心粥館 (瀝源廣場)

放lunch想食得无咁油腻就拣咗去食粥，平日搭车经过见到咧间粥舖就谂住嚟试下。$49有1碗粥，1款小食加杯嘢饮都真系算系咁。等咗大概15分钟啲嘢先到，不过嚟到见到个分量都真系呆咗下。原本以为个炒面会系细细份比你送粥，点知都同单点一碟差唔多。加埋甜酱麻酱真系一流🤩不过个肠粉就差啲，我嫌佢太稔，可能蒸太耐或者沟粉嘅时候水太多，食嘅时候唔够硬身，唔系好夹得起。粥就分别叫咗皮蛋肉片粥同猪肚粉肠粥。啲𩠌嘅分量可以再多啲，粥就真系好大碗，普通饭量一定够晒饱。overall其实都唔错，服务你唔可以expect太多，不过又无遇到西面嘅情况，斋食嚟讲都几抵。…查看更多

行开街见到有间粥舖系附近，谂住试下。见佢门面几好，点知完全中伏。首先间舖有浸up味。我地入到去拣左个卡位坐，一入到去完全无人理我，叫个个呀姐落单，佢自己系收银机遥距落单，态度劲差。完全感受唔到自己系客，我地落左个艇仔粥，粟米肉片粥，炸两同炒面。到左啲野食嚟到，粥质素一般，都算足料。肉片粥有啲怪味。炸两足料有啲脆，口感都ok… 炒面都ok咁大份。枱头无胡椒粉但我都系算啦癈时揾佢比我，唔想再受气。总结系想感受被人西口西面对待可选择呢间。…查看更多

见到个餐牌价钱都吾抱太大期望，附近又只有呢间卖粥既，买左碗粥同1份斋肠，肠粉食得多，最多只可以话吾好食个d系粉太多，太厚，但我从食过1条肠粉系浆糊咁既质地，完全打破左我对肠粉既认知。碗粥更加吾驶讲，都吾识形容…只怪自己选择错，比左钱买既但系食吾到落肚..呢间店有咁既质素既食物点解仲可以生存到…劣质到不能够接受，服务已经吾系好，做到好似吾愁冇生意咁，d食物仲要做到咁，呢间野吾系集团式经营咩，点解可以请咁既厨师……查看更多

我早20分钟系外卖APP嗌咗五彩炒面同埋炸两，外卖自取‼️ 佢外卖APP𠮶价钱系贵啲嘅，但外卖自取有8折，计起上嚟同佢正价都系差唔多。但系如果你食粥我就建议你打去嗌，因为再嗌小食会有优惠，𠮶价钱会唔同，但外卖记得记得起码早15分钟😙 咪系门口等都几无奈😳两𠮶我都觉得几抵食，性价比都算高😋 炸两仲好饱🫶🏻 但外卖就淋咗啲。炒面都算够味，但我都落咗甜酱再捞😋 但偏油咗啲，希望可以落少啲油😳 …查看更多

心粥馆印像中食过大围果间，好似都系食下午茶餐，唔知我有无记错，果时有埋多士果类嘢，今次嚟又变返好粥铺有嘅种类，粥呀炒面果d。铺正常样，应该佢呢个系列分店都系统一呢类样。叫咗两个粥餐，一个碎牛粥，一个皮蛋瘦肉粥。大大碗有埋花生同片油炸鬼，卖相都几好丫。味度几好，同粥唔太糊又唔会好水，入面d𩠌都岩份量。有埋罗汉果茶特色饮品叫，都几清热。不过我想后加冻奶茶，我叫果时佢话：下次一次过叫啦我都见佢人比较少，系忙嘅，然后嚟嘅系一杯柠茶想叫停佢都一支箭走咗，照饮算lu～…查看更多