必勝客 (宇晴匯)

营业中

休息中

真心說，我已經很久無去Pizza Hut 堂食，次次都是去人地屋企開Party 先會想起Pizza Hut! 無辦法，簡單方便又唔洗洗嘢😂今次在門口見到廣告幾吸引，就決定試下！由於到達時已家差不多9點，所以人不多！由於我們一行三人也都不太餓，所以決定叫這個新出2人餐！試一試吧！先上兩個忌廉湯，味道好像淡左，亦無之前咁濃稠，明顯地加了水沙律方面，沙律菜新鮮的，口感爽脆，但Parma Ham好像已切開咗一段時間，顏色已變得有點深。雖然頭盤一般，好彩肉醬意粉依然保持水準，上枱時還時熱騰騰的，應該剛由焗爐攞出來！蕃茄醬、肉碎及芝士份量都好多，唔會有唔夠醬情況，而且味道調得剛好，唔會過酸或過甜，不錯！至於這個芝士七重奏系列嘅大蝦帆立貝Pizza，認真麻麻！最奇怪是加了柚子醬，同跟海鮮Pizza一點也不夾...而且雖然聲稱用了7種芝士，但拉絲效果唔明顯... 有點吝嗇...唯一可取嘅，應該是他們的招牌車打脆脆芝心批邊，入口外脆內軟，唔錯！最後係威尼斯忌廉批，即是奶油批，批底太厚，甜度不足，比起我第一次吃時差太遠了...話雖如此，但這個二人餐埋單只是$300，3個人食都好夠飽，計番每人只係是100，

踢完波五臟廟已經打哂鼓 決定近近地去附近間Pizza Hut食番個tea由於撞正聖誕假期，原本既抵食tea set無得嗌唯有焗住叫左2個貴既聖誕set忌廉雞湯幾好味，水準不過不失 大蝦鮮茄特脆，依個批有少少驚喜，批底香脆而且多芝士，蝦肉雖然吾算好大隻，但食落都爽口彈牙 芝士白汁蜆肉焗薯蓉，薯蓉好香牛油味，中間既醬汁好creamy，配埋入面既蜆肉，熱辣辣冬天食，真係一個不曾錯的選擇

由於提早放工所以趁機和同事去Pizza Hut食番個下午茶去到發現Pizza Hut依家做緊買一送一, 超抵呢~~~ 芝士白汁蜆肉焗薯蓉芝士香味濃郁, 薯蓉好綿, 蜆肉都算大隻, 不錯 薯條煙肉蜜糖芥末醬薯條係粗身薯條, 不會太咸和炸到太乾身, 煙肉既咸香配上蜜糖芥末醬, 味道很夾 蒜蓉包配焗薯蓉蒜蓉包焗得非常脆口, 味道惹味, 薯蓉好奶, 好creamy 焗蘋果酥配雲呢拿雪糕蘋果酥底十分酥脆煙韌, 有些似印度薄餅, 蘋果片清甜, 配上雲呢拿雪糕, 口感清新 心太軟上碟時擺設得好精緻, 一刀切下去時朱古力漿慢慢流出, 估吾到pizza hut都可以食到依個效果真係好多謝「蓮花」俾我地賺左個Tea Time

做冬正日就同媽咪，細妹，舅父，舅母黎左呢度食，因為舅父舅母住呢頭，又貪呢度無咩人！的而且確冬至正日係唔需要等位，服務亦好有效率！事實上，一直都覺得pizza hut唔錯。由於媽咪唔中意咁多肉（肉呑呑好濟），咁我地就嗌左嗰烤雞扭扭批！唔濟之於，嗰批超脆，嗰邊好chessy，好好味！小食就必嗌招牌雞翼架啦。嗌左嗰白汁青口就麻麻地。飯就嗌左西班牙海鮮炒飯。舅母都話呢個飯係必勝客最好味嘅飯！的確唔錯，好乾身，好入味！

特色嘅薄餅店晌香港可謂不知幾多，所以近年必勝客都少咗幫襯，要幫襯通常都喺搞吓大食會時嘅好幫手，仲要多數喺搵同集團嘅PHD外賣速遞添。不過，有次就喺請晒啲表姪仔、表姪女食必勝客，索性買咗$500現金券當入會，$500現金券當然即場用嚟找數，入咗會多少有啲優惠，最有用又實際算喺張「夏威夷風光」（細批）贈食券，趁到期前，梗要「嗱嗱淋」用埋先啦。捉埋老婆一齊嚟荔枝角依間必勝客食晚餐，乘機等佢煮少餐，食完仲可以順路過隔離吉之島逛吓（依家都應該改口叫Aeon咯）。兩口子，已有一個細批墊底，所以我哋只喺點多一個酥皮湯及一客沙律就算，免得食唔晒。環境唔多講，舊年晌度寫過一篇食晏嘅，有相睇知佢個場喺點，反而服務就好過上次，無咁多「騎尼」事。酥皮海鮮湯 $52個酥皮湯唔知整定咗幾耐，因為送到嚟個酥皮已經塌晒，少咗份可觀性，亦因為塌晒，所以一「篤」酥皮就會浸落啲湯度，可以食到酥皮最鬆脆嘅頂位就無晒，有啲嘥料。酥皮浸湯嚟食，當好似牛脷酥浸白粥，志在飽肚啲。講番個海鮮湯，查實用料都唔慳，幾多料吓，有蝦、魷魚、帶子粒等等，撈極都有咁，橙紅色嘅雜菜雞湯，都幾濃郁，帶少少酸，估計加咗啲鮮蕃茄，又可令色澤好睇啲。挪威三

前幾日,約女友人TW尋日(16-2-2013 Sat)出o黎拜年兼食晏,佢提議呢幾個屋苑下面o既商場搵o野食.由於佢先o黎,佢就睇吓有咩o野食,我o黎到後,大家都決定食Pizza Hut.我o地坐低後,揀o左$248.00o既芝士7重奏2人套餐,因為有為新年出o既喜慶小龍蝦pizza.我o地就將餐飲加$9.00,要藍莓青檸賓治少冰同青蘋果檸檬茶,要蘑菇忌廉雞湯同烤雞田園沙律.好,餐湯先o黎,忌廉湯幾杰但唔太夠味,我就加o左黑胡椒碎飲,雞肉冇味係預o左,由佢吧.之後烤雞田園沙律到o黎,有兩片牛油多士,一咬落去,個皮有啲韌,擺o左好耐嗎?但TW話佢o個件脆.@.@”之後就食烤雞喇,不過睇到啲雞肉好似乾乾地,係咪烤過龍?食落,冇味不過好彩又係唔係好o鞋,亦好彩黑醋都幾多,令成碟都係新鮮蔬菜o既沙律夠味.食到最後,我發現在舊椰菜頭,好明顯呢舊係垃圾啦,點可以擺埋o係呢碟沙律o度上枱o架?而兩杯飲品都到o黎,睇見我o個杯顏色好靚,不過就只有青蘋果味,可能青蘋果味太搶吧.而TW o既藍莓青檸賓治呢,顏色好淡,佢話味道好淡.最後到o黎o既係喜慶小龍蝦pizza,其實上面o個啲似雪糕球o既o野係咩o黎

外送速遞多數叫PHD，近來都少咗去必勝客堂食，不過利用信用卡積分換咗張$100現金券，就搵埋老婆一齊嚟食個晏。我哋2:15pm到，晌門口問個帶位侍應，下午茶餐幾點，佢答2:30pm開始，不過可以入去坐住先，就入去打打躉先。咁啱張枱一早擺好份午餐餐牌，又未夠鐘叫，出於好奇，咪比較吓午餐同下午茶餐抵幾多，一睇，全部嘢標個價錢都係一樣，例如迷你必勝批、意粉同炒焗飯。咁咪再睇會唔會配搭唔同，午餐搭餐湯一客（跟蒜蓉包兩片）或迷你凱撒沙律，再配餐飲一杯，全日汽水免費添飲；而下午茶餐又點呢，搭餐湯一客，再配熱飲或凍飲一杯，加$4可享無限添飲，同樣汽水免費添飲，兩者同樣收加一。有啲唔通，竟然午餐好似抵過下午茶餐咁，所以就問問午餐同下午茶有咩分別？問第一個侍應，完全搭唔到，係個後生女，好新，對啲嘢好唔熟，問佢個分別，佢好唔知點算好，淨係話唔清楚，好迷惘咁行開咗，完全漠視我個問題，亦無打算請上級支援，更無意去了解番問題，之後一直都無再理我。咁樣我就只好搵個高級啲嚟問題，以滿足我個好奇，唔問由自可，問咗就知點解之前個妹妹仔係咁嘅素質。搵咗個著套裝嘅女經理或副經理問問，午餐同下午茶究竟有咩分別，佢竟然第一句答

說起來，也有三兩年沒有到過Pizza Hut，這天跟同事們前來，正好給我機會一試近期大獲好評的七級芝士批。其他的東西不說，因我只志在吃那個芝味薄餅。有原味、菠蘿火腿以及車厘茄大蝦三款，商討後，要了後者。確實，批送上桌時，已嗅到濃烈的芝士香。對芝士無甚硏究的我，坦白說吃不出七款芝士是什麼打什麼，只能分到最Common的巴馬臣芝士和橙橙的車打芝士，當然還有味道最出眾的水牛芝士了。無論如何，味道是很不錯的，車厘茄和大蝦亦正好中和了芝士那種很漏很膩的感覺。把凍檸茶喝完，又是要抱著肚子回去，下午工作肯定是「飯氣攻心」。

是日打風關係,估計好多人都會出街食,倆口子5點幾就去附近食晚餐,左揀右揀下,最後選定食pizza!時間早,唔晒等位,去到仲可以叫下午茶食,太太又有佢地既coupon ,(下午茶買二送一)所以好抵!二人叫咗意式雞皇意粉,迷你海鮮薄脆批,辣味雞翼套餐,意粉&批都有湯+飲品,小食套餐就只跟飲品尋晚餐湯只可以揀忌廉雞湯,批底亦只可以揀薄脆底,店員話下午已經買晒其他湯及批底,忌廉雞湯>>味道幾香,算"杰"唔會好似水咁,不過今日就少咗d湯料!意式雞皇意粉>>雞肉幾滑,白汁夠多,意粉煙韌,好味迷你海鮮薄脆批>>迷你批來講呢個算多海鮮,不過薄脆底就普通,但都好味辣味雞翼>>味道夠辣,不過唔混,一邊有辣,一邊就無辣熱檸水及凍檸茶>>檸茶夠茶味,唔錯!熱檸水就一般出面飲的分別不大p.s>>隔離枱的人只係遲我地1-2分鐘落order,但係佢地有厚批揀!

今日第一次同伯母見面，亞佬選咗佢哋平時去開既PIZZA HUT。 依度服務生態度親切，環境整潔。冷氣實在開得過大，好凍呀。我哋3人叫咗3個午餐，有忌廉磨菇湯、細PIZZA、肉醬意粉、白汁闊條麵同埋餐飲。忌廉磨菇湯味道夠香濃但口感有點漿。PIZZA夠香脆材料足，哄得老人家好開心！肉醬意粉味道偏咸，意粉淋身冇口感。白汁闊條麵白汁夠香滑，但麵質都係偏淋冇口感。

當天一行五人入座，已經一點半，即有位，肚餓即刻叫野，留意到職員很忙，每次都叫兩次才可以入座、上水、餐具、點菜，最弊連追單都要兩次，而且漏的是最期待的新春pizza。我看到第二回是經理去問落單哥哥後，她告訴要再等七分鐘，心知不妙，真的漏單了。我請問經理老實答是否漏單，我想再等也不止七分鐘，於是埋單。經理都從善如流給了九折。離開後我仍有點氣結，因為明明覆了單都入漏，白等成餐飯時間，我要找經理，但原本那位給九折的就是經理。我有點失望，因為再講錯的都不是她。竟然她還親自送上那份pizza, 跟2杯熱檸水到我家。實在叫人不能不寫文讚揚。很細心的經理！孩子回家很快睡了，坐下吃時還很新鮮熱 辣。多謝哂！ 海鮮濶條麵、肉醬意粉、菠菜雞長通粉都無題，下次我會早點問係咪漏單喇。

好久沒有到必勝客了吃得多，有時候會怕了它的快餐味這晚不知道吃什麼，最方便就是到樓下吃算了這個松露醬 pizza 也不錯啊，幾香菌味呢現在 pizza hut 越出越多款，都是靠新鮮感留住客人了肉醬千層闊麵也保持以往的風格，不錯不錯

近這幾年來開始, 如果有家庭成員生日, 我便會負責去買pizza, 壽司和生日蛋糕回家. 今日是妹妹生日, 所以今晚我與媽媽合力買這些東西回家, 待晚上全家人一起享用. 我們在pizza hut買外賣回家, 都是散買pizza, 這幾年差不多每一種口味都試過了, 於是今次就試下在餐牌上不起眼的 "印度風光" 大批.($124). 由於我是會員, 所以再有九折.這是咖哩味, 有點辡. 配料有車厘茄, 矮瓜, 雞塊, 青瓜, 粟米, 很香, 很惹味. 不過食完後, 有點喉嚨痛呀....但這都是值得推介的冷門pizza~~

mami 懶煮午餐.一家3人就決定去樓下pizza hut 食啦.加上angelababy 賣的西班牙tapas批廣告好吸引同埋用heng seng 卡50%off 優惠,點都去食啦自己去不過西班牙玩.tapas 即係當地的小食.pizza hut 能夠咁樣運用係pizza 到.好有idea!唔洗諗咁多.一坐低就係嗌西班牙tapas批2人餐(我地3個人食)只雖$223 再加1.(用heng seng 卡)等我講下個套餐先...2杯 西班牙特飲.我估佢想扮下西班牙出名的果汁酒.不過佢就冇酒ge.反而似fruit punch又唔太甜,有d生果係入面..幾好飲.2碗 海皇湯.just as usual.有d 蝦有d帶子=) 小食(4choose1)要左個薄脆..好味呀我覺得.扑扑脆配上凍凍地ge souse 係芒果加番茄,好清新.意粉(4choose1)要左肉醬意粉.我冇食因為等pizza 到.mamidadi都話唔錯.主角!!!pizza好大lo.嚇親人.熱騰騰.上面好多料..有sausages,尢魚圈,雞肉,青黃紅椒,蜆(好肥dodo)etc邊邊的包住有幾種.分別係墨魚仔(不過唔係完隻,

Because of its geographical convenience, I do come to this restaurant a lot. Their food is above average and I actually have a pizza card Aglio OlioThis is like one of the best pasta I tried. It is filled with the intense flavour of garlic, adding chilli to spice everything up. Deviated taste.The prawns are huge, sweet, with an awesome texture. SUPER NICE Penne in White SauceI can't remember the name but it is not so good this time. The sauce is very floury.Overall the other pizza and pasta I t