必勝客 (荷里活廣場)

营业中

休息中

平時食pizza通常都係喺屋企叫外賣， 好少去鋪頭食， 咁啱今日呢間舖頭唔使等位， 又心思思想食下嗌咗個千島海鮮迷你pizza細細哋都有四件， 人少少就啱曬啦雖然個pizza細細哋咋， 但係份量十足， 而且由於新鮮熱辣剛剛出爐， 所以好香脆。另外嗌咗一個龍蝦汁海鮮意粉上枱之後香味好濃， 賣相已經好吸引， 食入口仲好有驚喜， 啲意粉索曬啲龍蝦汁， 所以好入味。另外有兩杯飲品， 柚子蜜。不過好似甜得滯， 要加返半杯熱水先至好飲啲。

鑽石山何里活廣場近這幾年進註不少餐廳，有各式各樣唔同種類既國家菜式。所以都好鍾意行這個商場，濕完平就梗係去醫肚，大約七點間間門口都好多人攞飛，朋友問我哩度有咩好食？我即刻介紹話食pizza 因為款式多又大份!餐廳內全場爆滿，我哋都快快點餐因為已經好肚餓了。二人餐意大利菜湯湯中有好多材料香濃蕃茄味好開胃。蘑菇忌廉雞湯忌廉雞湯好嫰滑，蘑菇同雞肉都有好多。焗白汁煙肉薯蓉熱辣辣薯蓉加埋煙丸一起齊是好夾的，表面焗得好香脆。焗肉醬意粉大大碟意粉面放上滿滿的肉醬真的食得好知味啊！超級至尊 - 厚批個人喜歡食厚批，因為一啖咬落去個口感好豐富，批底夠鬆脆餡料又夠多。正

2019年1月1日即是假期最後一天，一家三口來到鑽石山荷里活廣場，遙距取票，好開心被安排坐窗口卡位，望到遠景好舒服。我們點了"心思思滋味批二人套餐"，套餐包括：意大利菜湯，酸酸地好醒胃，有好多雜菜；南瓜藜麥湯，新鮮口味，加咗三色藜麥，好健康，南瓜湯香濃可口；巴馬火腿凱撒沙律，份量都唔少，羅馬生菜脆卜卜，大大粒麵包粒，配美味沙律醬好好味；蜆肉焗薯蓉，內裏有豐富忌廉白汁及蜆肉，熱辣辣，正呀；黑椒海蜆炒意粉，唔會太辣，有大量蜆肉，意粉炒得好爽口；三文魚海鮮薄餅(Simon Yu)，材料豐富，有煙三文魚、墨魚仔、龍蝦仔肉、蟹柳等等，整個批含大量芝士；加$28叫一個酥脆蝴蝶蝦(8件)，新鮮熱辣炸起，香脆可口，抵食；辣味雞翼，依然有水準，雞肉香口嫩滑；蒜蓉包，這一個必定要吃，全港只有必勝客做到這個蒜蓉包的口味；餐飲包兩杯飲品，檸檬茶大大杯，食pizza一定要飲。開開心心嚟到 Pizza Hut，吃了一餐豐富的元旦晚餐。

Summer之後一直都好忙，其實之前都有影食物相。但太耐都唔記得係邊食同係乜，所以只可以補寫番重有少少記憶的餐點。無無聊聊，同仔仔去拜完山，跟住就去左附近既鑽石山行街食Lunch。仔仔又心多，行晒成個商場都唔知食乜好，最後行左2轉，都係走番去Pizza Hut。咁諗住Pizza食唔駛都可以拎走既，所以就叫左個二人餐食啦。最後我地都打包左半個Pizza回家餐湯加凍檸茶，如果有蒜蓉包跟就好啦。焗薯蓉，鍾意食薯仔既我，覺得依個真係好好味。因為我對雞皇飯冇乜興趣，所以依個基本上我食左3份2，仔仔食3份1。雞皇飯，仔仔一個人食晒的，但老實，仔仔話飯有D硬，同個汁都凍凍地。（事後我仔第二日腸胃炎，唔知關唔閞事，但基本我同佢食既野都一樣，係唯有依個飯我冇食過）。去Pizza Hut永遠都係叫超級至尊，因為最多料，又有我鍾意食既菠蘿。加埋芝心邊，最正就係個邊呢。講真，2個人咁就三百幾，其實都真係一D都唔平。不過坐得叫做舒服囉，有時D錢，係買環境。

天氣開始冷大大小小既食店都出暖暖食品，pizza hut都唔例外已經見到有芝士火鍋餐牌呀！今日放假行完街肚又餓腳又攰最啱就係嘆番個豐富晚餐啦！唔知係咪出新既關係定其他人唔知到有芝士火鍋？個個食客經過我枱都眼定定望住我煲芝士火鍋，夠竟佢哋未食過定唔知哩度有？？講番我個芝士火鍋先一大煲熱辣辣芝士火鍋上枱喇，濃濃既芝士味同少少白酒味滲出來好香，配料都好大份兩個人食就啱啱好配料有六款。。。鮮甜大蝦、紐綸堡腸、精緻法包粒香脆雞粒、美國瘋薯條帆立貝大大粒好新鮮

好耐都無食過pizza hut 既下午茶了，難得今日同老婆都放假，就黎左pizza hut食tea。鑽石山呢間pizza hut 都好大，環境好舒適，坐位都好寬闊，而且裝修都好新淨。唔知係咪我太耐無食過pizza hut 下午茶了，發覺佢個menu 多左d新野食，所以都叫左黎試下。墨西哥芝士海鮮脆餡餅$52表面有d燶左小小，不過就好香脆，入面既餡有蝦、蟹柳、魷魚，而醬料係番茄醬，食落酸酸甜甜不過餡既份量唔算多，有一半都係空心的另外叫左個卡邦尼煙肉意粉 $67意粉都好大碟，不過就好淡味，亦都係卡邦尼既香味自己加左d黑椒同芝士粉之後，味覺出左好多👍🏾不過整體覺得食身質數下降左的

好耐冇食過Pizza Hut了食完飯之後行左一陣街又開始見餓行過Pizza Hut 見到原來有下午餐覺得幾好就決定去食了下午茶時段人流唔算太多所以馬上便可以安排入座我同朋友分別點了白汁小食拼盤同埋細辣肉腸pizza兩樣都好好味 同埋分量岩岩好

呢日係新蒲崗辦完正事，就同朋友去左荷里活廣場搵野食，睇左幾間，最後都係比pizzahut 的芝士批吸引住🤤一坐低我地即刻嗌左個芝士輪盤扭扭批二人套餐($307)。呢個二人餐要揀一款湯，前菜，飯或意粉同芝士批。仲有兩杯餐飲。仲可以加錢食小食，不過我地驚食唔晒就冇嗌到。餐飲總是最快上的，我揀左杯英式紅茶(+$3)，朋友嗌左凍檸水。自己倒奶同茶，可以自己控制比例和份量。忌廉蘑菇雞湯，材料全部都切到好細粒，個湯就好重忌廉味🤤拿破崙醬汁肉丸同大蝦蜆肉焗飯🍤肉丸應該係豬肉丸，我就冇試到。大蝦蜆肉焗飯，個飯份量唔算大。雖然成個飯唔大不過入面既材料就真係好足。好味！😋食到呢到我未算好飽，而好想食的芝士批，等左十五分鐘都仲未岀場。當我地催完個侍應，過左十秒左右主角就岀場🤣芝士批係有兩款揀既，我地就揀左帆立貝熱情芝士輪盤扭扭批，外型真係超吸引！口水都滴埋落黎，堅持影多幾張相先🤣個批材料有帆立貝，一推椒同洋蔥。帆立貝份量就真係唔算多。不過個批邊就補救返晒。超。級。好。食。黑松露蘑菇醬芝士bite，入面有兩款芝士架🤤 又唔會話食到好漏，呢個批邊真心推薦。其實自己平時好少食pizza hut，一食就食到高質pi

次次同男朋友食飯唔想等位都食pizza hut嗌咗個二人餐 $30X 包兩杯特飲■ 烤肉堡壘個pizza係波菜芝士饀，好好食■ 雞翼拼脆薯格■ 肉丸配拿破崙醬汁同個意粉撞咗 成件事好酸😂 肉丸都幾多粒 口感唔錯■ 拿破崙雞肉煙肉意粉好食嘅但酸咗啲加上又嗌咗拿破崙肉丸😂😂

父親節前夕同咗爸爸慶祝，今日父親節正日同老爺慶祝，話哂爸爸節當然爸爸話事，老爺話食PizzaHut，就去啦，好耐都冇堂食過啦叫咗個鬆厚批4人套餐再加個海鮮寬條麵同蝴蝶蝦三式拼盤套餐要哂磨菇忌廉雞湯，堂食好飲好多，平時外賣冇咁好飲胡椒粉已經變咗，以前係磨出嚟㗎，而家冇咁香套餐包4杯飲品，飲完後可免費添飲一杯，即係總數有8杯拿破崙雞肉煙肉意粉呢個都算ok好食大蝦蜆肉焗飯呢個完全唔掂，個汁完全唔襯個飯海鮮寬條麵呢個例點嘅，真係冇一次嚟會唔叫囉，唯一一個Keep到水準嘅套餐小食意式迷你腸、葡汁焗蔬菜、芝士肉醬焗薯蓉全部都好好食蝴蝶蝦三式拼盤超級至尊好耐冇食過堂食，次次都外賣，今次堂食超新鮮

今日同屋企人去Pizza Hut 下午茶發現這間分店十分舒服 有寛落的通道予輪椅出入五個人叫了四個餐 （只影了兩個）公司三文治 大份 新鮮 這個則偏乾 不太喜歡 若有更多汁配搭會更好而這個特飲 酸酸甜甜 令我喜出望外

夏日炎炎，想找過有空調坐得舒服的地方。在附近找到這間吃午飯。有午市套餐。我選了最貴的乳酪芝士小龍蝦焗飯。磨菇忌廉雞湯一般。不熱。焗飯上來，沒有看到小龍蝦，只有小蝦及雪藏蝦。飯沒有焗飯的香味，而且有些硬塊。龍蝦汁也不夠濃。吃了一半真的吃不下去。浪費了。旁邊另一桌食客也投訴75元套餐只有幾條菜。飲品說了吃完主菜才上，但卻最先來到。埋單要93.5。不建議來這裡吃午飯。想不到一個香港多年品牌食店會退步到這個地步。

記得細個成日嘈住媽媽帶我食Pizza hut，好鍾意食佢個超級至尊Pizza同埋香蒜肉絲意粉，仲有辣味雞翼，反而人大左比較小去食了，今日同friend來荷里活睇戲，兩點先開場，有成兩個鐘空檔，不如食個lunch先啦！周圍行睇下食乜，見到pizza hut，裝修好別緻，坐位亦非常舒適，就回憶下童年吧！坐窗口位好開陽環境好別緻新派設計點左Set A 同 Set F厚批，朋友配沙律我配意大利菜湯，加10蚊有雞翼兩隻菜湯非常濃郁沙律朋友話一般童年回憶尼三樣都仲係好好味飲埋杯飲品，非常滿足

每次去荷里活商場，都會唱番首歌🎤🎼又會諗起點解三個肥婆會去學踢波⚽️言歸正傳，今日幫襯左呢度間「必勝客」，個人認為可能係全港最好嘅分店之中環境真係好靚，空間感又大，光猛舒服，真係好掂如果你有幸坐到窗邊卡位，咁你呢一餐就一定賺曬呢個環境，齋坐都值＄100野食我諗唔使多介紹，大家如果食個必勝客，全部分店都大致相同香蒜肉碎意粉，十大必食之一，蒜香加上肉碎，開胃醒神加配田園沙律，一啲都唔馬虎有靚嘢食，心情零舍開心我特別喜歡厚pizza，厚厚的餅底，保證熱騰騰，絕對價廉物美係咁靚嘅環境，消磨一個下午，同朋友笑談風月，煩惱盡銷

平時吃Pizza Hut都是叫外賣，基本上很少有機會堂食！但Pizza的話還是新鮮整起即食才是最好，所以這天來到荷里活廣場見不多人等位就打算吃這個喔！要說最近較新的批應該是 - 「芝脆堡壘批」，於是點了一個 2人套餐 ($303)套餐中首先包括了餐湯，有三款的可選 - 意大利菜湯 / 蘑菇忌廉雞湯 / 周打蜆肉湯。我們選了周打蜆肉湯 - 料很多，這個還有煙肉的喔！濃稠的湯充滿忌廉的香味，飲起來頗飽肚。意大利菜湯 - 同樣有大量的蔬菜 ... 但這個則是有點太酸了 ... 前菜則是可選沙律或是肉丸！來Pizza Hut 當然要選- 肉丸配拿破崙醬汁拿破崙醬汁帶點酸酸的，與彈牙的肉丸吃起來很配！主角的芝脆堡壘批有海鮮或是烤肉，我們選的是海鮮堡壘。是特別款批的關係嗎？感覺這普通批有點太細了吧?!最當眼的「海鮮」大概就是蟹柳吧 =0=! 另外也有吞拿魚、蜜桃等等...配上茄醬和沙律醬的薄餅更為惹味，還有那外脆內軟的堡壘批邊！還有配飯～但沒想到我們選的 - 大蝦蜆肉焗飯... 沒想到竟然也是拿破崙醬汁 Orz另外套餐也包括了餐飲～如果是選汽水則可以免費同款汽水一杯喔！因為我們有三個人的關係，所以