影片
食记 (9)
友人介绍这酒店餐厅食自助餐有大闸蟹送兼且价钱又唔贵(约$200), 于是约齐4个人去食番餐. 当晚入到去时发觉餐厅十分之细又多人 直情系寸步难行. 不过既然来左就算喇. 一于走出去拿野食, 点知兜左一个圈 (好细个圈) 后发觉好少同无野好食. 全间餐厅所有 (连甜品, 生果, 汤类) 摆出黎比人食既野数埋都唔够 40 样. 重有一样十分之小家就系全场用的好细个碟比人拿食物, 好似唔想比人食咁.食品方面全部都唔好食, 其中有几样特别难食 的生蚝十分之腥又有沙. 羊腩煲的羊腩少到揾唔到咁滞. 的鱼生同寿司就见到都唔开胃.的糯米饭硬到难以入口. 最后黎个只叫做大闸蟹真系细只到吓死人, 个蟹壳只有2.5" X 2" 咁大..虽然系呢的 2 星级酒店食自助餐都唔方会有甚么惊喜, 但咁大个仕德福酒店集团都唔好咁样做呀.
继续阅读
睇D寿司几好味但系食起来,D饭好难食个三文鱼好味我睇报纸D寿司和X身都好但在场都没去旺角个间D路难找死人行了成个圈个女厕很臭都有3个手提电脑给你上网3个得1个上到网
继续阅读
今日妈咪系饮食男女度见到有间酒店既buffet好似几正,又有生蚝食 !!佢一见到生蚝就流晒口水话想去试下...好吧 !!我们dinner一于去食buffet~~~今次我们去旺角既 仕德福酒店(德福轩) ..做左廿几年人真系未听过呢间酒店 ~~揾左阵先揾到,地方都几偏避 ~~入到去地方真系好细呀 !!所以都谂到食物款式唔会太多 ......妈咪即刻出去拎生蚝,第一次冇,第二次先有~~不过d蚝十分瘦同细只 !好多比人拎晒!!我就食左佢个咩得奖炸鸡, 都几好味既 ~~d鸡好嫩又脆~~不过我拣黎拣去都拣唔到野食.....连甜品都好少款 !!!所以同妈咪一致认为比杂志的相片呃左, 平野果然冇好野...寿司刺身款式少, 寿司饭大旧,个料又细....所以剩系食左一件甜蛋寿司...不过个度d人既服务态好不错~~值得一赞 !!最终填埋份意见书, 最喜欢的食物 ~~拣左佢送既酥皮汤同热辣辣既梳乎里!但如果有得食我宁愿食返五月花呀...阴公~~仲有一度几好笑既系, 佢一推出招牌蛋糕 -->火焰雪山既时候好多人出晒去睇同影相, 仲熄晒灯添 !!个个都劲期待佢点火..点知点完原来只系得微微火..咁就完左..真系令人失望.....我仲同妈咪讲,我都识整啦,哈哈 (之前上家政有整过!!!)本身想比"差" ,不过因为服务不错,所以比返少少面子比"ok"吧!
继续阅读
五月十一日系我嘅旧历生日，我家姐好有心，请埋我同妈咪同佢个朋友，一行四人一齐帮衬呢间酒店。 酒店属三星级档次，不过气氛都不差，但系布置就几逼夹下。家姐一嚟到坐低个侍应就叫佢拎张coupon出嚟，气都未抖顺，佢都不知几谷气。 佢哋最近推广紧星（加坡）泰（国）自助晚餐，四个人帮衬为过一百六十蚊一位，台式饮品同埋金威啤酒任饮。家姐觉得几划算，先至订位；不过唔食犹自可，食咗把几火，因为根本所谓星泰自助餐，完全系好取巧。 大家应该会谂，星泰自助晚餐或者会有海南鸡饭、肉骨茶、冬荫功或虾饼之类嘅食品，但系呢间酒店完全欠奉。佢哋所谓嘅自助晚餐有：烧牛肉、烧烤多春鱼、大虾、生蚝、以及一般酒店都供应嘅冷盘（如沙律同寿司）同热荤（如蒸鱼同猪脚姜），以及生果甜品等等，除咗喇沙之外，完全冇一样嘢同新加坡同泰国菜有关系。 嘢食已经唔多，最惨嘅仲系唔经常更换膳食，好似冷盘系有八爪鱼仔同螺肉，前者已经畀人食晒，但等咗成粒钟都冇人更换；啲白斩鸡（权充海南鸡）仲系生嘅，。 任饮嘅饮品仅得三种，其中一种仲系啤酒，但不知鬼咁多儿童，你叫啲细路饮乜？ 连餐茶都渣个人，饮柠茶无柠檬味，仲要系好难饮𠮶只添。 埋单六百五十几蚊，仲送返张九五折coupon，不过咁嘅价钱同质素，我谂应该都唔慌会有下一次啰。𠮶晚我feel到佢好肉赤，唔驶我畀钱我都有同感。
继续阅读
我久不久星期六/日都会来这儿吃lunch buffet，主因又平又就脚。她会安排侍应在酒店门口派传单，有点cheap。食物质素一般，可接受，又有生蚝和专人即制食挡，而且80几蚊有不少选择任简任食，已好过很多食店50几蚊，得来例牌套餐食物和招待。而且，这里又静又人少，招呼不错(起码是间酒店)，每次我都食得很自在，但要记得不要跟大酒店相比，记着自己身在MK吃午餐就会很满意。
继续阅读