德發牛丸粉麵

营业中

休息中

11月6日, 位於海防道街市嘅熟食大排檔, 因為只在星期一至六開檔, 襯住星期六嚟到, 一定要試下個馳名牛丸~ 個熟食大排檔都幾入下… 行咗一段冇乜人嘅路, 跟住就見到人山人海, 原來已經入到大排檔範圍, 有好多間食肆, 亦都有幾間食牛丸~ 搵搵下終於都搵到德發~::: 丸根河 ::: $20先要食一口馳名牛丸, 一夾起已經覺得好有彈性, 一食落有過之而無不及~ 牛味豐富又好彈牙, 仲好爽口添! 果真係手打出來的~ 牛筋都係好彈牙爽口, 唔似有d牛筋淋pat pat, 好入味~ 湯底味道濃郁得嚟有淡淡嘅黑椒味, 已經無需要再落辣椒油~ 唯一係河粉有少少碎, 用筷子夾唔到要用羹…::: 丸腩米 ::: $20牛丸真係幾大粒, 好似乒乓波咁大! 頭先呀比已經講過, d牛丸真係好彈牙~ 而且真係落足百份百牛肉去做~ 真不愧為招牌名物! 另外牛腩雖然唔太嫩, 但夠淋, 而且牛味濃郁~ 雖然米粉味道一向較淡, 但呢度d湯底夠味, 米粉都變得好好味~我地仲知道佢地有隻多士叫”新嘢”, 叫多杯茶走, 原來佢地同隔離合香園有d關係, 呢2樣野係由合香園嗰邊整嘅~ 不過, 呢度環境真係有d差, 度度都好

行入街市，間舖位置都好隱閉，不過都唔會污糟雙併同單併都係同價，梗係試下雙併，食左個雙併牛什牛丸米，有兩粒牛丸，牛什都有好多舊。湯底好濃，食既時候連湯飲會好味好多，牛什一般，牛丸就好爽，唔會痴牙～尖沙咀，平平地食到幾好味既野，俾個笑笑佢啦！

回憶以前剛畢業在尖沙咀星光大廈上班, 午膳是頭痛的題目, 討厭” 大家樂” “大快活” 快餐式的食制, 但又付不起高昂的午餐, 唯一好食又超值之選, 就是到尖沙咀海防道熟食檔品嘗有眾多選擇的牌檔, 而德發牛肉丸是我必然之選! 第一份工的工作伙伴, 移民的移民, 回流的回流, 嫁人的嫁人, 今天再次造訪德發, 雖然不是以前的工作伙伴, 但驚喜的是德發的伙記和洗碗亞姐跟以前一樣, 很親切呀!喜出望外!牛丸內藏有幽香的果皮, 這是德發牛肉丸精妙之處! 質感彈牙, 外賣HK$2@, 也覺物超所值! 麵條雖有鹼水，但麵條超爽超彈牙，加埋醋食無以上之!再加上秘製辣椒醬, 簡值是挑戰味蕾!湯底就一般, 味精應放下不少!牛什很入味, 有牛膀、牛肚、牛肺、牛腸.... 選擇的依然很多, 鹵得夠淋夠入味! For more about today lunch & adventure, please feel free to read my blog, enjoy!http://hk.myblog.yahoo.com/jolovam/article?mid=5418

My parents and I took a trip down memory lane and ate here for old time’s sake on New Year’s Eve, as a snack before the real feast at countdown. We used to come here for dinner after my weekly Girl Guide’s meeting at the YMCA when I was, well, a girl. Now, after, say, 10 years or so, this rare species of dai pai dong is not as I remember it to be. Whether it’s its quality that’s deteriorated or my taste that’s improved, I must admit that I would not be coming here again. 牛丸粗What used to b

馳名的德發牛肉丸....果然名不虛傳.........要等位....除了牛丸出名夠彈牙之外...牛什都唔錯...我們各叫了一碗牛什河, 一碗牛丸河。賣相不差, 都ok大碗, 用料都相當足....如果比較大食的人可能一碗會唔夠....牛丸真的名不虛傳, 很彈牙....都幾大粒...如果有小朋友/老人家的, 小心會吃不下....牛什很入味, 有齊牛膀、牛肚、牛肺、牛腸....好吃得難以形容!!而且附近的茶餐都係有聯系的, 可以一起叫埋野飲/西多士之類的下午茶。可惜沒有映下相片與你們分享!!價錢略嫌貴一點!!...不過有這樣的水準都是值得的!!

又是不知多久未曾到過這天橋下,迫迫夾的食碗粉. 在尖沙咀要一碗粉廿蚊算是德政....而且這間的粉麵真是吃得過.牛丸彈牙有牛味唔粉,柱候牛筋好咬口(當然要咬得開) 河粉細滑...讚中讚再來''新嘢''~有幾新,賣咗幾廿年...麵包頭拿埋出嚟賣的混醬多新下欄嘢...一條包有幾多塊包皮？咁即係限定版...嘩當堂好似UPGRADE咗去'必甩卡'不過咖吔多也好吃...油菜都好甜.叫下呢叫下路...40蚊人均...OK啦.尖沙咀喎.

尖沙咀的午餐價格十分高昂, 以前在尖沙咀工作的時候, 曾在openrice查看附近有什麼便宜好味的食店, 而德發牛丸就是其中之一. 現雖不再在此區工作, 但有時往尖沙咀區的話也會光顧一下.此店隱藏在海防道熟食市場中, 需要穿過一些店舖才可到達, 頗有柳暗花明又一村之感.除了牛丸外, 亦有牛筋, 牛什, 牛腩等選擇, 雙拚同價. 通常我都是食牛丸牛肚河, 牛丸彈牙但牛味淡, 另好似有點果皮的味道; 以前在此食的都是草肚, 今次夾雜了幾塊金錢肚在其中, 牛肚整得夠淋和入味. 因有牛肚的關係, 湯底加了點牛什的滷水味. 河粉是幼身的品種, 入口滑溜不會黏在一起. 以這個價錢來計在此區算得上佳品了.溫馨提示︰此店逢星期三休息

其實想去試好耐架喇, 今日去開尖沙咀剪髮拿拿臨食左先~入到去基本上都未行到去德發, 其他鋪已經叫你坐低先, 想食德發牛丸會幫你叫, 不過一定要order野飲…..原來德發一早已經坐滿晒人…要借埋隔離鋪既地方~~~因為好肚餓既關係, 叫左牛丸牛筋粗麵: 先講講粗麵 – 麵質較為厚身, 食上去會比較有咬口而且味道又唔會太重簡水味, 依家真係好少有!!!!! Gd~牛丸 – 應該有加莞茜撈埋一齊打, 不過牛丸真係無乜牛味~又無手打feel, 手打大多數會少量肉絲的, 依家無, 失望!!!牛筋 – 有一種陳年淆湯淆出黎既味道, 味道雖然濃但不是十分好食, 一般!!!!!辣椒油 – 賣相好得人驚下, 但係食落好香又夠辣!!!!仲要有蝦米, 夠晒誠意, 至正!!!!!!應該唔會再去, 一黎地方環境惡劣二黎自己有間幫襯開啲牛丸仲好食, 葵興or 佐敦苑記, 一流!!!!!!!

一直都想試下德發嘅牛丸, 但每一次經過都有點兒害怕熟食檔嘅環境而卻步~今次卻一不做二不優咁衝左入去, 又唔係想像中咁惡劣喎, 都可以接受 一場黎到, 當然要試下佢最出名嘅牛丸啦, 於是我叫左個牛丸河 (多蔥) -- 牛丸幾好, 但無想像中咁好味, 雖然佢彈牙牛味重, 但嫌牛丸食落沒有肉絲嘅感覺, 唔太足料~ 河粉湯底都可接受, 河粉算滑, 湯底夠味, 都ok~其實去到一見嗰"兜" 辣椒油, 就覺得佢無料到, 點知食落又辣又香 (有胡椒味), 正~就係因為個辣椒油先加返唔少分數咋

上星期係尖東做完野, 特登走去再幫襯, 因為對上一次都可能係上年中的事了夏天的中午來幫襯, 簡直就係折磨雖然有幾把好大的牛角扇係度吹, 但都吹唔走我的汗一個雙拚的河粉 $20 (牛什 + 牛丸)滷水牛什只係一般, 無乜特別牛丸的水準差了很多, 唔多有牛味, 元朗的勝利牛丸仲好過佢真的令人失望呢//

吃完蘭芳園不久，不是太肚餓，記得臨時街市裏有檔著名的牛丸麵檔，還未試過，就再去觀光一下。上次下午茶時份曾來這街市吃過 “新嘢” ，今次晚上來，冷清清的，有許多檔口沒有營業，在營業的，客人也沒幾個，有些想打退堂鼓。誰知檔主一招呼，又坐下來了。硬著頭皮叫了牛丸牛筋米和牛丸牛腩米，然後提高警覺，尤其雙腳特別緊張，我好怕米奇出來晚上巡遊呀。食物很快送上了，心情緊張，食不知味下也感到鹹得不行，牛丸是有些爽口，肥肥的牛腩和細細碎碎的牛筋真的不怎麼樣。正吃著，終於看見一隻又肥壯又大隻的米奇在附近檔口快速地走動，真是更沒有胃口了。勉強吃完，快快結賬。雖然是二十元一碗，但吃完後不但口渴，身心也有些不舒服，不禁要問自己一句: “食呢做乜呢?”

有機會試下呢檔既牛丸, 上次唔記得佢係禮拜三休息而摸門釘........地點都算隱閉, 完全估唔到係尖咀會有一個臨時街市坐底即點碗牛丸粗, 等一陣就到原來D牛丸好似酒樓食個D牛肉球咁係有芫茜, 我生平最討厭既野, 不過好彩味道唔係太強, 尚接受到牛丸質素係OK既, 不過只係OK囉, 唔係話好好食個隻.麵就同一般既無咩分別食完, 感覺係........一碗無咩特別既牛丸粗

四月中旬要到附近替飯局作最後安排，那邊正值飯市經理也沒時間傾安排，祭此時來吃碗牛丸河，看看士別兩年的味道。牛丸拼牛雜，收$22，合理，湯底帶著滷水味道，撈起幼滑河粉吃還不錯，牛丸吃起來欠彈性，幸有薄薄牛臊味，不奇怪會加入豬肉提味，當地也是這樣子做法，論味道在本地水準來說，收貨了，但比較起早兩年那時的牛肉氣孔細密而彈牙多了，是有點失望的，至於牛雜非新鮮貨，叫做不過不失。更多的正宗牛丸分享＠http://foodxfile.blogspot.com/2010/02/blog-post_28.html

一去到,阿姐好快手過來點完3分鐘便到,好快!我的丸根面牛丸ok,冇想像中咁大粒同彈牛根好林好入味面意外的好好彈,比牛丸更出息反而朋友的河粉有點厚女孩子一碗剛剛好!

依稀記得小時候家人帶我來這兒數次，只記得入面那家好像出名一點，不過當年在"阻住哂"的仁利吃過一碗普通至極的牛丸後，不知為何這十幾年也沒有踏足過這兒，今次再來，鉤起丁點童年回憶。經過一個幽暗的街市，就會見到多家食店均是非常熱鬧，地理有利的仁利多年不變的阻住哂，一心認著德發，什麼也不想就坐在文記的抬?! 其實它們是合作的，所以坐下來可以點幾家的食物，我就當然點了德發的麵回味一番。吃了一碗牛筋牛丸麵，也只是二十元，真的抵吃。牛筋軟淋，牛味濃而且膠質不少，碎濕濕的也有不少。牛丸咬下去不算彈牙，但就充滿牛味，感覺也很實在。湯底牛味不夠濃，吃到的蔥粒比較辣，而麵帶有鹼水味，不太討好，用了辣醬蓋了就沒有問題。有讚有彈，ok 吧，下次不吃麵，又或是淨牛丸，相信會是笑。