 紅 豆 冰 - (+$12)▫️ 紅豆夠腍好入味，呢個天氣整返杯簡直一絕。📌經 典 之 選 -▪️ 牛油皮蛋撻 - $9▫️ 「牛油皮蛋撻」撻皮夠鬆化，3點3下午茶必備啦。

31/5/2023見佢新開張就試吓叫左個下午茶，我都好鍾意食茶餐廳嘅炸雞髀，所以就叫咗：芝士黑松露炸雞髀（配菠蘿油）芝士冇乜存在感、黑松露濃烈（一Pat Pat 咁，好有存在感😬😬）隻雞髀都算炸得乾身，入邊啲肉都嫩好耐冇食過菠蘿油，好食勁飽因為個雞髀係新鮮炸嘅，所以都要等20分鐘，要有心理準備。唔知係咪因為新開張，所以啲職員都有少少甩漏（我叫凍檸茶走飲管，但係佢幫我寫少甜）不過都好有善，收嘢收得快。

呢間係由以前出名忌廉筒嘅快樂餅店同懷舊茶餐廳順景一齊重開之前佢地執都未有機會食到諗住終於可以食啦，點知失望而回😔😔😔唔知係咪因為仲係試業，佢地出餐好慢好多食客都話等左好耐，但我地等嘅時間都還好味道方面都唔係話好出色如果呢個水準我食其他茶餐廳都得唔使喺出面排隊等🫢🫢🫢🧡忌廉筒最出名嘅忌廉筒其實都不外如是只係宜家好少見到呢款食物所以好多人都吹噓好好味啲CREAM唔係好重奶味，個皮都脆嘅整體黎講唔係唔好味，不過好普通🧡蛋撻係曲奇皮嘅蛋撻，黎到嘅時候熱辣辣曲奇皮都脆嘅，不過啲蛋就唔係好香不過不失啦🧡雞批呢個反而不錯，入面好足料個皮幾脆，食落啖啖肉🧡瑞士雞脾撈公仔麵配火腿、炒蛋、特色餐包瑞士雞脾雖然都好多汁但係啲肉有啲韌而且入面啲肉醃得唔係好夠味啲麵嘅汁唔係好夠同埋撈得唔勻炒蛋都滑嘅，特色餐包就係迷你菠蘿包整體都OK嘅

人生有順境逆境，只要堅持唔放棄的話，改變一下心態，所有唔好嘅嘢都會變好！疫症期間，灣仔快樂餅店租約期滿，令我感到很失落，連最鍾意食嘅麵包都冇機會再食。誰不知，灣仔快樂餅店重開，仲同順景茶餐廳合作喺銅鑼灣開舖，真係令我好興奮！咬－啖豉油雞髀，再咬一啖菠蘿油，簡直Perfect match，逆境都變順景啦！雞髀味道很好，菠蘿包脆皮，如果個包熱啲仲好！不只快樂，仲有種幸福滿滿的感覺！買咗個橙皮提子包返去食，下次再嚟試吓真係有菠蘿嘅菠蘿包啦！等我呀✊🏼

叫咗個所謂全日早餐，塊魚炸到又乾又硬，黑菘露炒蛋又多油又冇味。 個迷你菠蘿包又硬又唔好食，出面大把地方好食過佢。再加少少牛油粟米，一塊超細塊火腿再加條腸連嘢飲，咁就收$58。再加一個蛋撻 $9， 質素好一般，隔一條街嘅 幸運星 嘅蛋撻好過佢好多。順帶一提，廚房同樓面嘅溝通真係好有問題，搭枱嘅一家三口叫哂嘢落好哂單，跟住先至話呢様冇嗰様冇，就算有嘅嘢最後都係嚟錯咗。出面仲要排哂隊，我估大家都係因為 快樂餅店 個名而嚟，但根本就係名過於實。價錢貴，味道唔好，環境又擠迫，真係冇下次。

期待咗好耐下午嚟度好多嘢食都賣晒瑞士汁雞脾撈丁賣晒豬扒麻辣汁撈丁又無晒汁於是我話咁瑞士汁豬扒撈丁啦待應話可以這就是小店好處咖啡紅豆冰紅豆大大粒有口感最正既係餐包係脆皮菠蘿包平時食常餐通常會話走包今次食晒