必勝客 (已結業)

5/25/2007 2:00 pm去沙田之前o係上水食d野先, 兩個人都未食lunch, 唸住未試過呢間pizza hut就入左去, 點知就谷鬼氣!打開lunch menu, 見“焗豬扒蕃茄湯天使麵”($38) 同”菠菜雞皇意粉”($40)個樣幾好, 於是二話不說就各一啦. 餐湯就要磨菰忌廉湯同意式什菜湯.食物:等左15分鐘有得食. 點知一上枱就令我好失望! 個焗豬扒蕃茄湯天使麵d豬扒係炸既! 仲係好鬼油個隻! 索都唔索下, 碟底好多油, 豬扒又唔剪開( menu上相片係有切件的)賣相其差! 天使麵更加唔好講, 我仲以為自己睇錯叫左米線! 天使麵比d湯浸到發晒, 好可怕, 未食已先皺晒眉, 唉…食一啖, 嘩! 乜D湯咁似頭先飲既什菜湯既? 有9成似囉! 但係淡好多, 好似無調味咁, 好唔掂. 豬扒又韌又鞋, 又要唉…Bf個菠菜雞皇意粉仲驚, d意粉發到好似油麵咁粗, 淋到唔可以再淋. 死未! 我唔一定要係要al dente 既意粉, 但至至於差成咁囉. 我第一眼睇到就覺得d菠菜好唔似菠菜, 又無菠菜味, 同外面食開既係兩回事, (你睇下張相就知幾唔似) 個汁又係死, 同頭先個磨菰忌

真情歡笑2人套餐($169)1) 飲品2杯(+$6 可選特色飲品)2) 意大利菜湯/ 南瓜湯2客3) 巴馬火腿特薄脆批/ 加勒比風情迷你批1個(2選1)4) 香草咖哩牛腩飯/ 挪威三文魚蜆肉螺絲粉1客 (2選1)5) 脆炸墨魚塊拼魚圈/ 秘製雞槌1客(2選1)喱個餐都幾好！因為終於有迷你批喇！2個人如果叫個普通批，己經好飽，最多可以叫多一款小食，想試多少少都唔得。南瓜湯幾好飲，個加勒比風情迷你批好香脆，但挪威三文魚蜆肉螺絲粉就淡，脆炸墨魚塊拼魚圈簡直係我最愛。另外，我改飲石板街黑牛，雪糕溶係汽水度，個味道好正！

20.3.2007 (Tue)都好耐冇食過pizza hut喇！見用HSBC credit card 買$500現金卷，就送2張member card，平時可9折，仲可以草積分，又送2張COUPON，起碼送2個PIZZA。另外，去AMC、百老匯睇戲有9折，所以買。我兩個人用張免費pizzacoupon(只送夏威夷風光)，換個千島海鮮厚批(要加$15 & 個批原價加一服務)。另外叫個set lunch，我揀意式雞皇焗飯，餐湯係蘑菇忌廉雞湯，另加$6改飲椰子雪糕喱冰。講真喱度焗飯真係好唔掂，飯還飯，汁還汁，好難食。個pizza尚算o.k.，我下次都係揀食小食好過。上水分店店員服務都幾好，經常幫我加水，做都算爽快。

經過友人一輪熱烈推介，故此，對此批充滿期待…味道尚算不俗不過，沒有想像中那麼棒芝士味不算太濃郁…感覺不到有「三重」芝士味…還是千島海鮮批較為好吃

星期日晚,七點多.... 想起中銀card有優惠, 50% off 喎~ 而且都很久沒有吃Pizza Hut，　便去試下囉。想不到上水都有這麼多人，等了一個小時呢我們點了$188 的套餐，是最抵的那個。套餐包括：龍蝦湯x 2 　　　　　　　(一般，不好喝）煙三文魚帶子鮮果沙律　　（勁多沙律醬、好恐怖地多；帶子得２塊、又硬；得三文魚ｏｋ）三文魚Pizza　　　　　(批邊ｄ餡好似忌廉ｂｕｎ的餡的質地，好得意，都ｏｋ啦）煙三文魚班熾　　　　　　（唔得，好齋，唔好試）特色飲品x 2　　　　　　（怪味，早知要凍檸茶）忌廉芭芙x 2 (呢個都ｏｋ，不過有ｄ硬）以　＄１８８　的價錢來看，好似幾抵。但以食物的質素來看，就唔抵。

依家又做PROM, AIG CREDIT CARD 大批送細批!我唔知, 就咁得九折!超級至尊芝心批好好正!一口氣食左3件了...........

裝修後,第一次去,同媽媽,家姐3個人去食lunch,叫左3個set,1肉醬意粉,焗得唔係好夠,中間唔熱,2焗意式海鮮飯,唔掂呀,個飯衰過屋企煲果D,個汁又少又冇味,所謂海鮮就係幾粒'蝦米'同魷魚,3迷你至尊pizza,呢個如果唔掂就真係摺得啦.另外,D餐湯又係唔熱,張枱又搵枝黑椒都冇,仲有呀,有個新嘅promotion menu,上面話食滿$80就有幾個特定小食選擇一個,送比你食,咪問個waitress囉,佢話原來係5月5先開始,爭一日....真係啤一聲,咁你俾個menu我把鬼咩.....總括黎講,環境係好左,但食物就差左

唔知點解呢間d原味雞亦..特別好食..其他分店..真係冇咁好食嫁..~~大家一定要試下...我次次都食嫁

呢間野10:45 PM 都仲做外賣! 不過唔知係咪趕收工!D 野好CHEAP !白湯唔熱!又難飲! D 蒜蓉飽好油!D飯好乾!PIZZA HUT 真係最正係PIZZA, 除此之外真係冇樣掂!

佢地攸左咁多年, 有個毛病到依家都冇改! 佢地d 意粉好鬼乾, 仲有成日都唔夠熱! 好似order 到先加熱! 有個男侍應幾好人, 又nice !至尊批好似轉左d 材料! 冇啦啦多左d 黑色既野!細批既粉量越黎越細!

本人好少食pizza, 上次點了一個海鮮pizza, 個侍應問我要厚批定薄批,我又唔知厚批同薄批有什麼分別, 於是要個侍應講解一下, 點知佢即刻做了一個很不耐煩的表情, 我真係想即時鬧佢, 決定以後都唔幫襯

真係估唔到必勝客餐廳的spaghetti carbonara 竟然有火腿係入面，而個餐牌沒有提及；個經理話main ingredients 至會印上去。咁樣「白汁雞絲意粉」入面的「火腿」咪係main ingredient, 因為有印落餐桌牌到？！