必勝客 (寶漢大廈)

营业中

休息中

I have not dined in Pizza Hut for a long time.This afternoon I plan to dine in Pizza Hut to refresh happy memories of using the salad bar and piling up the pizza bowl for fun. This is an activity promoted by the restaurant in celebration of its 40th anniversary and to be supplied for limited period.To my slight disappointment, the salad bar is only available during lunch and dinner session.To go with the flow, I had an afternoon tea there. I ordered a set with chicken and baked potato rice wit

好耐冇食pizza hut🍕🍕，朋友比咗一張既coupon 比我，免費食一個普通批，去到銅鑼灣呢間pizza hut 唔需要等位，安排入坐卡位，我地散叫了一個千層肉醬寬麵配薯蓉，蒜蓉包，蝴蝶蝦三式併盤，忌廉朱古力咖啡冰，而免費🍕🍕係白松露野菌炸雞（加錢要芝心批）等咗10分鐘，好快就上菜，蒜蓉包一貫水準，蒜蓉味重，麵包外脆內軟，食唔停口小食併盤有炸蝴蝶蝦，雞翼，意式迷你腸，除咗迷你腸普通咗啲，雞翼都好juicy，肉質都好有肉味，蝴碟蝦炸得卜卜脆，得4隻唔夠喉。千層肉醬寬麵配薯蓉，肉醬都幾多，薯蓉好味，闊麵食落都彈彈啲。至於個免費pizza🍕🍕，冇乜松露味，配料唔多，得洋蔥，蕃茄仔，蘑菇，雞肉，pizza 底太薄（定係我太耐冇食），感覺pizza 水準下降。最後係杯忌廉朱古力咖啡冰，咖啡味重，冇乜朱古力味，不過不失

今日同同事出開銅鑼灣買野，買買下都成8點幾，一於方方便便食個pizza~ 都有一排沒食呢間，見依家有優惠所以就呢間，整體都還可以~ 折扣左係抵食既~唔洗等位又唔太多人，點都hea既~

今天友人找我在銅鑼灣買東西！到吃午飯時候了！附近有咁多餐廳想來想去也不知吃什麼！友人話是必勝客會員！仲話有優惠卷,所以立即去！就到了餐廳，環境相當不錯,可能我地shopping咗好耐！嚟到時間接近兩點,人不算多。眼見好多吉枱...點餐後等了10分鐘便出餐燒雞半隻配薯條／沙律,這是友人的優惠卷特價$58隻雞燒得香噴噴，不會過老。醬配埋個醬汁一齊食， 微辣帶點惹味！雞肉肉質嫩嫩的，很多汁！外皮薄薄的，微脆，忍不住要把外皮都吃光！配菜的沙律也沒有敷衍,生菜新鮮清甜！爽口而不苦澀！薯條正正常常,勝在熱辣辣新鮮炸起，份量非常多，好好食！卡邦尼意粉賣相吸引。配上煙肉碎和蘑菇片,口感更豐富！意粉煮得剛好,加了芝士及奶油製成，吃起來雖然蠻容易膩！但又很好吃，令人不禁一口接一口的吃下去！食完慢慢嘆番杯凍檸檸茶！真係一樂也...服務方面上菜速度快，店員知道我們分享食物，端上足夠的碟子。另外部份店員的熱情招待，的確另令這一餐飯...生色不少。

COVID-19 全球大流行抗疫大半年，生活習慣改變了！其中包括：不聚餐工作日午餐，多數自己１個人吃！今次來吃 Pizza Hut，大學時代，有同學生日，大夥兒會到 Pizza Hut慶祝，眨眼 20年就過去。。。今次回味下，那些年經常吃的午餐組合：#忌廉蘑菇湯，感覺水汪汪的，不夠濃，沒有以前的好！#葡汁雞皇飯，經典菜式，雞肉以外，加了挺多的青椒、紅椒、洋蔥，洋蔥沒煮熟，吃着有點辣！#冰咖啡，這個不錯！#辣味雞翼，點set lunch加10元，有２隻，可以再辣一些！#朱古力雪糕，這個是大學時的最愛！滿足！

因為疫情關係，pizzahut都推出外賣自取單點餐牌有7折優惠，星期一至日都適用，可以網上落單後預時間到分店攞，唔洗係外面等同埋同人迫，好方便👍🏻.當日去出左新批，就係芝士輪盤扭扭批，都幾特別，當中只有兩粒加了黑松露蘑菇醬，睇下邊個係幸運兒🙈.海鮮至尊批落左單之後大約15分鐘就可以攞，因為我網上落單忘記了草分，店員好好人幫我再輸入資料🥰薄餅我加左芝心邊非常邪惡，材料豐富，有鮮蝦、魷魚、蟹柳等，最重要係有千島醬，輕輕拉起纏纏綿綿芝士絲，一口咬下非常滿足🤤

有優惠同積分，盛為$108今晚決定散叫，真係從未試過叫左個錦繡至尊，無哂平時唔鍾意既欖，啖啖肉，再用積分換埋沙律同雞翼，仲諗住會好細份，點知係regular size，好彩無叫多野，如果唔係食唔晒又要打包#pizzahuthongkong @ Pizza Hut

真係好耐好耐冇食過PIZZA HUT呢排見D FD係IG 打卡食PIZZA ，先勾返起條癮想再嚟食～係SOGO 行完街過嚟呢度唔洗好耐，本身仲驚要排隊點知唔算太多人可以直接入去坐卡位地方夠大都坐得舒服叫咗個新出嘅黃金芝士溶岩批２人餐先嚟２碗白湯，中規中矩啦唔算太creamy，冇乜驚喜特飲+$8，菠蘿青檸綠茶，都ok啦甜度適中，fresh反而杯朱古力就好淡又冇乜味，唔好飲巴馬火腿凱撒沙律夠大碟，沙律菜都新鮮爽口，火腿份量都OK海鮮LAVA熱賣相係幾好嘅，批底都酥香，但就唔算好溶岩囉，稱起塊PIZZA都冇拉絲效果芝士味唔算太濃食落亦唔算話好特別，唔算驚喜，可能以前D咩至尊批仲正D個人唔反對PIZZA加菠蘿但呢一款PIZZA加咗菠蘿我覺得好唔夾......酥脆蝴蝶蝦 +$30 有８隻，呢個炸得唔錯，尾都炸到食得三重芝士海鮮焗飯雖說三重同樣唔係太濃郁芝士，而且焗飯係白飯底唔係炒飯底味道並唔太入味，普普通通嘅一碟飯咁啦蜆肉焗薯蓉蜆肉份量好少，薯蓉部分都OK嘅唔錯飽就唔係好飽始終普通批好細個又要薄批嚟都係食返佢其他D扭扭批之類嘅會抵食D

突然想食薄餅，去左pizza hut 外賣新出的海鮮Lava熱pizza 套餐再加一個榴槤pizza 據聞榴槤pizza國內係先驅，必勝客引入當然要試試，榴槤pizza不止有濃烈榴槤味每件薄餅上仲有一嚿榴槤肉，軟淋淋熱辣辣，好味道。海鮮Lava有蝦同龍蝦仔但同過往出的pizza無乜驚喜。

星期日到銅鑼灣，真的到處也是人，有時候想找一間餐廳，靜靜的吃，也有困難……但pizzahut反而可以坐得舒舒服服，而價錢還算合理，水也是自己倒來喝，不用等侍應倒水，這樣是挺方便的！帶著兩個小朋友，真的不需點太多，便已經足夠😚只點了一個鬆厚普通批，一客香蒜肉絲意粉已很飽🤗🤗意式風情鬆厚普通批，批邊脆脆的，底部有點點油，但味道不錯的，起碼偏佈材料的是很平均，不會偏到一邊👍而香蒜肉絲意粉也是不錯的，雖然價錢是最平，但份量是足夠的👍

由於太遲食早餐，午餐推遲到下午茶時段了。很久沒有去過有位坐的 pizza hut了，決定去嘆個下午茶。點了公司三文治和千島海鮮 pizza。一如往常無令人失望咖啡亦都夠大杯，又夠熱！而且職員態度有善又有效率，就算我們坐的位置不是當眼處都照顧周到，值得加許

有一晚，銅鑼灣行左陣，唔知食乜好，狐狸仔就話食Pizza hut，就咁第一次入去試啦！環境幾靚，不過都算貴下，一百蚊一個晚餐，一個要帆立貝雜菌意大利飯，一個要超級至尊迷你必勝批晚餐。意大利飯都幾Creamy，幾濃味，不過一個人食份量就真系剛剛好only。有個香橙綠茶比想像中好飲。另外個至尊Pizza，真系一人份量😂，好迷你，味道如常好食。奶茶一般，水左啲，相比之下，香橙綠茶，比較清新，甜，同香味。

今日晏晝諗咗好耐都吾知食乜好，上OpenRice睇下附近有咩食嘅時候，望到自己電話有個Pizza Hut app。頓時諗起自己係Pizza Hut金會員，堂食免加一，所以決定垿Pizza Hut 食晏。有一份超級抵食嘅午餐，就係香蒜肉絲意粉，包湯包野飲，都只係$49。由於我有金會員，金會員免加一。即係真係$49就可以落樓！然後我就點咗呢份午餐食。看來也不錯喔！個意粉勁香！Pizza Hut招牌白湯，夠哂水準，充滿雞蓉同磨菇。蒜鹽意粉彈牙爽口。仲有凍奶茶，糖水自己落！盛惠$49。

同朋友行完街，經過樓下，佢哋話好耐無食pizza hut，於是上去等位。可能無乜人返工，有空位都無人執枱，一行六個等咗半個鐘度。一入到去，坐極都好熱，好似無開冷氣咁，唯有示意佢開返凍啲。好啦 食野先係重點，叫咗兩個新批，都幾好食既，仲叫咗雞翼，老實講佢哋個雞翼真係整得好好食，雖然應該都係批發返嚟（我估）。仲食咗海鮮闊條麵都幾好味，最估唔到係佢哋個黑椒海蜆炒意粉又幾好食喎 可以一試整體質素嚟講 正常啦，係唔夠人手返工啫

其實已經有一大段時間冇食過Pizza Hut啦。記得細個嘅時候，有得去食Pizza係一件都幾奢侈嘅事。而今時今日可以好輕鬆咁幾時食Pizza都得。今日試咗呢個肉絲意粉、蒜蓉包同夏威夷Pizza厚批。三樣嘅水準都OK，最鍾意嘅係個肉絲意粉，個蒜香味真係好出，調味做得唔錯，好快就食完一大兜。