影片
本身同友人谂住食cafe既，但由于太多人排队，所以行行下就见到呢间餐厅，又见到未开门已经有人等紧，于是就决定试下餐厅入面无咩特别既装修，睇落似系行怀旧路线，墙身有啲摩托车咁既装饰，但系封晒尘既！餐牌都几吸引，所以最后就嗌左个三文鱼忌廉汁天使面，要左白汤，同埋水蜜桃乳酸。个汤个味道几好，啖啖都食到磨菇碎。至于个水蜜桃乳酸就平平无奇，仲几淡下🤔最失望既系个天使面，有几条系未煮好既，而且味道极淡，啲三文鱼直头无味咁济，食左半个已经唔想再食总结系令人失望既一餐，但唔明点解又不断有好多人等位！
继续阅读
经过路德围见又到午饭时间，见到呢间餐厅摆出嘅餐牌好似唔错咁，又咁啱有位，所以选择左呢间餐厅黎食，于是就有呢次不愉快嘅食饭经历。讲翻d食物，我拣左茄蓉蘑菇蚬肉意粉，前菜系沙律。沙律嘅分量少得可怜，可能得两三啖到，而且满含「水分」，只系用罐头水果捞沙律酱，我谂呢个系前菜就算啦，意粉先系主角。点知兜意粉仲令人失望，分量很少，同一兜pizza hut意粉嘅分量差唔多(可能更少)，意粉煮得亦唔够腍，好在蚬肉嘅分量配合到意粉，为呢兜意粉挽回些许分数。杯冻柠茶系三样野入边比较正常嘅。除左食物质素令人失望外，餐厅内有一位员工嘅服务态度同样令人哗然，除左佢之外，餐厅整体嘅服务态度还算可以。其实我明白做饮食嘅好辛苦，但佢不满嘅情绪真系表现得出晒面，有客人想要一杯水，佢即刻就黑晒面，并到厨房果边大嗌:「要杯水wor(第五声)~」，系我食饭期间，佢已经唔止一次系order后面加无谓嘅语气助词，其实咁样真系会令人觉得好难听同埋好炆。佢一个人成功地拖低成间餐厅嘅服务态度。呢次会系最后一次系间餐厅食野。
继续阅读
其实真心想试好耐，可能价值合理，味道不错，所以次次都排晒队，今次早少少到，终于有得食!点了套餐，餐汤要了忌廉汤，奶味浓郁，将配料整碎再混入汤里煮，口感细腻，味道均衡丰富。原来还可以加$10要酥皮蕃茄蚬肉长通粉，浓烈的蕃茄香气扑鼻而来，食落就尝到红椒的香辛辣，长通粉软硬度刚好!!有点唔够喉卡邦尼大虾烟肉阔条面，大虾煎得很香，但虾肉依然细嫩，卡邦尼没有偷工减料，浓郁唔稀，唯一美中不足系阔条面淋了些少，煮少两分钟会好perfect!瑞士汁鸡翼，瑞士汁系sweet sauce，可以再甜少少，鸡翼很入味，煮既时间刚好，无爆皮无鞋肉既情况出现，3只就唔系太够餐饮系冻朱古力，够浓够甜，正整体来说，价格十分合理，虽然装潢有点残旧，但食物质素良好，有位小妹妹侍应，态度良好，好好笑容又有礼貌，宜家好难遇到，通常入职不久，加油
继续阅读
今晚专登去左荃湾揾西餐食，叫set dinner – 红/白汤 + 野菌烟肉虎虾阔条面 + 饮品。唔记得左个面系咩汁，都系类似卡邦尼~~~我就拣左个白汤，但系无咩料都系用粉开仲要愈饮愈口渴。相反男朋友饮罗宋汤就有菜有肉，吸引过白汤。个阔条面算系比较薄身，个汁不太腻但系味道普通。最令人失望之处系个虎虾一D口质都无，虽然都知系用雪藏虾，无虾的鲜味仲要D虾肉好”林”。
继续阅读
平日晚上经过荃湾路德围停车场附近有间细细间既西餐厅，见门口餐牌又唔太贵，就入去试试。虽然细细间但一入去灯光暗暗地，气氛都ok。套餐款式选择多，包餐汤，主菜配野饮。份粮ok，价钱大约80蚊至120蚊左右。餐汤罗宋汤当日餐汤选择咗罗宋汤，一流汤味浓唔辣，料多除咗杂菜外最正系一碗里有3旧牛尾，半肥瘦仲吸收晒汤既味道。赞黑松露带子流心蛋包饭呢个都舔舔利，一嚟到你会见到饭上面有旧类似奄列既野，然后侍应会喺你面前用刀界开。咁旧蛋奄列就打开擒住下面既饭。蛋系半熟做到流心既效果。虽然带子少，饭淡味，但上特订那到酱汁再配上充满住黑松露味道既蛋，味道相当一流一啲都唔流，好味！番茄牛柳粒阔条面呢个就普普通通，牛柳粒太淋，口感似食紧牛腩，无咩口感。阔条面硬咗啲。点解我俾卫生只得2粒食饱饱叹紧餐饮时见到有只小强散步，侍应见到即下ko咗佢，清理现场。但唔好彩俾我见到，咁点都要扣小小分数既。呢歺两人两个套歺，200蚊都唔洗，ok啦
继续阅读