德發小廚 (已結業)

每星期也在看煮角, 跟當中的一眾主持也好像建立了深厚的感情, 是晚就來到肥仔馮嘉僑的店子德發小廚, 一家人一同晚餐. 在遠處已經見到肥仔站在門外, 錯不了. 一早訂了位, 就在閣樓最埋邊的地方, 起碼不用太擠逼. 當然, 這裡是街坊小店格局, 也不能對環境一欄有太高要求. 來得這裡, 當然要一試店子的招牌, 就一次過把那些招牌菜也要來一試.老黃瓜湯: 8分, 未正式開始吃, 先來的是店方敬送的老黃瓜湯, 幾清甜的, 沒有甚麼師傅的痕跡, 也不算太油, 一人一碗, 下下火, 不錯.墨魚餅拼金磚豆腐 $128: 8分, 墨魚餅是店方的推介, 炸得香脆, 但是晚吃到的, 稍嫌墨魚味不太突出, 看來是來貨不太靚之故. 金磚豆腐的皮炸得脆卜卜, 豆腐夠滑, 也有豆香, 看來炸物也是這裡的高水準之作. 如果是肥仔親自出馬的話, 應該更為吸引.無骨沙薑雞 $98: 8分, 要了半隻, 師傅已經肋起掉, 吃落口就是啖啖肉, 雞肉是幾嫩滑的, 點上沙薑汁, 也是幾惹味的. 選用的雞不會太肥, 連皮吃也無問題.豉椒聖子皇 $98: 8分, 也要了一人一隻聖子, 本身一客要六隻, 但店方相當彈性, 就讓我們

以前幫趁過這間街坊小店幾次，覺得食物不錯，價錢也合理，而甜品更是我家孩子的至愛。不過，最近再次到訪小店，卻十分失望。當天晚上到達小店門前，已然感到奇怪，星期日晚八時許，竟然可以即時安排我們入座，地下全場食客，連我一家四口，也未足十人，前人頭湧湧等枱的景象不見了。坐下來，餐牌的菜式沒有不同，牆上仍貼著店主跟知名食客的合影，還有報章雜誌的推介文章。過不久，店員奉上我們點了的幾道小菜。越吃越不對勁。98元一客的鼓油王煎中蝦，大概只八隻蝦身不足兩吋半的雪藏貨，而且仲係雪咗好耐咁，肉質鬆鬆霉霉的，淡而無味，部分蝦頭在夾起時更會鬆脫。本來想吃點簡單的，不過那紅燒豆腐、瑤柱扒西蘭花和中式牛柳，全都只有油和盬的味道。雖然失望，但飯後仍想試試小店的巧身甜品，於是點了心太軟和疏乎厘各一客。這時留意到以往在水吧後責造甜品的師傅仔不見了，只見樓面侍客的其中一位女侍在接單後就自行到甜品部開工。最後，甜品端了上桌，無論買相和味道都沒有從前的水準。整頓飯下來，一個又一個的疑問浮現腦海，見不到從前熱情招呼客人的風趣店主，無法問個究竟。算了吧，以當天一頓飯的價錢，仍可有很多不錯的選擇，在他們的食物來回復從前水準，不會考

店內環境偏暗，好似返左去大陸食飯咁，隔離枱叔叔，講野大聲到好似隔左坐山咁。是日嘗試了：1. 金磚豆腐拼墨魚 ＞豆腐外層脆係脆，但完全無味2. 甜酸排骨 > 賣相普通但味道唔錯3. 黃金蝦 ＞ 幾好味，但蝦殼唔夠脆，比起跑馬地嫦記，似乎仍有一段距離4. 心太軟 ＞賣相零，朱古力漿前後段有明顯溫差，前面好熱，後面係凍冰冰既...因為坐收銀旁，看見老闆在看疑似自家店在open rice的食評，這樣看來 老闆應該是用心之人，還說下次再幫襯可免費補送我們金磚豆腐。嗯，但不知道還有沒有下次呢...

1/餐前小食豬紅:食落幾有味,越食越勁梳打粉味,2/頭抽龍躉腩骨:汁肉分離之外,粉漿太厚,徙哂Ｄ龍躉肉.仲收$1983/無骨沙薑雞:話係新鮮雞,同全泉居既雪雞差唔多味,但係半隻收$98,又細隻又貴!4/脆皮豆腐拼墨魚丸;唯一有水準之作,但係要收天價$1285/甜品:未食完主菜就到左,搞到唔知食唔食好,總結:埋單$500太平凡又貴.咁既收費去新兜記食條氣都順Ｄ

其實來了德發幾次了，因為小炒吸引又唔算貴，所以一直都有和朋友幫襯。只是之前沒有寫食評，今次當一次過寫而已。和男朋友再次幫襯，我地食得唔多，一個嘟嘟油麥菜，一個生煎雞煲。油麥菜夠香，但略嫌唔夠之前既爽，雞煲單是香已很吸引，但對我來講嫌配料少左些，我自己很喜歡食洋蔥，煎左之後好香男朋友都十分讚許之後我想叫多個菜(因今日我食素)，原本想叫一個小菜，但老闆知道後，主動話個菜味道會較寡，仲好主動建議個金磚豆腐，其實我地叫咩小菜都唔緊要，但我地欣賞老闆夠貼心，唔係一心為錢個豆腐果然無令人失望，唔重油但外面脆，入面又軟又滑最後又飽又開心的離開，值得我地多次幫襯都祝繼續好生意，其實天氣凍，食小菜都好熱辣辣啊~

因為要到深水埗攞禮物關係, 所以call埋朋友一齊嚟個小團年飯先! 要食得招積, 就梗係要訂枱先啦 5大1細就叫咗9樣嘢(當中有兩款甜品)黃金海中蝦 ... 蝦油爆過後, 蝦殼變得脆身, 而且蛋黃剛剛好掛係蝦殼上面, 可以連殼一齊食都冇問題生炒骨 ... 其實我到現在都唔係好識分生炒骨同咕嚕肉有咩分別, 我只係知自己比較喜歡肉面酥脆加甜酸汁嘅感覺, 所以呢個唔係我想要嘅嘢金磚豆腐拼墨魚餅 ... 金磚豆腐, 外脆內滑; 墨魚餅, 爽口彈牙 啫啫油墨菜 ... oh~ 太鹹了荷葉蒸雞 ... 荷葉味冇乜, 但雞都尚算好滑好夠味因為唔夠菜食同有個小妹妹好鐘意食豆腐, 所以叫多個清炒菜芯, 同金磚豆腐!跟住就到甜品時間喇, 其實佢哋有幾款甜品都好好味, 但因為我d朋友係未嚟呢度食過, 咁當然就叫佢哋嘅招牌甜品心太軟 ... 呢個真係好食過好多甜品店, 外面嘅朱古力蛋糕唔會整得太硬or太脆, 真係感覺到佢係蛋糕, 流心就唔駛講添啦, 熱辣辣即食, 正呀~梳乎里 ... 早兩個星期先去太平館食過, 不過我都係喜歡德發嘅出品, 冇過份嘅蛋味同比較鬆軟

還記得兩年前到西九龍中心破地獄，當時的趣怪經歷其實已經不太記得，只覺得沒想象中難吃，不過實在不想在那裡吃飽，所以離開後我們到了商場對面的一條街，找到這家會賣西式甜品的小炒店。那時候覺得這裡的小炒又夠鑊氣又好吃，不知道兩年後水準能否保持？這次跟鬆弛的友人拍板叫菜，他是一個吃得比較健康與清淡的人，少吃煎炸食物，所以我們點了紅燒豆腐、羅漢齋豆腐、瑤柱西蘭花和大澳醬牛松鬆飯。點菜的時候，當阿姐聽到我們要兩個豆腐菜式時，笑得停不了，還說如果你們那麼愛吃豆腐的話應該要點金瑼滑豆腐，不過友人不想太熱氣，所以就沒有點。至於炒飯是阿姐推介的，不過當我們問她什麼是大澳醬的時候，她只是說不是蝦醬，但又形容不到是什麼，只說是好好吃的。每位茶芥要$5，也不便宜，不過送上一小碗涼拌青瓜，青瓜爽脆，醬汁帶點麻油香和香醋味，很好吃。紅燒豆腐的材料其實大致上和羅漢齋豆腐差不多，大家同樣都有菇和豆腐，只是羅漢齋豆腐再多了點木耳、粟米芯、雪耳等等。兩碟豆腐的份量都很大，配料又多。炸過的紅燒豆腐外層軟腍，充份吸汁了獻汁，十分juicy，而羅漢齋豆腐所用的是白色滑豆腐，切成大大塊的豆腐鋪在碟上，然後淋上羅漢齋，蠔油煮成的獻汁不

其實年頭已經想試, 不過往往行過都瞧到鋪頭入面坐滿人而唔想入, 今次咁啱門口位有枱, 就決定入鋪試下。見到牆上貼了一些老細及其家人的照片, 發現原來這店也有參加上年的炆豬肉大賽, 難怪餐牌以客家炆豬肉飯為其中之一客午餐飯盒首選！店方免費送的一盆湯, 無味精而且火喉夠, 又濃又甜！客家炆豬肉飯$38...味道以中芹為主, 豬肉雖炆得未去到鬆化, 但也沒肥膩感; 汁味濃好送飯。鹹魚雞粒炒飯$38...鹹魚量偏少, 雖然炒工好但那麽少量的鹹魚令碟炒飯失去了靈魂, 變成這碟淡味的生菜雞粒炒飯。最初我以為這店的甜品製作得那麼出色, 紅豆冰應該難不到他吧, 結果答案是失望的, 因為紅豆是完全煲唔淋及唔夠甜原來餐牌上的紐約芝士餅拼檸檬芝士磚是一定要下午茶時段才可以叫, 其他時候只可以分開散叫...這份檸檬芝士磚$25,入口有濃濃的cream cheese味道, 跟隨的就是檸檬味, 根本就是一件無餅底的lemon cheesecake, 質地好厚好濃好滑, 一碟六件好夠享受心太軟$28...不幸地送到來已爆開, 外層好薄而內裏朱古力漿的味道, 個人覺得未夠濃而且偏甜。 整體都是一件好味的甜品

已經幫襯過七八次, 兩個人去又有, 一大班人去又有, 佢地D小菜好食又夠鑊氣, 可惜我唔食海鮮既, 所以唔知道佢個大富大貴有幾好食, 但佢D甜品就真係值得回味~ 我係為左佢D甜品而再度幫襯既~ 肥佬老闆好SOCIAL下,又會SELL下你D時令野/特別野, 可惜佢地招牌野都係海鮮多, 而我 (&我既飯腳) 都係唔食海鮮既, 所以都係叫返D”普通野”食.老闆亦好唔客氣地, 響落單時話「你地呢D野食就普通D囉」,係呀, 我地既口味係比較普通, 咁食野呢d….各有所好架嘛…. 位置比較逼, 氣氛好Casual, 一大班人去就熱鬧d開心d~~最鍾意食既… 係佢既墨魚餅併豆腐同埋心太軟, 心太軟真係好好食.

真係要分享呢個我從未試過的不愉快經歷~星期五LUNCH,有同事BOOK左呢間德發小廚12位,連菜單都預先寫好,又BOOK好位,又寫埋應該菜,應該無問題LA!?!?!點知......1:10PM齊人,叫起菜,本來我地係12個,臨時多了一個,諗住多一個人都不用叫多一樣菜LA,1:20PM無LALA來一個不知名的菜(什麼豬面青),菜單上無,又無同我地講,追問之下,佢話我地多左一個人,所以加多一樣菜,好野!可以唔事先問過我地先,都算~1:25PM叫晒野飲同白飯來,食完個豬面青LA...等等等.....追追追....仲未有原先叫的菜來既???????大家都好肚餓....1:35PM有個阿姐過來問"你地D菜來晒未GA?"真係火都來埋!!!!大家異口同聲: 菜都未來過呀!!!!!!同我地去跟下LA!!!!!一句唔好意思都無講,就走左去...1:45PMBOOK的同事忍唔住,直接走去廚房問,原來依家(1:45PM)先剛剛煮緊?!?!?!?!隔離台1:30PM來的,已經上晒菜食緊LA!!!!!!!!!!我地LUNCH係1-2PM,去到1:50PM,仲未有野來,但已經唔肚餓,因為食左一肚火!!!!等左40

一早諗定黎呢間食晚飯架啦，諗住食下小炒，同埋一個甜品。咁就叫左兩個小炒，一個係基本功既芥蘭炒牛肉，另一個係避風塘炒雞翼。先黎左雞翼，炒得幾香，不過可惜辣味過重，變得好似食辣雞咁，令到香味失色‧‧‧同行有人食左一齊炒既辣椒，差唔多0.5cm x0.3 cm only食完佢辣到呆左半個鐘，可想言之- -，可怕性幾大。之後黎左心太軟，小菜館既心太軟，賣相不錯，食落都還可以，唔會太膩。幾特別的，係小菜館做到咁，滿意。至於芥蘭炒牛肉，可能芥蘭有d老，所以苦命重左少少，而牛肉明顯"啦"得太勁，軟身到無人有- -。總結而言，兩個小菜比預期失望少少，但甜品可以，我相信我地叫既都唔係佢既招牌菜，下次會叫多d人再次去試下真功夫。=]環境同衛生:一般般，我呢d流氓格就當然無咩所謂啦xd，同埋做過下食市，只要野熟就得啦不過服務真係幾好，老闆無老闆既架子，好熱情，我鍾意呀！

1. 金磚豆腐拼墨魚餅$88 ~ 豆腐夠滑,墨魚餅香口彈牙.2. 大富大貴$128 ~ 店子成名的招牌菜,即管試一試! 將桂花魚起肉連金針雲耳清蒸,都幾OK喎. 點解大多的食評家都話淡? 個人認為皆因港人食得太咸了.3. ??骨煲 ~ 侍應上鍋後即場炒兩炒營造堂弄效果.好的聲色效果下,味道則遜息得多了.4. 梳乎梨 ~ 雖然是即叫即做,但做得唔好味.

深水埗的確是個美食天堂, 食店林立, 又平又好吃, 所以久不久小妹都提議去深水埗食飯, 既可減低消費, 又可離開尖沙咀銅鑼灣/中環等地, 找點新意思是晚的重點活動是看功夫熊貓, 豬在又一城戲院有信用咭買一送一優惠, 小妹本來打算去又一城食飯的, 但因豬有事要先到深水埗, 小妹放工又順路, 於是就到深水埗晚飯... 事前小妹也當然來OR看看, 嘗試發掘未去過的食店天氣太熱, 小妹本來想吃茶檔的, 不過這樣的話豬就要受苦了, 茶檔這傢伙還是要留待幾個月後天氣秋涼一點才去, 當晚就去有冷氣的食肆吧! 我倆都未試過這家食店, 小妹其實是被這家中式食店的甜品吸引, 很多中式食店做的西式甜品都很好吃, 小妹本是志在甜品的, 但最後竟然沒有胃口去吃!原因就是我倆竟然叫了三個小菜, 份量又澎湃, 根本是一個3人份量的晚餐呀! 炸物雙拼:::椒鹽豆腐及墨魚餅::: 再次強調小妹是豆腐迷, 所有豆腐類的食物我都喜歡, 而豬很喜歡吃炸物 (人都這麼大, 口味還是這麼小朋友嘻), 所以這個拼盤非常適合我倆.... 質素方面豆腐是很滑的, 而且有很多粒, 但不知是否因為豆腐本身會出水的關係, 炸漿跟豆腐分開了!

星期五的晚上，來到深水渉行行時看到這一間電視節目介紹過的食店，又見門口的肥哥仔不斷的邀請，就來到了這間在基隆街頭的食店:德發小廚。德發小廚是在基隆街頭的位置近桂林街的街口，斜望可以見到老牌酒樓信興酒樓，又在北河街市政大樓的附近，人流都十分之多，店的四周都是一些賣蔬菜和乾貨的店子，感覺就是街市中的一間食店。去到時六時多一些，店內沒有什麼的客人，被安排坐在一張近門口的枱，店內的顏色以黑色為主，不像一般的食店的格局，牆上也是貼滿了食店的招牌菜和餐牌般，圖文並茂的，不看餐牌也可以知道這食店的招牌菜了。餐牌的食物也和一般的茶餐廳有些不同，有些是寫明少糖少鹽健康菜的，想是適合現今的香港人，也有一些的住家菜式和新派菜式，食物的選擇也和一般的茶餐廳有些不同，而看過電視節目都知道這店的甜品也是十分之出名的，又有競爭激烈的飲食市場多了一樣生存之道。來之前當然也有看看其他食家的選擇，就選了大富大貴、上湯魚肚浸勝瓜、豬紅和心太軟。大富大貴($178)來到德發好像唔叫這一個食物好像怎麼都說不下去，其他的食家都是必叫這一個食物，在食店內的介紹也說這店的廚師因為這個食物拿了什麼什麼的獎，問問當天這個食物是什麼的價錢

經常去深水涉開餐, 食市競爭非常激烈, 在汱弱留強既情況下, 有幾間質素好既自然會有好多人排隊幫襯, 呢間就係其中一間當日下午六點鐘就去到呢間電視台介紹過既舖頭, 由於之前有朋友來過幫襯, 今次點了幾款佢上次未試過既菜式, 包括有酒香紅豬手、脆豆腐併蝦餅、黃金蝦、椒鹽茄子等; 在等候期間有侍應拿著豬紅及鳯爪, 好有茶樓飲茶Feel, 而我哋就選了豬紅($8), 豬紅質地結實唔會一夾就散, 但入口又幾滑溜, 味道唔似一般潮州打冷, 而係有少少辣香的, 咁既價錢實在唔錯豬手最先到, 豬手煮前處理得唔錯, 完全無毛可以安心食過痛快, 豬手煮的時間剛好咬落好鬆軟, 但個醬汁處理得有點過咸, 將原有既酒香蓋過, 有少許改善空間脆豆腐併蝦餅好大碟, 當然價錢亦唔算平啦($108), 炸豆腐非常出色, 豆腐超滑而炸漿好薄, 唔會一夾就散; 而個蝦餅反而有點兒比下去, 因為質地唔夠爽彈(甚至乎可以叫做淋), 蝦味只是一般而已, 下次只會淨叫脆豆腐罷椒鹽茄子亦炸得非常出色, 由於茄子係厚切, 食了兩件就開紿飽肚黃金蝦係今晚最惹味的一道菜, 呢間舖頭落咸蛋一D都唔吝惜, 海中蝦又夠大隻有咬口, 好食到差D