快樂番薯

营业中

休息中

買兩杯珍珠奶茶，一開始已經提左要少珍珠，睇住個細佬係冇少珍珠嘅，咁我確定咗好幾次兩杯係我嘅（因為記得前面兩位客人嗌咗啲乜嘢）咁我就提咗嗰個姐姐話我係少珍珠，佢不停要我等就算，之後我又同佢講，佢話嗰兩杯唔係我嘅，但係佢出餐又真係出嗰兩杯，只不過係自己偷偷地倒咗珍珠。攞奶茶俾我時，仲話我好心急，睇錯咗，唔係我嘅嘢，佢哋一定係跟餐做嘅。如果佢係跟餐做，我邊有可能睇錯咗？ 擺明係佢哋自己錯，唔認。態度好惡劣，仲話我鬧佢，講得好似係我錯咁。以後唔會再幫襯。

行街口痕想飲啲嘢，經過有間叫快樂番薯，竟然做緊特價廿蚊兩杯紅糖真奶，平到咁咪試下囉。呢間快樂番薯除咗賣嘢飲，真係有烤蕃薯賣，仲有烤肉腸同手抓餅，店員全部講國語，好有國內feel，果然係過江龍。⭐老紅糖珍珠奶茶就試呢杯特價的真奶，點了一杯全糖一杯半糖，不過拎起上手望落差唔多，飲落都差唔多，唔覺得有一杯特別甜喎。珍珠有咬口，飲落啲紅糖味幾香，廿蚊兩杯係抵飲嘅。咁嘅價錢都唔會期望佢係什麼原片茶葉什麼真鮮奶啦，間中飲下過下好飲啫。