德國餐廳 (Mikiki)

营业中

休息中

其實平時呢間餐廳都唔多去！但係有朋友話想試仲話要請我食飯，咁就去食下啦！咁當然要叫主打嘢德國鹹豬手，西班牙炒飯，白酒青口呢幾樣嘢啦！簡單講，食係好食嘅，幾樣野都不過不失，但係價錢如果可以平啲咁件事就會開心啲啦！因為畀得起呢個價錢喺呢一區周圍都仲有好多選擇，俾佢更出色嘅都仲有㗎，咁所以希望可以改善一下價格啦！

Today, I went to try this restaurant for German food. The taste was bad and the lemon tea was bitter. 🙈😔 No next time. Score for food: 1 (1:very bad, 5: very good). 今日去新蒲崗試下德國腸。估不到可以這一麽難吃。檸檬茶也十分苦澀。🙈🙈

今日約咗媽咪撐枱腳，呢排疫情好咗少少，出嚟行行街食食飯放鬆吓，搵間高級餐廳獎勵吓大家，放工就約埋媽咪嚟到呢間西班牙餐廳撐枱腳，餐廳高檔擺設西班牙風情格，侍應熱情有禮，安排十分舒適嘅座位給我們😍餐牌上的推介：特色烤乳豬，見到都勁想食，果然冇令我倆失望並且有驚喜添，成隻乳豬脾烤到金黃香脆，咬落真係索索聲，非常入味，外脆內嫩，媽咪都話正👍，送啤酒非常匹配， 媽咪點左慢煮鐵板燒八爪魚，亦做得相當不錯，八爪魚爽口彈牙，八爪魚的鮮甜，淡淡的燒汁配上黑胡椒非常美味可口，連圍邊的伴碟菜，也做得相當不錯翠綠爽脆西蘭花，爽甜多汁的蕃茄仔，濃香的薯蓉😍不得不提的小食西班牙醃製青黑橄欖，餐廳秘製的，鹹香甘香，越食越滋味超滿足👍🥰

帶埋狗仔黎到mikiki搵食 諗住搵間可以有互外位又特別啲嘅餐廳 點知選擇唔多 因為大部份連鎖店黎唯獨呢間有特色啲 所以試吓有brunch 同lunch menu價錢上完全唔貴！有啲驚訝叫咗個set A 可以揀飯/意粉/田園沙律仲送飲品添▶️香煎青衣柳配刁草芥茉籽汁 ($62)份量正常 賣相好唔錯魚柳煎到金黃色 仲放咗啲小豆苗起面旁邊有青豆同車厘茄意粉都幾多 有白汁 味道方面 魚柳質感比較厚實 唔會好散 仲可以切到一片片食食落都幾滑 好食🐠外面少少脆意粉不至於煙韌 但係都唔錯 佢個白汁幾好味 唔太稀 同時唔會好鹹或者好溜啱啱好👍🏻咁樣個意粉就唔會好乾或者冇味雖然食唔到芥茉味 但係食到啲好似藜麥咁嘅嘢 幾得意蔬菜就比較油 同埋冇乜味▶️西瓜汁 (+$13)佢有超多果汁揀 唔肯做定係咪鮮榨 不過佢真係有西瓜榨 同埋味道唔假又唔會太甜飲落好消暑解渴同埋都幾大杯🍉-味道質素好唔錯嘅德國餐廳😋服務態度好環境都幾好 唯一係互外會有人食煙 否則好舒服 狗仔都開心 可以望風景🐶CP值超高 份量大 足料又好食 竟然只係$62 仲要包飲品！絕對係平民美食

平時好少食西班牙菜，去交收啲嘢難得黎新蒲崗見佢又有間西班牙餐廳就入咗去試吓。成間餐廳都幾有feel，有室內或者室外可以揀黎坐，因為同男朋友兩個人想靜靜地食餐飯所以揀咗室內，如果一大班人黎食揀室外吹吓水飲下酒應該幾正。對西班牙菜冇咩了解，聽得最多都係西班牙海鮮炒飯，所以就叫咗黎試。另外想食下肉，所以就叫咗個燒雞同埋德國香腸拼盤。德國超級香腸拼盤($188)佢有幾款唔同嘅香腸，唔識分係咩品種，自己覺得白灰色最大條嗰種香腸最好食，肉身好飽滿同埋好香，另外紅色大條嗰種味道都唔錯，細條啲嗰幾款就比大條嘅鹹d。薯條係粗薯，外脆內軟炸得啱啱好瞬間就俾我哋清晒。另外一提就係佢仲配有一堆味道鹹鹹地甜甜地嘅菜，食落都幾特別，係其他地方冇試過，可以中和左肉既油膩感。西班牙海鮮炒飯($188)海鮮種類都幾豐富，有青口蝦同埋蜆肉等等，仲有檸檬可以加入去飯到。炒飯食落味道比較清新，飯粒粒分明軟硬度啱啱好，份量好充足兩個人食絕對夠晒。燒雞($238)擺得好靚嘅燒雞，超大一隻，仲配左一個濃郁嘅番茄醬。建議上菜之後即刻食，先可以感受到香脆嘅雞皮，食落啖啖雞肉唔會話好油膩亦都唔會好多骨。分量又係勁多，三個人分都仲可以。個

新蒲崗高質西班牙菜今日約咗媽咪收工嚟新蒲崗行街，於是乎就揀咗呢度好出名嘅西班牙餐廳。職員好有禮貌，親切咁幫我哋安排咗座位。西班牙醃製青黑橄欖食西班牙菜點少得橄欖做前菜😍酸酸地好開胃！準備陣間邪惡嘅大餐！我同媽咪都唔太飲得酒，所以係等緊主菜嘅同時，我哋叫住杯Apple cyder share飲特色烤乳豬⚠️必叫😋大大力推薦首先要大大力推薦嘅係一定要叫烤乳豬！烤乳豬皮脆肉嫩！而且都幾大件，分開咗兩塊大肉。在店買餐廳特製嘅醬汁食，口感同層次都提升咗好多。😋慢煮原條八爪魚鬚而家冇得去旅行，成日好懷念去西班牙食嘅八爪魚，估唔到呢間餐廳有得叫！香港唔係咁多性價比餐廳有！😆最正嘅係可以一路傾偈，一路切下切，一路食，享受下母女時光。

同朋友一齊去德國餐廳食午餐。四個人分別叫四個唔同嘅套餐。 唔記得咗影餐牌，所以個名都唔係好記得喇。 牛肋條配田園蔬菜 72元因為我係低碳飲食，唔食得飯同意粉。呢個午餐可以嗌田園蔬菜，選擇多啲，出面餐廳好少有，係一個唔錯嘅選擇。 不過佢啲蔬菜得好少，得幾塊脆肉瓜同幾粒車厘茄。 牛肋條炆得好淋、好入味，而且好多醬汁，啲汁太多， 可能淋多啲汁就會覺得份食物大碟啲。分咗啲汁畀朋友去撈意粉。 不過呢個份量實在太少喇。得幾塊牛肋條，幾嚿菜， 食完都唔飽。72蚊加一 有啲貴。 煎牛扒配意粉 82 元我無食到，朋友話有啲韌。 一個女仔嘅份量係足夠嘅。因為意粉都比較多，而且肉同意粉分開上，賣相都幾靚。 煎石斑配意粉 72元石斑煎得有啲乾，仲食到有魚骨添。而且呢個魚冇乜汁，乾爭爭。 好彩牛肋條啲汁夠多，可以用嚟撈啲意粉。煎豬扒配意粉 72元蜂蜜綠茶奶蓋冇得調節冰量，冇得控制甜度。 不過杯嘢又幾好味，唔會太甜亦都唔算太凍。要加13蚊，抵過出去買杯奶蓋飲。

朋友知我鍾意食德國豬手同埋飲德國啤酒，於是就捉我黎呢一間德國餐廳食晚飯，老老實實，新蒲崗都真係有啲偏僻，就算有咗新屯馬線都唔係踩正新蒲崗，不過朋友一番心意就梗係要去試一試啦。呢間德國餐廳好似係連鎖店，好耐以前試過大角咀嗰間，味道正常啦，可惜今次幫襯嘅呢一間就真係有啲失望。德國豬手同德國啤酒就必點啦，不過多口問下個侍應邊隻德國啤好飲，佢竟然叫我飲藍妹，即時O咀，原來所謂德國餐廳嘅侍應竟不知道藍妹唔係德國啤，心諗呢間野係咪轉左手所以亂黎，講真，飲藍妹我是但去個大排檔都得啦。野食就好一般，個豬手嘅皮唔夠脆(似返叮感覺)，無叫其他野，真心失望，唔算難食，不過唔值咁嘅價錢啦。

下午茶時段去的，服務員態度和藹的，喜歡飲啤酒朋友$168/3杯，價錢便宜的。但第一次吃白烚沒有味道的德國腸，連酸菜也是烚的沒味道，其實只要慢慢煎一下，腸要煮得難食都很難的，真心失望。原本是很餓的，吃過之後也不想試其他食物了🙈🙈不過可能叫不用煮冷盤，應該沒問題。

一行6人慶祝朋友生日#墨西哥粟米片配牛油果醬蕃茄芽莎 🌮🥑🍅(雖然佢個醬都好食，但始終唔夠我嗰次響愉景灣嘅 ZAKS 食嘅咁震撼🤤)#德國超級香腸拼盤 🐖(正常德國餐廳食到嘅腸拼盤)#熔岩芝士麵包及薯條 🧀🍞🍟(芝士味都幾香而且夠多，唔會話食到咁上下薯條無芝士配住食)#烤特色乳豬配香菇鴨肉燴飯 🐖🦆🍚(個乳豬皮好脆同啲肉都幾嫩滑，佢配咗兩款source，有款好似baby food 嘅蘋果蓉😂另外個燴飯汁好香好好味)#美式燒排骨 🐖(每次一大班人食西式菜我都會揀🤪啲肉都幾嫩滑，可以多啲燒烤醬就更好)#德國鹹豬手配酸菜及薯仔沙律 🐖豬嘅騷都重呀，但尚可接受嘅個皮都係烤得好脆#GreekYogurtAndRaspberryCrunchCake 🍰(味道好濃，酸酸甜甜好開胃)#EspressoAndYuzuCake 🍰(呢款個味道幾特別，咖啡味同柚子味都好出，幾清新)#PandanPinaColadaCake 🍰(其實我唔係好食到佢咩味，係有少少菠蘿味嘅，但最食得出嘅係椰絲😂)呢期響度食飯 Blue Girl 有推廣，上網登記有四枝啤酒送 (一枱只計一個人登記)店員服務幾好，係我哋六個人個座位

一入到餐廳，環境極差，完全冇冷氣，又充斥著油煙味 。夏天出面已經夠熱入面係焗 食物方面，叫左石板德國豬手配德國腸，先來飲品可樂，杯可樂完全冇晒氣，摸個杯係凍但飲落去竟然係室溫，真神奇。到正餐，石板豬手竟然係用碟上！！只係微暖，我都算。但個豬手同腸係白烚，完全冇味道，甚至難食。蔬菜同煙肉都係白烚，黑椒汁都冇味，甚至帶有酸味。呢個餐要98蚊，根本係買難受！！呢一餐唔止係失望，係極失望。最後只係食唔夠一半就走了

新蒲崗想揾間舒服啲既餐廳食個lunch就揀左呢間西餐廳~Lunch set 主要都係扒同飯~ 徳國香腸拼盤@$68雖然貌似差唔多既香腸, 不過都有兩三種唔同口感既香腸(*'▽'*); 飯汁是黑椒汁, 不過醬汁份量較少,所以整碟吃落口都比較乾而且香腸皮身較硬難咬整體泥講, 唔係好建議叫香腸飯(＾ｰ^)

大家平時各有各忙碌，難得相約小學同學相聚，同學揀選了新蒲崗Mikiki商場地下的德國餐廳，地方雖然比較細小但佈置頗有心思且有露天茶座，適合喜歡戶外的客人，在這裡休閒地一邊品嚐德國鹹豬手另一邊暢飲冰凍啤酒談談近況!是日餐湯是濃郁蕃茄湯，酸酸甜甜的蠻好喝，跟送一個脆卜卜有味的餐包😋。我們點了招牌菜德國鹹豬手，已起了肉的德國鹹豬手像剛燒烤好的乳豬皮一樣鬆化；入口外皮趣卜卜又不覺肥膩，內裏的肉質嫩滑，附上兩碟的醬汁似Wasabi的芥抺醬和帶微甜的蜜糖芥抺醬👍。個人比較喜歡沾上蜜糖芥抹醬，味道更上一層樓。大家滿足完這餐出名的德國鹹豬手後，跟著的節目便是逛逛Mikiki 去shopping ！

第一次到新蒲崗 MIKIKI ，環境不錯今日天氣清涼我們選擇坐戶外，因為戶外歡迎我位少主。🍺先來杯啤酒啤一啤先，Happy Hour 一下。🍴食德國餐廳當然要試一試德國豬手喇！皮算脆口，肉質鹹香呢隻豬手份量有點少。🍴另一款必食德國地道菜當然係德國豬，豬肉腸、香草腸、脆皮蜜糖腸配啤酒一流。😋🍴墨西哥芝士香蔥薄餅有風味我喜歡皮香口裡面鹹香芝士煙韌有口感。餐牌都是肉肉為主啱哂我少主。

差唔多兩年冇去旅行，真係好掛住去德國exchange嘅日子，好掛住當地嘅啤酒同埋鹹豬手，朋友話呢一間餐廳嘅豬手好正宗，抱着懷疑又期待嘅心情試食下。$218 德國鹹豬手配酸菜及薯仔沙律一上枱已經好驚喜，呢個價錢來講其實都幾平，但係豬手好大份，仲要好貼心已經切晒一嚿嚿，等大家食嘅時候唔會咁狼狽，豬手嘅皮好脆，肉就好Juicy! 咸度好適中，配埋啲酸菜，平衡得好好！$162德國香腸拼盤德國嘅名物除咗鹹豬手當然仲有香腸，雖然要$162 ，但係絕無欺場，腸仔嘅種類好多，味道條條都唔同，有蒜味、辣嘅，而且個皮都好趣，全部熱辣辣，真係好正！朋友果然冇介紹錯，再嗌多兩杯啤酒，真係好似去咗德國一樣！