德興酒家 (已結業)

其實一早想將今次單野公諸於世好耐 , 但又懶 , 一直拖到而家先上黎寫 ...話說上個月頭同班同事一行五人去食佢個任食火鍋 , 叫左個麻辣併清湯 , 因為有兩個同事比我地三個遲收工 , 所以我地唔急於淥野食 , 只係一路食住少少一路等 ...好喇 , 到人齊時 , 當然劃野食張紙隊到恆佢去啦 , 點知一等就 45 分鐘 , 乜都冇 , 叫伙記追又話廚房好忙 , 應該出緊 , 一時又話已入左單 , 放心云云 !! 結果當然係漏單啦 ! 火都黎埋 ! 我地煲湯底就足足加水加左三次 , 加到個已經唔多辣既麻辣湯底冇晒味 , 咁我地叫佢俾 d 醬料加返辣佢啦 , 佢又話要另外收 $20 , 唔係呢 $20 既問題 , 大佬 , 而家係你漏單搞到我地個煲湯係咁煲先冇味咋喎 ....野食到喇 , 所謂肥牛真係肥到全部係白色咁滯 , 蘿蔔片又搵 d 唔知乜黎頂檔 , 一咬落去粉到不得了 .... 係得個潮洲魚旦食得下 尖東德興同振華會德興我都成日去 , 諗住同集團點都唔會差咁遠卦 , 點知真係比預期衰幾十倍 , 呢間野 black list !!! 冇得傾 同場加映喜力妹唔知咩事一怒之下除衫劈炮 ,

上星期五, 本人一向都好喜愛德興, 一心諗住去德興食宵夜時段既任飲任食打邊爐, 可惜深水埗厘間分店令我極度失望!!!! 新開張就搞到咁完全唔掂!!!服務方面: 我地係晏左一個鐘去, 本來係有竹蔗水同酸梅湯任飲的, 可能遲左, 佢話送晒, 咁我地覺得都ok, 佢係寫明送完即止, 所以都冇所謂喇! 但點知我地坐低左幾個字, 有班人入黎, 佢地竟然有竹蔗水飲!!!! 又話送晒但遲黎過我地既竟然有! 我地梗係問D侍應何解啦, 佢話佢地book左table, 咁我地都有book啦, 點解冇先?? 佢地只係不斷話送晒, 下次早D黎! 真係激死我囉!!! 同埋佢地既服務真係好差, 好多熟客上去, 佢地會先招呼熟客, 又大聲說笑, 唔洗做咁既款! 叫佢地換兜豉油, 等成個幾兩個字, 就係因為佢地斟埋豉油俾熟客先俾番兜豉油俾我地! 仲要我見到個帶人入座個姐姐仔公然辦公時間食薯片, 食野入休息室食啦~ 成班人都唔係做既~~ 仲要不斷漏單, 叫4-5款菜黎得1款, 上食物極慢!!! 真係超級唔掂!!!!! 食物方面: 其實都冇咩大問題, 不過我覺得mega box 0個間好好多~ 同埋厘間D沙嗲湯底