御 ‧ 家上海

未写过食评但都要写一次。今日打风，你系做唔到现场买外卖嘅就唔好接啦。佢话等半个钟，我30分钟后到，再一直等，见佢keep住出外卖平台嘅外卖，出到去E53，我张E39都未出，一个现场买嘅外卖单都冇出过。全部都系有张外卖平台单跟住。你同外卖平台有service pledge系你嘅事，但系你如果唔可以公平出餐嘅话咁你就直接话柜台外卖唔俾落单啦。佢话佢系一齐炒㖞，keep住有客入有客出有外卖平台自取单拎走，就系一张柜台买嘅外卖都冇出过。系我前面买外卖果个客人一样都系拎唔到。一句讲晒，钱就收咗，你咪慢慢等啰。仲有，柜台呀姐态度劲差，我买果阵讲明要「午市限定套餐」，佢听唔明，我话有酸辣汤果个set，佢话「哦～！即系特别餐！你话特别餐呀嘛小姐」大佬我跟你个menu讲又唔岩，咩野系特别餐？边度写住系特别餐？总次佢打风觉得你地有得买野食就系恩赐你地，经理同staff都觉得自己高高在上咁。唔讲以为唔洗俾钱。最后update, 12:56买，1:59终于拎到…查看更多

有水准上海菜-御 ‧ 家上海见呢间晚市都几多人，就谂住嚟试下，坐低咗之后，店员话今日做紧推广，试食鲍鱼😂味道都唔错！几款小菜都好出色，臭豆腐细细件好惹味、小笼包够晒皮薄、葱油饼唔错几好食😀好香脆，可惜甜品豆腐花唔好食，唔够滑同埋唔知点解唔系白色(印象中冇写黑豆)，仲要吹咗几次都未嚟，最后等咗成20分钟先到🫣Overall 都唔错，系最后甜品等咗好耐，如果想食就要早d order 定啦…查看更多

今日黄昏一个人嚟到THE LOHAS商场嘅「御・家上海」享受一顿静静地嘅晚餐。虽然系独自前来，但反而多咗一份自在同安静，感觉写意。先来一碗「上海酸辣汤」，酸辣平衡得宜，唔会过酸或过辣，内里配料充足，暖胃又开胃。主菜选咗「鹅松凤梨鱼柳」，鱼柳炸得香脆不油腻，凤梨嘅甜味配搭鹅松非常夹，成道菜带少少南洋风味，意外地讨好。再加一份「卤心烟蛋」，两只切开上枱，卤得入味，蛋黄呈半溶状态，口感非常满足。餐厅环境高雅、整洁，座位舒适，侍应有礼，服务亦到位。即使一个人用餐，亦不觉孤单，反而享受其中的宁静与自在。总结：呢顿饭价钱虽不便宜（约 $232），但食物质素高，加上气氛悠闲，对于偶尔想静静咁犒赏自己，实在系不错嘅选择。一个人食饭，都可以过得好好。💛🍽️…查看更多

太离谱，间餐厅之前都食过，谂住集团式应该都正正常常，点知今次叫呢一碟$98嘅荔枝凤梨鱼柳，细碟到好似前菜咁，或者形容为人地食剩嘅贴似啲，隔离枱叫嘅前菜都大碟过呢碟鱼柳，鱼得𠮶几旧，仲要劲细旧，又唔系特别好食，啲鱼肉好干又鞋，荔枝就得两粒，性价比极低！个炒饭就正常，但系叫得「人气 招牌十景扬州炒饭」，食落其实冇咩特别，冇咩料，饭就好多…PS：唔知系咪因为有$300减$100 coupon，所以质素直线下降。…查看更多

嘢食OK但价钱真系偏贵！点咗小笼包同红烧肉，小笼包皮薄汁多，咬落好鲜；红烧肉肥瘦啱啱好，甜甜地几惹味。不过一份菜贵过百蚊，食完有啲肉痛。环境雅致，服务都细心，适合请客或者特别日子嚟。想试正宗上海菜OK啦，但平民食饭就可能要谂谂！…查看更多