德興火鍋海鮮酒家 (已結業)

小弟唔係太喜愛食火煱,但都會有下次.首先係個價錢104.5全包, 唔洗心掛掛, 唔會好似稻x同小肥x咁等張單嚟既時候個心跳得咁利害.以今時今日每人104.5去食火煱真係好抵.初初諗住咁平一定冇咩野食, 又唔係wo, 張配料紙既配料選擇仲多過食早茶張點心紙點心選擇喎. 咁我就慢慢睇, 雖然d野食同d湯底咁係好多花樣, 但都有好多我鍾意食既嘢.咁我就選牛肉, 鴕鳥肉, 好多丸、魚扎、魚皮餃等食物. d野好快送來, 咁我就食牛肉先,切得好薄, 好易入口. d丸係人手打, 好滑好彈牙, 我最鍾意食魚皮餃, 好多餡, 阿媽就鍾意食魚扎同魚丸. 之係仲叫左炸魚皮, 我覺得好似食卡樂b咁, 好翠口. 尤魚都好有口感. 勸大家唔好食火腿丸, 因為會好飽, 食唔都其他好野.服務方面都幾很好, 一坐埋位唔洗講自動自覺俾酌蔗汁比我地, 連庶汁都好飲過人. 落完order大約五分鐘就送來, 阿姐都幾好笑容. 食完d野好快有人嚟收. 有一樣要改善, 就係環境, 都幾舊, 裝修下就更好. 如果你唔係要求好多花巧野, 只係想打下邊爐同食d好野, 又要平, 冇其他選擇, 一定要來.

6 個人去打邊爐, 每人$104.5全包, 價錢唔算太平又唔太貴, 食物都係個d大路野,不過不失, 但service 同環境就差d, d waiter d態度好唔得, 同埋環境太迫. 呢度勝左就腳, 所以都幾方面ar~~~ only可以食2個半鐘, 再食要每人加20蚊, 略嫌短左d, only can 食飽, 冇時間吹水~~~~

佢地除左一d regular 既打邊爐食物外仲有好多不同的食物~, eg: 有張力的玉子豆腐,象拔蚌, 獅子狗..... 火鍋都有時間限制~2 小時.... 我地都食得好飽arr

大家去左德興打邊爐...$104.5 咩都計左...一個人...好平呀..任飲任食！！人地每張枱得五張紙點野食..我地叻到扲隔離枱D紙..哈哈我地叫左九張紙...每張只可叫五款食物...但係可以每款多碟...我覺得D駝鳥肉好好味!!我地毎十五分鐘叫一以庶叶！D野食一到就即清...好快手！一到就食...GD..... XD第一次有一間店可以令我同friends大叫飽飽...勁呀德興打邊爐...$104.5 咩都計左...一個人...好平呀

昨天十個人食勁過飯, 唔知邊個提議黎打邊爐. 我地十個人有兩個爐, 湯底分別係沙爹同皮蛋芹菜.由於係任飲任食, 於是叫左好好好多野食, 都唔記得咁多, 唯有講下d有印象既1) 粟米: 好甜好好味^^2) 肥牛: 唔係特別鐘意食, 食左幾片, 都幾香啦, 朋友們則食完一碟又一碟3) 魚皮餃: 水準ok, 幾好味啦, 朋友們又係食完一碟又一碟, 食量都幾驚人4) 墨魚丸, 貢丸: 新鮮製既, 墨魚丸夠鮮甜好味, 貢丸都幾香每位送兩隻蝦, 北寄貝同魷魚. 蝦細細隻都叫鮮味, 魷魚d味辣辣地好奇怪, 反而北寄貝就幾好食, 好有海鮮味~!另外又食左芝士腸, 烏冬, 雞肉, 豬肉, 鵝腸, 西洋菜, 金菇, 羊肉等等...埋單每人$105, 食左2小時多, 又飲左4-5 jar 竹蔗水, 又吹水一番, 都物有所值啦....可惜有好多人食完飯就食煙, 攪到成個身都係煙味, 好臭呀, 快d立法禁止係食肆吸煙啦!!!

每次同friend或者女朋友，都必定去呢間，從無諗過第二間，正如之前個網友話齋，好似返左屋企咁，好buy佢地既servies，雖然唔係假到不停咁笑，但有問有答，不過近排黎左個四十零歲既阿姐，有點唔係好友善，有次我點野食，送黎既完全係另一樣野，我同佢講，佢竟然入廚房拎返我張order黎同我理論：「呢張唔係你既咩？」我就話:「係我呀，但你睇係盤野，同呢張order有邊樣野相同呀，阿姐。」佢然後嬲爆爆咁走左去，唉。但整睇黎講，其他人服務好好，尤其有個四眼唔知係部長定經理，西裝骨骨都親力親為，抵讚。食物方面，整體都算好好，尤其係牛肉，近呢幾個月真係好左好多，不過去親食火腿丸，花枝丸同芝士腸好多時都係叔叔地。希望會改善一下。好早以前去果陣，連蝦都係任食，而家無左，要廿八蚊，不過都會叫，比佢地賺下都無所謂，試過有次去打邊爐，叫左個象拔蚌例排，得十塊到，但好好食，好鮮甜。

慶祝朋友生日同fairwell另一個朋友,天氣又有轉涼,打邊爐去也.行遍成個旺角,度度都差唔多錢,咁就求其一間啦.任食打邊爐$98落樓,送三文魚魚生兩塊,竹簽蝦兩隻,北寄貝一塊同xx蚌一舊,喱D就係所謂貴野,好似孤寒左D.好彩有酸梅湯同蔗汁任飲,ok.食物都係最大路o個D,冇咩特別.上菜速度都算快,幾好.席中有幾位女士,食幾舊就話飽,冇咩野食過咁,所以任食都好似唔係咁抵.

早一年半載仲平呀.....而家可能做旺左個場加左價, 不過一樣咁抵食墨丸花枝片呢類野既質素, 就算唔係頂級都一定係80 分以上侍應既質素係旺角黎講絕對係數一數二唔會有\"行過當見你唔到\" 既情況發生連羅火鍋配料俾你既阿姐都可以搭到兩句dad 呢樣野就真係一流了我每次想去打邊爐, 無論我個人係邊, 都一定想去呢間旺角店就好似番左屋企咁近半年去左幾次, 次次都係一問就同你講\"埋單每人$8x.x (我唔記得實數係幾多, 因為我從來未試過食果個數出門口, 因為人食得開心就自然會叫多兩碟野食), 已經包埋加一茶芥佢\個任食係包酸梅湯同埋竹蔗水既(當然係凍架啦), 所以我唔明點解樓上會講\"昆你飲多D 野\".....<唯一唔係咁好既野係:兩個人去通常十一點前(between 6pm to 11pm)都要等半粒鐘以上而且佢\地D 菜似乎太大\"西\" 了, 兩個人如果叫兩三西菜就肯定食唔晒好大晒了(我個fd 次次都係叫三西菜又食得果少少, 我睇住D 食唔晒既菜真係無奈又無奈了)去呢間野, 我絕對係因為佢\既服務(雖則佢\食物既質素係旺角做打邊爐既咁多間黎講, 絕對係排第一了)(就算唔係

兩個人食，真係幾抵，d野都幾好食丫~~~ 每位計，唔會話多人就平d咁....唔食特別野，sat.都係每位97如果900後去仲平呀~

>.<德興D 野唔抵食食物呢~~麻麻地,都算係甘啦講到服務,都係麻麻地不過一支可樂都要成8蚊雞so開頭冇叫到食到半路ge時後,好口渴但係又唔捨得用8蚊買一支汽水so林住叫一杯水黎飲下啦點知果到淨係得熱水,冇凍水,連暖水都冇分明玩針對~~不過算啦,始終叫jor一杯熱水,又慢wor逼我地去食火鍋D人買多D野黎飲不過好彩下面有一間便利店買返一支水~~真係好好彩如果唔係ge話,渴都渴死=.=

對任食既打邊爐其實都唔會有咩冀望架啦~野食都係個D啦~但都算多啦~晚市(7:00PM)入坐仲有虾送TIM~菜、餃、丸、魚..都齊...每位唔駛$100食得過！

早兩日同朋友一行9人上黎度邊爐打邊爐黎講都算係咁~野食都算ok啦,不過賣單加加埋都要100蚊度(原價$58)

星期五晚餐時間同８個ＦＤ去左一轉．明明寫明＄５５位，最後左加右加（如湯底，醬料，花生呀，前菜咁），實收連加一每位＄１０５．人人送一碟帶子，北寄貝，蝦．酸悔湯及蔗汁任飲，汽水及啤酒另計～！湯底要了個皮蛋芫茜湯，都好清甜～唔錯！都要三十幾種火鍋料選擇，都算多款都唔錯！生蠔，蝦呀等等海鮮就要另加錢．火鍋料生鮮碟碟份量細細碟～唔怕食唔晒可以叫多幾款．^^　係魚皮餃Ｄ味道怪到有點驚．不過都好爆場好熱鬧～Ｄ料都好似新鮮Ｄ．所以特別開心！！！多人的話建議訂定位先～

食物都算幾多選擇, 但就真係坐得好迫

和朋友到這裡吃任食的十下十下，上菜很快，食物的素質不錯，雖然沒有貴價的東西點，但都預左啦，每人都是$94 ，很值得吃。