Venus 寿晨，饭局决定系花胶大王设宴，一行八细一大开饭 ~花胶专门店，除花胶外，仲有好多贵价食材，鲍参翅肚、燕窝唔少得，仲有好多其他野，真系要黎好多次先试得晒啲野 ~ 食物质数好满意，但服务真系要积极改进喇，召呼真的不周，亦未算殷勤，无人换碟，无人加水 ~ 环境尚可接受啦，一般饭店格局，仲有电视睇添 ~花胶之扒王，茨汁中有大量洋葱及韮王，因花胶本身无味，要用上汤慢慢煨及较浓味既茨汁先会好味。花胶又厚又大块，口感咽靭又胶口，好正 ﹗花胶汤，好清甜既花胶汤，真材实料既炖汤，好好味。但只有约十二碗，唔够每人两碗呢 ~炸黄金虾，坊间好多食肆都会连壳一齐做，但我觉得剥左壳会更入味更好食又更方便。鲜虾牢牢地黏上咸蛋黄蛋浆，炸得非常香口，咸蛋既咸香配合虾既鲜味，加埋弹牙口感，真系齿夹留香，必食之选 ﹗上汤瑶柱鸡，简单既一道菜，但非常好味。菜芯超新鲜嫰口，由头到尾，整棵都无渣，叶软腍、茎爽口。鸡肉嫰滑入味，瑶柱味香浓，且有肉汁，皮薄滑溜，好 FIT 唔肥，劲好食 ﹗蚝油扣生菜鹅掌鲍鱼，首个目标鲍鱼，成旧放入口，咬落口感非常腍滑，味道比我一向食既鲍鱼更有海鲜味道。汁浓入味，生菜、鹅掌、鲍鱼全部都煮理得好好，好满意。如果鹅掌可以再腍耐啲，腍到起胶，我更喜欢。金银蒜蒸龙趸头腩，超香浓深海鱼味，巨形深水石斑即龙趸。龙趸皮又胶又腍又软，鱼腩口感实净啖啖肉，两者都食完再想食。用金银蒜清蒸再加淡豉油，又香又甜。鲍鱼粒炒饭，劲多生葱食唔到，试左几啖，但发现唔到有鲍鱼粒，只系食到啲蜜糖豆，但我朋友食得较多，话食到有鲍鱼粒及花胶粒。炒饭味道麻麻，豉油味好重，口感太湿，唔够干爽。干烧伊面，好好味 ﹗伊面烚得恰到好处，不太腍又不太硬，咽靭口感系最正。老抽同豉油比例非常好，炒得好均匀，色香味都有。配料有什菌什菇，新鲜好味，水份充足。炒得热滕滕，连食几碗 ﹗花胶冻，味道似桂花糕，但更清甜，清香味道，比唔喜欢食甜野既我，好适合。而且好似意大利冻汤咁，一放落口便即时变回液态，即系由花胶冻变回花胶汤。唔系每碗都落料平均，有啲有杞子、龙眼肉、花胶碎，有啲又无啰。无意地匙羹系甜品上印左个心形图案呢，当堂 sweet 晒 ﹗…查看更多
3. 皇帝骨 $78, 味道算不错 
三人吃了 $470, 不值
