御滿屋日本料理

营业中

休息中

今晚想早小小吃晚飯，又想食日式， 又想放題， 朋友推介呢間。 6點多去到也要等一會才有位，兩個人安排四人枱給我們我，坐得舒服。7點幾已全埸爆滿食物方面，有小食，壽司，軍艦，沙律，手卷，燒物，天婦羅，刺身,鍋物， 蟹粥等等，連甜品都有好多選擇，每位更送一杯haagen dazs飲品有各式汽水， 啤酒，日本茶，梅酒，清酒等等。各式各樣食品任叫任食，上菜又快，服務員態度也友善有禮，200幾元食到飽到上心口，極超值，值得一去。

月頭啦,唉每到呢個時候,就好佩服自己可以ㄧ個月準時乖乖番工,而咁乖, 出糧梗係要好好,獎勵自己,本身無咩嗜好,所以我就揀好好食番餐作奬勵,有甘既成就,就唔係我ㄧ個可做到既,所以 我搵埋ㄧ班功臣,就係每日都叫我起身嘅屋企人一齊去食😏放題有好多今次就揀左間價位環境中上既,泥到餐牌分類得好好,點餐亦好方便,自取吧亦衛生,種類亦很多。他們亦有設有梅酒自助區,十分特別。相比其他放題店, 上菜準確亦很快速, 以食物方面,每ㄧ客亦小小的,減少浪費,他們定的特飲同羊架牛肉粒,都好值得推介, 材料好新鮮, 亦好有特色。 最後亦有 貴價雪糕可供選擇, 為今次嘅獎勵晚餐作一個完美嘅句號.

為咗慶祝朋友生日，我哋一行四人去左旺角御滿屋食日本放題！Menu都有幾多嘢食架，生嘅有壽司、手卷、刺身，刺身都有好多款，有我最愛嘅帶子同唔同款嘅蝦，連泰式生蝦都有！熟食都有唔少～仲有唔少嘅飲品選擇！先嚟嘅係刺身拼盤，大赤蝦好爽口又好鮮甜！北寄貝都好新鮮好爽口。帶子刺身夠晒厚身又甜！壽司方面，壽司每件都唔算好大舊 (一口size)，食咗都唔會好頂胃。雖然係細細舊，但係啲配料都幾好食，我最鍾意嘅係左口魚壽司，火炙左少少個邊位，令到邊更脆口，加埋葱一齊食仲好香口添！黑松露赤蝦壽司都好味，黑松露味好出， 赤蝦好爽口鮮甜！火炙三文魚燒左之後好香三文魚油味，鰻魚壽司嘅鰻魚亦都夠晒足料！呢度嘅放題夠晒多款式，竟然仲有一鍋蟹粥食！蟹粥粥底煲到好棉，亦都係熱辣辣嘅！蟹味都好濃！黃金芝士帆立貝，雖然帆立貝係細粒咗啲，但係啲芝士好濃郁！蒲燒鰻魚都燒到外皮好脆，肉亦都有鰻魚汁嘅味，好入味！甜品仲可以每人揀一款特選雪糕，我就揀咗movenpick 雲呢拿味雪糕，出面賣幾十蚊一杯架！除咗雪糕，呢度有個甜品櫃仲有其他唔同嘅甜品，例如有細杯的朱古力慕絲，質素都幾好，有好重朱古力味，慕絲夠滑！而另外我地仲叫左朱古力窩夫

肥氏二人組今晚又出動，到旺角大擦放題！見Openrice好評如潮，所以訂位前都有啲期望😎來到餐廳見有好多款食物，都花多眼亂！餐廳限時2小時任飲任食，如果上菜速度正常，2小時係絕對夠😁先到飲品櫃，見好多不同款式飲品，有好多款適合我倆👍竟然仲有清酒、梅酒任飲😱雖然我倆都不好酒，但都飲了一小杯梅酒助慶一番🤣我倆都點左多款刺身、壽司，全部份量細細，方便大家多點幾款😉刺身同壽司都好新鮮，尤其海膽要稱讚🎉👍因為好多其他日式餐廳的海膽會有難食的味道😰熟食亦有很多款式，竟然連蟹都有得食😱👍將最喜歡食的都點過一遍，燒菠蘿多汁清甜，牛舌爽口彈牙、炒蜆豐富的配料令蜆非常入味惹味，燒鰻魚醬汁配搭非常好吃，黃金芝士帆立貝的醬汁調教出色，羊架不會過羶但味道很香☺️當然不會錯過貓山皇榴槤炸彈，味道香甜，熱辣辣！我倆點了兩遍🤣另外我覺得一口芝士非常香濃，我的他又稱炸芝心香芋丸非常特別、好味😋食過上面提及的所有食物，已差不多全飽！但怎能錯過甜品呢！我覺得糯米磁的兩款最好味，煙韌、香甜但又不會過甜👏有數款雪米磁及雪條任君選擇，但已非常飽，所以只點了餐廳限每人一杯的雪糕，我點了Haagendazs的焦糖脆餅味雪糕，他又點了榴

大好假期當然要密密食，唔係點對得住努力工作左5日既自己晏就同fd唱完k 就直落食放題呢間都係朋友揀，話質素幾穩定先來點點刺身大赤蝦，三文魚蝦爽身，三文魚亦算鮮美虎蝦，南瓜，蟹棒，雜菜餅天婦羅虎蝦大隻，南瓜夠甜，蟹棒鮮甜，但最重要既係粉漿夠薄，很脆口西京比目魚估唔到連貴價比目魚都有，味道同日式店舖一模一樣，滑嫩魚肉配上甜甜醬汁，回味無窮接著仲有燒青花魚，用鹽調味加上檸檬汁就帶出魚肉鮮味燒有機菠蘿加熱後的菠蘿超級甜，也很多汁芝麻雞翼皮脆肉嫩，特別之處係胡椒味較重榴槤炸彈，紫芋丸兩款放題必吃既炸丸，又脆又軟糯又多涵料榴槤涵料味道超天然，仲有果肉絲，榴槤迷必食拎飲品既時候，估唔到已經有酒類既選擇有啤酒同埋梅酒係前菜隔離都有熟食提供有章魚小丸子、單骨雞翼仲有朱古力噴泉，岩哂小朋友因為太飽既緣故，無試到甜品，留肚食每人一杯既精選雪糕有D牌同H牌揀，係個好重點既加分環節H牌仲有最新花香味既選擇，食埋就真係心滿意足

今晚去食放題，第一間就諗起御滿屋，食過咁多間佢都算係最多選擇同埋最高質素既放題，飲品、熟食、壽司同刺身有好多款選擇，樣樣都好好味，有時大家諗吾到食咩食放題就最好，因為咩都有得食😝

好耐無寫食評啦今日Lunch hour 又去挑戰日式放題呢間御譽滿屋日本料理位於彌敦道655號胡社生行1樓，朗豪坊附近，地點就腳裝修係一般放題料理店嘅格局～魚生種類都算齊全個人比較鍾意三文魚同甜蝦，幾鮮甜吞拿魚都唔錯泰國生蝦就一般水準，可以留肚食其他種類魚生🙈🙈🙈燒菠蘿正正 天婦羅炸蝦 🍤新鮮炸好 幾脆 口感唔錯👍👍👍燒肉Juicy 加少少檸檬汁更加惹味食完想encore人老左要食番少少熱食先得🙈🙈呢碗叉燒拉麵 一d都唔Hea 值得一讚😉最後點少得甜品 Haagen Dazs 最愛有餅碎嘅雪糕Lunch約200蚊1個人，係唔錯嘅選擇

肥雞除咗鍾意食炸雞外都好鍾意同朋友去食日本放題㗎經朋友介紹去咗旺角呢一間禦滿屋日式放題 二百零蚊一位咪試下囉 啲食物真係幾高水準 刺身好新鮮啲壽司飯好細嚿 唔會食飽你 仲有佢有厚燒鰻魚 蟹海膽 帶子 等高級嘅食物 清酒任飲反而肥雞最鍾意飲佢嘅燉湯紅蘿蔔青蘿蔔湯好似肥雞媽咪煮咁樣 出面仲有啲冷盤畀你是啲凍蝦好新鮮肉質一啲都唔會 除咗壽司出色之外佢啲燒物亦都好好味 例如有羊架芝麻雞翼 牛舌 串燒 蟹粥 全部都好好味 仲要冇漏單 呢樣嘢真係非常之嘉賓 除咗自己整嘅甜品之外仲有haagen Dazs 呢個真係抵會本

夜晚約左中同係旺角食飯，一早鎖定左食放題，見呢間有優惠好似都ok咁就食佢。自助區冷盤選擇都算豐富。一開波我地都好有默契咁食刺身！刺身好鮮甜，帶子同大赤蝦不停encore!壽司都好多款揀，最特別係鵝肝伴帶子同蟹膏皇帝蟹腳壽司，好驚喜！火炙壽司都好出色，啲壽司飯細細舊，食多啲都唔怕飽肚。卷物都一堆正，炙燒芝士冇得輸！芝麻雞翼肉質幾嫩滑，貓山王榴槤炸彈啱曬好榴槤嘅我地！！黃金芝士帆立貝極級嘢味。蒲燒鰻魚燒得好香又冇咩細骨，幾肥美，唔錯。燒羊鞍一啲都唔蘇，我地都再叫多左轉。飲品除咗有特飲仲有罐裝飲品任飲！甜品都有好多款式選擇，仲有Haagen-Dazs食，不得了！幾飽都要食埋佢。呢餐放題水準都幾高，我地都食得好滿足！

今日約咗屋企人去旺角食任食放題，揀咗御滿屋貪佢一出旺角地鐵就到，又夠晒多款多嘢食。一入到去首先留意吓佢地自助吧先，自助吧已經有各款唔同嘅小食同埋前菜，仲有各款唔同嘅飲品，包括酒類飲品，例如梅酒添，非常不錯的，讃好！之後就畫放題紙了，淨係放題都有十幾張，差不多諗得出嘅日式料理都有，一於樣樣都叫啲啦。首先來到的係個個都叫既刺身拼盤，刺身全部新鮮厚切，款式又多，食得出係新鮮好嘢來的。之後就來了壽司同埋手卷，值得一提嘅係佢樣樣細細件，又唔會夾硬比晒D飯你。比你可以試多啲食多啲，正！然後就叫咗串燒同埋料理，喺日式放題店之中屬於中上級數，應是即叫即製的，好。另外，值得一提嘅係佢嘅甜品同埋飲品都好有特色㗎！款款要少少都很滿足了！最後佢仲送俾每一個客人一杯雪糕仲要係比知名牌子嘅雪糕客人揀嚟㗎，當然可以令到滿足的一餐畫上完美的句號啦！

一直都喜歡食放題，除了因為愛吃日本料理外，更是喜歡可以試多款食物的感覺。今天假日和家人一起到旺角食日式放題。入座後，我們先點幾款必食的刺身，包括三文魚、池魚、赤蝦、甜蝦等。刺身質素可以，當然不是最頂級的，但至少雪味不重。我們點了幾款壽司，味道也很不錯，特別是它們的火炙壽司：包括火炙和牛、蒜香牛油燒赤蝦、火炙香蔥三文魚腩、蒲燒鰻魚。這邊餐廳的燒牛舌、燒菠蘿也烤得很美味，絕對值得一試。最後每人可從幾款雪糕中選一種，Haagen-Dazs，Movenpick等，而我則選了Dreyer's 的 cream cheese tart，非常濃郁的忌廉芝士香味。

旺角好多放題可以揀，朋友最後決定揀咗御滿屋日本料理，因為佢位置超級方便，一出地鐵站門口就到，而且食物飲品選擇好多，可以任飲Hoegaarden，梅酒同清酒。一入門口就見到咁多野飲，真係哇咗一聲!叫咗兩round刺身，淨係蝦都有幾款，吞拿魚好鮮甜，必食!仲有幾款壽司🍣忌廉芝士鰻魚玉子燒，好好味！當然唔少得我好鍾意食嘅牛舌啦仲有燒鰻魚可以任食，個汁真係無得頂黃金芝士帆立貝，個汁一流，帆立貝又幾大隻最後竟然仲可以叫movenpick或者haagen dazs雪糕一杯，真係抵食

今日喺朗豪坊行完街朋友話想食放題，我就帶佢嚟依間 “御滿屋日本料理”...因為上年生日既時候朋友有戴過我黎呢間食過好好味，唔洗左搵右搵刺身和壽司既款式有好多選擇～野食未到既時候仲可以出去拎啲沙律、泰式鳯爪等等飲品也有很多款喔，又凍又有熱！愛酒人士注意喔⚠️有4款啤酒🍻簡之餘還有梅酒和清酒...有海膽手卷💗海膽新鮮，手卷細細的叫好多都唔怕會好飽飽~一口就可以ᴋᴏ了😆刺身好新鮮唔會凍冰冰有池魚王非常爽脆，魚片透明色澤潤..吞拿魚是特級的，粉紅色的肉質壽司的款式也有很多，飯的分量不多Nice食飽飽後有雪糕紙派，可以揀雪糕食喔

呢一晚老公黎旺角接我放工,原來佢想宵夜先黎接我我又費時返屋企煮,咁就行下搵下有咩食我就口響響話放題囉,點知佢認真左,就去食.旺角地鐵exit E 一出就係,超方便22:30上到去,得返好少客人,以為LAST ORDER左,店員話未! 23:15先 LAST ORDER我地一坐低就拿拿聲嗌哂D野食,無再加單.野食都上齊哂,好少放題會跟足ORDER上 !!個壽司飯幾好食,唔會太凍同硬炸物都係即炸,無油益味飲品有勁多選擇,唔只多,仲好貼心,凍既/無雪過既/熱既 都有! 而且仲要有酒飲!真係唔食黎飲野都抵

超多食品選擇的御滿屋日本料理放題一向是我的至愛，每月找一天去享受一下是基本吧，今月找了一間食物種類超多的日本料理放題和朋友一起去大快朵頤。到了餐廳，座位非常多，而且也很滿座，環境尚算寬敞。刺身油甘魚、三文魚、吞拿魚、海蝦、虎蝦、海螺、帶子，刺身選擇多，色澤光鮮，排碟美，令人很垂涎。海膽手卷海膽手卷很迷你，海膽新鮮，色澤光鮮。海膽拖羅蓉壽司此配搭很新鮮，拖羅蓉入口鮮味與整海膽很配。雪花牛肉鍋牛肉鍋湯底比較甜，是日式醬汁湯底，裏面有半熟雞蛋，整個鍋吃完很飽肚。禦品包燴花膠花膠大條，醬汁較濃，有中式味道。和風汁牛柳粒由日本和風汁煎煮，牛柳粒細件，不會很飽肚。日式炒蜆日式汁炒蜆，炒蜆帶點甜辣，有辣椒絲在裏面很惹味。牛油炒粟米粟米很入味，每口也吃出牛油香貓山王榴槤炸彈外層香脆、外面金黃色、內裏有榴槤蓉，很甜很香口。芝麻雞翼外皮是金黃色的，面布滿芝麻，雞翼炸得剛好而且外皮有些蜜糖很鬆脆很甜，很有肉汁。鹽燒牛舌牛舌燒得剛好鹽味都被烤入了牛舌，很入味而且很煙靭。鹽燒雞軟骨雞軟骨有鬆脆香口，有咬口還有燒菠蘿我們兩位大概吃了500多元，以此價錢吃這麼多款食物性價比很高吧，喜歡放題的我一定會再來的