必勝客 (西洋菜南街)

营业中

休息中

放假通常都去快餐店食下午茶，食到悶左，於是轉左來pizza hut 試下！Pizza Hut一向都有推出下午茶餐，而今日我地就去左一試。今次我地叫左2 set包括卡邦尼煙肉意粉....墨西哥海鮮餡餅....卡邦尼煙肉意粉的白汁調得到位，份量又啱啱好！濃得嚟不會太鹹，用了磨菇同煙肉為意粉增添不少香味！食落十分惹味。而墨西哥海鮮餡餅味就十分好，令人出乎意料。餡餅裡面有蜆肉、魷魚、八爪魚仔、蟹柳同帶子。材料豐富，醬汁開胃，好適合搭配海鮮餡料！最後係再來一杯凍咖啡，恰恰好就係一餐完美嘅下午茶

諗唔到食乜好，經過見唔駛等位，就走入去食，已經好耐冇食過pizza hut，而$1加購pizza係吸引嘅。不過要夠$150先可以有優惠，所以就叫咗3個set lunch。葡汁雞飯，好濃椰汁味，如果多d雞就好喇。黑椒海鮮意粉，比預期嘅好味，黑椒夠多，微辣，意粉唔會overcooked，蒜蓉炒好香，好味過飯。Pizza如果加購嘅只有2種味選擇，我覺得呢個雜肉批比較抵，基本上乜肉都有d，豬肉粒、雞肉、肉腸，薄批就比較易入口，冇咁膩。

Cheese pizza 🍕 above average, taste good, hot, but not much cheese🧀 disappointing~ delivery is good 好食不過芝士不夠多已經叫左芝心批

必勝客 (旺角)📍地址：旺角西洋菜南街168號2樓⏰營業時間：11:00-21:00🍱食物：突然好想食pizza，夜晚就call 左pizza hut送外賣過黎，好耐無食味道依舊，大批超大盒，一家人都夠食。久唔久食一餐也是不錯的選擇☺️☺️👩🏻人均：$60👩🏻‍🍳服務：外賣送達時間大概30分鐘，味道冇變，送到黎都是熱辣辣的☺️

又到左復活節假期既尾聲，今日起身一朝早又唔想食野…咁就再訓多一陣…一訓就已經下午了…我同老婆也不想外岀…唯有上網睇下有乜好野食送到屋企啦。。。搵搵下…就決定左叫 pizza hut，揀左個 pizza 叫烤雞至尊，另外 special offer 係要芝心批。上網落完 order ，同用 visa 付款後，等左 20 分鐘內…個 pizza 就送到屋企…快如閃電…咁我哋就洗一洗手，拆開盒蓋，一拿起塊 pizza 🍕，熱親手指…熱辣辣，非常好食，下次可以再 encore.

幫我哋點餐嗰位侍應喺新嚟嘅，唔太清楚會員嘅積分點用，不過都算有禮貌，同埋會虛心請教其他嘅侍應我同朋友叫咗威尼斯批、葡汁雞皇飯同新出嘅溫泉蛋卡邦尼意粉，威尼斯批點煉奶甜甜哋幾好食，不過容易食到好飽，所以我都喺留肚食主食葡汁雞皇飯上嘅時候仲喺熱辣辣嘅，不過雞肉比較少，同埋質地好惗；而意粉上面隻湯泉蛋有少少半生熟，所以食落去口感幾好，加上意粉唔會太鹹，配埋煙肉食啱啱好

黃金芝士熔岩批精選2人套餐$381🔘餐飲兩杯🔘意大利菜湯/蘑菇忌廉雞湯🔘巴馬火腿凱撒沙律@1及蜆肉焗薯@1蓉🔘三重芝士海鮮焗飯/雞肉野菌意大利飯/卡邦尼煙肉意粉🔺狂牛LAVA 熱😋指數: 🌕🌕🌕🌕🌘◻️一切開pizza 芝士便滿瀉 真熔岩Pizza 呢一款係有西冷牛扒薄片 係pizza入面 味道都不錯 但有點膩 食左兩塊 就食唔落🙃🔺雞肉野菌意大利飯😋指數: 🌕🌕🌕🌕🌕◻️呢個 好好味😋 奶油味十足 飯軟硬度剛好 所有配料都好好食 一口接一口 停不下來😳🔷第一次食銀城 呢間分店 店員態度 不算友善 可能太攰？ 平時食開 開心廣場果間 態度好好的

Pizzahut出左批啦，又係芝士控出動既時候！今次既係點芝扭扭批—海中狂點，食得又玩得✨你鐘意點扭就點扭，點拉啲芝士出嚟都得，仲可以點芝士汁，滿足哂一個芝士控既需求！鮮味加卜卜脆既芝士邊簡直係perfect match ～ 絕對一試難忘呀！

狂牛LAVA熱 - 黃金芝士熔岩批 (大批) 見到芝士見到熔岩就知道要試 好吸引仲配埋意大利黑醋汁..可能由於外賣關係..芝士個熔岩醬都結左..但係有濃郁既芝士味既有大量牛肉同有點瓜類..整體可以一試！不錯千島海鮮 - 鬆厚批(大批）我認為係咁多款最好食既.多千島醬..正香蒜肉絲意粉呢個都係意粉類別中最基本又係最好食海鮮闊條麵比較乾身..唔太夠汁..芝士菠菜蘑菇長通粉意粉冇味..應該都係白烚再加汁意式雞皇飯普通...白飯再淋汁...若果炒底應該更佳葡汁焗蔬菜 比較多水辣味雞翼一如既往不錯.食親必點大部分款式都係套餐指定左.加錢轉又唔太抵

出奇地好食。香蒜肉絲意粉： 經典美味，同細個時食的味一模一樣，都係咁好味！加埋芝士粉同tobasco, 回憶返晒嚟。唔好夾硬拎佢同意大利餐廳比，apple to apple, 在港式西餐界，Pizza Hut呢味意粉絕對是No.1.至尊芝心扭扭批： 好好食！ 講真自從PHD問世, 我已經無再食Pizza Hut, 覺得佢批底唔夠PHD好食，點知Pizza Hut暗自努力，不但沒有被對手比下去，質素even可以同韓式Pizza的大哥Pizza Maru一較高下！點好食法呢？ 扭扭果part芝味爆燈，夠chewy, 中心餅底出奇地薄脆，toppings 新鮮，面頭的辣肉膠焗到薯片咁香口， 加埋芝士粉同tobasco， 正！近排AE卡仲做緊優惠，頭10000位登記優惠的客戶，仲可以惠顧滿200有50回贈! 雖然每卡只限領一次優惠，但都真係唔錯呢。

我鍾意食PIZZA應該好多人都知…點芝呀🧀 Pizza Hut「點芝扭扭批」返嚟啦！食得又玩得👍 扭出鬆軟既雙色芝士扭扭批邊🍕🍕，配上香濃既點點芝士醬，一次過試到雙重口感雙重享受，點出無窮「芝」味！「點芝扭扭批」兩款口味，包括 海中狂點 同 陸上爆點，餡料非常豐富！海中狂點上既香蒜蜜糖沙律醬，配上大蝦🦐、珍珠帶子🐚、雜菌🍄等等，味道鹹中帶甜，再點上點點芝士醬，味道口感具多重層次，令人一食便愛上❤❤

下午去pizza hut吃飯，餐廳挺大的，有很多卡位，坐得挺舒服。來這裡一般是吃披薩，選擇好多，有薄批有厚批，眼花撩亂，但總覺得吃披薩都是開心的時候吃，可能以前的廣告太深入民心了。點了一份海中狂點，很大一份，就像一朵大大的太陽花。應該夠4-5個人吃。披薩是雙色芝士，上面有青椒、蝦仁、等蔬菜。有扭扭批邊，扭出來再沾芝士醬料。扭一個批邊出來，入口芝士味道濃郁，吃幾個就開始飽了，用手扭有點油油的，因為底比較油膩。

朋友做運動嘅時候扭傷左腳，打咗石膏，返唔到學校，我哋幾個同學就去 Pizza Hut 外賣咗一個 pizza 去佢屋企探佢，等佢開心一下都好。滋味辣肉腸 (大批)，簡單嚟講就係pepperoni and cheese pizza，我哋一至覺得呢個係近乎傳統嘅薄餅，叫佐薄批底，咬落都算係 crispy，pizza sauce 落得啱啱好，芝士比較少咗一啲但仍然可以接受， pepperoni 就覺得落得少咗啲，而且唔係好夠味道咁樣，不過整體嚟講都算唔錯啦。

好耐冇食個Pizza啦，今日特登嚟到Pizza Hut食不過咁多年冇食，個味道都不同得幾遠喎。叫咗個海鮮pizza，新出嘅海鮮pizza主打好多海鮮喺上邊不過我覺得呢啲全部都係冰鮮海鮮唔算太新鮮所以今次呢個Pizza都覺得唔係特別好食加埋個醬汁都係千島醬好食d另外都叫咗一個番茄汁蜆肉焗飯，呢個焗飯焗得都幾唔錯下我都忍唔住食晒成兜特別係啲蕃茄汁酸酸甜甜咁好開胃。另外都叫多咗一個煙肉薯蓉不過個煙肉薯蓉稍微比較鹹同埋好容易飽到食唔晒

今日同男朋友出街食飯，喺旺角唔知食咩好全部地方都排隊排到傻，求其入咗去Pizza Hut食，依家Pizza越嚟越貴二人餐都要三百幾蚊。叫咗個千島pizza，仲唔知加咗幾十蚊轉做芝心批， 不過都有啲失望，估唔到呢幾年啲Pizza越嚟越不好吃加上個羅宋湯超級鹹，飲完羅宋湯， 因為呢一餐開咗一個唔好嘅開頭。之後我發覺Pizza Hut嘅凍檸茶凍奶茶真係好難飲，希望佢哋改進下凍檸茶同凍奶茶。兩個人埋單$400， $200.1個真係有啲貴，剩係得一碗湯一個Pizza一個主食同埋一個薯蓉。