德華茶餐廳 (已結業)

10點幾經過諗住食個快快嘅早餐叫咗兩份普通沙嗲牛肉麵加火腿餐肉多士點知等15分鐘先有塊火腿餐肉沙嗲牛肉麵等足20分鐘先上仲聽到附近枱話等咗半個鐘嚟到原來只係叫咗腸仔公仔麵⋯⋯但又好神奇，有遲嚟嘅客叫咗羊腩煲午餐（職員講明要等耐啲，起碼15-20分鐘）都仲快過我嘅即食麵職員話：「有幾慢呀！差唔多啦！」原來係我唔啱，茶餐廳早餐煮20分鐘係正常啦係我無理取鬧搞到等20分鐘，趕時間食咗7分鐘就走平時啲茶餐廳20分鐘內已經食完加還埋枱⋯⋯…查看更多

今日叫左個白汁焗雞扒意，諗住焗飯冇咩技巧穩陣啦，落單之果時阿姐同我講焗嘢要等耐啲，咁ok啦，1141落單，然後1144放左碟相信係白汁焗意嘢物體喺枱。3分鐘出到個焗嘢而經心知不妙。望到個意粉，我當堂嚇一跳😨，然後得啖笑😅，個意粉有十片八片未熟嘅紫洋蔥，再加啲青椒，面頭有塊芝士，下面有塊烚雞扒，紫洋蔥加青椒呢個組合睇落已經麒麟怪，跟住個汁係透明，你冇睇錯我都冇打錯，係透明，白汁點解會透明，仲要希到水咁，完全冇味，個意完全冇焗過。我問阿姐，你哋啲焗嘢平時係咪都係咁，阿姐同我講，佢話呢度係咁，一時時，佢都唔知，然後行左。最後食左兩啖就成個冇食，$62食個焗嘢都係正常價，但係呢個焗意我諗係要間餐廳要比返$62個客。有人形容一啲好難食嘅食物，佢哋會話嗰啲嘢食只係能夠維持生命。但係如果地球得返呢間餐廳嘅話，我諗我會結束自己生命。…查看更多

叫了兩個飯，一個西多士，三杯飲品。檸檬菜蜜俾錯西洋菜蜜，兼且送漏左西多士既靈魂 — 糖漿，打電話問餐廳補送過黎，點知餐廳員工態度勁差，話唔會補送，就算咁近都唔送，仲話覺得西多士冇糖漿，乾梗，佢都食得落🙄🙄🙄等於成個西多士餐嘥左，冇食過🙄blacklist!!!!!!!!!…查看更多

話說琴晚去左彩華花園間清湯牛腩食古法鹽焗雞食到一肚氣，今日再想食雞，行過德華餐廳門口，見到晚餐餐牌樣樣都好吸引但最終都係叫左 上湯瑤柱菜膽雞正所謂冇對比真係冇傷害....呢碟雞 同 琴晚果碟雞真係天堂與地獄先評論 雞件有10幾舊，雞肉仲要好滑d菜心索哂上湯既味道簡直一絕另外都比左唔少瑤柱價錢黎講絕對超值68蚊 琴晚果個居然要60蚊點解大家可以相差咁遠唯獨美中不足既係，佢d飯真係太少！食完d雞同菜，剩係搵瑤柱同上湯撈飯食都好味下次會再試下其他餸…查看更多

難得送完老婆返工，見仲有時間就光顧呢間野入到去呢間餐廳感覺去左世外桃原！3名男侍應都係好年輕！ 其中一名好似未夠18歲！叫左個晚餐 咸魚肉餅飯 跟 凍奶茶仲送多碗例湯！例湯 好明顯煲左冇耐，紅蘿蔔仲係硬身，勝在碗湯都有味，唔洗錢冇得要求太多凍奶茶 幾好飲，茶味濃，奶味適中最後碟 咸魚肉餅，一位貌似未夠18歲既男侍應放低然後就走左去，我以為佢去拎碗飯比我，點知道原來佢去左同個客吹水！等左5分鐘我再問佢，呢個餐係咪唔跟飯！佢先恍然大悟走去拎碗飯比我仲要一句唔好意思都冇，碟野都凍哂啦！碗飯仲要咁少飯....我有話要減肥咩不過咸魚肉餅真係幾好食，但員工影響味道！如果可以再培訓員工，此餐廳生意必定蒸蒸日上…查看更多

今天屯門區午餐，#置樂花園 附近選擇不多，比較穩陣的應該是大快活了🥲再遠一點新都廣場比較多選擇；中午天氣十分悶熱，就不行太遠，經過 #德華茶餐廳 ，就試試這間餐廳吧🦵查看食評，其實評分麻麻🥲但又唔想次次都食大快活，而且口味人人不同，要試一間食店的功架，應該首選 #乾炒牛河 （唔知邊套電影講😂），但見到午餐竟然有 雪菜肉火鴨絲蚊米，就試試吧；因為本人十分喜愛食。以屋邨茶餐廳質素計，這碟算唔錯；食落鑊氣（工作冇鑊氣就得），火鴨絲有鴨味，鴨絲份量都算多，性價比高👍餐連凍奶茶埋單$52, 十分抵食，以這價錢水平計，值得推薦推薦度：⭐⭐⭐⭐…查看更多

買個外賣咸魚雞粒炒飯雪雞零雞味基本上都預左，但個飯零咸味，一粒咸魚都冇，好似食緊清炒雞粒白飯咁。未食過咁難食既。咸魚真係咁貴咩，扮下野都落啲鹽或者豉油呀。杯凍咖啡正常既 起碼係凍既 我接受左。…查看更多

疫情期間懶得落街，打開戶戶送apps叫外賣！見到德華茶餐廳好評較多便試試看！叫左一個西蘭花炒雞柳一個鮮茄肉片飯 同埋一個日式雞肉炒烏冬3杯熱檸水 同一個白飯總共200蚊，貴唔貴見仁見智先講講熱檸水問題，叫3杯就比3包糖定義就係每1杯只准落一包糖咁當然，熱檸水飲落係苦既其次就係鮮茄肉片飯，蕃茄好硬身……然後到豬肉片，韌到咬唔開……反而另外兩個飯 就幾好食西蘭花炒雞柳，菜鮮甜，雞肉好滑身配白飯真係冇得輸:)最後 日式雞肉炒烏冬 更加另我食唔停口豉油落得剛剛好，雞肉有另外煎過再斬件烏冬亦都彈牙爽口，配上洋蔥絲，簡直絕配！總括黎講，呢間野可以一試…查看更多

路過想叫個外賣晚餐，價格又唔平，仲要受氣。樓面收銀果位唔知係咪老闆娘，態度極差，好似得罪佢咁，問佢有咩時蔬，又叫我地自己睇餐牌。 個外賣餐又凍又難食😥無心做就唔好做。…查看更多

假日點了一個下午茶餐，全程店員聊天聲音嘈吵不斷，等左接近25分鐘，問下有冇漏單，態度依舊惡劣回答叫我等多陣，店員繼續聊天大笑，門口有一位等外賣的都忍唔住催單，再過5分鐘我真係想起身走，碟野終於黎，但胃口都無哂啦，野唔算好食態度真係等執粒...…查看更多

茶記早餐速寫I置樂花園地鋪多, 這間餐廳鋪位較細, 但週末早晨幾乎坐滿, 試試佢❕難得有菠蘿油🌄菠蘿包微暖, 厚切牛油有口感入口始溶; 雖然唔係即場烘培, 但菠蘿油跟餐唔貴, 有得配炒蛋司華力腸, 可惜司華力不給力, 得半碌切開三塊, 略嫌寒酸另一早餐點了公仔麵, 加$8雞扒到底值唔值🤔選用雞脾扒肉質紮實, 唔算嫩滑, 有調味但擋不住雪味🐥…查看更多

放午餐時段十分之肚餓，今次同同事經過德華茶餐廳就決定走左入去，疫情關係，人流唔算好多，我地一入去就有位坐，唯獨落單時，侍應手抄完單之後，再問我地兩次食咩，我叫左呢個北菇蒸雞飯等左大概10分鐘左右就到，但另外同事叫既咖喱牛腩飯就等左接近20分鐘，茶餐廳服務黎講做事效率欠奉…查看更多

完咗活動黎咗呢頭搵下午茶，無乜所謂之下入咗黎雞扒餐肉特制豉油撈麵，比我想像中少豉油，撈麵偏乾，好在雞扒肉夠滑，同埋夠大碟，否則呢碟嘢真係唔值三十尾。焗飯，望落已見偏少汁，不過算快，唔駛十分鐘。正常水準，雞扒啲肉都係滑嘅，都幾大碟。兩碟加埋唔過九十，都算正常嘅。…查看更多

放假最爽 莫過於訓到自然醒再落街搵嘢食而我最常去食早餐嘅地方就係茶餐廳今次嚟到呢間德華茶餐廳細細間鋪頭 位唔算多 但係冷氣好夠勁當然瞓到自然醒早餐就一定已經收哂但茶餐廳最出名嘅就係常餐我叫咗個五香肉丁公仔麵 再加$5改做出前一丁五香肉丁份量算多 公仔麵麵身唔算太林因為我唔鍾意食浸林嘅公仔麵配有牛油厚多士加火腿奄列切開睇一睇奄列裏面嘅火腿真係好多👍🏻我哋兩個人去食叫嘅餐都差唔多最後成為$103可以提一提嘅係公仔麵唔使加$5都得🤗…查看更多

痴孖根的嗎?今朝去左買個外賣我由10:19分等, 等到10:37都未有去問下,個阿嬋話出緊出緊, 我望住佢話出, 但水吧外賣吧乜都冇等多陣終於有外賣, 但係原來之前仲有人等緊D阿姐淨係做堂食, 完全唔理外賣, 前面有幾個人排緊隊已經鼓燥緊之後有人坐底食埋, 都未有我果份外賣再等多5分鐘都未有, 結果要求退款走人!呢間野係人開的嗎?我未聽過等一個外賣早餐要廿幾分鐘, 食都食埋la仲要係咁話出緊出緊, 出條鐵嗎?永不幫襯!…查看更多