德國佬餐廳

营业中

休息中

話說，早排有朋友生日，所以搵左間餐廳食，去左呢間位於洪水橋既德國餐。我地叫左一份包，佢配左兩款醬料，我覺得個醬都唔錯😆仲有兩份燒雞！燒雞真心正！😍d肉勁soft😍😍😍😍😍又juicy！仲叫左豬手，不過我唔太食豬手，朋友們都話好食！雞粒薯條都不錯，但可以再炸香口少少😂😂😂另外，係得德國餐廳食！緊係要食德國腸啦😆😆😆好好食！！！全晚都不斷聽到生日歌！最少聽到5次😂果然好多人黎慶祝生日😆😆😆

打完波揾地方醫肚，兜了一圈，冇乜好選擇之下試吓這個德國佬，主因太熱想飲啤酒和抽煙。坐低先嚟兩大杯啤酒涼快吓先，餐牌還是午餐時段，點了西冷和牛尾，都是七、八十蚊貨仔，本應無咩期望。點知食落有驚喜，雖然幾十蚊貨式，但老闆及廚師絕不欺場，件西冷並不是高質物色，但調味及火喉上好，牛尾炆得夠霖。有幾會一定㑹試吓晚市是否一樣高水平。一間會再幫襯食肆。

週未跟朋友飯聚，友人推薦這間德國佬餐廳，於是特意到元朗做下「德國佬」。店內掛滿復古鐵皮畫，風格統一，態度和藹的員工推薦了一些合我們口味的菜式。最終我們點了德國咸豬手（$198），豬肉蛇形卷腸（$68）。.以下為每款食物的分享小評：前菜先來暖暖小麵包，喜歡醮了黑醋和橄欖油後的味道，口感軟軟的，很好吃。..德國咸豬手($198)重量級豬手切件登場！果然是經典招牌菜！不單皮脆肉嫩，鹹香惹味，而且肉質十分有嚼勁！其中芥末醬和燒汁味道獨特，令人食指大動，垂涎三尺。酸菜瓜是咸豬手的好朋友，也被我們吃光光，以解一解邪惡的油膩感。 ..豬肉蛇形卷腸（$68）吃德國菜最喜歡點蛇形腸了，腸衣很薄透，容易切開，肉汁豐富，是美味的配酒小食。脂肪和肉的比例很好，香而不膩。..

第一次係元朗食徳國餐，竟然係不得不將我第一次寫評奉獻出來。同行四人一來到餐廳，因為室內滿座，所以逼住坐室外😅但都無損食好野既心情。坐低之後，職員開始送上4杯水兼擺位，同時介紹meun，其實我地都無理，掛住自己研究。後來另一個職員又問我地想食咩，我地就叫對方介紹先上餐包，應該係芝麻包，配上黑醋加欖油之後上水牛芝士沙律，呢個真係好正！個樣成個波甘，切開好似乳酪，但味道配上蕃茄，再加少少玫瑰鹽，味道一絕，好得意。然後食完，職員幫我地換過只碟，之後再食小食，2條辣辣徳國腸，配粗薯，醬係有少少酸的咖哩，味道不錯👍🏻之後再來係墨魚汁飯，我覺得有少少甜，我就覺得還可以，但下次就未必會再叫😂😂期待已久既徳國豬手，終於出現啦d皮好脆，又唔算太咸，配埋黑啤，又係一絕值得一食！整體而言，都值得再回頭光顧既！而且d職員好好人，好nice四人消費左740左右

餐廳環境清雅，怖置有風格。坐位不擠迫，好舒服，店員介紹菜單好有禮貌。我點了紅酒牛尾餐，先上的餐湯夠熱，面包好脆，牛尾好焾 有酒香 非常入味好食。餐飲我叫了咖啡，好香濃。店員服務好好，值得一讚。

上星期平日大約6點半黎德國佬餐廳，好彩冇人等位，一黎到就有得入。我同朋友叫左個呢間餐廳最出名嘅德國咸豬手黎食，可能係即叫即整，都等左一段時間先上菜。但個豬手整到好脆，配埋啲酸菜一流👍燒羊架有3舊嘅，唔太臊，都唔錯。

Book左7:00枱同屋企人食飯，去到時唔太多人，但到8點左右就開始坐爆啦。坐低冇幾耐就送左啲麵包俾我地，好鬆軟好香，點橄欖油食仲香。我地嗌左豬手，鵝肝，黑松露意粉，西冷，燒春雞，味道一流。佢地唔會一次過上曬所有菜，反而會等你食到差唔多時先會上下一道菜。而且服務態度唔錯。

週末黎左試呢間嘅lunch set 見唔使一百蚊有西餐食就入去試下 雖然唔係住元朗嘅可能有啲難搵 係喺條停車場巷仔入面 環境好舒服 有得揀坐室內或者室外 室外佢佈置得好靚 宜家天氣涼左 帶狗仔貓仔可以坐室外食 今日我揀咗個香辣帶子鮮蝦意粉同埋西冷扒 有湯(我今次佢係青豆湯有啲難飲)有飲品 (唔止檸茶檸水咖啡茶 仲有蘋果汁同橙汁揀)香辣果然有啲辣 以為西餐應該冇咁辣 佢應該用左tabasco煮 唔係好食得辣就唔好叫帶子同蝦都幾好食 不過唔係好大粒 每樣得兩舊 六十幾蚊就算啦而西冷朳就冇問我地幾成熟 煮出黎係十成 我係中意嘅 覺得幾好食 但另一半中意食五成嘅就覺得好un 所以中意食生啲嘅不妨問下佢有冇得整生啲 或者叫其他我覺得lunch set兩個$144唔收加一黎講 性價比都幾高 雖然其實都幾想試佢嘅鹹豬手 但應該夜晚先有 唔知價錢又係咪好抵呢?下次再試

今晚和兩位朋友來到德國佬餐廳，其中一位朋友間中會來食午飯，欣賞其性價比高，今晚一於來試吓晚餐如何。大約八時到達，入座率還不到一半。餐牌款式不多，不過另外有廚師精選寫在小黑板上。1. 餐包 : 富麪包香，外層脆脆地，配合橄欖油和醋，幾好食。2. 蟹肉沙梨他他 : 第一次食到將蟹肉和沙梨混在一起，有4塊多士，吃時將蟹肉沙梨搽在多士上，蟹肉鮮、沙梨甜、多士脆，加上少少來自楜椒的辣，多重滋味集合一身，效果出奇地好。3. CurryWurst : 本來朋友只想點一條辣肉腸，店員表示辣肉場比較短，因此推介此菜式，會有兩條辣肉腸和薯條，再淋上用咖喱和茄汁混合的醬，辣肉腸比想像中辣，不過一致認為好食。4. 黑松露意粉 : 醬汁有濃郁蒜香和牛油香，再加上黑松露，實在好吃。5. 美國頂級西冷 : 店員推介四成熟，朋友不太吃生的食物，我們還是要了七成。結果上枱發現應該遠遠沒有七成熟，不過我認為火候掌握得剛剛好，朋友亦滿意，可能廚師還是以他/她的專業經驗決定吧。吃完四碟菜其實已經很飽，不過甜品只得一款，因此點了一份三人分。6. 蘋果金寶 : 最喜歡食上面的金寶，蘋果都好開胃，有甜品才是圓滿的晚飯。店員熱心推介

我們一行三位嚟過無限次都冇試過Pizza, 食到悶悶哋又未食過Pizza一於叫個嚟試下啦，我哋還有叫了兩份紐西蘭牛扒。先講個湯係波菜湯，一貫作風上枱時非常熱辣辣，很幼滑好香濃，好得。再嚟係紐西蘭牛扒，煎到很香口，起碼有七八成熟我覺偏熟，所以不太腍，個醬汁好濃配牛扒好正所以加番分，個意粉即炒所以都係好熱辣辣，唔錯。黑松露Pizza等了有廿分鐘，但好有驚喜，Pizza底好夠薄又夠脆非常香濃, 用好簡單材料已好正，有芝士有Parma Ham有黑松露醬，每種材料味道都很分明好平均，唔會搶咗對方味道，一定要推介比朋友! ^ ^ 😋😀🍕👍👍熱咖啡係即磨咖啡所以咖啡味香濃細滑，如餐廳一杯普通餐飲直頭係超晒班! ^ ^ 😋😀☕👍👍

德國🇩🇪咸豬手同啤酒係好難抗拒嘅美食，我講嘅當然係出色嘅咸豬手啦！$198@其實都唔算細，最重要係佢d皮真係好脆係脆卜卜ga!而且好欣賞佢配嘅兩個汁，黃芥末就唔使多講，另一個燒汁原來係用牛肉烹煮，好濃白肉汁味，同豬手超配合！係德國野當然冇理由唔叫德國腸嘅！佢呢度有個腸腸set都幾抵，$138@任選3條腸再加杯細杯啤酒，happy hour 送送酒都算係一個好選擇🙈其實佢每個菜都見到廚師嘅用心，材料新鮮，值得一試

記得之前我叫過大蜆炒扁意粉，但係好多沙最後換了第二樣，今次再試過，當然第一口要試蜆先，係無沙的，再食扁意粉硬度剛剛好，係要我嘅嘢，再有蒜片濃香味道，餐湯係西蘭花湯，非常好飲細滑夠健康又夠熱，至於熱咖啡以餐飲嚟講又不須加錢直頭超值，咖啡香濃幼滑即磨即煲即沖，以上嘅嘢絕對有heart，所以值得推介比朋友去食 ^ ^ 😋😀👍👍

我已幫襯了無限次Lunch，因為老板很細心會記住客人嘅飲食習慣，記得有一次我們叫了兩個餐，沒有叫走"洋蔥"，於是老板嗌出嚟問係咪走"洋蔥"呀，因為以為係我食，其實係我朋友食所以不用走，每次一樣麵包上枱前都會焊脆佢才上枱，所以卜卜脆又夠熱，再上湯都非常之熱上枱，唔同出面一般食肆啲湯係暖而不是熱，再嚟係廣島蠔墨魚圈意粉，蠔係會煎脆外面裡面剛剛好熟，唔會煮過熟恰到好處，再上餐飲可揀咖啡 茶 檸茶，我本人推介係熱咖啡，即磨咖啡夠熱又香，好啱我個人口味，同出面啲餐飲咖啡差好遠，正呀! ^ ^ 😋😀👍👍👍#老板會轉崗位，有時做服務員有時廚師 ^ ^ 👍

我已幫襯了很多次Lunch, 老闆有時做廚師有時 侍應生，所以很有趣, 未到永遠保持水準, 可推介! ^ ^ 😋😀👍 香脆麵包 蕃茄湯和西蘭花湯煎帶子大蝦辣意粉 煎廣島蠔墨魚圈意粉 卡邦尼意粉 煎帶子墨魚圈菠菜意粉 紐西蘭牛扒意粉紅酒燴牛尾意粉煎雞扒咖哩意粉黑松露雜菌長通粉白酒蜆意粉熱咖啡

幾個麻甩仔去元朗午餐, 好少可會去高質素西餐,通常大排檔, 茶餐廳, 點心專門店, 求其是旦粥粉麵飯又一餐就算,不過今日經過呢間"德國佬", 咦午餐都唔貴呀, 而且一樣可以快有快食, 慢有慢食唧,日本帶子南瓜意大利飯 / 香煎"魚立"配紅椒汁 / 燒紐西蘭西冷配意大利陳醋燒汁$68 + $58 + $78, 包埋餐湯麵包, 仲有飲品今時今日呢個價錢, 食到呢個級數既野, 我覺得都係性價比極高的了,餐廳交足晒呢個價錢有突了, 幾十蚊覺係抵食, 特別係個魚同西冷,不過如果外區人要搵呢個位置的話, 就比較唔易搵到, 佢係鳳琴街體育館對面一條後巷,食好野, 食抵食野, 值得細心搵下