御泰坊-泰越菜 (已結業)

與朋友共四人相約到amp飯聚~事前在openrice先搵下食乜，見到呢間有200幾個好評，於是就決定要來試下！6點幾就去到，唔使等位~坐得幾舒服，環境唔錯，座位亦算寬敞。大家都放工出來，已經非常肚餓，即刻睇menu睇下有咩食！見到有citibank優惠套餐，有二人餐和四人餐，但都唔太吸引，於是就決定睇主餐牌散叫！最後叫左6個菜﹕鮮菠蘿海鮮炒飯﹕原個菠蘿咁上枱，炒飯入面仲有好多鮮菠蘿肉粒，鮮甜略帶點酸，幾開胃。腰果和肉鬆鋪面，腰果香脆，肉鬆惹味~~飯粒炒得很乾身，味道出色~!citibank有優惠，原價$88，85折後約$66~超抵！馬拉盞通菜﹕一上枱已經聞到很香，食都好好味，吃上去有非常輕微的辣味，怕辣的人亦可以吃。通菜有別於平常街市買到的，這裡的比較細條，有d「碎濕濕」的感覺~~份量亦略嫌太少，一上枱的感覺就係﹕「e....咁細碟既」。泰式豬肉濕炒河﹕河粉睇落非常「油令令」，幸好食落唔覺太油膩。又確是名副其實的「濕炒」，非常多汁，吃下去的每一啖河粉都非常juicy~~正！嗜汁人士(我就係啦~!!)必食~配料有草菇、粟米芯、豬肉片和芥蘭，都算幾足料~鮮蝦金邊粉﹕用鮮蝦、銀芽作配料，用上

今朝睇咗觀塘一代有咩好野吃，男友話想吃泰國菜，所以就試下呢間喺搜索欄第一位的御泰坊~大概6點幾去到門口，見到好多人等緊位。可能今日喺父親節的關係，好多family嚟吃飯。反而兩個人的就唔多囖。所以等咗一個號就到我地嚕！坐低第一時間睇menu。其實去之前就做咗下research噶啦，好多人話豬頸肉正，所以決定要一份。男友叫咗香茅燒蟮，青咖喱豬頸肉同香辣炸雞。仲有一杯叫仲夏之夢嘅野飲。好快就上咗碟香茅燒蟮。因為肚餓的關係，連青檸汁都唔記得落就吃。不過真喺好有驚喜！好好味！D蟮好厚身，咬落好juicy同爽口！不過男友話略嫌淡咗少少。后嚟我發現咗果半個小青檸，淋翻D青檸汁上去再吃的感覺更加good！！！！吊翻D咸味出嚟，所以下次吃記得放青檸汁喇不過分量真喺唔多囖碟蟮，得8塊，所以好快就吃完。等咗一陣，第二碟菜嚟嚕，喺期待的炭燒豬頸肉！~賣相唔錯，分量的確都幾足。不過味道唔喺咁有驚喜。幾爽口。不過我同男友都覺得略嫌干身咗D，同埋瘦咗少少。醬汁都ok，不過我覺得如果酸翻少少tim會更加好。好快個服務員拿咗兩個白飯嚟。我地就吃住豬頸肉等其他送。可惜等到飯都凍曬都未見有其他菜上。過咗大概30分鐘，有個

晚上7點半放工, 同D同事去APM食飯.. 真係唔知食乜好, 結果大家就走咗去L4既御泰坊試下!上到去差唔多7點50分左右.. 已經見到好多人係門口等位..拎左飛都要等差唔多半個鐘先有位.. 其實比想像中快, 唔錯~入到去就快D睇下個MENU.. 叫左4碟食物:帶子三文魚他他米紙卷: 裝住D米紙卷個籃幾得意.. 入面有8件, 食落口凍凍地, 幾Fresh既感覺.. 炭燒豬頸肉: 好大碟豬頸肉, 燒得好香.. 配埋個Sauce簡直無得頂! 但個人略嫌D豬頸肉太多, 食到有D油利”..海鮮焗飯: 個飯滿到上個頂, 足料海鮮, 有椰香味, 簡得推介嘗試!咖哩焗雞: 又一碟名符其實既咖哩雞, 上檯時個口係被層皮封住, 職員會幫你剪開先再上檯! 咖哩味一般, 但勝在賣相搞鬼~ 入面D幾多雞, 唔算太辣~ 3個椰青, 同事們不停咁食內面D肉, 超級滿足!服務: 一流, 服務員加水快.. 值得一讚!4個人每人都係食左百二蚊.. 好抵好飽好滿足!

今日是星期六，客人多，我們3人約6:20 pm入座，員工說要8時前回枱，廚房起菜快，我們只用了50分鐘就結帳。我揀選一個2人套餐加一個越式蟹肉炒粉絲和越式燴牛尾。南瓜粟米湯 - 上枱前，員工姐姐提出將2碗湯分開3小碗給我們，謝謝她的細心，南瓜湯濃郁香甜，內有粒粒粟米2人拼盤 - 有香葉雞和魚餅各2件，香料味重，有2小碟酸甜汁跟以中和肉的濃味，拼盤上還有一碗柚子加菜沙律香橙大蝦 - 有4隻，橙味的汁帶酸，我用拼盤的汁點吃還好味馬拉盞炒椰菜- 輕微馬拉盞味，但油略多紅咖哩芋頭豬肉片 - 肉片只有3數片，芋頭切成小件，但不把緊，因咖哩汁是主角，用來拌飯吃，入口感覺咖哩內的椰汁很香越式燴牛尾 - 又是汁味重的菜，有少許似肉醬意粉的汁，牛尾稔之餘亦有咬口越式蟹肉炒粉絲 - 粉絲煙韌乾身，蟹肉不多，比起以上的食物，這碟粉絲較清淡了甜品是朱古力薄荷布丁 - 薄荷味蓋過朱古力味，清清口腔，減輕滿口濃郁氣味這個2人套餐如果用citibank卡結帳，可減$200，可惜我們3人都沒有。久不久來吃飯都有新鮮感，因他們不時會有新套餐推出。

（第一次寫食評）一行四人去咗觀塘apm御泰坊食野8:00pm就去到apmbook唔到位, 又要等位啦!!! 超多人囉等咗大半個鐘終於有位~~因為有位朋友未到~~我地傾住計先啦, 傾傾下有位女侍應拎住個箱走埋嚟問我地身份證號碼裡面有無5字, 可以抽個波佢話我地抽中咗個大獎喎-明爐烏頭（真係好驚喜囉）佢話要消費滿200蚊, 呢條魚就真係免費喎 (不過我地四個人, 叫幾碟野都過200啦) X.O. 醬炒芥蘭 (無咩特別, 幾好味, 但友人就話好咸)要讚讚, 如其他食家話齋, 侍應真係好有禮貌叫佢地幫我地影大合照, 影到我地滿意為止~~最後埋單四百幾蚊! 算係抵食!

第一次食宵夜第一個月之前既事宵夜全部半價好抵食!!越泰野喱間真係算好味**Menu有一半都試曬=]沙津、炒飯、撈濛、蒜蓉包、粉卷、飲品都中上成績冇樣野值得彈總之宵夜去真係好抵!~要試arrr=]

依間見食評唔錯~所以去試下個下午茶~依日2口子..一人叫一個下午茶餐.."越南香茅豬扒湯檬" - 豬扒都幾鬆..醃得夠入味~炸得幾香口"紅咖喱豬頸肉配薄餅" - 咖喱色幾靚~但味道欠少少香~豬頸肉份量好少~肉質比較乾薄餅無拍鬆但勝在煎得夠脆..如果唔係口感會好笠飲品都無特別可言! 食店環保幾ok..服務一般..食物就唔算特別吸引~只係不過不失呢(更多相片- http://hk.myblog.yahoo.com/yanomi_chung/article?mid=77072)

相信只要是知己，雖然不常相聚，仍有無盡的話題。因為你的職業，鮮會逗留在港，生了寶寶以後，我倆見面的次數更少。今天有機會一聚，當然要找個舒適的地方談談近況。選了御泰坊，訂座時表示想坐卡位，結果也如願以償。見餐牌上的咖喱雞造型可愛，原本想叫一客，可惜今天沒有供應。那便點其他菜式：大蝦柚子沙律酸酸甜甜，很醒胃 蝦的size夠份量，彈牙咖喱牛筋腩十分香濃，對我來說有點辣。筋腩很腍，美味泰式菠蘿飯外型吸引，內有腰果、菠蘿和肉鬆，略嫌份量不足清炒什菜，蔬菜種類比坊間多，可能口腔已充滿濃味的食物，覺得這碟太清這晚吃得很豐富，也談得很愉快。期待著我們下次的聚會。

去apm買開嘢，想食泰國菜，咪在此幫襯囉，食過後，覺得味道同價錢都冇九龍城好食同抵食，所以試過一次就夠了。今次叫咗個二人套餐,加個炒飯,兩個大人加個小朋友食完都唔飽,份量少,又唔平,真唔抵.豬肉米紙卷,芝心蝦丸,雞亦味道ok,其中豬肉米紙卷幾特別同好味.蒜蓉通菜好難食,超咸.紫菜肉碎豆腐湯冇乜特別,我諗落咗味精,所以飲完好口喝.咖喱雞少少辣,味道一般,啲雞尚算滑,不過講到好食金寶好過佢.鮮菠籮雞柳炒飯味道麻麻,冇乜雞柳,有啲揾笨.薄餅幾脆身同鬆化,味道尚可.紫米椰汁糕好難食,勁甜.

辛辣的食品是自己及身邊不少朋友的至愛，所以除了早前介紹過的水煮魚之外（http://www.openrice.com/restaurant/commentdetail.htm?commentid=2153657），這間泰式餐廳也是其中必到的熱點之一。第一的最愛當然就是泰式鳳爪沙津，它與同一集團的另一餐廳都有同一個情況，就是辣的程度每次都有分別。今次算是初級組，每人都吃得很開心。第二位便是豬頸肉。肥瘦勻稱之餘又有嚼勁之餘，但又絶不會韌。跟著便是咖喱了。每次都會選上大蝦的，因為價錢比較合理之餘大蝦的味道也不錯。當然，這味菜的主角其實是咖喱。而每一次都一定要與薄餅配合的。咖喱味不會過辣之餘，配上脆薄餅更是柔中帶脆，咖喱味與牛油味的配合真是滋味難擋。然後便到牛尾。濃濃的醬汁與牛尾一起放進口中，牛尾不但有嚼勁，其滋味更是久久不散。然而今次略嫌咸了少許。咸魚炒通菜也是我們當選的菜式之一。不需多講，就是喜愛咸魚和通菜這個組合。最後少不了的當然還有飯麵。最愛的是蟹肉粉絲，炒得乾身之餘又保持到柔軟。而這次的金邊粉及波羅炒飯就頗為濕身了少許，未算合格。

看過黑天鵝後尋宵夜~其實如果不是有宵夜特價應該都會進來這店子..因為正價實在太貴了..而且吃過這餐後應覺質素只是麻麻性價比不合呢..至於930後的特價時段都可以吃的~吃了7味菜約150元而已但是服務真是麻麻...至於得獎店嗎...?我覺得不太值得味道很普通..正價亦太貴..份量亦少(當然不知正價是否會大份點)是晚吃了七味菜生牛肉湯河來到的時候牛肉基本上已經熟了九成而且湯也不夠熱札肉雞翼撈檬普通撈檬..軟殼蟹蘋果沙律只有半隻蟹..而且不是新鮮炸的可能沙律就是要這樣吧烤牛肉米紙卷其實我不知道米紙卷是什麼..但吃完後很失望...而且大小&樣貌跟餐牌的樣子差好遠啊...蒜蓉包這個幾好吃..因為是用法包的10元小食頗好甘蔗蝦撈檬這個是全晚最好吃的..很熱的而且只是20元還配檬粉~實在不錯椰汁西米糕甜品~沒什麼特別但是那些葉是用膠紙痴的..ORZ有些膠紙還痴了上糕上面..

論環境,價位,大夥人聚餐是OK,但見其他2人細枱真的好細吓,不夠放食物....服務一般啦...不會主動加水,收碟論食物質素,樣子可以但味道真的好一般,可以說是平均水準以下,沒興趣翻食囉~燴牛尾- 算是最好味的一道菜, 不差於西餐做的, 入味,林滑,D汁都OK燒鱔- 正常OK茄子-正常OK鳯爪- 一般, 墊底的配菜超多...我係咁食配菜,食極都仲有...因得我一個食配菜..HAHA~粉包- 唔記得全名係咩粉包...味道是淡淡的...沒法令人記起它..豬頸肉& 雞- 一般,豬冇豬味,雞冇雞味, 總是無法令人回味...春卷- 一般之下, 外面硬實,裡面林,要做到咁都唔容易...HAHA....任何一間越南餐廳做此菜都比它好, 失敗....正常不是應該鬆化的嗎!!!菠蘿炒反- 飯淡而無味,一D波羅香味都無.....最過份係D飯竟然係濕漉漉.....; (虾炒金邊粉- 淡淡的, 冇鑊氣....我唸在很多FOOD COURT食的都比它好好多食到最後,連我原先想叫我的最愛甜品芒果黑X米之食慾都打消了....P.S....食完呢歺後,好快超口渴,唔通下了許多味精??!!....但明明大部份菜都淡淡的.

東亞信用咭推出5折品嚐景樂集團美食優惠, 御泰坊是其中一間, 於是我便急不待的跟友人來嚐嚐, 抵嘛...7:30 pm 到達, 可能還早, 不用等位, 長驅直進!! 不用多想, 即order了半價二人餐, 內容如下:泰越拼盤蒜茸越南牛油雞翼 (2件) - 4/5蝦膠肉碎腐皮卷 (2件) - 3/5蟹籽扎肉米紙卷 (2件) - 3/5湯南瓜粟米湯 - 4/5主菜香茅檸檬葉炒大蝦 (4隻) -5/5 (嗜辣者必試!!)黃咖喱魚柳 - 5/5蒜茸炒什菜 - 3/5白飯 (兩碗)甜品泰式甜品 (2件) - 4/5當日的甜品是椰汁大菜糕, 正好舒緩主菜(辛辣食物)對味蕾的剌激!! 這二人餐確實安排周到! 對於套餐中的食物整體評分都十分高, 雖然香茅檸檬葉炒大蝦和黃咖喱魚柳都較辣, 但還是忍不住一邊食, 一邊大口喝水 原價為$396的二人餐, 拆扣後只須$198 (當然加一以正價計), 最後約$250埋單! 加上餐廳的氣氛不俗, 服務一流 (上菜快, 加水快, 埋單快, 而且有禮貌), 實在值得推介!!一個字: 抵!!

本人每月有數次都會來這間餐廳,因是包伙食關係，所以會由公司所選擇的6-7間餐廳隨意來決定當天去那裏。在這兩年間，這間餐廳水準的確每況愈下，我不清楚晚市的水準會不會好些，畢竟我也只有在午市才會來。首先食物方面，依這個價錢來說，是不算合格的，樓上樓下同價錢的有比他們更好的食肆還在，記得我以前常吃的魚塊，以前做得是不錯的，但現在的變得不脆了；另外豬排也偏肥及油膩；撈檬也不及外面的好吃，太多蘿蔔絲及瓜絲，粉好像佔一半也沒有，但甜品水準是不錯的，尤其椰汁西米糕及椰汁千層糕，是本人所推介。總括來說，這間餐廳在本人心中只屬於中下級水準。

和同事一行三人往午餐, 三人點了 : - 燒牛肉青木瓜沙律 - 泰式沙律汁調得不錯, 酸酸甜甜夠醒胃 但木瓜沙律配燒牛肉有點怪, 配泰國咸蟹仔比較正宗吧 ! 炭燒豬頸肉 - 無咩味道兼好乾, 唔得海南雞半隻 - 這半隻雞要 $108, 但我從未食過咁差的海南雞, 冰鮮雞我預咗, 但為何全無味道之餘雞肉竟可以係霉的香芒軟殼蟹米紙巻 - 賣相靚, 但味道比較淡酸辣鳯爪 - 夠哂辣, 合我口味 炸蝦餅 - 夠香熱夾彈牙 , 不錯還點了 2 杯香芒樂園和夕陽醉了, 每杯 $34 比較貴其實此店的泰菜真係麻麻地, 賣相靚不代表好味道, 有點失望