御品·千之味 (Eastmark)

营业中

休息中

拉麵唔止有過江龍，仲有本地品牌加入戰團！九龍灣我就比較少去，不過朋友就話公司附近，有間午市人龍店，想帶我去試吓！朋友就話佢哋最抵食就係「櫻花蝦叉燒拉麵」幾乎晏晝係枱枱都會叫 。$68仲有新店優惠$58就食到，+$1仲可以食埋「焦糖鵝肝壽司」「櫻花蝦叉燒拉麵」 湯底就啱返香港人嘅口味，湯底比較濃稠、面身比較粗、而且完全唔手軟俾咗好多櫻花蝦！🦐「焦糖鵝肝壽司」本身正價要$28，雖然依家只係+$1，鵝肝都唔會話細細件，呢單嘢真係蝕住咗俾你！😆知道佢哋嘅刺身特別出色，Order埋「特上刺身拼盤」有三文魚、間八魚、帶子、赤蝦、北寄貝（各2件），我哋兩個人食就啱啱好啦，一人可以一件🤞🏻其中我哋特別鍾意食佢哋嘅「帶子刺身」，帶子冇腥味，而且非常厚身，真係要order多六件先得😙「日式什錦燒餅」、「芝士蟹柳玉子燒」 兩樣都係經典嘅日式食物，食物份量非常足，兩個人食就差唔多捧住個肚走🤰🏻下次都係唔好太貪心🙈✦ 櫻花蝦叉燒拉麵 $68 → $58任何拉麵每碗+$1 焦糖鵝肝壽司✦ 日式什錦燒餅 $48✦ 芝士蟹柳玉子燒 $68✦ 特上刺身拼盤 $148✦ 帶子刺身（6件） $68

千之味係港九新界有多間分店, 今日去開九龍灣, 一於試一試重新打造嘅 “千之味·居食屋”. 而家有優惠 - 惠顧任何一款拉麵, 可以$1換購焦糖鵝肝壽司1件（原價$28）, 每碗拉麵可以換購一次. 親身試左, 個焦糖鵝肝壽司係好食, 最驚喜係焦糖脆面, 燒得好脆, 再加埋鵝肝入口即化, +$1係超值!我地叫左:千之海鮮拉麵 湯底用左大量蝦頭蝦殼熬製, 味道濃郁, 唔會太鹹超多櫻花蝦, 帆立貝赤海老都好彈牙, 仲有我至愛嘅溏心蛋, 好豐富極上刺身拼盤賣相好精緻 - 海膽 + 三文魚腩 + 馬刀貝 + 牡丹蝦 + 魚籽三文魚怪爸爸話三文魚厚切, 花紋靚, 唔錯唔錯野菜牛肉鍋 日式壽喜燒醬油湯底 + 起足料牛肉片, 鍋內仲有大量蔬菜, 蔬菜沾滿壽喜汁, 好味道火灸壽司餐 + 三文魚海膽手卷三文魚腩 + 三文魚 + 熟蝦 + 帆立貝 + 鰻魚 + 皇帝蟹棒 + 左口魚 + 間八魚 + 蟹籽 + 吞拿魚沙律晚餐仲有和風沙律, 小食, 飲品, 性價比好高轉左新餐牌, 款式多左好多, 有齊刺身壽司軍艦 / 拉麵烏冬 / 鍋物 / 炸物 / 串燒等等… 總有食物啱你食, 同朋友一班人黎食仲可以叫多D食

千之味分店遍佈港九新界，最近九龍灣分店重新打造成「千之味·居食屋」，由即日起至3月31日推出新張優惠第一彈：$58一碗櫻花蝦叉燒拉麵，極之抵食，惠顧任何一款拉麵，可以$1換購焦糖鵝肝壽司1件（原價$28），每碗拉麵可以換購一次。轉了新餐牌後，款式更多元化，有齊拉麵烏冬、刺身壽司軍艦、鍋物、炸物、串燒、一品料理、沙律、小食等，定食和魚生飯套餐價錢同樣親民，CP值極高。千之海鮮拉麵 $88湯頭色澤紅潤，真材實料以大量蝦頭蝦殼熬製，撒上粒粒小巧玲瓏的櫻花蝦，配合原隻珍寶赤海老，令鮮味倍增，肥瘦相間的叉燒肉質軟嫩，帆立貝大粒肥厚，溏心蛋包裹著半熟晶瑩的流心蛋黃，粗麵質地爽彈帶咬口，掛湯力更強，盡吸濃郁湯底精華。鵝肝壽司 +$1換購價 （原價$28）鵝肝油脂豐腴，入口即化，散發濃濃的鵝油甘香，最驚喜的是其焦糖脆面，略帶微甜正好可以中和油膩感。三文魚籽軍艦 $28三文魚籽色澤晶瑩亮麗，粒粒脆感瞬間在嘴裡爆開鹹鮮滋味。火炙左口魚壽司 $14左口魚經微微炙燒後滲出魚油，飯粒握得緊密，軟硬適中，夾起來不易散開。火炙黑椒三文魚壽司 $11三文魚肥美甘香，經過炙燒處理，再灑上黑椒，特別香口惹味。野菜牛肉鍋

無嚟一段時間·人氣指標繼續上升🔝📔Menu內提升咗好多林林總總既食物推介刺身、定食、拉麵、丼等～食材新鮮，一啲都唔求其，性價比仲好高仲可以同朋友仔一齊飲番杯🥃🥢間八魚薄切刺身（10片）$78白肉透晶瑩，流露出幼滑細膩、嫩而不膩🐟極上刺身拼盤$218三文魚腩、海膽、牡丹蝦、魚籽、馬刀貝全新鮮鮮甜🤩三文魚厚片花紋極靚海膽大大舊濃味到核爆，魚籽色澤光鮮充滿魚油🍱迷你三文魚海膽定食$148五彩斑斕既擺盤睇到都興奮（小食、前菜、刺身、丼、火炙壽司及飲品）和風沙律及螺肉～清爽開胃，唤醒味蕾刺身～三文魚、北寄貝、馬刀貝迷你三文魚海膽丼～滿滿魚生粒蓋飯，淡淡滋味好幸福；火灸壽司5件（三文魚腩、三文魚、鰻魚、左口魚、熟蝦）微嫩焦香、暖笠笠，超值抵食🍜廣島蠔烏冬$88 溏心蛋半隻（+$5）🦪蠔身飽滿蠔味重配料糖心蛋、櫻花蝦、蔥花、筍及稻庭烏冬，湯頭用到大量既蝦頭蝦殼熬製🦐虾魂入湯，濃郁鮮甜🧊真澄梅酒$138/ 300ml 好重嘅梅味，口感輕快，入口甘怡兩個人飲啱啱好🥤烏龍茶$8/🍋‍🟩 青檸梳打🤩成為白金級會員，優惠更多全年飯局及party就有着落喇！

千之味•居食屋新裝修後，主打和食，我哋緊係要去試吓！首先推薦佢哋嘅濃蝦湯拉麵，用大量蝦頭煲成嘅湯底，唔係hea做。😍 我哋分別點咗千之海鮮拉麵同櫻花蝦叉燒拉麵，湯底味道濃郁但唔會太鹹，海鮮同叉燒都好新鮮有咬口，麵條煙韌，質感一流。🍜🦐再嚟就係日式雜錦燒餅，口感香脆，餡料味道豐富。牛舌燒得啱啱好，軟腍多汁，真係好味！🥩海膽軍艦亦都唔錯，鮮甜無腥味。特上刺身拼盤嘅魚生種類多，切片厚度啱啱好，食材非常新鮮。最後一定要試嘅就係焦糖鵝肝壽司，鵝肝香滑，配埋焦糖嘅微甜，口感真係好滿足。🍣另外，唔好錯過芝士鰻魚玉子燒同牛油帶子雜菇，兩樣都係必試之選。芝士鰻魚玉子燒香濃滑溜，帶子雜菇用牛油煮得香噴噴，味道豐富。🧀🐟🍄總括嚟講，千之味•居食屋嘅食物好味，環境舒服，下次一定要再嚟試吓其他美食！

ིོ千之海鮮拉麵$88拉麵絕對襯得起個名，大蝦、帶子全部有齊，仲有成堆櫻花蝦，睇片都見到全部好新鮮。如果科技發展到可以腥味比你地聞就好，因為呢碗一上枱就勁香蝦味，個湯底係爆濃，應該香港冇咁濃嘅拉麵湯底。烏冬都好彈牙。ིོ櫻花蝦叉燒拉麵$68->58減價野一定要試下！估唔到湯底都濃，叉燒都做到一口化，拉麵都掛湯。唯一壞處係咩都好多又大份，個匙羹裝唔到曬湯、麵同餸🥲ིོ間八魚刺身$148話就話薄切，但其實食落都好有口感。第一次食呢隻魚，好得意，點個好淡嘅醬汁都好好味，自己一個人清左成12片😂ིོ刺身拼盤$218呢個價錢有埋海膽，唔叫真係唔得。一樣地都好大份，香港平時食海膽都好易腥，但呢到就挺身，仲有帶少少甜。三文魚勁厚切，細食嘅話其實食下啲魚生都夠飽。小店咁嘅質素超滿意！平時真係唔點黎呢頭，估唔到食野都唔算貴同高質。出左story，大家講先知元朗都有，下次可以去元朗試😋🦌🐿️📍千之味海鮮刺身專門店 @sushi_klb_2025地址：九龍灣常悅道21號Eastmark 1樓5號舖營業時間：上就1030-夜晚1030人均：HKD200評分：9.8/10

睇戲前當然要醫下肚，係Eastmark都有唔少餐廳選擇，性價比好高🫶🏻今次我哋去左千之味，超鮮味，抵食之選😋大推！拉麵🍜最抵食優惠🫶🏻🌟海老濃湯叉燒櫻花蝦拉麵/烏冬 $58超足料拉麵，誠意滿滿。用鮮蝦熬製而成的蝦湯，濃郁香甜，入口順滑，配埋爽口彈牙拉麵，口感十足。好正。優惠期到3月31日，要試就快啲去啦👍🏻刺身壽司🍣 極上刺身拼盤 賣相好精緻，重點係厚身又新鮮！價錢好親民，先$218，呢個價錢真係冇嘢挑剔。小食🥟🌟日式煎薄餅🌟鵝肝壽司🌟芝士鰻魚玉子燒水準唔錯👍🏻，鵝肝外脆內軟十分香口，入口即化，值得encore。熱辣辣的玉子燒口感綿密滑嫩，芝士濃郁香滑仲可以拉絲，香甜可口。總體水準高，味道正宗，價錢好實惠，壽司刺身拉麵小食樣樣齊，食多幾件都唔肉赤，值得再嚟。

今日九龍灣舊同事約食晚飯！去左Eastmark 1樓有好多美食店舖，我們選了"千之味日本料理"我們點了極上刺身拼盤$218火炙左口魚$28火炙芝士鰻魚$22火炙芝士帶子$40火炙三文魚腩$28火炙芝士三文魚$12千之味海鮮拉麵$88任何拉麵$88加$1鵝肝壽司串燒牛舌1串$25海膽軍艦$18芝士鰻魚玉子燒$88北寄貝壽司$9總結：材料新鮮，味道不錯，價錢公道，地點方便。特別推介玉子鰻魚燒。玉子鰻魚燒，玉子香甜厚厚的芝士包住玉子玉子包住鰻魚甜甜又好味。拉麵大大碗確抵食，自家製湯底清甜。刺身拼盤賣相靚，材料新鮮味甜。

新鮮嘅刺身壽司專門店！串燒炸物都即叫即做！款式又多！每樣食一次都飽到上心口！平時食嘅時候都就住就住，而家係放題就係咁食唔好蝕🤭食咗幾多海膽，鮮甜美味🤤拖羅好肥又油香！不過壽司就飯好多😅串燒牛脷豬腩肉同鱔最正！飲品有好多款，有韓國，台灣同香港既飲品，大把有得揀！QR Code落單，店員上菜和收碟速度都好快，唔會上菜時放低就走，會好好搵位置先放好，收碟時又會先詢問先收走碗碟或者飲品嘅罐！座位好寬敞，坐得舒服，而枱就算叫到一枱都嘢食都唔會無位放👍🏻👍🏻

新開嗰時印象中最平既雙色三文魚丼賣$55係幾抵食，之後加到$68都算，但再到依家加到$78都只係兩年既事服務都差咗，以前電話12.55落order13.05到比錢就有得拎，依家係根本落去比完錢先整比你，買埋今次唔會再食

好耐未試過打9、10號風🌪️了，以前打8號風球，我諗有9成食店都關門，都啱嘅，老闆都要保障員工嘅安全，但近年生意難做，到今時今日，只要掛8號都仲有良心小店開門。千之味就係其中一間，5點左右，9號風球剛落，掛8號，尼間小店已經開咗門👍🏻👍🏻👍🏻，相信佢地一早已計劃開舖營業，但員工們笑容服務態度不減，非常感謝👏🏻👏🏻👏🏻。我地叫了2款定食，咖哩炸豬排飯🍛，咖哩係日式，唔辣少少甜，豬排好軟熟，炸粉好香唔油。另1款係餃子🥟烏冬，湯清甜淡淡的，餃子好香，另加了$20追加炸蠔，抵食。🍴千之味地址⛩️: 九龍灣常悅道21號The Eastmark 1樓5號舖

來9龍灣做野都差晤多4個月，對於附近林林種種架鋪要都試得7788。最最最令我覺得抵食又好味架就一定數到呢一間日本餐廳!! !前前後後我都幫襯左呢間餐廳差晤多6次lunch，依然覺得佢價錢植之合理之外，味道直頭可以拍得上中高價位架餐廳 😊 😊今日Lunch 我依然係選擇關襯佢~今日叫左佢個火灸丼，晤使加1，包埋可以揀湯或者汽水，埋單都係$75~ 實在都係想講句真人好抵食errrrrr!!!成個火灸丼包括左2大隻超大隻架甜蝦，2片左口魚，2大塊三文魚仲有玉子，以我一個都算大食架女仔來講都好足夠~~值得一提架就係上次來幫襯架時間，收銀送左1大pack coupons 俾我，入面有晤同種類架折扣，今日我就用左張免費架厚身玉子燒@@Happy Friday happy lunch!, 星期五再加埋食左心心掛掛架火灸丼，真係可以完美咁放星期6日了 佢除左響9龍灣，仲有其他分店，大家如果經開佢地，不防真係入去試一試!!! #hkfoodie#Hkgirl#eatingwithneyneyb#delicious#HK#852#food#日本野#yum--------------------------

每次食千之味都係到會，一個合理價錢就可以免費送貨真係好抵✅九龍灣分店位於The Eastmark，穿過德福就到啦～ 平日14:00人流唔算好多，幾清靜，堂食區係開放式，空間感大。落單用QR Code，唔識整問職員都會回答幫手，最後喺芸芸嘅餐單裡需揀左「迷你三文魚粒粒海膽丼」，睇相⬇️會發現好豐富大滿足💕想有大滿足嘅感覺就去千之味啦～📸門口一睇就知點解我咁中意叫千之到會，因為$300就送貨了🥰📸迷你三文魚粒粒海膽丼（連壽司🍣、汽水/紙包飲品）+$8再有沙律、刺身好值！📸個碗睇落好細，但係所有嘢夾埋份量真係好多😆味道正常都新鮮📸另外每個套餐可以再加1款小食，加咗$20餃子一份（3件）有少少燶📸同行朋友加咗個刺身拼盤，裏面隻牡丹蝦條數長起碼30 cm🤣

一到假期，我地一定都會來九龍灣食飯，今次來到千之味醫肚，貪呢度環境好舒適，服務員細心，重要係平靚正！火炙壽司套餐（10件）有三文魚，左口魚，熟蝦、鰻魚、帶子、及時令魚等等，10件厚身壽司，件件都鮮甜美味，尤其左口魚肥美，入口即溶，帶子鮮甜，入口即化。炸餃子手打烏冬配辣味雞翼餃子餡料豐富，吃起來非常鮮美，外皮炸得很酥脆。整道菜色的味道非常清新，雞翼香脆惹味，配上手打烏冬，有嚼口彈牙，非常好吃，讓人食指大動的佳餚。咖哩吉列豬扒丼配吉列炸蝦豬扒很嫩滑，配上味道香濃的咖喱醬汁，非常美味。咖喱醬汁的口感非常豐富，非常之香口惹味。吉列炸蝦份量十足，真材實料，炸得很酥脆，肉質鮮嫩，配上脆口的外皮，吃起來非常爽口。飲品仲可以自己到冰櫃揀，選擇多，屋企人食得開心🥳，非常之滿足美味嘅一餐，令人回味，下次再嚟幫襯過😋。

朋友食過呢間千之味唔錯, 今日放工後同我黎食, 見唔少食客都會點套餐, 選擇好多, 價錢都係幾十蚊，相當抵食。不過我地就想食唔同嘅, 所以我地都係單點。除左壽司及卷物外, 我地都點左幾樣小食，整體都唔錯抵食。本鮪中拖壽司(2件) $75特大赤蝦壽司(2件) $34海膽軍艦(2件) $48火炙左口魚邊壽司(2件) $56油甘魚壽司 (2件) $35劍魚腩壽司 2件 $28辣味三文魚卷(4件) $50辣味芝士軟殼蟹卷(4件) $58芝士炸蝦卷(4件) $48鹽燒鯖魚(1條) $58芝麻雞翼 $38