影片
或许是全个大埔墟之中,最旧的茶楼,没有四十年,好歹也有三十多年,门面极为残旧,如果爱门面的年青人,一定掉头走.早上踢住对拖来,只手夹住份报纸来饮茶,完全切合这间旧茶楼的风格.茶客差不多清一色亚伯,懒理禁烟条例,照样吞云吐雾可也.看住电视论尽时弊,在台上玩下啤牌,好像身处在公园的凉亭一样.问阿姐:{有咩野食?}阿姐:{呀....金钱肚啦,鸡扎,春蛋烧卖啦,粉卷啦..}我再问:{仲有无盅头饭?}先奉上排骨饭一盅,饭粒几干身,但排骨肉质粗糙,肉汁略欠.吃罢就奉上鹌春蛋烧卖同金钱肚.春蛋不够甘香,下面的猪肉质感竟然似芋茸.金钱肚软稔,可是未尽入味.在今时今日仍然有个算盘在收银处,姑勿论是否仍用算盘去计算,但都算惹来一点点注目礼.旧物不是一定好过新,如果不思进取,默守成规的话,就由得时间巨轮去自然淘汰吧.出到门口索一索件衫,沾上点点烟味,这个早上,当然不算精神爽利.
继续阅读
一心来找上次经过时拉二胡的阿叔。一推门，换来片刻鸦雀无声。…。靓妹唔俾饮早茶架？闪到一旁坐下。甫定神，听一男音响起：「鲜竹卷…」拿著托盘的阿叔经过。「阿叔，有乜好食架？」阿叔背著我，如孤魂野鬼般经过。「阿叔…」我拍拍他的手肘。他转过头来，目光呆滞般望著我。「阿叔…有乜食呀…？」他继续呆滞般望著我。「乜粉都有。」呀？见隔离阿伯趴紧碟好吸引的斋肠。「有无斋肠？」阿叔放低咗碟虾肠，舀咗羹豉油，走咗。…？另一个阿叔，抱住兜批到白雪雪既子姜，成九十度角横过。…。莫非我幻听？正在趴碟虾肠时，男音又起：「鲜竹卷…」「啪。」早唔早，迟唔迟，就咁就食到粒砂。一望过去，有台叔叔婶婶在打牙骹。「鲜竹卷鲜竹卷…读歪啲咪『输足钱』啰！」「唉，改坏名。」吓？「依家曾志伟匹马…」…晃然大悟。正在沾一啖香片的时候…「唉，仲贵过食支雪茄。」又乜呀？「马会唔肯俾钱吖嘛，梗系仲贵过食支雪茄啦。」「你谂吓，大拿拿九百蚊一只马噃…」「咪系啰，啲伙记都要食架…」「你谂吓，如果你有十只马，每个月要俾成九千几蚊租…」咁都得？埋单时，靓姐同班高人搭讪：「今期边个中呀？」「中…梗中架。」咁大口气？成班马迷齐声道：「马会中吖嘛，梗中架！」……。
继续阅读
呢间茶楼已经有好耐历史,超过三十年,有两层,佢既正确营业时间系,由晚上零晨2点半,至曜晚10点半,夜茶时段最旺,通常系的士司机居多,由于老字号,所以环境麻麻,唔太干净,不过食物都有番咁上下,不过味精颇重,值得一试系,由老板亲自炮制既烧味,通常D食客都系叫烧味例牌$55蚊碟,(双并),有烧鹅,切鸡同烧肉,在平价茶楼黎讲算很好,烧鹅皮脆肉嫩,但唔系成日有得食,鸡肉嫩滑,至于烧肉,皮好脆带少少㶶面(老板会刮走)不过可惜太咸,仲有排骨饭一流(一盎),值得一试,至于其他点心份量底食夹大件,(唔知点解无虾饺),但系有而家好少茶楼可以食到既鹌鹑烧买,平衡每人$4-50蚊已经好够饱,(3-4人计算,连烧味),顺带一提夜市就算楼下无位,都千万唔好上楼上,楼上系专供江湖人物享用,老板亦都唔俾上,不过幸好既系咁多年都无事发生过,可以放心
继续阅读