德美壽司

营业中

休息中

突如其來的假期 緊係要好好享受一下 第一天就約左屋企人食個晚餐先 家人比較早吃飯六點開始食食左幾次都可以保持到水準 真係要嚟讚一讚先 又睇下今晚有咩好嘢食先⋯⋯⋯⋯⋯⋯⋯

店舖裝修好靚好舒服，座位唔會迫住迫住。員工好有活力好helpful，佢地自己都有講有笑，應該做得好開心！食物新鮮，味道一流！個鵪鶉蛋軍艦好特別，唔腥好好味，最正係加埋支凍Sake就啱晒味。頭頭都仲記得影相，食食下太好味，完全唔記得留影。好耐未試過食豬肉鍋無俾啲金姑攝牙「啦」。呢度啲金姑細細條又新鮮，完全可以放心食！鹽燒鯖魚係必食，好甜好有彈性！十個「正」！唯一未如理想係個燒蠔，有啲overcook，而且唔係原隻，只係放啲蠔肉上個蠔殻上燒，唔係好夠熱。

不嬲都知道德美weekend好多人去食, 當日星期日, 所以11:45就去到門口等開門, 免得等太耐!O係等既時間睇佢地個午餐menu, 其實都幾吸引,都好多選擇!12:00開門就入得座, order左2個lunch set兩個set都有配沙律~蒸蛋好滑, 好好味~! 配料唔多, 唔會影響蛋既味道!壽司有唔同既款式, 跟壽司既細牛肉烏冬, 細細地, 食埋就夠哂飽另外一個set: o個軟殼蟹都炸得唔錯!刺身都幾新鮮. 而個飯係有D鮮菇炒過下, 好食有驚喜!最後仲有個綠茶雪糕糯米糍作結~

早於星期四訂座, 接線人被確認8:30有位, 並告知可能要等多一會才入座.當天一到達, 我告知職員已訂座8:30, 那瘦又矮的職員很串地回答: 你真心覺得自己有訂座? 當下我反應係這位人兄是發生咩事? 然後話我無訂位, 叫我比電話紀錄距黎, 我也真心覺得作為一個客人是多麼不受尊重.我也告知我是用公司電話預約, 我難道一定要用我手機打電話嗎?然後不停說我沒訂座, 難道我要為了受你氣而入黎扮訂左位嗎? 我去旁邊御和亭食吾好嗎? 人地無位無得訂我先黎你依一間.他也接連挑起現在等位的人的情緒.只有當天有位女職員接連跟我們說不好意思.我想說你地食物再好食, 態度差劣到一個點都令到客人食得很憤怒, 再好食都吾知再黎食! 

book 7:00, 7:02pm到，話如果過15mins就會俾枱其他人，叫我下次準時到。我都未過15mins,仲咩兇人？態度咁衰。。唔亼有下次囉！control freak?!

德美的大埔及沙田店，久不久就會想再食一次。今日一行三人趁lunch time 人潮未到就果斷步入德美。由於今日不想食魚生，我們點了牛肉鍋、牛肉石頭鍋飯和燒雞肉三個定食。七八十蚊一個定食黎講都算是交到功課。前菜有沙律、蒸蛋、湯，值得推介😉

若非朋友之推，小人實在少到大埔區專程吃一家居酒屋。是夜竟又見到一次日本風懷的居酒屋，再一次的令人樂不思蜀！我們喝的乃日本清洒，未過幾巡已令人上腦……^_^。吃的魚生自是必配之物；特別在這個時候吃，最是恰當，鮮香之情勢不可擋！先來的海膽壽司，海膽豐郁，超勁超多的似是棉胎鋪在壽司上，鮮美而滿足。再來的馬糞海膽加吞拿魚茸和壽司之外，忛立貝刺身更是更上一層樓，小小一件已包含著美味的精髓，不用多言！*^O^*不得不提的乃是店之玉子燒，差不多每枱都叫。蛋磚鬆而充滿蛋香，甜甜確是幾好食。燒物不差，但叫無妨。總之是一次稱職的居酒之選。

同朋友好耐冇見，想揀間餐廳坐得舒服於是就揀咗去德美啦（我哋係坐左成兩個幾鐘，完全冇人打攪我哋😆）我哋兩個人就叫咗個二人set，平均每人百七蚊，係超級飽果隻首先係非常肥美嘅三文魚之後係我食到一點也不剩嘅沙律，因為好開胃🙊🙊麵豉湯係好飲嘅，枝豆我自己就覺得略嫌鹹咗少少肥牛鍋都係好食嘅，好鍾意呢啲甜甜地嘅湯底❤️❤️鯖魚就中規中矩，唔算好深刻，覺得啲肉唔夠滑天婦羅都炸得好食嘅👍🏻👍🏻👍🏻反而個飯就一般般，似係嗰啲去飲驚你唔夠飽最尾上個伊面嘅玩法🙈🙈🙈有啲太乾反而係個甜品有驚喜，牛奶凍，再加芒果汁，又幾夾👍🏻👍🏻總結係坐得舒服，嘢食又唔錯，同朋友黎吹下水一流😆

這間日本料理餐廳出晒名日日大排長龍，今晚心血來潮，我跟朋友非常非常非常想食，所以等了又等，等了又等，等了又等⋯⋯ 都要等到食到為止。😆「牛油果軟殻蟹蝦子手卷」次次去都會order,真係好好食，大大隻軟殼蟹，新鮮炸起，熱辣辣又脆卜卜。配埋蝦子及牛油果，簡直是絕配！百吃不厭！「鍋燒烏冬」「鍋燒烏冬」是本人至愛，也是每次會order嘅食物之一。「燒鯖魚」新鮮弄的食物，永遠都唔會失望。鯖魚燒到啱啱好，唔會乾爭爭。調味方面都啱啱好，唔會太鹹。不過始終冇BB櫈，餐廳內又比較狹窄，帶小朋友去食，的確好有難道。*餐廳沒有BB櫈。

終於完結左台灣同泰國兩個旅程，一番到黎香港就急於覓食😆今次揀左呢間係香港有幾間分店既日式店午膳，貪佢午市無加一😎成日都唔明，點解同屋企只有一站之隔既太和站有咁多食肆，選擇多、價錢又唔算貴，但係粉嶺諗到頭爆都只係得快餐😫同屋企人兩個人，諗住假期應該無乜人，所以晏少少到，點知一點零鐘去到，要等到兩點幾先入得…入到去已經係last order，唔可以坐太耐，因為職員要落場😣我地每人一個餐，每個餐都包沙律、蒸蛋沙律普通野，無乜特別蒸蛋既菇雖然只有一小舊，但食到杯底都仍然有好濃既菇味；除左蛋面乾d之外，整體都滑身壽司配細牛肉烏冬 ($73)呢個餐既分量岩哂我，食左唔餓又唔會太飽套餐有兩件三文魚壽司、大熟蝦、吞拿魚蓉、帶子、唔知咩魚既壽司各一件三文魚同帶子既味道一般，唔係話好鮮甜或肥美；大熟蝦睇佢個樣就麻麻地，但原來有蝦味且彈牙，唔乾唔霉；個樣似拖羅蓉既吞拿魚蓉壽司反而有驚喜，因為我平時食果d一係無魚味，一係腥，但呢個食落有魚味之餘又有少少甜 (我無沾任何野食)；一洗我對吞拿魚只有腥味既印象牛肉烏冬應該用普通烏冬，牛肉用上半肥瘦既肥牛，牛味重家人點 - 鯖魚、吉列豬扒、三文魚刺身配飯及麵鼓湯 ($

假日中午約朋友食lunch，聚聚舊。去到時要排隊等候，大約廿分鐘左右。餐牌上的🍱和食弁当睇落幾吸引，選擇咗德美和食便當（秋刀魚）$88便當的賣相可接受。秋刀魚：燒得香口，沒有雪味或魚腥味。三文魚刺身（3件）還算是新鮮。餐牌上的甜蛋玉子不見了，換來2條蟹柳。炸豬扒：成張枱依個便當最遲上菜。就係因為要等待這個炸豬扒。炸得頗鬆脆。其餘仲有冷盤螺肉、沙律、味噌湯、白飯。另外仲有小半碗茶碗蒸蛋。入面是蟹柳、冬菇蒸蛋。秋刀魚是好吃的，其餘免談。就是日資超市的冷凍便當也有的水準。是否值得排隊等候真係見人見智。

正!!!!!!!!!! 今日約朋友食飯，朋友介紹依間餐廳，聽個名本來以為系d 茶餐廳黎，點知原來系間環境幾有特色既日本餐廳，哈哈。同朋友一齊叫set lunch ，我要左個炸雞餐，個餐包好多野，包括蒸蛋，沙律，紫菜牛肉烏冬(好味呀)，一碟有兩片三文魚一舊帶子同生蝦仲有薯仔同炸雞，最後仲要有埋甜品(雪米滋)，甘多甘多夾埋只系$68，認真抵食!!加上quality 仲要有水準，系依個環境傾計又舒服，所以覺得依道真系個好地方!

又要入大埔，突然間想食日本菜。大埔人介紹呢間話呢間好多人食....入到餐廳，真係好多人，等一陣就有位。兩個人坐cashier 隔離張二人枱。職員不斷响我身邊拎野放野，都唔睇下人，有時候兩個人企响度，一個手踭打到我，我避左幾次，係要兩三個人企响度，好聲好氣講唔該，對方只係哦講返食物，好麻麻，叫左個最人氣便當，勁失望，嚟到同張相都唔同，無嗰樣都應該講聲？客人可能唔食㗎嘛⋯⋯魚唔新鮮全無魚味，飯勁散，一堆垃圾咁响舊飯上面，無左tuna又唔講變左葱Tuna好難食。另一堆係Mayo 加一大堆難食嘢明明menu 話炸物係炸薯餅/可樂餅/吉列豬扒。但係俾左三粒炸到勁乾雞粒我就算。個salad 好難食，菜超唔新鮮又有水。食緊main course 至俾miso soup 同蒸蛋，未食過蛋可以咁難食。我main course 都未食完就放低維記雪米磁要唔要咁趕客？

其實係大埔都有好多不同美食係度，唔駛次次都要坐車出去先至可以食到好嘢，只係平時冇留意先唔知道，是日晚就去咗呢間食日式料理店先來有鹽燒三文魚頭，魚頭肉質鮮嫩魚油甘香，如果怕腥可唧啲檸檬汁，食落夠香滑到另一款係汁燒原條魷筒，魷筒燒得外脆內軟，入口肉質香軟，再來有自家制燒腐皮餃子，外面食到香脆腐皮，裏面係啖啖肉其後有立魚湯，除咗食到香滑魚肉之外，魚湯味道濃郁非常鮮，真係好好飲輪到最後點埋活鰻魚朴業飯，未食已聞到濃濃味道，而且活鰻魚份量足，真係急不及待品嚐一番，先食一啖鰻魚肉夠軟綿肉味一流配埋飯食最完美又食咗一餐日式風味

超差experience既晚餐 食物方面，質素麻麻天婦羅炸的超油，食落好似煎釀三寶，仲有咖喱粉沾，完全沒有天婦羅應有的清爽，救命......天婦羅蝦用熟蝦炸制，口感差很多 生鷄蛋直接加係牛肉上面，你以爲係牛肉窩蛋飯咩？起碼另外裝個碟啊，唔該~~~同埋湯太甜啦，食過最甜既sukiyaki最差係服務同環境個晚店老闆宴請自己朋友，吧檯一堆人係度飲酒，超嘈，同街市一樣。同埋有個客人醉醉地企係過道，好驚佢會發癲，做D咩野出來。同埋搞到D服務員行都行唔到，好驚d食物跌倒我頭上。同經理反應叫佢提下D客人，佢話：我唔會同佢地講，我地係gam嘎啦，你地可以自行選擇。我地話：甘樣叫我地下次點會來啊。個經理繼續話：你地可以自行選擇啦，老闆宴請朋友咋嘛。如果老闆要宴請朋友，不如閉門謝客，或者卑包廂佢地啦。你又想做生意，又搞到嘈過街市，影響其他客人用餐，讓其他客人忍受你們的吵鬧，擔驚受怕。客人提出意見，服務態度又超差..........食餐飯都要gam唔開心，一定唔會再來啦我好少係openrice卑差評人地，今次係第一次。見到之前都有人反應服務態度不好，相信不是偶然事件啦...