德興酒家

营业中

休息中

已經係唔係第一次去德興火鍋放題, 地點嘅方便. 有試過平日亦有時過假日收費嘅放題, 感覺質素正想同埋保持, HKD200左右有齊啤酒汽水及無糖飲料, 食物及湯底亦有水平及選擇多. 牛肉都有三個品種, 雖然係普通貨, 但係如果價錢已經好好, 海鮮種類亦有好幾款回本位, 蝦, 帶子, 花枝片等. 甜品亦都有糖水同埋有品質嘅雪糕. 員工服務幾好, 至少有效率同埋合理應對. 將聽用石油氣火鍋爐, 火力猛, 不過就可能會感覺氣温熱少少, 不過想讚一讚佢地打理嗰啲火鍋爐做得幾好, 因為之前去另一間火鍋放題, 啲火鍋石油氣爐食食下有曱甴走出黎, 超誇張, 仲要同德興收差唔多價錢, 又限時兩個半鐘頭

今朝差唔多8點就去到，未夠鐘都比入去坐住等。我地2個人叫左9樣野，有啲淨係叫半份。一開始問個待應有無孖寶，佢話星期日無，早茶黎講算小野食，無飯又無粥。轉頭聽到個呀姐同個同事講，話我問有無孖寶叫，佢同事好大聲話不嬲星期日都無架啦。呢間野我第一次去，因為依排好多youtuber都話唔錯，不過唔會再有第二次，牛栢葉勁多油，叫個灌湯餃送隻小強腳，食到最尾仲有兩樣野未黎，比小強腳搞到無癮去埋單，先知佢地漏左單😩

啤酒汽水任飲 自助食物區 中式糖水 雪糕也有提供雪糕一人一杯 movenpick環境比以前舒適 較光猛現在人流也比之前多了枱與枱之間距離寬敞環境舒適食物質素與價錢 合理中式的酒樓任食選擇不多還要不限時非常可取會繼續光顧

而家食任食打邊爐，好少會唔限時，而德興就係例外。星期日既晚餐任食，都唔少人，位位連加一219。湯底都幾多選擇，我地就揀左松露雞湯底。點餐紙既食物唔算多，一般既牛、豬、雞都有，仲有羊、手打丸，青口、帶子片，都幾豐富。除左點餐紙之外，佢有個自助區都有好多款食物比人選擇，好似牛肚、豬肚、牛柏葉、丸呀、魚皮果D都有，而且可能人流多，唔會覺得擺好耐，佢亦都見冇曬既話會好快refill. Service 唔錯，點既野亦都好快就到，不過我地本身都食得唔多野。飲品方面，就有可樂啤酒菜蜜，都叫不過不失。而且仲有一人一杯movenpick 雪糕送，同一人一個oxyair 口罩。如果想同friend 坐耐D又想打下邊爐，都係一個可以既選擇。

每次同班兄弟食飯都要唸去邊始終成班麻甩佬又唔需要話食環境食裝修最緊要平！靚！正！就得自從去過一次德興酒家之後，佢就成為左我地嘅飯堂今次我地有八個人，所以限聚嘅緣故被迫要分兩枱坐，餐廳亦十分體貼咁俾到兩張相鄰嘅枱我地我地今次揀左好普通嘅鴛鴦湯底，即係沙嗲拼清湯，沙嗲有沙嗲味，清湯亦都好清⋯⋯喺我哋呢班麻甩佬嘅角度嚟講已經好滿足最重要係肥牛係可以瘋狂咁嗌如果想要丸類，又或者午餐肉等等又可以喺自助區度拎，飲品方面，酒家仲提供自家製嘅薑蜜同菜蜜，汽水同啤酒仲可以任飲！餐後感：星期五晚人頭$240就有以上嘅享受，真係冇得輸，得閒去多幾次而最值得推介嘅原因，就係因為餐廳可以俾客人坐到11點，啱晒我哋呢啲食飽就坐喺度吹水懷緬過去嘅人星期一至四係會再平啲！

朋友帶我黎呢間歷史悠久既老火鍋店😂 位於尖沙咀，都算一種好傳統嘅火鍋店，因為食既野好中式！呢個價錢有花膠仔，帶子仲有蝦😂羊肉片，響聆，黑豚肉，肥牛心腹肉，水餃，雲吞，韭菜餃，午餐肉，冰豆腐…仲有我朋友鐘意既雞子🤮我最欣賞唔係上面既野食，而係我foodiecutiekit 推介既牛丸，我其實好少食丸，呢個牛丸好爽口彈牙多汁😍🤤 我總共食左5粒🤣 食得出佢冇用粉溝，裡面係牛根牛肉爆哂汁🤤，好想再食☺️飲品🧃好多款，有蜜桃茶，忌廉鮮奶，薑蜜，菜蜜，汽水，啤酒都係任飲甜品：真係估唔到有movenpick雪糕🥺好感動，朱古力，雲呢拿，意大利奶凍味！其實都係食左每人$219左右！真估唔到選擇都幾多，野食都好新鮮🤤#德興酒家 #任食邊爐#尖沙咀美食 #foodiecutiekit

今次同一大班同事一齊去打邊爐，格左幾間餐廳，見德興個價錢較抵而且又係不限時，岩晒一大班人邊打邊傾計😚😚除左餐紙上面既食物之外，仲有其他菜、丸類、海鮮類可以出去拎。飲品櫃既飲品係任飲，但選擇比較少，而當中凍菜蜜稍為甜左少少。開頭叫左個呀姐黎寫湯底，本來諗住寫個沙嗲拼豬骨湯底，但個姐姐唔太識，搞左一輪最後都係搵番經理過黎落😥主要係個湯底等得比較耐，等左8-10分鐘先到，其他食物上菜速度都快，但數量就比紙上寫既黎少左。So far，服務態度、環境同上菜速度都唔錯。入座時仲每人送左一個口罩😂

上菜速度超慢，成間舖成日見唔到職員，等待一籠點心半個鐘後先話賣哂，期間問過幾次，叫我哋等等，最後先話賣晒。態度惡劣千祈唔好嚟。如果想體驗法國菜上菜速度，就值得一試。

老字號酒樓，格局光猛衛生，在尖東區。兩位起，星期一至五只收$199 ，星期六/日/ 公眾假期/假期前夕，$219，再加一。點餐纸上的食品，糖水，飲品任食任飲，不限時，同一班朋友慢食，吹吓水，確是不错的選擇。湯底選擇也非常多，點餐纸内的大部份食物，也是自助形式拎取的，只是肉類/海鲜要用點餐纸，可確保衛生又新鲜。肉類，上枱觀感也合格，但肉質口感不要期望太高，反而鲜蝦非常彈牙，新鮮自助飲品區(有啤酒提供)湯底絕不將貸就價， 粟米蘿蔔豬骨湯底蔬菜，新鮮，乾淨衛生，白菜，生菜，帝皇菜… 一碗碗放在雪藏櫃內，食得放心，放在枱上，也不佔很多地方大量，多選擇的中式配料及醬汁大路的自助打邊爐食物，目側也新鮮，多選擇甜品是一人一杯的貴價movenpick雪糕

如果唔係朋友介紹，真係唔會知道呢間酒樓😅😅。.一開波做下research,係OpenRice見到個價錢，我真係好疑惑🤔咁平既任食，得咩？但食完之後，又覺得幾好喎😂😂.先講環境，當日我哋係6個人，本身以為係一張大枱中間隔塊板，點知佢真係分2枱3個人，而且場內每張枱都有一大段距離！係少見嘅認真遵守規則既餐廳👍🏻👍🏻乾淨方面，佢係舊但唔會唔污糟。.一開波決定完個湯底，就畫紙仔嗌肉,海鮮類既嘢。而菜，丸，腸仔，飲品個啲，就擺係側邊一個自助區自己夾。.食物方面，肉既話我自己覺得普普通通，但海鮮反而我又覺得唔差喎！可能見到呢個價錢，本身期望唔高，點知又比我想像中多嘢食喎！.最後一人有一杯movenpick都算唔錯！自助區其實有啲中式甜品，我冇咩興趣，不過朋友話紅豆沙食得過。.只能講呢間嘢都算cp值幾高！對我嚟講唯一美中不足係播無線囉😂😂

尖東竟然還有間任食火鍋的油家，$199仲有啤酒任飲😃 沒想過酒家原來這麼大，空間空曠坐得又舒服.鍋底算有誠意，黑松茸花膠雞鍋用料足，花膠仔滑身入得口，雞件也很多。自選區食物選擇不太多，水準也心裡有數.但意料之外的酒家用了靚牛，色澤紅潤脂肪紋靚😋 另有膳片海蝦帶子粒水餃等等也不錯。甜品區更有紅豆沙及芝麻糊任食，每枱更可獲MÖVENPICK雪糕一杯，抵👍🏻地埋位置超方便，鄰近港鐵及火車站，是朋友聚餐吹水的好選擇。

一早起床又不想煑早餐，惟有與相公商量外出飲茶，這間位於尖沙咀的酒樓早上八時開店，地方很大，二樓全層，佈置好地道，枱與枱之間的距離都很合標準。坐下侍應員給我倆一張特價優惠早點紙，我倆立刻選自己愛吃的點心：菜苗餃，蝦餃，蝦腸 ，春卷，潮州粉果 ，柴魚花生粥 ，鮮竹牛肉 ，煎芋頭糕。各款點心都比我想像中好，特別是春卷，用蝦來做餡，炸得香脆爽口，另外芋頭糕煎得不燶，咬落亦不乾，很鬆化。肚子飽了也只是十時許，可取早茶優惠價啦！還可去買餸準備晚膳。

中午兴高采烈去吃饭，走了15分钟，本来觉得还不错的一家餐厅，然后点了菜，久久没上，发现是漏单，ok，又点，又等了很久，又漏单。作为一个饭店，频频漏单。真是服了。这种饭店迟早关门大吉。去结账那里，收钱的人还摔东西，仿佛我做错了。香港很多这种饭店，被顾客惯坏了。香港的吃饭的客人就是这样，不给纸巾，空间狭小，态度恶劣，也照常光顾。也许，他们应该被这样对待吧。所以，没什么办法，只能打碎牙忍下去。再也不去呗，希望早日大陆资本过来，像海底捞这样的店，早点把这些夕阳恶毒老店给挤死。谢谢。

天氣漸涼，當然要打邊爐，日式火鍋太肥，清清地揀中式火鍋，久養德興大名，見食評幾好所以一試。從門面已有八十年代感覺，步入大廳，見一台台的台有1.5米距離整齊排開，感覺企理寛敞。每張枱都夠大放食物。湯底選項都幾多，點了海鮮湯用隔煱上，一邊放肉，一邊放菜。出面有醬料台及自助食物區。十分企理。欣賞其蔬菜擺盆，一盆盆菜放在白盆上，存係凍櫃，每次攞菜就收似去咗花鋪攞盆栽一樣，十分清新！自助區有豬肚，牛肚，鵝腸，水餃，雲吞等，也有好特別的奶黃水晶包！本身以為是咸點，食入口先知係甜，感覺特別！另外其特別醬汁亦十分惹味，推介。自選食物種類唔係超多，但足夠及高質，每款食物分類少盆的送上，又是企理。脆肉鯇及魚類相當唔錯，牛肉亦有牛味。甜有紅豆沙，飲品有自製薑蜜。真的唔差。回頭率高！

今日係10月26日（一）紅日，晚飯6點幾揀左呢間酒樓食火鍋。🍲🔥影左幾張相jar, 因為掛住食，請見諒。🙇‍♂️火鍋的話，佢寫逢星期五六 及公眾假期前夕就+$20，但呢日佢計正常價$199+10%，唔洗附加費$20。🥳地點喺尖東科學館行過少少的半島中心商場樓上，廳面好開揚，夠唒1.5m。火鍋用插入式gas罐，無電線。6～11pm 任食任點，不限時係重點，暢所欲言。6點幾只有幾臺，冷氣超凍，8點開始爆唒棚🥺，愈食愈熱😓火鍋湯底揀左最正常的花膠豬骨，忘記影餐紙添...牛肉片上臺凍冰冰，有冰在牛面😳未溶，叫左好多蝦🦐同帶子。豉油+炸蒜醬汁perfect match。以下睇相⬇️，謝謝觀看！仲有個雪櫃無影，有隻Sonderxxx的啤酒🍻完🐖