忠誠茶座泰國菜

营业中

休息中

6月26日下午在忠誠茶座吃午飯，大家叫了不同的快餐，朋友叫了一個「喇沙」魚餃面，朋友吃了之後, 認為不大好吃，在侍應執野時就說「呢碟好難食」, 跟住侍應當然同經理講啦, 當時係一個女經理(我暫且叫佢經理啦,因佢年紀大,亦著白色恤衫的),之後, 經理及侍應都無再過黎解釋任何野。但我就見到經理同其他侍應講:「佢食唔慣呢d 味姐...」~~ 我無試過個碟面，好食難食唔敢評，但當住我地面前, 同其他伙計咁講, 我覺得佢好差law。服務態度差，d野好食極都唔會再幫襯。

前幾星期去食tea，叫冬蔭公肥牛金邊粉，發覺冬蔭公味道唔同差左！但當時以為係多人所以會咁！但上星期閒日去食晚飯叫左我覺得佢地最好食既燒豬頸肉發覺味道完全同以前唔同，而且亦發覺班侍應好似唔同左人。有無高人可以指點下係咪已經轉左？

星期日單車團經過一圈大尾篤後回程大埔.由於之前一站和暢只是吃粥...體力消耗了一段..故在中途補充體力跟著出大圍作最後衝刺.有食家指之前探路見呢間都幾多人吃.所以便作下午茶的地方.要了公司治(share)熱檸水及油醬多(share)熱檸水同茶餐廳差唔多不作詳評.公司治都算熱辣辣一份切四份食落都幾得.油醬多的多士烘得不錯...比第一場的油田烘得好.加上塗了不少花生醬~好味.其他食家好多位叫了公仔麵, 可能中午一餐真係唔夠飽. 埋單又是廿多元算是及格有餘.心諗仲會比市面價錢貴添.唯一彈便是單車位唔夠多同埋驚睇唔到俾人撻左部單車.

同食友們去單車樂，一行十幾人踩入大尾篤，正值下午茶時段，當然要找處地方飲杯茶食件餅，行前行後，都好似係呢度企理一點，就將租來的單車擺在門外當眼位置坐了入去。下午茶餐18蚊起，吃泰式粉麵更是三十幾，唔平，不過左右隔離又好似係差不多價錢。叫了餐蛋麵加杯熱咖啡，可能人多，都要等左一排至有得食。麵是普通的即食伊麵，可能好耐無食即食麵，覺得不錯，唯獨是沒有了即食麵的招牌味精湯底，換了個幾鹹的不知名湯底；杯咖啡麻麻地，始終是在泰菜人館，係難尋好咖啡的了。有一樣要提，就係如果踩單車來又泊在門外的話，真的要好好的睇住部車。因為當我們正在埋單的時候，門外的那間單車舖店員竟然帶其客人來揀我們的幾部單車，好在我們制止得快，如果不是都不知在那裡可以找回單車。這其實與在光天化日下搶東西沒有分別，簡直離譜！埋單每人廿幾蚊，都唔算貴，不過如果唔見左部單車，餐茶就認真貴！

星期日晚左想右想都不知去邊吃晚飯，最後從openrice找到這間，於是和女友駕車去。餐廳對面街就是咪表停車場，好容易就泊到車。雖然打電話訂左檯，都要等兩個字。兩個人唔係叫到太多食物，我最欣賞係沙爹同phad thai (金邊粉)。須知食泰國菜，一碟padthai就知有無料。我唔係好知點形容，總知好食啦。下次一定要起碼4個人去先可以叫多野食，要試下咖哩蝦蟹。

噚晚專登叫朋友揸車入去試下，覺得味道同以前差唔多，豬頸肉、金鈎醬豆角、咖喱蟹依然美味，但係d蟹就"削"o左d，我朋友仲見到肥阿姐問過佢，佢話老闆係原居民，d泰國師傅做o左十多年都未轉個噃，但佢都好坦白講假期d出品會差d個喎，o甘就唔知o嘞，因為假期怕迫好少去，反而覺得個厠所就真係差d......又無特價啤酒，$35蚊支啤酒......

請更新,大尾篤開左間泰國餐廳叫mali-bu thai

我一直都是忠誠的fans,細細個食到宜家,我個個月都會渣車去一至兩次大尾篤忠誠食野,雖然好多時都要等,但都值得,因為真係好食,但直到3月中同4月頭我兩次再去食忠誠,見倒人手轉變左,有小小驚,但心想味道同以往一樣味得law,但真的俾我的心估中,泰國菜是我的至愛,味道有什麼不同一定分得出,唉...好失望,原來換左老細,人手都轉換埋,請香港人來主理,d味道好香港law,我不是想說香港人主理泰國菜會不好味,但如果叫一個鬼佬來主理一間香港大排檔,你估炒出來的生炒骨是什麼味道? 泰國菜的價錢不是好平,如果要我俾咁樣價錢來食不正中的泰國菜真是去食大排檔好過!!話說4月30日的一個晚上,小女子同幾個朋友再渣車黎食野,今次轉左去大尾篤平時都好小注意的泰國餐廳mali-bu thai,間餐廳開左2個月倒,平時因為忠誠的原因,去大尾篤都係一入入忠誠,只是知道開左間泰國餐廳,但好小理佢,因為忠誠令我的失望,今次我試mali-bu thai想睇下佢是什麼,味道簡直......掂呀,味道同以往的忠誠一樣咁好,真的好彩,賽翁失馬,焉知非福,我諗好多人同我before一樣,去大尾篤食野都係去忠誠,但今時今日要變啦,不

其實講真，do野真係幾好食o既﹗﹗不過我略嫌d食物太細碟……又較貴咁啦﹗因為每次都太多人係門口排隊，所以我只係有機會食到一次﹗至於我o既誠意推介就係辣膏炒通菜，同酸辣鳳爪﹗這兩樣餸實在太好食了﹗一定要試﹗(後補︰上菜都幾快)

oh,so sorry!!!我打錯字,應該係豆醬雞,唔係豆漿雞....唔好意思呀,我自己都唔知打錯字.因為用速成打個豆字佢有個漿字揀,所以一時唔小心打錯..你下午去食就一定要豆醬雞飯,好好食架~~

我睇完你既介紹去食，但佢無豆漿雞喎，但個串燒鱔片真係好正，另明爐生魚都好好食，3 個人叫左5 樣野都係300 幾埋單，抵過西沙個邊好多

上星期六去大尾篤釣魚,下午就黎呢間食~見到佢有Q嘜,都食得放心d~男友叫左豆漿雞飯,我要冬陰公肥牛金邊粉,佢個雞好好食,送飯一流,我個粉夠哂辣,又好香香茅味,酸酸辣辣好醒胃~而家諗起都流哂口水~佢間舖頭都唔錯~小小露天夠哂光猛,而家唔太熱去食就岩岩好~0個日食食下太陽曬到應,個waiter即刻落一邊簾,唔錯唔錯~

一行8人排隊等位好正常,由好多空位等到火起都話等等先,張排位單一味加D定位時間早到補位行先,好似係度乞食要位咁樣.最終決定將"忠誠"例入黑名單永不選擇,請各位先考慮!

好味又如何!,定位遲到會打尖,定位早到又打尖,朋友留位又優先,不知所為帶位啊太,未食飯先食風,不如寫明"不歡迎街客"啦!

Weekend一大班人去大尾篤燒o野食，諗住夜晚才BBQ，日間就踩單車。午飯諗住就o係呢度攪惦...點知，嘩！估唔到咁多人。大熱天時，又要等位，真係未踩單車已經出左好多汗，好辛苦！一座低，大家已經好肚餓，冇點商量就order食物，包括豬頸肉、咖哩蟹、炸蝦餅、沙爹串燒、冬蔭公、海鮮大會等等等等~~~可能大家都肚餓，又熱，只想快D食完，不出幾個字已經掃曬檯上面o既食物，好味又滿足！埋單每人都係~$100，食o左咁多o野其實已經好抵。美中不足o既係環境又迫又熱，我地食完之後都唔想再座多陣，拿拿聲走去隔籬豆腐花檔整番杯冰凍豆漿降o下火先~~正！