忠誠茶座泰國菜

营业中

休息中

久未試過大眾踩單車於郊野上，假日為何不放鏦一下……本癈怪竟心血來潮傻傻的跟大顆兒去郊遊喎。蹈單車累了，幸好有人先到，在忠誠吃越南菜。可能肚餓，覺得食物份外好味。我們吃了涼拌青瓜、去骨鳳爪、咖哩+焗薄餅、泰越炒粉絲，都不油，夠爽夠味，乎復何求。一切感謝主恩。

今日是健康運動日, 約了朋友由大圍踩入大尾篤運動重要, 入大尾篤食野都好緊要, 每次入去食野都成為一個踩單車的動力!由於天氣太熱, 實在唔想BBQ, 嘆住冷氣食泰菜係最好選擇入到去下午2 點多, 幾乎是下午茶時間, 當然不用等位一坐低即刻叫返杯青檸梳打, 夠氣夠凍又唔太甜, 好解渴!解完渴可以食熱野, 即刻點返個冬蔭功都幾辣下, 不過入便的蝦真係好向左走向右走大! 有3 隻咁多試左個新野鳳尾蝦青咖喱 , 另外叫多客焗薄餅配咖喱焗薄餅一般, 可可能冇乜咬口, 個人比較中意油酥餅多D食泰菜必點的是炸蝦餅(4件)同炒金邊粉, 可惜忘記影相~~不過炸蝦餅是球狀, 大大粒, 好脆好好食!最後都有點個炒通菜平衡一下~野食OK, 只係價錢偏貴 , 拍得住市區餐廳!

Beautiful seaside location. Nice spacious restaurant and super clean。Booked a table for 9 people. Nice menu in both English and Chinese. Food matches the photos too. ordered a real mix of food: curried whole crab, satay sticks, pineapple rice, fried fish and much more. All tasty especially the curried crab and delicious deep fried fish. Good fast service.

星期天，趁有時間去郊外呼吸下新鮮空氣，天氣很熱、焗，本身打算去吃串燒的念頭都打碎了！炎炎夏日還是吃泰國菜了！六時未到，已經排了長長的隊等待入座，如果人多記住先訂位，幸好我們兩人很快被安排入座！第一次光顧，但大至上泰菜都差不多，今次點了無骨鳳爪、青咖喱、焗薄餅、青木瓜絲沙律及飲品！無骨鳳爪: 比較軟身，不太有咬感，但辣度恰好，挺開胃。青咖喱: 好香，不辣！焗薄餅: 卜卜脆，用來沾咖哩，一流！青木瓜絲沙律: 一般！

🚴踩完單車夏日炎炎唔想BBQ，所以去咗忠誠食泰國菜。依間野比較出名多人食，早還車早入去食所以都唔使點等位。今次食菠蘿雞肉炒飯，但搵極都搵唔到肉，只係普通菠蘿炒飯，可能落錯單掛，但d員工係超超超忙，所以照食算。飯都唔算細，$100都唔洗真係抵，味道會有啲偏鹹，但本人比較重口味，所以味道OK 💁🏻🍹🍹方面叫咗三色珍多冰，因為餐廳入面係超超超凍，🚴完出哂汗係咁凍既環境再飲凍野好易頭痛，加上椰汁味好重，唔係好開胃，所以飲咗幾啖已經飲唔落。餐廳係有水提供，fill水速度都快既，如果唔想飲d乜乜冰可以飲水😂

呢排天氣咁好當然要去踩個單車同陽光玩下遊戲喇踩單車由沙田踩到去大尾篤咁辛苦梗係食出晒名既忠誠喇大家記住要早幾日book枱因為佢出名多人食佢地會一半場俾人訂枱一半場俾人walk in等位，所以穩陣起見都係book枱好我最愛既無骨鳳爪，辣味十足，加上泰式香料同青檸味辣到個人出晒汗都要係咁食，諗起都吞口水其實粉絲沙律同呢個味好似不過粉絲會吸晒啲辣汁所以會更辣，我選擇冬天凍冰冰個陣先食食泰國菜最岩配個清甜椰青解解辣仲可以食埋啲椰子肉本來想食炒椰菜苗，但係太好銷情唯有食通菜第一次食呢個炒魚塊平時通常都食炒蟹，因為同行友人敏感所以今次揀左魚塊其實叫咖哩都係為左食焗薄餅🙊但係又估唔到呢個咖哩炒魚塊又幾好食，味道唔算辣，唔知係咪因為個前菜太辣個汁比平時食開既咖哩杰身因為佢始終係炒既形式但係要黎點薄餅都完全冇難度念念不忘既薄餅每次黎都一定要食，或者應該話每次黎食都係因為要食佢呢款薄餅唔會油淋淋，佢比較乾身同有少少脆卜卜既口感，望落去脹卜卜咁熱辣辣既咖哩加上呢個脆卜卜既薄餅諗起我又想再去食喇呢個芋頭海鮮飯又係另一個必食平時食菠蘿炒飯食到你唔悶我都厭呢個芋頭海鮮飯用煲上，Keep住熱辣辣因為太好味既關係我都

有好多時候食飯都好怕無位泊車，就算有都怕停車場錢好貴！大埔就有一間位置大尾督既泰國餐廳「忠誠茶座泰國菜」，鄰近一個露天咪錶停車場，適合一家大細揸車去。今次點選左「冬蔭公湯」，「雞肉串燒」，「焗薄餅」，「青咖哩豬」，「炒金邊粉」。「冬蔭公湯」會用火爐加熱，保持溫度，材料豐富內有三隻大蝦，辣度剛剛好，份量適合四人飲用。「雞肉串燒」一碟有四串，有豬雞牛3類選擇，但不能兩溝，只能選擇一種，有點可惜！食泰國菜，點可以無薄餅呢？推介你食「焗薄餅」，一串有8件，好香口脆皮！另外點選「青咖哩豬肉煲」，跟「焗薄餅」拼食係絕配！如果怕辣，可以選擇青咖哩，豬肉不會太靭，味道適中，好惹味！最後點選了「炒金邊粉」，有點比較濕，不太乾身，但味道剛好，酸甜適中，但份量略為少！

今日放假去大尾督郊遊~踏單車,放風爭,順便食埋泰菜先走,咁先係完美嘅大尾督一日遊,“忠誠泰國菜“,次次黎都好多人嘅食店,如果唔預先訂位.可能等兩個鐘都入唔到座!勁脆嘅泰式焗薄餅,每次必點炒金邊粉蝦醬炒飯,咸香味濃片整個炒飯,好味!

Ot過後想吃餐好，朋友推介我去大尾督的忠誠茶座。可能你會謙太遠，但如果有車的話其實入大尾督也不是太難忠誠茶座，單看名字以為是吃茶餐奶油多之類，但其實內有乾坤！平日晚上八時多來到，入座率達8成。驟眼看不少客人也是專程駕車入來吃飯馬拉盞炒介蘭，炒得夠鑊氣，配上蒜蓉和馬拉盞等香料，份外回味泰式酸辣鳳爪，味道偏辣，酸酸辣辣開胃一流。串燒豬肉，燒得較乾身，沾上沙爹汁吃味道香濃，想再encore大頭蝦冬蔭功湯, 忠誠的是正宗泰北做法，味道偏酸，而且為了迎合香港人口味，沒有太辣。底下的瓷爐有火烘著，可keep住個温度，十分細心大頭蝦有成個碗咁大蝦肉新鮮彈牙，吃下便知道不是霉貨，讚泰式炒青口，泰式辣醬味道濃郁，香辣可口，可惜青口是雪藏貨稍遜。椰青超級清甜，解贓清熱佳品，必叫推介兩個人埋單大約4百，價錢貼地味道ok，如果有車的話間唔中去下郊外食個便飯也不錯

唔知做咩事，揸車周圍去就黎左食泰國菜幾好味（燒牛肉？！唔記得）見到呢個就開心喇好鍾意食咖哩配薄餅呢個造型滿分，食落仲好脆，好唔夠喉咖哩牛肉都唔錯，牛肉唔鞋生菜包又係另一泰菜最愛辣辣地、酸酸地，好開胃果籃生菜都好 freshso far 都唔錯

係大尾督附近既呢間泰國菜水準不錯！基本上餐廳幾有氣氛同乾淨。menu 上食物同飲品既選擇都好多首先點了燒豬頸肉，肉燒得不太乾，食落仲有啲肉汁，但外表十分翠！而且廚師不求其，調味很足，同我之前食個啲好唔同，值得一試！另外我地點左鳳爪，筆者平時不太食呢啲，因為覺得好多餐廳調味都放了好多味精，食完會好口渴。但呢間又唔會@@食落幾爽又好味最後魚餅味道一般啦，冇咩特別，但其餘二味的確不錯！！^^唯一要注意的是，黎呢度食最好駕車黎，唔係既都幾唔方便！

朋友突然一致決定入大尾篤踏單車，於是便取消左西貢之行，三人行駕車入大尾篤。之前已經聽过忠誠呢间泰国菜響當當既名，一到步哥就話一陣食，但果時唔記得訂位。未到六点已有長長既人龍等派籌入席，無計唯有排隊，可能由於時間尚早，待應安排哂訂座人入席就到我地，不過限時食个半鐘，太多人等位了。埋位后我地立即order, 上菜速度超快。待應都不停主动為客人加水先上個豬頸肉，半肥瘦咁，厚度又岩岩好，味道一流，又甜又爽，juicy，一定要試。之后又上个咸魚炒菜，有咸魚粒，香，菜也炒得不錯。朋友叫左个椰青，太老了，d肉已不能吃，唯一失望到食咖喱蟹既時候了，價錢合理既，因用料用左一隻大蟹，好新鮮，味道很好，咖喱汁也較得好好，我地就叫多个薄餅來送咖喱了。等瓦煲內既冬陰公滾，待應生就來幫我們熄火分湯，有新鮮大蝦，酸酸辣辣既味道加上熱辣辣，人間極品啊！

早排屋企人生日所以就出左去食飯慶祝喇慶祝就梗係要搵D特別d，平日少去既地方啦所以就入左黎大尾督忠誠香茅雞翼有小朋友係到就叫D香口小食啦香茅雞翼炸得幾乾脆不過香茅味就唔多夠食落似普通炸雞翼多D沙爹豬，沙爹雞兩款肉類食落都好嫩但就唔似係炭燒而且沙爹比得好孤寒 得小小青木瓜沙律料好足，而且切得夠幼細但係個沙律都幾辣下食唔到辣既朋友要小心菠蘿海鮮炒飯可以揀原個菠蘿或者碟上又有青口又有魚柳都算足料味道唔錯，但個飯唔夠乾身明爐生魚屋企人都幾鍾意食魚但大家知道呢條係生魚果時都有d驚訝因為而家都比較少餐廳用生魚肉質比較滑所以一路keep住滾都無鞋到但個湯我覺得唔多夠味一路食都好似食緊清蒸魚咁咖哩炒蟹有時都幾怕出街食炒蟹因為總係覺得隻蟹會唔靚但呢到隻蟹好大隻不特止仲好新鮮同多肉咖哩唔辣但好惹味用黎送飯一流，小朋友一樣岩食焗薄餅咁有咖哩又點可以無野點呢到既名物: 焗薄餅食落好似酥皮咁而且無煎既咁多油，正其實當晚仲有其他野食不過食得太開心唔記得影(同埋唔記得MARK價錢)食物既水準好似比以前差左DD不過去忠誠除左食物其實都食成個環境同氣氛放假想離開下市區，呢到都係一個好選擇*PS: 我搵佢個地址果時發現原來

難得的5人聚會,人越大,好珍惜大家見面的日子,一於揀有特色的餐廳食飯,田會長推介大埔的泰國菜,本身都聽過下幾出名,一於呢間了,位置雖偏遠,但有巴士站在近,都幾方便呀。我地提早來到,冇BOOK位,原來晚市開6:00,時間剛好,排左陣隊即有位了。環境好大,露天茶座,感覺悠閒寫意,開風扇涼涼地,坐得都幾舒服。有特色的餐具。雖然有心水,但都即睇有咩特別野食呀。椰青,$45,掙扎左一陣決定要椰青,明智之選,好清甜呀。狂掘椰肉出來食,好多肉,好味呀。多野菠蘿特飲,$58,個名好易令人讀錯,試左一啖,味道係有香菠蘿味,但不算太突出。冬陰公,$88,最期待的,瓦煲上的,保持溫度。有3隻大蝦,頗足料,冬陰公湯,酸酸辣辣的味道,椰香味濃,不會太鹹,好味呀。綠咖喱,$68,揀了牛肉,好濃的椰香味,香香甜甜,少少辣,牛肉份量適中,好味呀。焗薄餅,$42,好喜歡呢個有特色造形,脹卜卜的賣相,口感酥脆又煙去韌,伴咖喱食一流呀。蝦餅,$68,有4個,外層香脆,入面蝦餅爽口彈牙,好味呀。香茅雞翼,$62,好惹味呀。原個菠蘿海鮮飯,$98,有青口、魷魚、蝦等,好足料,飯炒得粒粒分明,淡淡的菠蘿味,配料有豬肉鬆及提子乾,

店名：忠誠茶座泰國菜地址：大埔汀角路大尾篤村69B-72號地下好味指數：8.2／10價錢：$82串燒鱔片(4串)這個串燒鱔片很讚，鱔片肉質肥美，而且很滑。加上燒得金黃色且香噴噴的，回味無窮。店名：忠誠茶座泰國菜地址：大埔汀角路大尾篤村69B-72號地下好味指數：7.5／10價錢：珍多椰汁冰 $28正氣龍眼水 $28咸檸七 $28珍多椰汁冰椰汁味香，龍眼水夠味解渴，夏天飲一流。店名：忠誠茶座泰國菜地址：大埔汀角路大尾篤村69B-72號地下好味指數：7.5／10價錢：$65炸鮮蝦餅(4件)這個蝦餅是圓形的，像乒乓球般大，個人認為應該改名為蝦球，而不是蝦餅（哈哈）。 蝦餅外皮炸得夠脆，裏面包着大大粒的蝦膠，味道不錯，略嫌不夠彈牙。蝦餅炸得夠熱，放了良久裏面也是熱的，值得一讚。店名：忠誠茶座泰國菜地址：大埔汀角路大尾篤村69B-72號地下好味指數：8／10價錢：$218咖喱炒蟹咖喱是整道菜的靈魂所在，味道惹味，不辣，撈白飯和薄餅吃一流。而炒蟹很大，蟹肉很多，新鮮夠滑。順帶一提，當天還點了一碟竹筒白飯，但味道跟一般白飯一樣，沒有太大分別。店名：忠誠茶座泰國菜地址：大埔汀角路大尾篤村69B-72號