影片
圣诞节的夜晚车爸爸要开OT车车还在诊所探病前在旺角求其找间人少餐厅去食一个人的圣诞晚餐拣咗呢间心之町!!叫个自选晚餐$68(圣诞节加$10)有头盘鲜果火腿沙律或芭堤雅春卷我拣咗春卷有三小条炸得好香脆过馅料系蔬菜但较为淡味~餐汤有中汤或杂菜汤另配牛角包,撞佢个鬼吖食牛角包当然要杂菜汤啦味道可以啦还有很多菜呢另外牛角包热暖酥香几有惊喜噃!!主菜系司华力肠.谷饲猪扒须要体力的我要吃饭配了黑椒汁,司华力肠脆卜卜有弹性猪扒肉质较硬调味轻手一般货色而已~最后送上士多啤梨雪米糍一粒总算在普天同庆日子有点甜!!
继续阅读
同男朋友咁岩经过见到入左黎试下叫左2个西冷牛排 一黎到就知中伏了 啲扒炸熟唔系煎熟 肉质好难咬 个扒仲要唔热 好轻微既暖 唯独个凉粉奶茶几过引 啲奶茶系冲唔系用粉沟不值一试失望
继续阅读
呢间餐厅都算几难揾，同朋友行左一阵先揾到呢间野。可能就系佢比较难揾，所以夜晚去都唔算多人。我同朋友叫左个2人嘅晚市套餐，首先个餐汤，我本身叫忌廉汤，而因为朋友叫嘅罗宋汤比较辣，所以同佢交换左,忌廉汤其实都几滑几好饮，但我个人觉得罗宋汤比较好饮，而且几足料，而且其实都系有少少辣姐。个头盘系一个烟鸭胸沙律，个鸭胸几好食，唔会太油腻，而沙律个汁都好正，酸酸甜甜咁，但d菜就略嫌有d苦,不过都OK。而个主菜系煎西冷配烧大虾同薯角，个西冷有d韧，不过都可以接受，个大虾就不过不失啦，而d薯角就唔太脆，整体都算几大分，都算唔差。我觉得最好食就系之后个白汁带子菠菜面。个白汁同个面好夹，而且都算几多带子，而且都有好多三色椒同西芹等嘅配料，非常好食。饮品方面我就叫左杯黑牛，可能本身我冇饮过，觉得几特别，个朱古力雪糕溶左之后杯野好似一杯有气嘅朱古力，而我朋友就叫左杯雪糕红豆冰都唔差，有几多红豆同都几好饮。甜品方面本来个餐有个雪糕香蕉船,但佢因为冇哂香蕉所以就咁比3球雪糕我哋，都冇咩特别。整体黎讲，间餐厅真系唔错，d野大分而且几好食，气氛都几好，枱面有个假嘅心形蜡烛，而且佢唔多人都系佢嘅优点，间餐厅唔会好嘈，啱哂同朋友倾偈。价钱都唔会话太贵，同朋友每人都系120到。最后佢唯一有野唔好系d野食黎得太快，搞到后尾d野冻哂。
继续阅读
今日下午 试左个价值$33 吉列大猪+薯角 连餐饮(热菜蜜) 冻饮+$2份量极少，炸猪扒完全同豪大大差吾多级数差，但仲要贵过佢，沙律酱点左5次都痴唔到件猪扒，最后要用刀解决！而薯角即太老，炸太耐同无咩点滤油或换油！总结，完全唔适合胃口比较大既人，勉强只值$28左右，与同区比较新森林焗饭专门店，1个猪扒焗饭+小食+面包+汤+餐饮 都系总值$36，另外唔知系咪换左老板，收银有点串同埋搭嗲又要抽水，态度很一般，环境2个月前后没变化，主要都系门口改变左。*提外话，之前觉得晚餐ok的，有赞少弹，但系唔知做咩open rice 再帮心之町重开多次，冇晒之前既纪录！(所以都谂紧可能又转老板，因非第一次)
继续阅读
今日谂住同朋友食扒餐既，但好似旺角乜野都食过晒咁，因为成日系旺角返学放学，行街不外乎系CWB,TST,MK(你懂的)，真系冇乜特别野好食，我亦都好少写Open rice 各类型餐厅写食评！今次哩间餐厅，真系令我破例。是日晚餐: $85 西冷扒+薯菜(非杂扒)，$15 心之町螺，$45 茄汁焗猪扒饭 (连加一就)149.5 今晚嗌左个西冷扒+薯菜 ($85)，牛扒7成熟，因为果日个肚吾太舒服，唔想食太生，应该食5成熟，再系个铁板到煎多几下，而薯菜都唔错，但系铁板太耐，或者部份比牛扒压住，明显有深黑色既黑边位。但大体上牛扒劲有肉汁，食落口感滑滑地(7成熟都可以做到咁 真系劲)，而薯菜就爽口，比m记好dd咁。($85扒餐 先有 +$15换购->)心之町螺，唔洗大家食到殊殊声果种，佢用薯蓉同一早挑左个螺肉出黎焗，所以可以一啖食落肚，不过都几饱下，同埋要衬热食，因为冻左既薯蓉差好远，所以要睇大量食量，15蚊有6旧薯蓉+螺用！十分抵食。(正价好似要$28)反而个茄汁焗猪扒饭，真系令我有D惊奇，因为平时食都系好平凉，冇乜特别，口感一般，干巴巴的，但心之町个个猪扒饭唔太干，猪扒有口感，虽然有红椒同青椒，但配合个酱汁都系一个唔错，同埋$45好似系食极都有，仲抵食过大家乐果D $4X蚊既一哥焗猪扒饭，虽然连加一，哩个猪扒饭都成$50蚊架！最后不得不赞既真系地方同服务态度，最岩情人去谈心，倾计既，我地食左都差吾多１个几钟头，隔离枱过成半个钟先叫野食都冇问题，可能个日人客少吧，因为全场大约有３０张枱，但得８枱有客，所以冇好似出名澳Ｘ牛Ｘ公司咁，一黎就乜食咩，态度好到不得了咁（反义），同埋员工态度／老板态度都劲好，加上上菜速度都几快！食晒成餐，估吾到仲有雪糕食，雪糕既牌子本身以为雀巢，但食落唔似，行去洗手间先知系阿波萝！
继续阅读