德昌餐廳

营业中

休息中

主要做附近屋苑住客生意為主。除粉麵外，亦有家常小炒套餐。常常晚餐時段都見一些長者來吃或外賣回家一起吃的。星期日，少不免都唔想煮飯，所以大家一起簡簡單單叫餸吃飯。清蒸三刀，份量算大條，無泥味，尙算新鮮，但亦無乜魚味。鮮茄洋葱豬扒，酸酸甜甜好開胃羗葱霸皇雞，例牌份量，雞肉熟透仍唔太嚡，食到有些雞味。每個套餐送白飯、例湯或茶。例湯是：節瓜煲豬骨湯，很多豬骨且連肉可吃，飲咗都唔覺口渇。加咗碟焯菜心，感覺健康過吃炒菜，而且便宜些，一舉兩得。

粉麵味道正常，奈何嗰兩位女侍應d態度係衰到冇人有，每次嚟食都聽到個長髮侍應講粗口，影響心情同食慾！一圍枱坐7個人，叫落單，嗰兩位阿姐次次好似聽唔到咁，等到佢地過嚟，7個人張枱5分鐘都未寫落好單，d咀臉又衰！到底個老闆知唔知，d侍應倒緊米？同事們已blacklist呢間野喇！差！

食早餐食到一肚氣，激到我一早就嬲爆！叫收銀亞姐真係好師奶格，樣樣野要鬧！潑婦！早餐已經唔係特別平，阿叔侍應又係態度差！其他姐姐都還可以，兩個侍應係最趕客！蛋的做法好多種，佢唔識就妙咀妙舌！行開左，仲要大大聲咁講講講！講左多士烘底，自己聽唔到就話無講！比我錢都唔會再黎受氣！激氣、激氣、激氣。。。很重要，所以要講三次！食食下又聽到佢講人是非，什麼乾炒牛河走油少油，但見熟客就好好招呼！服務態度咁差，只會趕客！

乾炒牛河有鑊氣，味道調得適中，牛肉傳統食粉醃製夠滑夠彈牙，河粉同樣夠滑夠彈牙。牛筋炆得來唔 "膠口" 但夠腍，五香味夠，麵質亦夠爽，錯在那碗跟撈麵的湯，味道怪怪，不是一般麵家的方向。

尼間系一個好隱秘的小街，如果唔係街坊都未必知。比較同區其他茶餐廳，尼間早餐算係貴。好可惜，裝修一般，地方乾淨度普通。麵質唔滑唔彈牙，湯底唔好味。最恐怖係那片變左色的午餐肉。服務態度粗魯，因為落錯單送錯飲品，服務員相互鬧交。

與老公到此餐茶廳食TEA, ORDER了一客西多士和煎蛋公仔麵。西多士: 賣相合格, 炸成金黃色, 多士裡面搽了花生醬。加上糖膠後入口不算太甜, 但多士放久了內層有點過稔, 所以最後的幾口口感不太好受。煎蛋公仔麵: 煎蛋幾好, 要求全熟蛋, 不油膩。公仔麵偏硬, 我喜歡比較稔的麵身, 所以要在湯裡浸久一點才吃。 

Reviewed on 2013年4月1日 鰂漁涌德昌 - 早餐轉丁 彈牙: 8/10 味道: 2/10 麵質Okay的，但麵的味度竟然是接近清水的程度(是如何做到的？)，基本上能嘗到的味道都只是味粉的味度。 轉丁 +$3

Reviewed on 2013年3月29日鰂漁涌德昌 - 早餐麵彈牙: 8/10 味道: 4/10 麵條偏幼和扁(令我想起泰國媽媽麵...)，尚算彈牙，但麵本身不太有味道。 轉丁 +$3