快樂蜂 (新都城中心二期)

营业中

休息中

炸雞、蛋、飯早餐 跟細汽水 35蚊薯餅三件 16蚊以前薯餅可以加10蚊就得,,而家要散叫但想食貴小小都無計明明影左全部野食既相,,無啦啦消失左個餐35我已經覺得好抵佢仲唔係雞鎚女僕餐廳既炸雞真係完勝K同M不過我建議食得辣食辣既會好d因為唔辣既雞肉比較淡,,我就接受到因為都dim 佢個汁佢既皮脆肉滑多汁真係做得幾好蒜飯我覺得較咸,,白飯會更好個飯可以轉牛角包,,下次我應該會轉汽水我要咗雪碧,,但係佢有浸味唔知係咪佢嗰啲冰溶咗所以係咁所以我下次應該唔會飲汽水

之前聖誕節開party訂咗Jolibee嘅聖誕大餐同朋友一齊食🐝之後開party 都要再order先得份量勁多又勁抵食👍🏻有二至四人餐，甚至六至八人餐都有，有炸雞意粉薯條湯乜都齊份量有多無少，絕對夠飽桶裝炸雞有辣有唔辣，雞肉好入味，啖啖肉😋買嘢嗰陣店員仲好快手就Pack好，訓練有素而且擺盤影相都好好睇🥰🥰🥰快樂蜂 (新都城中心二期) (將軍澳)將軍澳寶琳欣景路8號新都城中心二期地下G08號舖

📍 快樂蜂🇭🇰 將軍澳貿業路8號新都城中心2期地下G08號舖kfc以外嘅最大型快餐店炸雞就一定係jolibee～啲人話佢係被炸雞耽誤嘅意粉店就睇下佢邊樣出色啲🤣😋 N1a 肉醬意粉配2件樂脆雞 $55d炸雞同kfc唔同 個皮係脆好多而肉質係明顯嫩滑多汁d大細就差不多至於個肉醬意粉好多芝士 好濃稠!!番茄味都好出😋 C4 2件樂脆雞配蘑菇飯 $47個蘑菇飯就一般般飯偏硬 汁都唔算好多味道就同KFC一樣不過不失

下午同朋友去Jollibee 買外賣番屋企食因為買既份量比較多所以需要較多時間去做選擇……不過就係咁 就出事啦我企係店內睇餐牌 可能因為店內無乜客人所以備受店員關注 但係並唔係好事個個眼啤啤咁 勁唔耐煩仲口up up 點完餐無啦啦仲比人趕 話我地無整安心出行但其實明明我地只係叫外賣係鋪頭留耐少少都唔得啲員工洗唔洗咁惡啊超級唔開心 啲野都覺得好難食希望該店可以再做下員工培訓唔好搞臭個品牌仲要開係商場入面 咁既服務態度 搞到個商場都cheap 哂！！！

查詢菜單被吼叫各種不禮貌對待*不止一位員工*以前有幫襯過其他地方既Jollibee比我感覺都係好親和即刻係好忙的地區/時段其他地方既員工都係好有禮貌 好有笑容即使而加戴住口罩 都感覺到佢地係熱衷於工作 接待客人的同樣地 新都城店員工一樣地戴住口罩但我同我朋友都完完全全都感覺佢佢地既不快情緒！而我整個過程 都只係講左幾句請問乜乜同乜乜係咪一樣？好謝謝Sorry*點餐*但其間佢地都各自反饋左佢地不耐煩的情緒這讓我對Jollibee有了第一次的不愉快經歷👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

一大班朋友上嚟屋企玩，梗係叫下啲美食啦，今次其中一樣就係買咗佢嘅炸雞筒以前成日食但係因為佢加咗價變得冇咁抵食之後就食少左，都一段時間冇食啦，今次可能相隔幾個月後食睇吓質素點樣先今次叫咗一個筒，佢出咗名嘅雞皮唔會揸得難食依然Keep到水準，佢入邊嘅肉質十分之嫩口，將個小小嘅油係入邊口感味道一流！件件都大大件都冇令我失望希望佢價錢有機會回落少少就會更加多人去食(雖然知道佢繼續加價都大把人去食🤣)味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️🦽👍🏻: ⭐️⭐️⭐️⭐️⭐️🚗: 消費$200可免費泊車1小時

之前在尖沙咀Jollibee試過她們家的炸雞🍗，皮脆、肉嫩滑、多汁，價錢划算、份量大，比其他連鎖快餐店好。這次難得到將軍澳看戲，就在進戲院前，於將軍澳Jollibee分店填填肚。這次點了兩件炸雞上髀🍗，以及炸雞柳套餐配薯條🍟及可樂。炸雞上髀🍗皮薄但竟然不脆，肉雖然依舊滑嫩、多汁，卻反映了Jollibee在質量管控方面的不足。炸雞柳及薯條🍟亦是不脆，而且雞柳選用了乾柴的雞胸肉，質素較差，調味也不好。可樂是罐裝，而且夠凍，有驚喜。

炸雞香脆，炸雞處理得啱啱好，雞肉juicy，size唔算細，炸粉不太厚。薯條都好有薯味，但唔係每次都熱辣辣。漢堡包料足，蕃茄肉醬意粉比想飲中好食，但意粉偏冧。整體推介

去行山之前，我通常想吃點東西，原來將軍澳也有 Jollibee 的分店，我平時都喜歡吃炸雞，這裡的炸雞超好吃，炸雞非常香噴噴又熱騰騰的，吃完想再吃🤤 這裡也有蜜桃芒果批，餡料也很美味，但這個批不算大個，真是少食多滋味喔🫔😘

成日聽人地講佢地香芒蜜桃批好好食，今日經過就返個黎試下😝😝外層幾酥脆，就算涷左都唔難食入面個餡係芒果加蜜桃🍑呢個組合都幾夾，食落幾香甜😋😋一啲酸都冇，同埋幾多汁，唔會杰撻撻咁，唔錯👍🏻

工人姐姐經常同我推介呢間炸雞店 但屋企附近無 今日去寶琳見到佢既招牌 心諗終於係時候一試喇!😎叫左一隻chicken joy 🍗店員會問你想要髀定胸既部位 我其實對雞胸無抗拒 加上店員話會大隻啲 多啲肉 咁我覺得啲肉鞋啲都無所謂啦💁🏻‍♀️原來佢仲會跟埋一個蘑菇汁 咁我就更加覺得呢件炸雞 係又乾又柴👻一拎上手已經同平時既連鎖店炸雞唔同 佢既温度係辣手 值得一讚既 而且等都唔等左好耐🔥一咬落去簡直顛覆晒我既想像 外皮炸到好脆 而且調味剛好 入面既肉汁滿滿 而肉質係嫩滑既😍😍而附送既汁 同平時蘑菇飯汁係一樣既 我覺得可落可唔落 無特別加分 只係如果你食食下覺得乾身的話 加少少都唔錯 不過好似就無發生係我舊炸雞身上😂依家又想食添

今天是來寶琳的第二日，選址新都城中心二期地下的Jollibee。一個人食Jollibee，我覺得很快樂。環境方面，可能未到一時午飯時間，這間Jollibee很少人，我可以找個自閉位。它的空間是L型，不行入餐廳見不到食客。私隱度夠高。食物方面，我雖然常常聽工人星期日食Jollibee，但其實不知有什麼食，原來有數款漢堡飽選，我揀了菠蘿漢堡，裡面有一塊漢堡及菠蘿之餘，還有一塊煙肉，感覺較清新。但我忘了自己食快餐的走醬要求，仍是不夠小心。服務方面，姐姐收盤也殷勤，保持環境清潔。目測地方算企理。很多人都會叫雞食，姐姐需要用濕布抹走油漬。總括來說，Jollibee值得推薦，有能力與美國佬的老麥競爭，絕對是菲律賓人的光榮。

首先呢度嘅炸雞就一定係好味㗎啦，同其他分店一樣水準，都係外皮鬆脆，雞肉嫩滑，但呢度最得我心嘅係呢度嘅員工真係好友善，佢哋會好主動幫你去清潔枱面，衛生亦都做得好好。

今日去咗jollibee單點左一個大薯條，$16呢個價錢來講算合理，薯條係幼薯，熱辣辣食嘅話係真係唔錯，唔會太鹹亦唔會軟，餐廳座位數量合理，通常都唔需要等得特別耐，環境亦企理乾淨。

店舖人手嚴重不足，嗌一個餐等左半個鐘，返到屋企，先發現比錯野食，額外加$16一個芝士漢堡包，打開竟然係一舊飯！！？真係好嬲啊啊啊！一直都幫襯開，今次真係好失望！！