影片
营业时间
今日营业
11:30 - 21:30
星期一至日
11:30 - 21:30
以上资料只供参考，请与餐厅确认详情
相关文章
每次叫外卖寿司总会叫呢间分店多 满$300可送货 每次都有冰块同保温袋装住送到楼下 方便又好食版火炙系列有火炙三文鱼 芝士三文鱼 左口鱼边 鳗鱼 虾 咁多款入面左口鱼最好食!!! 入口即溶 好高质!!
继续阅读
有唔同种类嘅寿司拼盘，仲有各式各样嘅丼饭，日本料理等等，而且价钱都非常合理，佢嘅种类真系好多，令到我同个friend都花多眼乱，最后我哋拣咗两个丼饭、一个寿司拼盘同埋几款寿司仲有一个日式饺子，嘢饮方面，就拣咗两罐零脂肪零卡路里零糖嘅汽水，首先讲吓𠮶两个丼饭，我𠮶个五色丼饭，入边有三款鱼嘅刺身，一只大赤虾同埋三文鱼子，佢嘅吞拿鱼刺身非常新鲜，加埋𠮶只大赤虾，非常甜，又大只，份量亦唔细，食完又好味又饱，寿司方面，我最钟意就系佢个海胆军舰同埋赤贝寿司，海胆新鲜有海水味而且非常之甜，赤贝颜色鲜明，就知道佢用料新鲜，个寿司拼盘，有赤身吞拿鱼刺身寿司、吞拿鱼蓉军舰、鱼子寿司、两款虾寿司同埋芥辣八爪鱼军舰，一个拼盘满足晒咁多个愿望，非常正，整体而言，我觉得外卖寿司有呢啲质素，实在非常难得，要经过依间嘢大家不妨入去买下外卖，会令你有意外惊喜。
继续阅读
外卖寿司一定要叫呢间千之味，分店愈开愈多，而且每次外卖都有冰块同保温袋送，好细心，行耐啲都唔怕，必点既紧系我最中意食既火炙系列，火炙黑椒三文鱼寿司同火炙左口鱼边寿司超正呀，左口鱼烧完入口即融，个种鱼油香简直无得顶，海胆军舰，餐厅选用加拿大海胆，味道浓郁而且质感较厚实，最钟意佢齿颊留香既海胆味，软壳蟹手卷都要大赞，即叫即炸既软壳蟹，好多蟹膏咸咸地，加埋蟹子沙律酱，好好食，外脆内软，我哋另外再叫左千之人气寿司拼盘D，五色丼，吞拿鱼蓉饭，炸饺子等等，全部都好好食，材料又新鲜，炸饺子十分juicy，外皮香脆，搭配饺子汁一流，大大力赞呀！大家快啲一齐去支持下高质小店！😋😋
继续阅读
今日去咗朋友屋企，上去之前见到长沙湾都有千之味既分店，就买咗外卖寿司同定食上去食，发现佢每间嘅分店都好有水准，有时分店嘅水准都好有参差，但千之味每间嘅分店都好有质素。每日五点前落order都系计午餐价钱，比晚餐更抵食😆😆照烧鸡扒定食呢个定食嘅份量好大份，好抵食。照烧鸡扒烧得好香，鸡肉都好嫩滑，一啲雪味都冇，饭好食，好软熟辣味螺肉呢个螺肉好爽口，辣度啱啱好，唔会太辣，系适合香港人嘅口味蟹柳小卷今次试埋个蟹柳小卷，蟹柳同饭嘅比例啱啱好，饭够软熟👍🏼
继续阅读
今日朋友生日，想搞搞新意，唔想成日都食生日蛋糕咁闷。于是系网上揾到「寿司蛋糕」，好特别，同埋见到好靓，加上又中意食三文鱼刺身，所以订左个5吋既size黎试下先，5吋size系1-2人份量。落到铺头，原来呢间千之味只有外卖，无堂食，厨房算干净企理，食鱼生最紧要系新鲜干净，咁先食得放心。而呢间同我之前食过深水埗果间既餐牌有少少唔同，好彩我住附近，以后又多一间外卖既选择噜～蛋糕B(5吋)(1-2人）$268火炙三文鱼腩寿司(2件）$29一拎起个蛋糕，好重手，一拎都已经感觉到有啲份量。返到去一打开，哗左一声，个寿司蛋糕好靓，真系成个蛋糕咁，我朋友仔好中意，成个蛋糕面都俾三文鱼刺身包住，蛋糕顶仲有唔同刺身卷成花状做点缀，有吞拿鱼、油甘鱼、仲有好多鱼子，好丰富，正系个卖相一出场已经无得输👍🏻当切开既时候，竟然有惊喜，我原本以为入面既饭系普通寿司白饭，但原来唔系，佢既饭捞埋左蛋粒同埋蟹子，感觉好似食紧炒饭咁～另外，仲买左两件火炙三文鱼腩寿司，因为上次买过好食，今次都想食，两间分店既出品无咩大分别～下次有朋友生日，大家可以试下呢款寿司蛋糕，有新意之余，仲可以疯狂影相打卡😆呢间寿司店真系抵食，性价比都高，较平民价，值得推荐👍🏻
继续阅读