德記潮州菜館

营业中

休息中

我唔係想踩佢.....不過真係要指出問題....同朋友夜晚晚志在搵地方吹水...咁岩依間重開緊叫左2樣野, 蠔餅同豆苖先講野食..蠔餅: 幾好食,幾脆但又唔會太乾, 都足料,至少每挾一次都有蠔仔係到,分量都ok豆苗: 不用說了,就是清"蛤"..食完繼續吹水,突然間天花板傳出d隆隆聲...重未知咩事,隔離果枱有人彈起身大叫...原來係果刻有d黑色野由天花板跌左係佢件衫袖同d餸到,重大叫問係未有老師...我地聽到太驚..即刻衝出去.....好彩係食哂野一段時間...唔係發生d咁ge事..真係冇胃口再食..

聖誕節的假期,出外吃飯的次數比對平時會多些,難免會有些滯後感,對腸胃也許是個負荷. 在這段期間,偶然吃一些清淡食物,相信也會有益腸臟.不少人經常有個誤解,以為潮式食店就多是油膩感重,怕肥的一族更將潮州菜與肥胖晝上等號,認為潮州菜是很不健康的.在我來說,看你在潮式食店到底吃下甚麼食物吧!身邊有些親朋戚友由於聖誕期間吃得過滯,他們不是咳嗽,便是腸胃不適,更甚者還臥病在床.愛吃的體弱一族當然不甘心吃碗白粥吧! 的確! 白粥令一眾吃滯了的餵食鬼敬而遠之, 我便是其中一位表表者. 因此,連續多日對胃部的催殘後,決定吃些清淡的食物,好讓身體舒舒氣. 步行到居所附近的德記,品嚐我最心愛的肉碎蠔粥吧!潮州肉碎蠔粥像是湯與粥的混合體.喜歡肉碎蠔粥的餡料豐富又有營養,當中主要材料包括芫茜、魚干、蠔仔、豬肉碎、米及冬菇絲. 蠔粥尤其加入了魚干和多隻蠔仔,更令粥底增添其鮮味, 豬肉碎加入粥底內,比起只吃白粥更有飽肚的感覺, 此外,蔬菜當中,芫茜一向給人的印像是濃味,菇菌更是朝鮮人愛用來給病者食用的植物. 滲入粥底內,與蠔仔及魚干的鮮,互相產生一樣海洋與植物產生了相互交融的味道,令人一吃傾心. 從前,人們經常將

週末與友人們大戰四方城後, 西環出名應該算是去德記潮州菜館打冷. 西環德記雖比不上上環尚興和兩興, 但價錢大眾化, 在金融海嘯下依然有很多人排隊等位. 我地等了十分鐘便有細檯坐. 是晚點了以下小菜: 首先友人揀了馳名細胡椒豬肚湯,可分大約五碗份量, 幾香胡椒味. 由於友人不吃太辣也能接受到, 我想這裡的胡椒豬肚湯應算是不太辣吧.. 潮州菜當然唔少得必吃之選: 家鄉煎蠔餅和鹵水鵝片. 蠔餅略嫌太厚脆槳, 尚興的蠔餅好味啲. 至於鹵水鵝片, OK幾入味,有豆腐墊底. 再點了碧綠川椒雞和瑤柱竹笙雜菜煲, 也算不錯, 大碟挾抵食!

突然興致勃勃, 所以就黎左呢到食飯七點鐘去到已經排晒隊, 不過好彩有訂位....等一個字就有位叫左胡椒豬肚湯 - 胡椒味好重, 而且都算叫做多料, 飲完成個人好熱 蟹粥 - 甜 ! 不過好多蟹殼碎左落粥到...一個唔覺意就...XD滷水鵝片 - 片數多, 唔會墊豆腐墊到高一高咁...而且幾有鵝味蠔餅 - 好脆, 又多蠔仔, 不過魚露好喊...唔好點咁多甚至唔點其實都夠味糯米釀大腸 - 出面層大腸好夠脆...不過我覺得D糯米飯削左少少脆皮雞 - 一般梅子烏頭 - 酸酸地..幾好食..糖醋麵 - 我只加糖食...不過佢底同面都夠脆..幾得意!荔芋香酥鴨另外咸檸七亦值得推介, 整個的咸檸檬..但唔會太咸...味道好match 食左咁多野...每人都唔駛100蚊..超值!不過對我黎講就遠左D..哈哈!

十幾年前去過一次，掛住佢好耐，跟住到尋日先有機會再去，今次叫左：糊椒豬肚湯 - 好好飲，飲完仲成身熱騰騰蟹粥 - 好好食，可以同豬肚湯"登"返勻，無咁寒蠔仔蛋 - 蠔仔好大隻，去咁多度食蠔仔蛋呢度最好食沙爹牛肉芥蘭 - 芥蘭變菜心，個汁太杰，麻麻地欖菜肉碎炆涼瓜 - 涼瓜切得太幼絲，炆得太林白灼墨魚 - 都可以梅子燒烏頭 - 好醒胃，十分好味小食三味 - 都算OK炸子雞 - 好食鹹檸七 - 鹹檸大大個，細路仔見到笑呵呵招呼都算好，不過可能多人上菜就慢左d

食物方面, 真的不錯, 味道方面, 前面各位都有講過啦, 我們3個女仔, 叫了黃金脆豆腐- 裡面很滑, 點甜酸醬幾得意!滷水鵝片-雖然好飽, 不過都吃完胡椒豬肚湯-香胡椒味, 但感覺上還欠一種味, 有點不足炒魚麵-其實係炒魚片, 略嫌多油了一點, 不妨一試雜菜煲-雜菜煲是魚湯浸菜, 個魚湯的味道比豬肚湯還重, 不錯!白果芋泥-這個真得很好吃, 一定要試!!! 好想的芋泥, 甜度適中, 雖然有點膩, 不過, 仍然吃光!服務方面, 我覺得不錯, 我們坐在閣樓, 未坐的時候, 自己還在想, 點菜有邊個理我地? 不過有個阿姐好好, 久不久就問, 你D野來了沒? 還會幫我們追野, 之後叫其他野食, 就會講埋個甜品要幾錢, 有幾大... 因為佢見我地3個女仔都無可能吃得曬! 哈哈~

在西環住了十多年都從未黎過間菜館..就連聽到未聽過..可能那時的我對食不太在乎..自從到了這間公司,同事的介紹下先知道這間菜館,還是十分近我家的,自此我們有飯局也常光顧這間,冇去幾個月,今次食物細碟左好多..加上又貴左~~滷水鵝蠔餅..一次比一次細碟...糯米釀豬腸..我的至愛..因為是豬大腸!黃金脆豆腐..今餐飯最正的一味送 ~~ 似玉子豆腐 蝦蟹棗墨魚餅..蒸白鱔沙爹牛肉炒菜心欖菜炒豆角潮州肉碎蠔仔粥胡椒豬肚湯甜品 : 白果芋泥...這個甜品40多元好細碗..,但一個人食一定食唔曬,一人一啖便足夠..因十分膩!甜品 : 綠豆爽

以前住呢邊時, 成日都會黎食, 事隔幾年再黎心諗會唔會有跌wa呢我地兩個人叫左個魚湯浸菜芯, 第一啖湯飲落去有雀仔飛出黎, 魚湯真係幾鮮味!次次都叫既蠔餅, 食落去不油不膩, 因為佢係小煎然後再炸既.亦都係次次叫既糯米饟大腸, 不過呢個今次真係有少少失水準.素菜卷, 味道清, 而且內裡既素絲做得好爽, 唔似得有d地方咁煮到入面d素絲淋晒! 唔怪得有相為証推介呢個, 最正就係佢可以做返相裡面一樣既賣相出黎總括佢都仲係好好食, 但有少部份下跌左!

上星期日晚9點多, 同男友特登搭車嚟食, 因為上次太多人等唔到位, 之後買咗碗蠔仔粥外賣試過, 果真有水準, 所以今次夜少少嚟希望無咁多人, 結果係唔駛等位<食物>1) 滷水鵝(淨片) ($68) ~ 上枱果時微熱, 整得好入味, 鵝片底唔會有太多豆腐墊底 <推介>2) 黃金脆豆腐 ($42) ~ 豆腐好滑兼炸得好好味,脆漿唔厚, 加少少炸蒜頭响面, 正 <推介>3) 糯米釀大腸 ($45) ~ 將大腸d膏整走, 再釀有臘腸的糯米, 但就無咗大腸既味道, 而且我覺得好膩4) 蠔仔粥 ($22/碗) ~ 有好多蠔仔同配料, 食落好香 <推介>二人共消費 : $193

一家人去食飯最好,因為可以叫好多野,樣樣都試下.今次9個人,叫左蠔餅----------------有二大塊,煎得非常好,夠脆,足料,點少少魚露就ok.糯米釀大腸-------冇食梅子烏頭-----------酸酸地,幾好食炸雞半隻-----------普通.咭嚕肉-------------失色,始終都唔係潮州野鹵水鵝片-----------重鵝味,墨魚拼紅腸--------墨魚好彈呀,有口感糖醋麵--------------點糖食,正呀潮州肉碎蠔仔粥--好足料,好夠味糯米釀豬腸--------冇食,但係得出係一個考功夫嘅菜炒魚麵--------------好似魚片切絲抄咁,幾得意胡椒豬肚湯--------冇食,但好遠都聞都陣味咸檸檬七喜--------出奇地夾,冇檸檬咁酸.唔記得幾錢,好似8百幾.唔理啦,有大食大~~~~~同屋企食飯真係好~~~~

酥炸蝦蟹棗墨魚餅，很好吃.不會滿口是油``芥蘭爽口,味道帶有甜味...不太油不過菜來得有點慢,要我們趕一下才快點~潮州香雞也不錯,不過不是太滑~假日人有點多,也要排隊...比較累一點.和地點較遠. . .不過如果去那邊,也可以再嘗一嘗...~好味也不太貴,做晚餐也很好呀...值得一嘗^^

一行７人黎，差唔多等左半個鐘先有位，入到去其實都幾迫下，不過一間餐廳最重要都係ｄ野食蠔餅（＄４８）：有二大塊，炸得乾身夠脆而且蠔仔份量亦算多，唔腥，抵食鹵水鵝片（＄６８）：肉爽，都有鵝味，不過鹵得唔係好夠入味，墊底既豆腐都幾滑，唔錯糯米釀大腸：大腸夠肥美，外皮亦炸得夠脆，點ｄ甜甜地既醬汁食都幾好味，但係ｄ糯米飯有ｄ削，破壞左口感碧綠川椒雞（＄４８）：比較失色既一碟，只係用雞片加ｄ醬炒埋一碟，有欠鑊氣亦唔夠惹味，可以不吃荔芋香酥鴨：最出色既一碟，芋茸粉糯，底下既鴨肉結實唔霉，口感香脆而不會食到一口油，必食推介，最好多幾個人分，因為都幾滯豉油皇鱔球（＄６８）：鱔肥美，份量亦多，不過豉油皇配鱔食落好似怪怪地咁，唔係話佢唔夠味，只係呢個配搭好似唔係好ｍａｔｃｈ咁糖醋麵（＄３２）：將煎脆左既麵拌以醋及砂糖同吃，味道都幾夾，但係ｄ麵只係煎脆左一面，另一面係淋的，要扣分沙爹牛肉炒河（＄３２）：牛肉有輕微化學處理過，沙爹汁幾香而且都惹味，可惜炒得唔夠鑊氣而且河粉既口感唔掂，似係雪左好耐既河粉咁埋單五百蚊，抵食啦，應該會再黎

訂位時已講明6.30pm 或8.10pm先有得book。於是book左6.30pm,早d食dinner。去到都仲有位,不過未7.00先full晒,真係好多人食wor。好想試下呢度既鵝片同荔芋香酥鴨,不過近排禽流,鵝鴨都係避一避。唔食雞,少左好多野揀,於是叫了每人一set,包括一碗潮州翅同一個餸。潮州翅-有點油的感覺,普通蠔仔餅-yummy~~好炸好香口~~正名爐梅子烏頭-賣相ok,味道不錯,帶點酸味帶子西蘭花-普通,帶子不太新鮮海蔘花膠煲-都ok環境似一些舊式菜館,感覺乾淨,侍應好nice,喜歡去呢種地方食野,有風味,又好食。食完只不過係八點,但係已有十幾人等位,相信其他菜式都不錯,會再來試一下鵝片同荔芋香酥鴨。

Although I heard that 德記's quality has decreased & the price has increased, I still decided to try it the first time on father's day because we wanted something special. What a surprise, good wor !鹵水鵝片拼大腸 + 豆腐墊低: 鵝片 good but not enough.荔苧香酥鴨: good, 炸得crispy, although the quantity is smaller than 權發, the taste is better than 權發 & the price is cheaper than 權發.蠔餅: a lot of 蠔仔, 炸得比較乾身 (my dad said it was good ^^), but I don't really like 炸野 & felt a bit salty.香芋雞粒玉子豆腐: many many 玉子豆腐, but not enou

住進西環六個月,基本上食過晒依頭大小餐廳.竟然係搬黎6個月後先有機會食德記. 總結係, 食廣東小菜或潮式野. 依度一流. 仲要極平.9點左右入去,等左陣就有兩人位.點左:咸菜豬肚湯: 兩個人飲左好耐先入晒,足料,重胡椒味,正.荔苧香酥鴨:好好食,鴨肉係底芋頭炸得好正.點埋個汁極正蠔餅: 足料蠔仔,新鮮,大份,食到兩個人食唔晒.鹵水拼盤:因為我"好"鵝片.對豬肉冇乜大興趣. 但都係好食. 另見格離台有炒聖子,好香,下次一定要試, 咁先食左180蚊.平到笑. 前一日去cwb燈籠街食左三個菜仲要份量極少.都240. 番德記食冇咁嬲,180食4樣.仲要鴨同蠔餅各淨一半拎番屋企番焗當午餐.坐近kitchen,見到好多菜係我面前拎過.賣相香味都好好.我會講.service及食物都好過權發.以後主打依度算lu