德華茶餐廳 (已結業)

荃灣德華茶餐廳！真係超級嘔心！食物衛生十個差評！！！👎🏻屋企人嗌杯咖啡飲飲下突然發現有野係口都發覺唔妥！發現係隻超大烏蠅🪰！！！🤢🤮🤮🤮🤮沖咖啡時咁大隻烏蠅見唔到？！！🥵🤯即刻連食落肚的米粉都嘔返出黎！越霖越嘔心！！！🤢咁既食物衛生真係幾好食都冇用！！沒有最差，只有更差！😱😱😱🤮🤮🤮係佢有生之年，唔洗指意會再踏入佢門口半步，寧願餓死，都唔想屙死！去食嘅你，祝君好運。

平時去開旁邊嘅茶餐廳,但因為油煙太勁,今日見呢度冇乜人就過嚟.我點豉汁蒸鯇魚做午餐 ，男朋友來到的時候吃了少許， 發現很不錯，多點一個。。。魚蒸得剛好，很滑， 熱辣辣什麼都好吃。檸茶，茶底也不錯，濃濃的

有日行過德華公園行到餓餓地見到呢間德華茶餐廳，門口裝修都幾光猛，所以就入去坐低食啲野飲杯茶。諗住坐卡位舒服啲啦點知啲卡位好鬼窄，我呢啲肥人坐得辛苦少少囉叫左個生炒牛肉飯，有老火湯有杯凍檸茶，多謝52蚊，呢個世代咁既價錢咁既份量仲有湯飲，真係算係咁！個生炒牛飯夠曬獲氣，啲老火湯又足料，應該會再有下次啦算係幾有驚喜既茶餐廳，下次再食過！Btw佢地啲lunch餐牌好似日日轉，都係50蚊咁上下，都應該值得一試！

話說今日去荃灣德華餐廳食嘢，咁我叫左一個焗飯加杯凍檸茶小冰，咁杯嘢飲嚟到嘅時候我發覺杯野飲好似少咗大約三至四淡咁，咁我就同侍應講，唔好意思啊，我個杯凍檸茶好似食咗幾啖咁嘅？然後個侍應回應我，少冰嘅份量就係咁樣架啦！我就再同佢講返我話我有俾錢喎！你唔係俾啲咁嘅份量我喎！跟住佢再回應我唔好意思公司規定小冰係咁嘅份量！然後我再回應佢咁如果我唔係走冰你係唔係會比半杯我？佢話係呀如果你走冰話得半杯分量咖渣！真心勸大家唔好再嚟呢間餐廳幫襯

糾結的關係, 換來一堆負面情緒. 苦榮知道, 不可以隨便向別人放負, 朋友也不行, 因為每個人每天都很辛苦, 只是不是每個人都會說出口.一個人上茶餐室吧, 這是麻甩佬減壓的最好方法, 不一定要點豆腐火腩飯, 椒鹽豬扒亦得.眼前的椒鹽豬扒飯, 有紅椒有蔥蒜, 但細味之下, 發覺不是想像中好, 不夠香口惹味, 薄身豬扒也太瘦.喝一口凍齋啡, 眉頭一皺, 只怪自己忘了叫走甜.這刻的苦榮, 仍抱有一線希望, 還可裝作笑面迎人.  

店名：德華茶餐廳地點：荃灣德華街10號地舖G/F, 10 Tak Wah Street, Tsuen Wan，電話：6999 0003(1)     焗白汁海鮮意大利粉；(2)； 焗雞扒意粉每客售價：四十八元。食物的整體評價：(甲)   味道/烹調：Ø  焗白汁海鮮飯︰沒有假蟹柳，選用頗多魷魚圈、蝦和青口，而且很新鮮，焗得很乾身；焗雞扒意粉的雞肉肥美，汁可口，西蘭花軟身，整體來說，水準以上。(乙)  種類方面：可供選擇的食品算多，除了焗飯和意粉外，還有各式湯飯和是日晚餐。環境：裝修普通。服 務：合格。衛生：可以。抵食：一般。

那日去到荃灣呢間茶記食午餐，一入到去，又係要搭枱，本身間茶記已夠細，午市多人正常呀，單位已細就唔好比咁多人入來啦…人來人往，撞到人食都食唔安樂。只好將剛來到的餐品，叫侍應打包外賣算了，下次都唔好去了，太可怕，食物又唔好食，湯一點味道都無，唉～有點兒睇唔過眼先打字上來。

4人同行一位食素。叫左三個餸四個人食唔太夠飽。粟米魚柳的魚柳炸得太過火，太硬，連粟米羹都完全無法軟化過厚的脆漿。中廚煮到咁有點失水準。西芹雞柳的西芹有部分太老打渣。味道ok. 素食朋友點的蒜蓉蒸茄子粉絲，浸住好多豉油，粉絲一部分好喊一部分無味。本身煮的過程無用心調味，只靠豉油。無heart之作。總結：出菜快，餸量不算多，店員爽快好相與，但個別餸失準。

原本今晚到銅鑼灣吃飯的，可是臨床取消了，加上還是未回家，故選擇在荃灣吃個晚飯才回家吧。德華茶餐廳是最後選擇，也不多想，於是跳了入去，食個晚飯。在茶餐廳食飯，總會離不開早午晚下午茶餐特餐常餐的， 不過有時候在茶餐廳食晚飯，總希望吃到的，是小菜類型的晚飯。就像今晚點來的時菜豆腐內片飯，是一個小菜形式的晚飯，當中有白菜及豆腐，加上肉片一起來炒，芡汁當然會有的，是一個典型的小炒。豆腐是滑為主的，這豆腐也有其滑的感覺，肉片不靱吧。雖然味道與其他茶記沒有太大分別，但是卻又有其應有的水準。例湯雖然不是在下喜愛的，但是間中喝一碗也不無妨。例湯如果有多一點湯料的話，其實在下可以對例湯改觀一下吧。縱使晚上不太多喝奶茶，但是今晚卻一於少理，喝了才算吧。況且可以遲一點才睡覺吧。雖然用餐地點不同，但是都只是食番餐飯而言，沒有太大分別。

一向好少覺得食物會難食！頂多唔好食！但直至今次真係嬲到我要寫出黎先掂！同個同事食晏，是但入左哩間野！坐低叫人落單好似乞食咁！啲伙記係咁話一陣先一陣先！埋到黎落單又好似掙佢錢咁黑口黑面，極度無禮貌！趕時間求求其其叫左碟茄子肉碎飯凍奶茶，我同事就叫左個乾炒牛河凍奶茶，諗住穩陣啦！兩杯凍奶茶黎到！水還水茶還茶，奶還奶...睇見都唔開胃！都唔知飲好唔飲好！唔知拎黎前擺左幾耐！叫佢換過杯！佢竟然反問我杯野有何問題！算！反正再換我都覺得一樣！我費事飲屙！到碟飯同碟河黎，講碟飯先，對佢都無咩期望，純為飽肚，但係，點解一碟咁普通既茄子肉碎飯.可以係用難食到一個點！個茄子，我到宜家都覺得係白烚爛菜，個肉碎，好似上一碟食剩咁得幾粒洗碗洗剩左.. 夾下同事碟牛河...今次同我碟飯相反，又咸又油。想解咸之製杯奶茶又唔敢飲！一肚氣埋單即走，發現對鞋掂地痴痴淋淋，一望個地！廿年無清潔咁款..。粗口已講。總結： 難食！污糟！無禮貌！無下次。完！

一星期起碼五餐，茶餐廳，早已成為筆者生活的一部份。荃灣又有新茶記，是頂手的，我又可以試新嘢。例湯大概是茶記必備的東西，但水準實在太參差，有些仍是停留在例水的水平。個人對茶餐廳的湯水，沒太高期望，足料故然好，否則，只要味不要太淡，或者太過味精，我都可以接受。熱度夠，當然有得加分。只隨意在ABCD餐中，選了客干炒雞絲意粉。鑊氣未算勁，還幸雞絲份量不少，再混入爽口既芽菜，收貨既。反而杯凍奶茶，茶味嚴重不足，似杯奶水。