影片
黎到九龙城码头呢边, 其实都唔算好多野拣, 因为都唔近旧机场个边咁多小店选择. 如果想食小菜就拣左呢间酒楼食了系广场入边算系可以拣得落手既地方.点左 西兰花鲜由, 栗米鸡煲.西兰花鲜由, 份量都算OK, 几多鲜由, 都系大旧的. 不过西兰花有部分就比较生左D, 口感就无咁好...栗米鸡煲, 感觉比较干左少少唔够湿, 而且鸡既份量唔多, 味道真系好一般, 食落去又好似有D白切鸡既味道.个栗米鸡煲就真系唔太岩自己口味.总体黎讲, 小菜味道就一般, 价钱就系可以接受既, 始终呢边可以选择既地方唔算多, 无特别期望系有惊喜就ok...
继续阅读
之前食过晚饭，😍免人头费免茶介，晚上食物质数一般，但系胜在够平，一家人去食够抵食，佢椒盐猪扒+鱿鱼须好好味😋，龙虾伊面，龙虾唔够香，肉质都唔够爽，叫咗一食点皮鸭，但系扁皮鸭鲍嘅皮只有半块，唔同其他酒楼圆形一片，$188一只一食，算系咁啦，今次试埋佢下午茶下午茶两点至五点大中小点一律$15左右，下午茶，茶介都好平$7，排骨份量都多，只可惜叫咗一碗烧腩仔濑粉，但烧腩仔比较少，得五件，不过都好脆皮，还有叫咗珍珠鸡，一龙两大只，够味可以试吓服务一般啦，整体都唔错👍🏻
继续阅读
依家样样都贵，想揾早茶孖宝只系廿几蚊的确唔容易㗎，仲要系星期六日啵今次介绍系翔龙湾嘅德馨苑海鲜酒家，孖宝的确好抵食。 请注意原只鲍鱼烧卖皇@$28.8 (只系星期一至六供应) 小笼包一笼6只都只系@$9.8, 真系非常之抵，不过小笼包入面啲肉亦都非常之少，主要都系椰菜，而且仲系比较爽口嘅椰菜，皮唔薄，好易夹起，味道都可以，可能同大家认知嘅小笼包有啲唔同，不过呢个价钱嘅CP值都好高。试咗两款孖宝，虾肠是最好食的，虾肠一碟有6嚿，每嚿都有一只虾，肠粉皮好软滑，豉油甜甜地，好好味另外好味嘅都有芋头糕，底面都煎得好金黄，而且热辣辣上枱，但个人觉得略嫌五香粉重咗少少和咸咗少少，不过都好好味北菇棉花鸡，棉花好薄而且冇乜味，但鸡件就腌得好入味，相比之下，个人觉得苏屋邨德馨苑嘅北菇棉花鸡比较出色见到孖宝点心有特色鸳鸯卖，一定要试，上枱先知原来系牛肉烧卖同鲮鱼肉烧卖，都几有特色，味道ok, 可以一试。最后要提一下，我哋叫咗普洱，我已经将第一round茶用嚟洗咗茶杯碟，但普洱茶仍有霉噏味，建议大家都系唔好要普洱。两个人食咗5款点心，埋单都系85蚊咋！
继续阅读
约咗家人饮茶，有老有少，前后脚到。攞9人枱，门口阿姐话无大枱，只有6人枱。我哋系7个大人，勉强都坐得落，就照坐低。唔够櫈，侍应忙，正常茶客都会自己去搬櫈，正常得闲嘅侍应见到都会帮手...但呢度唔正常。光头侍应做紧嘢经过见到，同我哋讲：洗唔洗自己拉櫈呀？！（系责备嘅语气）食到一半，其中一大两细临时放飞机，所以我哋揾经理改茶位。阿光头侍应埋嚟收吉笼，我哋顺便提佢帮手睇睇茶位改咗未，全程唔该前唔该后，阿侍应嘅回应系：「嚟到先加櫈吖嘛！加咗而家又减！嚟到先加都唔迟吖，又加又减我哋夜晚要开会㗎！」（晦气+责怪）收完笼，返转头加水，再讲一次！😤究竟食客错响边？突然要受你气？我要9人枱，你得6人枱，明嘅，呢个时势真系好少有大枱，眼见都拆哂俾搭枱客。如果有张大枱我又何需自己拉櫈？同枱人都系一齐被放飞机，我攞枱𠮶吓点知会被放飞机呀？咁减茶位都系正常动作嚟。（如果系卡拉OK咁全行都知人头数有加无减，我紧系唔出声啦，但茶楼不嬲可加可减嘛！）BTW，讲返句中肯少少，食物唔差，可以讲得上大件夹抵食！但就...我唔想再受无谓气啰！
继续阅读
冬至到此酒家用膳，发现食物及服务质素极差，龙虾是冰冻食品，完全无鲜味，仲要收310元一份，贵过隔离海港。其它像生炒骨，海参及栗米鱼，大阵苏打粉味，很难入口，服务员又少，落单冇人理会。论评分，仲衰过市面上的两𩠌饭。奉劝各位准备光顾的食客，要三思。
继续阅读