德美壽司

营业中

休息中

餐廳：德美壽司地點：尖沙咀厚福街菜式：日本菜餐牌：刺身、壽司、卷物、小卷，手卷、丼物，燒物、一品料理、鍋物、串燒、揚物、天婦羅、盛合、飯麵、碗物、丼物、沙律前菜、漬物珍味、飲品、甜品。落單用QR code。牛油果軟殼蟹卷 $88 另加一牛油果軟殼蟹卷一客4件，係飯卷包住紫菜，入面有炸軟殼蟹同青瓜絲，面頭鋪上牛油果，再加上蟹籽同沙律醬。兩件身一件尾，好大件，仲有軟殼蟹腳伴卷物。軟殼蟹好脆口，卷物食落味道清爽，唔會太油膩。伴有酸薑片同日式芥末。燒牛舌 $45 另加一燒牛舌一串5件，口感彈牙爽口，味道鹹香十足，伴有一塊檸檬。雞心串燒 $28 另加一雞心串燒一串5件，口感爽口彈牙，味道剛好。伴有少量沙律菜。洋風鰻魚班戟 $62 另加一呢道菜式係和洋fusion既一品料理。洋風鰻魚班戟一客四件。軟綿綿幾層皮包住鰻魚，牛油果，芒果肉同南瓜，再加上蟹籽同沙律醬，食落係多重口感味道，又甜又鹹，軟綿綿中帶滑溜脆口口感，好正。伴有龍珠果半粒。yummy食完仲有甜品送，係三色糕加芒果醬，又滑又彈牙，椰汁同紅豆味濃，感覺輕盈不膩。總括而言，今餐試左卷物，一品料理同串燒，食物質素都幾好，價錢唔貴，上菜快速。

好耐冇約fd子去尖沙咀行吓，行到攰fd子帶路嚟咗呢間日本餐廳食個飯先。雖然店名有壽司兩個字，但其實除咗壽司之外，仲有好多唔同種類嘅日式食物。店內人手十分充足，落咗單食物好快就送到。油甘魚刺身 - 一份有五片，每件都厚切，好肥美，咬落柔軟無筋好鮮甜。北寄貝壽司 - 壽司飯握得結實唔會一夾就散，北寄貝爽口彈牙有嚼口。稻亭烏冬 - 可以揀熱食或凍食。配料都有四款，有蔥、薑蓉芥末同埋烤天婦羅粒粒。烏冬汁甜中帶少少酸幾開胃。冰涼嘅烏冬點埋個汁，夏天食一流享受。巨峰乳酸梳打 - 味道酸酸甜甜好夠氣，好清涼解渴。

行街行到熱，行到厚福街就去H8搵有咩食。突然好想飲杯冰凍生啤，就去咗德美食日本菜。以前喺紅磡返工間唔時會去紅磡新村嗰間食lunch，今次第一次嚟尖沙咀店。一坐低就點咗杯冰凍生啤，好啱夏天熱辣辣飲，爽！之後再點咗一個野菜牛肉鍋同汁燒鮮魷筒。最鍾意食野菜牛肉鍋個壽壽喜燒湯底，甜甜地好開胃。個鍋都幾足料，有半生熟蛋、唔少牛肉片、仲有豆腐、紅蘿蔔、紹菜、冬菇同粉絲。個汁燒魷魚筒好高質，賣相又好。魷魚質地軟軟的，似棉花糖，個汁啱啱好，唔會太鹹，好啱送啤酒。

可算是有一定歷史的壽司店, 一直都想去嘗試, 奈何大部份朋友都已經試過, 而又未有太大回響, 這晚終於都試到了 😊 總有些餐廳吃不到就是不到黃河心不死。德美海膽魚生飯 $178聽得太多評價所以不抱太大期望, 反而有驚喜 😁 魚生比預想新鮮, 尤其是三文魚籽, 平時未有什麼好感, 卻首次吃到這樣鮮甜的三文魚籽 🤩 另外有新發現, 原來池魚都是很美味的, 海膽, 三文魚跟帆立貝就不用說, 全部都鮮甜美味, 三文魚非常厚身, 如果海膽再多一點就更加滿足 😌什錦天婦羅 $82天婦羅分別有兩隻蝦, 茄子, 南瓜, 魚, 大菇和蕃薯。上碟時熱騰騰, 蝦肉跟魚生飯的口感差不多, 非常厚實, 茄子和南瓜都不會炸到太乾身 👍🏻 大菇可以水潤點就更好, 天婦羅雖然經油炸, 也不會很油膩。離開前侍應會送上奶凍, 免費的, 甜品奶味非常濃郁, 口感則比較像布甸。

香港禁日本水產之前去咗食💕 都幾多人同我一樣🤣Menu真係好豐富 有串燒鍋物天婦羅 壽司刺身⁽⁽٩(๑˃̶͈̀ ᗨ ˂̶͈́)۶⁾⁾可惜胃口有限 碟碟都好大份 下次多啲人再食🫢 ❣️ 魚子蔥拖羅茸飯 $146晚市食到個咁嘅丼飯好平‼️ 黐線俾咗成座山咁多拖羅茸😍 同飯幾乎一比一😽三文魚子好正 唔係平時食醬油漬偏鹹 而係甜甜地清爽啲✨🐟上面仲有粒鵪鶉蛋 撈埋更滑🍳 芝麻蔥花都有加分💕仲要配味噌湯同沙律菜 很ok💯❣️牛肉炒烏冬 $83唔想食生嘢嘅朋友嗌咗個炒烏冬🫢 幾高質喎～烏冬係煙靭彈牙嘅稻庭烏冬( ´•ω•` ) 牛肉好多 唔會太肥🐄 洋蔥菇蘿蔔炒香🥕🧅 醬汁甜甜哋好似壽喜燒咁 oishi🔥

午市不設訂座，要食就要早點來取位。餐牌選擇豐富，最鍾意食佢既便當，有壽司又有炸物，食到飽飽，好滿足。味道幾好，魚生新鮮，厚切既，啖啖肉感覺好爽。朋友叫的烤蠔都好香脆。

這間是尖沙咀我會推介的餐廳，第一次應該是在3年前吃，之後在尖沙咀不知道吃什麼都會想起這家🤣CP值高，刺身新鮮，食物款式花多眼亂，比一般日式餐廳多選擇，超適合我這種圖新鮮，好奇心超強的人😎，就喜歡每次都嘗試不同的料理～價錢的range算大的，想吃豪華到實惠的都有😛▫️海膽壽司、三文魚子壽司，蔥拖羅茸壽司 $95▫️綠茶冷麵 $57▫️自家制一夜干（甘鯛）$73最後還送了牛奶布甸，奶味重，質感是挺身的布甸，一個人的晚餐，完美❤️

今次來第二次了。真心好吃，再食也一樣味道超正。今次嚟到首先嗌咗一碗大蜆麵豉湯，每次去食日本嘢我都會飲佢嘅湯㗎。嗌咗兩個小食，一邊傾計又可以慢慢咀嚼。鹽焗銀杏唔係間間日本餐廳都有，我每次來到，第一時間就要嗌❤️仲有串燒雞心，每一粒雞心用燒烤嘅方法，令到表皮有少少烤過嘅味道，裏面嘅肉汁依然保存❤️跟住嗌咗主菜，就係我哋嘅壽司❤️三文魚腩壽司,海膽壽司，蔥花吞拿魚蓉壽司，灸燒左口魚壽司，啲幾種壽司是我上次來到都有叫的，很好味，好鮮❤️❤️今次試左新野，帶子鵝肝卷，下次再試新野。每一次臨走都會一個唔同款式嘅甜品，我好中意黎呢度

呢間餐廳一直係我由細識到大嘅日本壽司餐，每次嚟到都好有親切感，而且野食都高質，價錢又親民，我絕對推介比大家。今日叫左燒牛舌 $45、野菜牛肉鍋 $80同鰻魚朴葉飯 $102。所有野都好好食，牛舌燒得好入味，肉又冇話鞋，仲要厚身！野菜牛肉鍋比我想像中大份，肉有小小生，我最鐘意，加埋隻溫泉蛋個感覺好豪華。畢竟都知係$80，我覺得超級抵食，湯底清甜，加埋有好多菜，感覺好健康！另外都可以加$30要埋個烏冬，不過我今次就冇要到。至於個鰻魚飯，我覺得都有驚喜，鰻魚好肥美，個醬汁甜甜地加埋d飯好好味。另外更加包埋個麵豉湯，食完飲埋個湯好飽。

尖沙咀呢棟大廈有好多野食今日同朋友黎呢間開左好耐嘅壽司店食環境幾好，有吧枱可以睇住師傅整壽司仲用QR CODE落單好方便😉😉😉🩷蔥拖羅茸軍艦🐟拖羅茸好多，都幾鮮味🩷燒腐皮餃子🥟好得意嘅餃子，腐皮燒得好脆加埋入面嘅豬肉，食完唔會好油膩🩷銀雪魚西京燒🐠醬汁整得非常入味，銀雪魚好滑食完一啖會好想繼續食隔離仲有薯仔沙律添🩷鰻魚炒飯🍛用左珍珠米炒，炒飯炒到粒粒分明仲有好多鰻魚粒粒🩷味淋雞泡魚干🐡燒到熱辣辣嘅雞泡魚干點埋沙律醬非常夾🩷奶凍配芒果醬🍮黎呢度食飯會有免費甜品贈送奶凍好滑又唔會好甜配埋芒果醬一流

之前我生日，兒子及其女朋友知道我喜歡食壽司，便請我們往尖沙咀德美壽司吃晚餐😋我們一行四人前往餐廳，地方幾寬敞舒適，裝修很有格調，我們點了~野菜牛肉鍋 $80~清酒煮蜆 $74~三文魚腩壽司(4件) $88~吉列廣島蠔 $65~青瓜卷 $25~三文魚親子卷 $70~三色魚生飯 $136~牛油果軟殼蟹卷 $88~加州卷 $50~洋風三文魚(4件) $72上菜速度很快，牛肉鍋湯底清甜，清酒煮蜆酒味略濃，三文魚肉肥美，吉列廣島蠔外脆內熱，牛油果軟殼蟹卷很香脆😋我們一邊吃一邊談天，渡過一個愉快的生日晚餐😋

德美壽司入到去環境舒適🥰大大間餐廳非常之熱鬧😚😚全埸滿座🤪😚睇來應該好好食😚😚上次已經係觀塘分店試過好食，今次就試下尖沙咀依間分店😛三色魚生丼好中二食三文魚既我🥰當然叫左依個三色魚生丼啦😍入面有好多油甘魚、三文魚🍣、帶子😆、蟹籽🥰中間仲有隻溫泉蛋添🤪🤪🤪所有刺身都係大大塊超級厚身😋😋而且非常新鮮好好味🤤又鮮甜又有充份既油脂😝😜撈埋温泉蛋一齊食簡直係配撘🥰🥰推薦大家食既丼飯軟殼蟹手卷😚軟殼蟹非常之大隻🥰而且炸得岩岩好😋😋非常之適中😚😋夠膽而且五淋身😋😋非常之香口🥰🥰三文魚手卷三文魚新鮮夠哂油脂😋😚🤪而且份量多多😚😚🤪📍 德美壽司 (尖沙咀)尖沙咀厚福街8號H8 5樓❤️‍🔥價錢：7/10❤️‍🔥味道：8.5/10❤️‍🔥服務：8/10#德美壽司 #尖沙咀 壽司 #壽司 #觀塘美食 #香港美食 #香港壽司 #尖沙咀美食 #手卷 #丼飯

🔺刺身盛合 美$258每次到訪日本餐廳必定點刺身盛合，選了基本不敗的美 盛合三文魚非常厚切，帶油脂香入口即溶牡丹蝦味道鮮甜，品質新鮮，蝦膏鮮美帆立貝非常大粒，非常甜美吞拿魚赤身難得地也是非常厚切，帶一點筋卻不韌，魚味香濃油甘魚也是滿滿油脂非常滿足當然少不了招牌的德美甜蛋，甜味偏重再加上醬油和蛋的香味剛好🔺洋風鰻魚班戟$64 這個很有特色而且也好吃喔班戟的外皮甜甜地，再有芒果的香甜味配上蟹籽沙拉的蛋黃醬，當然少不了牛油果的Creaminess和鰻魚的蒲燒醬，鰻魚還有一點膠質的黏口令整個口感和味道都很豐富，各種材料很和諧地配合🔺什錦天婦羅$82天婦羅款式多樣，新鮮炸起很香露筍炸過之後更加香口冬菇非常多汁茄子配上天婦羅香味更佳蕃薯和南瓜很香甜，保持juicy略嫌天婦羅炸衣有點厚了一些，食材的味道有點被蓋掉🔺自家制一夜干 （甘鯛）$73甘鯛本身不算太肥，蛋白質滿滿最適合健人經過一夜干製法後帶點鹹味，微微帶點魚腥不過對於我來說卻是鮮味濃的魚種，而且不算多骨容易起肉飯後附上抹茶紅豆奶凍配熱情果醬，酸甜的味道跟抹茶蠻搭的

壽司店進化🦁德美壽司，位於尖沙咀厚福街H8，一開𨋢就好有日本風，正正方方既擺位同裝飾，好有日本既整齊感🇯🇵店名就表明主打係壽司，壽司bar枱超有氣氛，仲有三個壽司師傅準備就緒🍣仲有客帶枝酒黎食壽司特登坐bar枱😗除左壽司其實仲有好多其他和食，串燒、揚物、鍋物等都有✨就試下啲壽司先，壽司三點：海膽壽司、三文魚子壽司、蔥拖羅茸壽司🍱 海膽壽司紫菜都仲脆，海膽好香濃，鮮味十足，質素幾好👍🏻蔥拖羅茸壽司，拖羅茸好鮮魚味，好味😋最後到最濃既三文魚子壽司，魚子份量多，魚味係口入面爆發，滿足😌串燒時間🍢免治雞肉棒，賣相唔錯，肉質好味既，個醬汁好濃好正😝燒牛舌，餐廳既廚師推介，大大塊厚切，充滿焦香，燒得好好味，重口味必食✨大阪風免治墨魚串，幾有特色既，墨魚餅配大阪燒既醬汁，好特別🤞🏻飲返杯札幌生啤，啲日本氣息出晒黎🎃壽司果然係招牌，不論排場、食材定質素都高級👍🏻難得其他野都好味，尖沙咀日本野既一個好選擇🥳

今日比朋友放飛機，一早約咗食日本嘢行到厚福街好想食壽司不過通常德美壽司都排晒隊 見到時間尚早，想去碰吓運氣. 咁啱真係有張二人枱成功達陣.一個人嘅關係唯有食佢最細嗰個set.個set最大特點有大海老，吞拿魚， 三文魚子帆立貝等貴食材 三文魚子咬落去pop pop 聲真係好新鮮. 口痕叫咗個小食，炸蝦 ，係咪叫海搞蝦. 好似係日本先有叫咗碟嚟試吓. 食到有蝦味嘅，亦都做到去基本嘅要求脆，濃蝦味，不過下次嘗試刺身最後仲送多個芒果奶凍，又一餐豐富嘅晚餐