必勝客 (開心廣場)

营业中

休息中

難得我放工後回家食飯，媽咪卻打麻雀而無煮飯，結果三母女去了幫襯pizza hut，原因是媽咪好想食pizza。　其實套餐較為抵食，不過我們對pizza hut的餐湯零興趣，不想浪費所以決定散叫：　什菌雞肉炒天使麵($45)-原本天使麵質感不錯，不過味道太淡；什菌幾好吃，雞肉就同忌廉湯中的雞肉一樣鞋，所以怎麼評都是麻麻地~　超級夏威夷火熱三重芝心批($118)-pizza hut唯一較好吃的就是pizza。是晚試了這款新批，以夏威夷批為基調，加上Parmesan、Cheddar、Mozzarella三種芝士，以求令口味更豐富濃郁。前一日在維苑吃夏威夷鮮蝦焗石斑意粉，所謂夏威夷就是三件菠蘿，既古怪又難吃；相比之下這款批做到酸甜又惹味，算是不錯。芝心批底不會太厚，又夠熱辣辣，都幾不錯；但我嫌三種芝士太多太滯，始終我不太喜歡芝心批邊。　瑞士雞翼($29)-吃了多次，細妹仍會驚歎雞翼好滑!好甜!好味!是她的口味囉，我麻麻~　三個大食女人，都KO不了這個好遺漏的普通批，最後還是沒有點甜品；當然，這也是由於幾款甜品都水準平平啦!　環境看來舒服，實則四人卡位都幾窄，所以只會偶爾幫襯!

老婆話想去食蟹腳PIZZA, 去到先知轉左餐牌二月份新出的叫做海鮮三重芝批類似甘既名啦叫左個二人餐$189, 另加一餐湯有兩款, 南瓜湯及忌廉湯, OK, 又夠熱豬仔骨沙律, 一般貨仔, 不及意粉屋的三文魚意粉, 我老婆話好食點解我會話失望呢因為豬仔骨, 意粉, 同個PIZZA都係3分鐘之內上齊大家要知道, 一張2人台有幾大架啦基本上擺左個意粉同沙律之後, 張台已經叫做FULL左第一次侍應想放埋個PIZZA落來我都話可以俾左其他人先過左2,3分鐘, 另一個侍應又拎來話要放低我碟沙律都未食完, 佢已經伸手想收左佢我都話張台太細放唔到甘多野, 不如我地叫先上啦好啦, 食完沙律同意粉啦, 叫人上PIZZA啦老婆事前已經話, 一定係俾返之前個凍PIZZA我地果然, 入口只是微暖的, 肯定係十分鐘之前那個第一次堂食一個雖未至於凍冰冰, 但肯定唔熱的PIZZA即刻扣晒分啦

尋日晚餐就係同男朋友食pizza hut..為既都係佢既蟹腳pizza!其實早前係家人幫我celebrate生日既時候..已經喊個一次外賣!覺得幾好食..決定黎試下!喊左個餐...2個湯,2杯飲品,大蝦salad同蟹腳pizza(普通批)個湯+左$8轉左酥皮湯..我要左南瓜湯...覺得勁粉...好難飲!飲左2啖就唔飲喇...早知就要菜湯好過!野飲ok...我要左個奇異果特飲..而男朋友果個士多啤梨特飲就話太甜!salad好味....蝦同生果配合得好好!至於個pizza...我覺得最好食唔係上面既配料(腸,青椒)..亦唔係蟹腳...因為個人認為蟹腳d味就好似蟹柳咁...反而係圍邊果d芝士(?!!!)...好有cheese味...厚厚一層...正!初初以為會唔夠..點知食落勁飽...睇黎又會開始肥!!!埋單$200

昨晚來晚餐, 先看餐牌的特價套餐,無乜吸引力,於是散叫.一向覺得Pizza Hut的焗飯和焗意粉都好難食, 又爛又淋.今次改要什菌雞肉炒天使麵,都ＯＫ,個汁幾濃幾香,Ｄ麵都有口感,但材料只有４小粒雞肉,而且好重雪味,所謂雜菌數出來只得兩粒磨姑兩小片鮮東菇,少得可憐. 另order﹕1)超級夏威夷pizza 大厚批..都好香脆,菠蘿粟米又夠多2)香脆海鮮拼盤...一Ｄ都唔香脆,只係油淋淋.3)酥皮龍蝦湯..這個好正,湯底好濃.4)翡翠炒雜菜...好咸,味道怪怪地,好似咸鱼味咁.5)兒童餐一份...6)汽水一杯這店服務都幾好,但食物要多作改善...

本來pizza hut就唔駛寫啦,但今次d野真係好難食,個意式pock chop spaghetti特別難食,個龍利spaghetti又係好難食.....總之一句講哂,難食!p.s.因為有cupon先咁\"平\",但我都舉得唔值!!!

本來pizza hut就唔駛寫啦,咁大眾化,無乜好寫。我一向都幾鐘意食pizza hut 既闊麵、意粉咁,d雞翼都唔錯。平日在天水圍叫開外賣,都ok啦。今次在友人家(元朗)叫pizza hut外賣,遲到都唔在講,又話等40分鐘,最後等左55分鐘,都算啦。黎到d野又唔熱。失敗。南瓜湯好似水一樣,只有幾粒南瓜。新出個蟹柳乜乜芝士批,哇,除左條蟹柳好似無乜送,好cheap!個三文魚意粉銀包,真係淡茂茂又惺惺地,d意粉又"淋"晒,so bad。ribs and 薯角,無味,好似滾水"拾"熟,唉~連平時食開既葡汁焗時蔬都難食過人,d汁又無味,d菜就有菜惺味,一定無拖過水啦!!唉,唔知堂食會唔會咁,不過下次元朗叫外賣一定唔會揀pizza hut囉!!

果晚食過芝心批確實唔錯, 但配合新口味較佳, 例如仲令人印象深刻既鰻魚批. 環境都可以, 坐著卡位更加無得頂.

不嬲都覺得Pizza Hut o既意粉好麻麻，好耐一次去食佢新o既海鮮天使麵都係唔多得。另外又食左新出o既芝脆批，原來同舊o既芝心批分別唔大，ok啦！反而我幾鍾意佢o既蟹籽沙律（有coupon食芝脆批就免費送）喎！

No comment

其實Pizza Hut 都冇乜好評...不過我想講講食物的份量呀...唔好以為我份量小喎...其實我覺得什餐的份量對女仔來講算係太多啦...我地四個女仔食四個餐係食唔晒架...但係基於四個餐的顏色同味都太正的關係...而我地又有個幾兩個鐘飯時間...所以我地一路傾一路食先食得晒...講真我食過的咁多間Pizza Hut 這一間的味道同服務真係好唔錯...