德福閣

营业中

休息中

想食自助餐但又唔想俾成6-7百蚊既話, 仕德福酒店入面既德福閣係唔錯選擇, $3XX食到dinner buffet性價比都算高!!晚市自助餐6點半開始~餐廳唔算好大, 所以都唔怕會太多人排隊拎野食~~呢道既食物種類都唔少~首先有最吸引到我既凍海鮮....呢個價錢有長腳蟹有生蠔食超正呀仲有凍蝦, 青口....刺身方面又有三文魚, 八爪魚等等~~冷盤有好多款式~例如涼拌鮮腐竹, 大荳芽, 涼拌木耳, 日式茄子~螺肉, 中華沙律, 墨魚仔, 幾款火腿 & 鴨胸~~~沙律BAR可自行配塔口味.....熱葷就有魚, 串燒, 炒蜆, 炒菜, 牛腩, 炒飯, 焗青口等...燒牛肉都唔錯, 肉質軟腍, 牛味濃郁!唔鍾意生蠔既朋友都可以食熟既焗蠔~~飲品方面有咖啡茶, 汽水, 果汁, 啤酒....每位都有4隻生蠔~生蠔都幾大隻, 肥嘟嘟又厚肉....口感比較爽滑~最後梗係唔少得甜品啦~~多款新鮮水果, 例如西瓜, 菠蘿, 哈密瓜~~蛋糕都有幾款, 個人鍾意佢個黑森林蛋糕, 朱古力味好濃好香另外有cheese tart, apple crumble, pudding, creme brulee....雪糕

超抵食,低至3XX起,地點方便既旺角自助餐$400一位仲要咁就腳,任飲汽水茶水,多款甜品,冷盤熱食非常唔錯,價錢黎講唔要求有龍蝦,但原來都有每位4隻蠔,夠濃郁!燒牛肉都幾好食,夠濃郁!牛味香濃肉嫩滑仲有多款特色辣或小菜熟食,包括日式茶碗蒸等等~ 辣椒子雞都有呢~夠香辣又惹味仲有西湯中湯任飲,甜品算唔錯,仲有刺身壽司,樣樣都有幾款,夾埋都成40款野食,刺身都補得快又好食#自助餐 #仕德福酒店 #德福閣自助餐 旺角豉油街118號仕德福酒店閣樓M/F, Stanford Hotel, 118 Soy Street, Mong Kok

地點方便，三百幾就已經一個自助晚餐，眼見雖然侍應生大部份應該是退休人士，但亦因為咁反而感覺到他們的體貼、細心又有禮的招待，餐廳地方雖然唔大，但前菜、刺身、沙律、凍蝦、蟹腳、焗蠔、熱葷、甜品等等都有，不過要提一提西冷牛幾次經驗都係韌同（鞋）希望餐廳留意一下可以改善吧😂由6:30開始食到9:30，去到8:40左右大部份人客都吃飽，此時就發現食物冇再補給，為免浪費其實好合理👍🏻仲有任飲飲品，汔水、果汁，仲有一部㗎啡、朱古力等多種選擇沖飲機👍🏻每人一份四隻即開生蠔🦪三百幾元講緊晚餐仲想點⁉️😊

低嘅價錢都唔駛諗期望有幾高，食物唔係太豐富，熱葷多、冇乜凍盤海鮮但入坐後每位都有算肥美嘅生蠔。最愛炸魷魚鬚，條條都好粗身唔似街邊嘅炸粉多同魷魚不成比例，真係一條好粗嘅炸魷魚鬚香脆唔會硬😋有讚必有彈~失望嘅係即整嘅班戟，配料落得少、蛋漿唔夠香口，師父動作好似有少少騰雞 唔熟手😅lunch buffet ~openrice 訂位九折等於免加一成為$188/位

香港人最鍾意食自助餐㗎 ！我同我老公都唔例外，當知道呢間網上訂座有八五折優惠，本身價錢唔貴，折咗直頭係勁抵，即試！6:30先開始buffet，但係早到咗都俾我哋入去坐定定抖涼先，一夠鐘就會宣布可以開始攞嘢食👍自助餐區域集中，而且同座位位置相當近，所以攞嘢食勁方便。呢度啲焗蠔極有水準，原隻焗，上面cover左一層口口嘅芝士同白汁，所以就算焗完燒完隻蠔都唔會乾晒，食嗰時仲有相當多嘅蠔汁，伴燒香嘅芝士醬食真係一流💕另外每位賓客有四隻紐西蘭即開生蠔，新鮮企理無蠔殻碎，而且入口清甜淡淡海水味，蠔身本身亦非常肥美口感creamy，個人認為食四隻高質素嘅仲好過平時buffet嗰啲任食但係又薄又無蠔味嗰啲！冷盤大概有蟹腳、大蝦、藍青口、仲有口式刺身例如有三文魚🍣、八爪魚刺身同埋幾款魚肉剌身，選擇都OK，而且唔洗排隊，三文魚嗰啲都係切好晒隨便拎👍剌身同冷盤都好新鮮唔腥呀，所以都食好多😂原本見價錢咁平其實都冇咩期望，估唔到食物質素幾好，而且refill速度好快，好似蟹腳同埋焗蠔呢啲特別受歡迎嘅食物，基本上2分鐘左右已經俾人攞晒，但係唔使2分鐘又有補給，呢方面又真係抵讚👍焗蠔甚至乎喺隔離瘋狂燒緊😂熟食都有幾

放假冇得去旅行，唯有食。老實講，以價錢來說，不會有太大的期望，但凡事總有例外。有蠔食，肥美和鮮，熱食多選擇，甜品亦有不同品味，小籠包同椒鹽豬排直得一提，還有仙草亦不妨一試。

之前朋友推介，旺角德福閣酒店推出自助餐晚餐， 星期一至四$368/一位， 五、六、日 $398/一位，使用指定信用卡或者經 OP 訂 位，仲有不同的額外折扣優惠 ，價錢合理， 交通方便 ， 趁著爸爸生日， 帶爸爸去試一試吧。 沙律冷盤：巴馬火腿配蜜瓜、 cold cut、日式冷麵、鴨胸、沙律菜，我最喜歡巴馬火腿配蜜瓜， 香甜爽脆的蜜瓜 ，口感清爽之餘， 伴隨巴馬火腿的甘香， 滋味吸引， 是今日滋味的開端。 是日餐湯 ：粟米忌廉湯， 香稠順滑， 不但充滿奶香 ，仲食到啖啖粟米蓉。中式老火湯，好有媽媽的味道， 津津回味。熱葷菜：芝士焗蠔、肉眼扒、清蒸石斑魚、炸魚餅、豬手、菠蘿咕嚕肉、白切雞等。 芝士焗蠔，蠔身完全被金黃色的半溶芝士蓋著， 邪惡吸引，夾起來發現蠔身相當肥美，咬下去，肉質滑溜，混合埋半溶芝士， 份外滋味。 厚切的肉眼扒， 烤至大約五成熟， 表面微微焦香， 香氣十足，牛肉軟嫩， 配上燒汁，更加惹味。炆豬手，好入味 ，輕輕一咬，已經容易骨肉分離， 充滿骨膠原，我的至愛。清蒸石斑魚，雪白的魚肉 ， 口感鮮味滑溜 ，原汁原味。刺身：三文魚、 希靈魚、吞拿魚等刺身 ， 鮮甜滑溜， 魚油豐

《抵食豐富Buffet😍》———————————————-#德福閣 ⭐️-好耐無食過自助餐，平平地就食咗呢間位於旺角仕德福酒店嘅Dinner Buffet，價錢超級親民，折完晚餐只需$368，仲要已經包咗加一，全場任飲任食，CP值極高😍-先嚟每人四隻生蠔，肉質飽滿大大隻，已經回本😝 另外自助區亦有芝士焗蠔，同樣十分足料～隔離仲有香草燒西冷，師傅會即刻切片🤟🏻 啲店員服務態度超好，定時定候就會主動幫手收碟☺️-抵食之選一定係長腳蟹、三文魚同海蝦 ，尤其凍蟹腳都算幾鮮嫩，我哋都狂掃咗幾Round 🦀-冷盤類就有Parma Ham配哈密瓜、牛蒡絲、鮮腐竹、枝豆伴麻醬、沙律等等，都幾開胃😚 熟食就有海南鮮雞、南乳豬手、仙姑鴨掌扒事蔬、乾燒伊麵、 蜜桃咕嚕肉、豉汁蒸百花鱸、香橙燒鴨胸、炒青口同日本茶碗蒸，選擇多元🧡-甜品都好豐富，除咗基本嘅各式生果，仲有楊枝甘露、檸檬芝士餅、美國芝士餅、香芒雪花慕絲餅、雜果啫喱、Mini Apple Crumble同芝士撻🧁 亦有大大個朱古力噴泉，可以用竹籤吉住棉花糖或者提子咁樣點嚟食⛲️-另外仲可以order即製班戟，可以按個人喜好添加香蕉、雜果、忌廉、杏仁片等等，

今日朋友約我去食自助餐，  去咗仕德福酒店嘅德福閣食午市自助餐🥰 環境都幾大，又乾淨！   估唔到平日時間都好多人去食！ 海鮮有大蝦及青口， 大大件，又唔會霉！ 泰式炒青口惹味又唔辣！ 仲有煎魚同炸魚都冇骨嘅,  尤其炸魚皮薄又厚肉， 同出面西餐廳嘅fish and chips有得比！ 另外都有多款中式嘅餸， 菜心炒冬菇好味，  又有咕嚕肉，香橙鴨肉， 薑蔥白切雞，  沙嗲炒牛肉！ 每款都試下就已經好飽喇 😋  點心有燒賣同小籠包， 質素不錯！ 員工好勤力refill食物，唔洗怕冇晒嘢食！甜品嘅款式好多，啫喱，tirimisu, 蛋糕, 雪糕都有! 自助餐每人送一碟生蠔，  大隻又新鮮😋

今個星期二book左去食呢間自助餐，諗住唔食放題食下親民啲嘅自助餐都好，見到OpenRice 有咁多好評就無諗咁多去試。點知一開波見到碟生蠔顏色怪異，夾雜住混濁嘅水，咬落去好腥又完全唔凍，似係擺左好耐無保鮮，男朋友咬左一啖口感太差都嘔返出嚟。。。然後我地已經好掃興，再望一望個自助區，大概只要20秒就行完一圈，熟食區仲衰過7仔嘅飯盒，中學食嘅維他天地仲好食過佢！西蘭花仲要未熟，咬落好硬，食魚又鞋又無魚味最後我地忍住到氣，爬咗幾啖乾燒伊麵當食完，總共逗留左20分鐘就埋單走人(−_−＃)失望憤怒到甜品都無心情食。如果放題有7分，呢間只有負分。我男朋友翻到屋仲要食物中毒，睇翻之前啲評論都有其他人表示有肚痾嘅狀況，我認為餐廳收350一位都唔應該俾唔新鮮嘅食材客人，唔會再信OpenRice 嘅好評

Stanford好耐無食lunch buffet🍽仕德福酒店德福閣嘅自助午餐嘅價錢幾親民 星期六日每位$258🍴平日嚟嘅話都只係$188 每人送4隻生蠔 可以話係放題價錢食到酒店級數.🌈冷盤青口 凍蝦等海鮮都好新鮮 食落鮮味又肥另外有希靈魚 鯖魚 八爪魚片等等鍾意日式小食嘅話 重有中華沙律 涼拌牛蒡 枝豆等 選擇頗豐富👍🏽私心推介：鯖魚&涼拌牛蒡✨.🌈沙律吧沙律吧有多款沙律配料可以自由配搭 清清味蕾 沙律菜 粟米 紅腰豆 車厘茄 菠蘿 青瓜等無限量供應 沙律醬都備有幾款可以揀另外仲有已調味既吞拿魚沙律 好味😋私心推介：吞拿魚沙律🥗.🌈熟食除了基本的粉麵飯仲有即叫即切嘅燒豬柳 橙汁燒鴨胸 泰式炒青口 烤魚塊 冬菇時菜 咕嚕肉 炸蟹鉗 辣子雞等小籠包同海南雞都好受歡迎 每次一出都好多人拎 另外仲有餐湯 忌廉湯味道唔錯私心推介：橙汁燒鴨胸.🌈甜品甜品方面選擇夠多而且大部份都好有水準 黑森林蛋糕🍫檸檬芝士蛋糕🍰法式焦糖燉蛋🍮朱古力mousse🍫仙草涼粉 Macaron 蘋果金寶🍎芝士撻🧀和菓子 連馬蹄糕都有 真心有驚喜另外仲有廚師即場整班戟 實在太滿足🥰當然都唔少得自助餐必食嘅朱古力噴泉串起

依加午餐閒閒地都100蚊起，同埋食完就要比下一輪客人去食，所以今日我地搵間$200的又可以坐好耐，又有生蠔食的自助餐慢慢食同慢慢傾計😆生蠔係每人有4隻，坐低隔一陣職員就會送過黎比我地食，好大隻！冇諗到會比甘大隻同甘新鮮的生蠔我地😆呢度感覺有唔少熱食，有青口、咕嚕肉、小籠包、麵食、鴨胸等，我食左好多咕嚕肉同小籠包，小籠包皮薄，一咬開就流湯汁👍🏻冷盤有冷麵、蝦、沙律、涼拌小吃、壽司等，涼拌小吃推介帶子裙邊，入味爽口好食！甜品有雪糕、朱古力噴泉（正！）、馬卡龍、泡芙、蛋糕、金寶蘋果等，有好多種水果比等沾朱古力食😆😆馬卡龍好彩拎得快，我影完相再行左一圈就淨返唔係好多個飲料有蘋果汁同維他命水👌🏻

見到咁多好評，於是同朋友去試個lunch buffet啦，我都係俾生蠔、長腳蟹吸引咗！12:30準時開始，點知去到，係完全兩回事，超級失望！首先個日無長腳蟹食，已經感覺蝕本咗！仲個場細到一眼望晒，同埋唔知點解超多人，全部都係叔叔伯伯姨姨嬸嬸，超級無質素，連用部自助飲品機都唔識，但又無職員從旁協助，搞到排超耐隊先斟到杯飲品！仲要部機short short地，只出熱水，應該係機入面無晒粉，職員又補唔切！入座自動送上一人一碟4隻生蠔，我從.來.無.見.過.咁唔新鮮嘅生蠔！中間個位係變咗米黃色，cream狀咁，勁霉嘅味道，食完想嘔！同埋又鹹又有沙，好明顯處理生蠔好有問題！仲話主打係任食生蠔🙄食一隻都想走其他熟食都係唔好食架，款式又普通，粉麵變咗粥？無言。百幾二百蚊食呢d？我出去餐廳好過！甜品都係勁cheap又唔美觀！😓真係超唔值，你覺得平，但其實你去咗係最蝕！

今日嚟到油麻地豉油街德福閣自助午餐～真心覺得最後埋單好平呢～～～～ 現在閒閒地午餐都要百幾二百蚊！ 嚟到依度加埋一$180吾駛！ 去openrice book位有85折！環境不錯～地方舒服乾淨～職員年紀不輕但好有禮～炎炎夏日嘆足兩個半鐘冷氣與三五知己傾下食下確係不錯之選！現餐廳推廣訂座自助午餐每人送四隻生蠔！生蠔好新鮮丶脹卜卜丶肥嘟嘟丶一D都吾瘦～仲有好鮮嘅海水味！每人四隻夠曬數！🦪🦪🦪🦪餐廳主打熱食及冷盤多選擇～所以喜歡熱食的你就岩哂！而我喜歡冷盤多些！雖然冇刺身！但也有 壽司丶 青口 丶凍蝦丶 冷麵及沙律～～味道不差啊！至於甜品方面也多選擇！細細份樣樣試D試D～滿足甜品控的你！相片只是一部份～另有其他選擇！🍰🍩🍧🍨🥧🍮🧁仲有新鮮生果任你揀！🍍🍉🍋最後總結～～ 雖然餐廳不是高級餐廳！食材亦都不是高尚～但我覺得出這個價錢有冷盤丶有熱食丶有粉麫丶有中西湯丶有甜品丶有專人整pancake丶有飲品丶有雪糕已經好滿足了～～大家可以試一試！

好耐無食自助餐～上星期放假去咗旺角【德福閣】試吓Lunch Buffet因為價錢相宜，係openrice預訂有八五折，折後加一都係$180左右🦪一入座自動送上一人一碟生蠔，生蠔都好大隻，有少少鹹味，應該係海水味。🥗自助沙律bar，有粟米、蕃茄仔、青瓜、吞拿魚、菠蘿、桃，有千島醬及沙律醋點，好多選擇好新鮮，岩晒健康嘅我！🔸有不同嘅前菜例如中華沙律、涼拌雪耳、腐竹🍣又有小量壽司提供，不過唔多選擇，可以留肚食其他🔸有冷盤例如蝦、青口、煙鴨胸、火腿等等，呢啲都幾好食😋🔸熱食有好多選擇，例如川椒雞球、榨菜肉絲炒麵（係炸麵好特別）、沙茶牛肉（同茶記差唔多）香橙燒鴨胸（好味）、泰式炒青口（好食過冷盤嘅青口）咕嚕肉、時菜、海南雞（雞肉嫩滑）蒸小籠包（正常口味都有灌湯嘅味道）當去飲茶食點心都幾好！🔸仲有個大排檔生滾粥檔口，即叫即煮！食飽飽最後食埋甜品🍮有個即整Pancake檔口，我揀咗香蕉pancake，熱辣辣皮薄餡多，好有泰國feel🇹🇭🍮仲有鮮奶焦糖燉蛋、芝士撻、桂花糕、紅豆糕、兒時味道嘅啫喱、不同口味蛋糕、不同款生果&雪糕！