德發大排檔 (裝修中)

復活節假期第一日紅日上到熟食街市幾乎爆滿得呢間有位食lunch食碟頭飯叫左咸魚雞粒炒飯，黑椒牛肉炒意，咖哩炒河同咕嚕肉第一碟到左炒河根本唔係炒嘅個阿姐放低左就走左，叫都叫唔住我地無筷子無碗要叫到第二個阿姐先知我地需要筷子同碗第二碟咸魚雞粒炒飯啲飯係硬到會胃痛第三碟炒意，等左勁耐先上好啲，但無乜肉第四碟，咕嚕肉等左成粒鐘未到，中間有問如果未整就取消佢算，佢話走緊油勁過分，成碟野得6粒肉全部都係洋蔥其實如果你同我哋講你假期淨係serve海鮮加工客我哋咪走去其他地方食你知我地係食普通lunch又無表示任何野又俾啲咁嘅質素勁無奈…查看更多

今日去咗間叫「德發」嘅餐廳，門面就普普通通啦，唔算好搶眼，但入到去就充滿住香港舊式茶餐廳嘅風味。叫咗碟豬扒撈河同埋一杯絲襪奶茶。先講豬扒撈河，豬扒嘅質感唔錯，肉質嫩滑，而且調味都啱啱好，唔會過鹹或者過淡。河粉亦都好有韌性，掛汁能力一流，同豬扒嘅汁融合得好好。但同泰國嘅豬頸肉河粉相比，呢個豬扒撈河就少咗啲香料嘅味道，泰國嗰種濃郁嘅香料味真係好難模仿。再講下杯絲襪奶茶，茶味同奶味平衡得唔錯，入口滑順，有陣陣嘅茶香殘留在口腔。比起一啲連鎖茶餐廳，呢度嘅奶茶明顯更有層次感。不過呢，呢度嘅價錢都唔算平，豬扒撈河同奶茶加埋都要成56蚊，喺同類型茶餐廳入面，呢個價錢算係中等偏上啦。講真，每次食呢啲香港地道嘅茶餐廳美食，就會諗起以前細個跟住阿爸阿媽周圍去搵好嘢食嘅時光。嗰陣時唔會去計較價錢，只係享受一家人一齊食嘢嘅樂趣。而家食番呢啲，唔單止係食味道，仲食嘅係一種情懷，一種屬於香港人嘅集體回憶。…查看更多

平日下午經過果邊上去食件腿蛋治，塊蛋薄到好似塊芝士咁 又無味，都唔知點煎到出黎塊包又凍又硬唔知擺左幾耐知道做生意唔容易 要控制成本但係正正經經炒個蛋又幾難呀？扮明嫌棄一條友出黎食下午茶餐唔想做我生意啦，咁你不如唔好出茶餐啦 下下都要叫幾個小炒先係生意咩出品咁差真係無下次或者諗住自己位居鴨脷洲地段賣漁港風情唔稀罕人地返轉頭啦。唔好怪人唔出街消費，飲食業搞成咁就係呢啲「唔憂做」嘅舖做成。以後都唔去呢間野度食喇！太失望呀！…查看更多

幾年前第一次嚟鴨脷洲食海鮮就係幫襯呢間，佢出菜快，唔會換走我地嘅海鮮(長洲係試過被換走的)，收費比其餘幾間平dd除了電梯數起第一間，其餘三間我地都食過(午市開嘅只有四間)，其實呢間整體未必係最出色，但佢最吸引我地繼續幫襯嘅係佢嘅椒鹽，炸得好夠乾身夠脆又夠入味，之前試過椒鹽獅子頭(好似黃花魚咁細細條)椒鹽九肚魚，都勁好味連骨都食埋，最唔掂嘅係最入面個間，標榜自己d炸物好出色但完全唔好食，收費又最貴我地每次食都會有椒鹽瀨尿蝦，個人覺得細隻係入味過大大隻嘅椒鹽鮑魚，炸嘅時間啱啱好唔過火，好彈牙，比蒸嘅野味好多，唔怪得咁多人推薦呢個食法五柳黃花魚，魚外面炸得好脆，時間掌握得好好，魚肉仲係好滑，今次係第一次食，因為見人地個碟好靚即刻落去買的，比想像中好食，但我個人想個汁可以酸多少少因為甜了一點點油鹽水煮蜆，好味到連湯飲埋，湯底似係用胡椒同蘿蔔淆的，放埋d蜆落去煮好鮮甜，比豉椒炒更能帶出鮮味炒白菜仔，其實佢呢間d炒菜真係麻麻，但有碟菜食下感覺冇咁油膩，所以每次都會叫一碟炒菜食牛雜粥，見好多食評推薦，所以試下，唔係新鮮牛雜已經冇肉味，仲要唔係生滾粥，有少少失色，可以唔使試椒鹽鮑魚未夠兩斤，椒鹽瀨尿蝦一斤半，油鹽水大蜆一斤，五柳黃花魚兩條，蒜蓉白菜仔一碟，牛雜粥一碗大，皮蛋瘦肉粥一碗大，凍檸茶一杯，熱檸水一杯，兩罐可樂。總共收咗$512，合唔合理自己計，加工收費係以煮法同以每斤計算的P.S.樓下街市已經被 YouTuber 吹捧得很誇張稱為港版築地市場，因此海鮮價錢係比其他街市買的貴很多很多，識買嘅香港人未必需要响呢個街市買的🧐…查看更多

中午買海鮮上嚟加工，買左一條海金古，四隻大瀨尿蝦，嗌多個椒鹽排骨！椒鹽排骨一上到嚟見到已經嚇一嚇，好似隔離枱食淨拎過黎甘既款，食入口真係好難食，豬排肉係霉既，真係好似食垃圾甘，啲豬排加加埋埋都唔知有無一塊半！瀨尿蝦不過不失，但唔似正宗避風塘賴尿蝦炒過甘，似係生炸完再淋啲配料落去，不過食落味道可接受！海金古俾佢蒸老左，冇晒味，連豉油都冇味！成碟豬扒冇食過咁濟，價錢就唔係好貴，尚可接受！另外想提一提衛生狀況，一錯落枱俾咗一兜滾水我洗啲碗仔，但係個兜水係勁污糟嘅，其中一隻碗污糟到好嘔心，當然食得大排檔唔係要求乾淨，不過橫掂都係要比水人洗碗，點解唔俾兜乾淨嘅水呢？食到一半明明周圍都係吉枱，係都要塞個人落黎搭檯🥲Anyway 唔會有下次！…查看更多

疫情發生後很久沒有一大班人聚餐 現在疫情稍為緩和 終於有機會聚一聚 今天我們一行9人 相約在鴨脷洲市政大樓的熟食中心見 先在樓下市場買海鮮 我不是買手 只知道買了魷魚 節蝦 白飯魚 油斑腩 螄蚶 大蜆 三點蟹 都是一般貨色 不是貴價食材 合共買了1350元早已在熟食中心的德發大排檔預留了位置 場內環境平民化 沒有裝修 圓枱圓凳 十分擠逼 大排檔就是這樣 不注重環境佈置 重要的是價錢大眾化 廚師手勢好除了自來九款海鮮外 我們還點了油鹽水浸菜心及豉椒炒涼瓜 逐一品嚐後 我最欣賞的是白飯魚煎蛋 入口軟滑又香又新鮮 螄蚶鮮味十足 豉椒炒蜆肉厚又惹味 節蝦肉爽又甜 始終食材新鮮就贏硬 加上此店的廚師技術一流 不需要加任何味精就已經很好味 最後埋單來料加工費 兩碟菜 四支啤酒 兩罐可樂 合共640元連自來海鮮平均每人221元 合理呢作為一個精明消費者 唯一是不知道自來海鮮每項收費是多少 有機會再來要瞭解一下…查看更多

整左四個海鮮，第－碟，15分鐘就到，等多1小時，連續黎兩碟，等多個半小時，終於等到７隻蠔，不停催，話轉蒸快Ｄ，－肚氣！遲黎先食，沒有次序，員工態度完成唔理！只是午餐，食左３個鐘.…查看更多

呢幾日要寄宿於利東邨，所以都行晒大街呀街巿呀圖書館等等。街巿排檔午市海鲜晚飯都食過，反而未試過早餐，今朝上網見到發記竟然有少見牛雜粥，即刻落去試下。九點左右嘅排檔還坐着不少食客，一睇就知都係老街坊，最唔街坊嘅反而係操着外省音廣東話嘅店員。牛雜粥有大有細，價格非常貼地！我叫左碗細嘅只條$21。其實由始至終我對牛雜粥常常存有誤解，以為佢係用生滚粥嘅做法，材料由生煮至熟，類似及弟粥咁;如果真係咁樣，我諗會好食好多……？？結果第一次响澳門六記食到嘅，原來只係將白粥撞落去煮好嘅牛雜度。德發嘅做法亦一樣，牛雜嘅各種唔同部位經滾熱綿滑嘅粥底燙過後，味道即刻迫到出嚟，甜甜肉香又有陣淡淡牛至有嘅酥味，幾正！牛雜size剛剛好，一啖可以咬兩件，材料又夠多，淨計牛雜個份量出面買都要廿五至三十蚊。呢個價錢食到咁好質素，的確值得推介。…查看更多

德發大排檔 (鴨脷洲) （打還打唔好打臉啊🙈）Lunch食呢啲我都知過分㗎啦🙊冇計啦🤷🏻‍♀️實在太正啦😍喺鴨脷洲街市買新鮮海鮮🦞再上去樓上熟食中心呢間大排檔煮嚟食12個人一圍每人都只係大約$150輪椅嘅朋友可以喺地鐵利東站一出行5分鐘就到搵食冇難道✅ ••📍鴨脷洲洪聖街8號鴨脷洲市政大廈1樓CF5#德發大排檔 #鴨脷洲 #海鮮 #eatwithyuenkei #hkfoodie #foodie #hongkong #wheelchairvseatinginhk #wheelchairfriendly #共融 #無障礙 #相機食先…查看更多

同朋友們係附近有d野搞，人生路不熟午餐唔知食咩好，諗住熟食中心一般都唔差，茶記野食都穩陣。點知去到已經有d街市既臭味，枱櫈都油淋淋。叫左幾個鹵水鴨米線，同埋幾個炒麵炒飯，鴨係冰凍既，麵超咸，最離譜係d野食除左主菜，仲有d「小配菜」贈送，真係多謝。係個筷筒拎出來既筷子，有d就痴住上家食剩嘅椰菜，有d仲痴住隻蝦腳，我都唔敢再炒落去。朋友見到d小生物係入面，唔食算了。下次都唔會再幫襯。唯一見則邊既人食海鮮，就唔錯，我能我地揀錯食材。…查看更多

好小去鴨脷洲吾知食咩好 周圍都好多茶餐廳朋友之前識過自己買海鮮大排檔煮 覺得幾有特色所以試下 我去到既時侯係下午 原先以為無咩人或者只係食快餐點知買完材料上到去見倒好多枱都係自己買海鮮上去搵餐廳煮因為餐廳下面係街市 係街市買左蟹，蝦，蠔同魚加埋400蚊有找 上到餐廳我地同店員講完我地d海鮮點煮之後就開始等食🤣🤣每樣材料加幾十蚊 價錢都合理眼望周圍環境都算乾淨 不過地下好滑去即朋友要小心終於有野食啦 蟹我地清蒸 吾加任何醬料都好鮮甜，而蝦就白焯蠔就用薑蔥炒大大隻入口好好味，而魚用豆豉蒸都好好昧另外叫左福建炒飯 呢餐食落好有屋企既味道👍🏻👍🏻…查看更多

話說有次係電視睇到一個由台灣人做嘅旅遊節目 iwalker 咁啱介紹香港鴨利洲市政食海鮮其實我一路都吾知原來有D咁正嘅地方可以又平又新鮮食到海鮮地鐵開通左南港島綫 好野所以係4月中 去左次香港仔遊呢到市政大樓 由樓下買海鮮到樓上煮海鮮 真係一條龍服務吾好介意地方細 超多人 舊式大排檔feel真係好地道嘅香港 久違了係街市買左大鮑魚、好大條泥鯭魚（其實我無見過咁大條泥鯭，平時街市好少有）、大隻魷魚，到熟食檔加工另叫左薑汁芥蘭，揚州炒飯真係超乎想像咁新鮮好味抵食鮑魚用果皮蒸魷魚白灼泥鯭果皮清蒸簡單煮法已經好鮮味買料用左$350加工費連芥蘭、炒飯、啤酒汽水$270中午食完係附近碼頭坐船過對面香港仔睇下好寫意嘅本地半天遊…查看更多

呢個根本上一個暴露年齡的文章。我想問吓大家記唔記得讀書時期中學生食緊嘅彩斯咖啡糖？今日有嚟到鴨脷洲，麻煩朋友車我落大街，本身好想食食記，心目中已經諗好要咩，兩溝炸燒賣。。。點知休息一天。唔緊要食我嘅第二最愛耀記，粒粒西多，頂。。。又放假？一場黎到當然唔可以就咁就走啦？德發，坐定定，點左個西多配咖啡。呢杯咖啡唔算討好，顏色似奶茶，齋睇絕對無期望。但飲落？？E ... 呢種味道好熟悉。係咩呢？？係咩呢？彩斯咖啡糖？？？無錯就係呢個味道。然後我都唔需要再同大家形容，有食過就知係咩味了。anyway . 係驚喜的，係好飲的西多士冇耀記嘅咁搶眼，但同樣真材實料，即叫即炸需時十分鐘，裡面係足料嘅花生醬。外面係剛好份量嘅蛋漿，煉奶和牛油。正如我之前嘅文章，麵包雞蛋煉奶牛油。只一個繁忙星期的補充品$27套餐，還有令人懷念嘅咖啡糖味道，夫復何求？…查看更多

自從港鐵南港島綫通車後，第一次乘坐那列無人駕駛列車從金鐘到鴨脷洲，坐在畫滿海洋動物的列車,感覺又舒適又快捷。出到站外，不消一分鐘便抵達鴨脷洲街市，由於我們中午市份到達，熟食中心已坐了不少人。三樣粥（$25）三樣粥包括牛肉、牛什和鯪魚球，粥料豐富，粥㡳也很鮮甜和軟綿。滷水鴨米線套餐（$33）這個套餐包括一碗滷水鴨粉麺及一杯飲品，湯底有着香濃的肉味，還有一隻鴨脾，滷水味散發著香料的味道。炸雲吞拼魚片（$45）炸云吞的皮又薄又脆，餡料不太多，但個人喜歡吃脆脆的皮，炸魚片則很彈牙，熱辣辣送到上枱的炸物伴一枝啤酒就最合適不過。…查看更多

離銅鑼灣短短15分鐘車程的鴨脷洲，地方小小，旁邊便是香港仔避風塘，是漁民聚居地，鄰近香港仔漁類批發巿場，每日有新鮮海鮮交收，近海得食，最出名當然是海鮮。因為獨自一人遊，這次不可一嚐海鮮，於是打算一嚐這裡的魚蛋粉！上網查看鴨脷洲魚蛋粉，見不少報導介紹鴨脷洲熟食中心的陳新記，由於鄰近魚巿場，海鮮加工特別平，而且也有賣魚蛋粉，是自家製。於是決定到此一試。正值下午，但熟食中心十分熱鬧，這裡有共有四家餐廳，但位置坐滿了六成，每枱幾乎也是吃海鮮小菜，不少人看穿著打扮應該是在避風塘或漁巿場工作的水上人。今日適逢星期三，陳新記休息，我到了另一有賣粉麵的餐廳-德發。我點了一碗淨魚蛋和一份油菜。魚蛋有五粒，另有三塊厚切魚片，魚蛋彈牙，咬得出有少許細骨，不會吃起來一舊粉，魚蛋應該混合了地堡魚，地堡魚可製作成魚干用以熬湯或磨成地堡魚粉，相等於陸上人的雞粉，是水上人的天然調味劑，巿面上的魚蛋較少加入地堡魚，味道獨特。最窩心的是底下有娃娃菜湯底，而且份量不少。…查看更多