同朋友去咗石篱邨𠮶边做嘢，因为𠮶边人生路不熟都系要问吓啲街坊先知道石篱商场响边度，跟住系经过啲好好嘅街坊带埋我哋去石篱商场度揾嘢食，我哋都想食得清淡少少，所以见到有啲更心粥馆就走咗入去试吓。可能因为系下午嘅关系，入到去都冇乜人，环境都算可以嘅，都系干净企理。我就简简单单嗌咗个叉烧肠粉下午茶餐，加一杯热柠水。叉烧肠粉都系似以前广州𠮶种唔系一卷卷嘅，系一片过嘅，食落去嘅口感都唔错， 啲粉皮还可以，但系唔算好滑，豉油唔够可以自己去加。我朋友就叫咗个皮蛋瘦肉片粥，就跟埋肠粉同烧卖嘅，其实依份粮你计到船系抵食，个粥底本身已经有味道，材料亦都算多。我肠粉烧卖嘅份量都好合理，其实性价比都算高。都系一样所有嘅酱料唔够可以自己去加，呢方面都好好。发现原来佢有几间分店，下次有机会见到有几度会再试吓其他嘢。…Read More
