德發牛丸粉麵

营业中

休息中

首先CHUM氣D聲明, 我對大牌檔絕無先天性歧視.我最大鑊個次係五星級酒店發生(疑兇係一隻生蠔, 雖己捉拿收押于肚內, 但係死無對證, 至今未審結, 不過我就判左五日病假), 反而去大西北D窮鄉僻壤, 街邊食野都大安主義, touch wood 乜事都無. 咁我又點會對咁有親切感大牌檔有抗拒呢?大牌檔係點樣, 未入到門口都預左架啦, 我要求係誠意囉. 係德發食完, 我就成個場巡左一次(我唔係衛生幫喎), 好多其他檔口都比佢乾淨好多, 證明係同一個客觀環境, 人地做得到得佢地無心去做囉, 如果佢無心話, 咁就好多地方都會不知不覺出問題.講番轉頭, 假如我覺得佢D食物係垃圾, 我就廢事寫咁多野, 佢D野都算有特色, 希望佢地俾D心機做好D啦!唉! 唔知我咁講係咪好多餘呢?

其實大排檔的衛生情況是好極都會有個譜，可否說得詳細一點呢度點差法，等大家警惕警惕。之前都有在這裡吃過，衛生情況當然不是十分好，但比起其他大排檔來說，亦不覺得是特別差呢！

嘩! 真係好污糟喎! 俾個清潔冠軍俾佢!我都算百毒不侵架喇. 其他的大牌檔衹要食物好, 我都唔計較環境, 差些少有乜所謂呢! 不過佢真係差得好離譜, 佢雖然客觀條件差D, 些少門面清潔都要扮下啦, 睇佢個款係最基本的衛生都無理, 係一D誠意都無.講番食物, 牛丸係幾彈, 不過無乜趙頭, 牛肉味都有, 但唔係特別好味, 我就鐘意灣仔春園街潮苑的牛肉餅, 係用牛丸打扁, 彈牙好趙, 好香牛肉味, 不過有次俾我睇倒潮苑個淥麵師傅食煙重跌左煙灰落碗麵到, 碗麵係隔離的我都忍唔住鬧左佢.唉, 其實人手唔夠, 清潔做唔切係可以原諒, 但係一D誠意都無, 當顧客透明的就真係好難忍啦!

下午茶時間試o左牛丸河($16), 牛丸五大粒, 又混入冬菜同粉絲, 好彈牙同爽口但係唔太韌, 味道有小小似食緊點心o既山竹牛肉. 掂呀! 碗粉都幾大碗, 16蚊都算抵食.另外, 佢地o既辣椒油都幾正, o的辣椒皮同辣椒籽冇炸到窿, 唔算好辣但o係就比'毓民' o既靚辣椒油鹹o左o的, 用o黎點牛丸或者撈埋o的粉o黎食都唔錯o架.P.S. To OpenRice Editor: please update the information related to '咖喱鄉里' (新港中心店):Name (Chn): 德發牛肉丸Name (Eng): Tak Fat Beef BallCorrect Address: 尖沙咀海防道'海防道臨時街市' 內營業時間: 每日早上8時30分至晚上8時30分電話: 2376-1179 菜式: 廣東菜消費: 儉(每人$40 以下)Thank you!

因為呢度早收工，平日冇乜機會食得到~~今晚o黎o既時候居然仲未收工，即刻拿拿臨走入去整番碗淨牛丸同牛腩麵；牛丸的確唔錯，彈牙又夠味，正！牛腩雖然夠淋，可惜味道一般；而且居然冇小妹食麵必備o既大紅浙醋，實在美中不足。另外仲叫o左碟油菜，都幾大碟；埋單$52，算抵食啦！

我叫左碗九腩河～牛丸我就冇大家咁深刻‘體會’喇～不過，我就覺得牛腩好好味，唔韌，好淋身，好入味，成碗河粉加埋少少腩汁好味道呀！（不其然令我諗起‘同居密友’裡面‘通菜哥’果o的敖左幾十年o既‘基業’）環境黎講，我覺得算係街市食肆中算乾淨o既一群喇！以前係老尖番工，只係識去佳記唔知德發咁出名o架，諗起上黎佳記最拿手係咪o的多士呀？已冇印象喇！

德發牛肉丸　－　丸腩河

平靚正! 牛丸大大粒，味濃，彈牙，好好味呀。點解唔搬去第度呢? 環境真係幾差，又僻，foodcourt 都好o丫。

前排路經此地，見落左雨無先兩日咁熱，加上攔門雨又少左人幫襯，就入來吃。叫了一碗淨牛丸，呢度的牛丸出名彈牙又有濃郁牛肉味，所以雖然環境不算舒適都坐滿人。除牛丸外我覺得辣椒油都不能錯過，真的又香又辣，食到滿頭汗。

地方的確又迫又算幾dirty,如介意這些,此店不去是較好,但其實一向D大排檔都係錦ka la...no big deal~~`D牛丸果然好好~味農而特別~~~~wonderful!我覺得係best牛丸ever~~~~食是很個人的,thx u vy much

It has a long history. I ate there over 20 years ago when I was a kid. A couple weeks (7/2001) ago when I brought my friend there, it still has the best beef ball in town.however, for new comers, be careful. Don't go to the wrong one. There's a new one next to it call "Dak fat Ngau Yuen" with yellow sign saying people look for "dak fat ngau yuen should move over". It's totally different and unrelated to the famous "Dak fat Nguau Yuk Yuen".Don't Go to the wrong one. The one name Dak Fat Ngau Y

好耐o架啦呢度,大牌檔環境係唔多好,但牛丸又平又大粒又好味,令你見識咩叫平靚正!

實在太好味! 牛腩牛丸牛什粉麵都好好味 通常買外賣所以不太清楚環境如何